Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

الشاعرة الساخره ايمان بكرى

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الشاعرة الساخره ايمان بكرى

    ايمان بكرى هى شاعره عاميه و هى ايضا مدرسه لغه عربيه فى احدى المدارس الثانويه فى مصر
    اشتهرت ايمان بكرى فى الاون الاخيره فقط مع ان لها قصائد منذ سنوات عديده و من احدى اسباب اشتهارها بين الناس هو استضافه الاعلامى عمرو اديب لها فى برنامج القاهره اليوم لاكثر من مره
    و ايمان بكرى تعتبر ثانى اقوى شعراء العاميه بعد عم احمد فؤاد نجم
    و اشتهرت ايمان بكرى بشعرها السياسى الساخر المكتوب بالغه العاميه و من اشهر اعمالها قصيده ولا حاجه و هى تعتبر اول قصيده لها تنتشر بين الجمهور و لها قصيده واحده فصحه

    و من اشهر اعمالها :

    ولا حاجه

    مانيش عايزة خلاص حاجة
    ولا محتاجة انا لحاجة
    ولو عايزة صحيح حاجة
    مخليتوليش ولا حاجة

    عموماً بصوا فيه حاجة
    هقولها بس محتاجة لعقول تفهم
    ولو حاجة
    مهيش مفهومة او حاجة
    نفسرها بكام حاجة
    نوضحها بكام حاجة
    وأهى حاجة مع حاجة
    هتظهر وتبان لنا حاجة

    وانا ما بخفش من حاجة
    مانيش مسنودة ولا حاجة
    لكن ما بخفش من حاجة
    لكن فرضاً لو هقول حاجة
    هيحصل إيه ؟؟؟ ولا حاجة
    هيعملوا إية ؟؟ ولا حاجة

    و بعد الشر بعد الشر لو واحد من القاعدين
    من السامعين من الضالين
    فِهِم حاجة هَيعملوا إيه ؟؟؟؟
    اكيد برضُه ولا حاجة

    فنتوكل على الستار لوجه الله نقول حاجة

    فيه ناس بتعيش علشان حاجة
    وناس بتموت علشان حاجة
    وناس بتموت على الحاجة

    وناس تديلك الحاجة
    وتبقى ليها محتاجة
    وناس تديلك الحاجة
    و تاخد ادامها ميت حاجة

    وناس تكبر تكون حاجة
    و ناس تصغر علشان حاجة

    وناس منظر ومش حاجة
    وتلقاه كبيرحرس ونفير عليه منظر
    وهو جبان وشيخ منصر
    ولا يبـنش عليه حاجة

    كلامى يا خلق فيه حاجة؟
    لحد دلوقتى فيه حاجه؟

    كلام عادى وبسيط جداً ولا فِهشِ ولا حاجة
    ما انا ما أقدرش أقول حاجة
    صحيح نفسى أقول حاجة وميت حاجة
    لكن مش قادرة اقول حاجة

    لأنى لو هقول حاجة
    هييجى ناس بتوع حاجة
    وياخدونى ورا الحاجة

    وهو لو سمع حاجة
    هيعملوهالى ميت حاجة

    عموما بصو لو واحد من القاعدين
    عاوزنى أبلغه بحاجة
    يقول مايخفش من حاجة

    نعم فيه إيه؟
    لالالالالأ مافيش سرقه
    ولا تهليب ولا تهريب ولا حاجة

    وبتقول إيه
    مصمصوا إيه؟ وخصخصوا إيه؟
    ده كله كلام مفيش حاجه

    قضية إيه؟
    ياشيخ روح خلاص مافيش حاجه

    حرامى إيه ؟ ولَكّح إيه؟وهرب إيه؟
    شــفـافـيـه ومافيش حاجة

    وبتقول إيه؟لالالآلأ عـــيب
    لافيه تدليسولاترقيص
    ولا تدبيس ولا حاجه

    سمع مع هووووس
    انا حاسسة انه فيه حاجة

    دقيقة سكات لَتبقى حداد
    انا حاسسه انه فيه حاجة

    زمنكوا ياخلق فيه حاجة
    ولازموا كام وميت حاجة
    ده لو يعنى إذا كان فيه حاجة
    انا عن نفسى مش حاسسة ولا بحاجة
    ولا متضايقة ولا حاجة

    سعادتك برضه مش زيـى مافيش حاجة ؟
    أهـه بيقول مافيش حاجة

    جنابك برضه مش زَيـىِ وعلشان زيي مافيش حاجة
    أهـه بيضحك بيقول مافيش حاجة

    ما أنا قولتلكو من الأول مافيش حاجة

    عليا النعمه يا اخوانا مافيه حاجة
    ورحمة ابويا ويا أبوك على إللّى جابوك ما فيه حاجه

    وعهد الله . وعهد الله. وعهد الله
    ما خللولنا ولا حاجه

    بقلك ايه خلاص خلص و فركش
    يلا يا اخونا مفيش حاجه


    ----------------------------------------------------------------------

    البغبغان


    آخر بيان للبغبغان اللي ف بلاد العم سامكان بهبهون مافهمناهوش

    بعبع وقال بُقين كلام والمعني إيهماعرفناهوش

    معقول يكون البغبغان اللي تبغبغ من زمان صماويل جنابهاتلخلخوا

    طول عمره سايق في الجنان والعقل عامل شقلبان قام جاب له أورطةيمغمغوا

    عملوا وطن من غير بيبان اتملكوا فيه الغيلان

    ووطن جعان ازاي ينام والطمعجية ف خيره ناموا وأنتخوا

    والبغبغان يكره يموت يسمع سكوت المخروسين

    إن قلت بم قفاك يرن عليه أيادي المحروسين

    بيجرجروك أنت و ذووك زي الخروف ويسمعوك يادي الكسوف لستة كلام !! ماأبوخه

    والبغبغان اللي تبغبغ كل من قرب حداه اتبغبغوا

    جوم طرمخوا ع الطرمخان واللي يطرمخ يبسطه و ينغنغو

    وف مجلس البغابيغ بنلقي البغبغان قاعد يبغبغ بالكلام يضحك وهما يسخسخوا

    ماتقلش يعني البغبغان اللي ف بلاد الألعبان هوا اللي كان بيزغزغو

    إلهي يهدي البغبغان واللي تبغبغ يوم معاه تقصف رقبته و دغدغو

    وإلهي يوم المعمعان ألقاه هناك وكتير معاه م البغابيغ اللي افتروا يوم أو بغوا

    ياخلق لأو اللأه قوموا اتلحلحوا

    شوفوا الكلاب !! حتي الكلاب لو شافوا يوم واحد حرامي بينبحوا

    وانتو اللي مسروق عمركم

    وانتوا اللي ضايع حلمكم

    ولا حتي يوم تتلحلحوا

    ونصيحتي ليكم تروحوا

    سبحانه من حكم عليكو البغبغان

    تستاهلو ميت مليون كمان

    وان شفتم مرة بغابيغ جايين عشان يبغبغوكم

    اتبغبغوا

    اتبغبغوا

    --------------------------------------------------------------------------------------------------

    دستور يا أسيادنا

    دستور يا اخوانا يا بعدا

    لأ سوري دستور م البعدا

    محبوس حابس يا سيادنا

    و بكاكي من فوق مدنة

    و ورايا ديوك بيكاكو

    حرصوا عالباقي معاكو

    بركة مولانا هولاكو

    حلت و علينا اللعنة

    طرطور طرطر طراطير

    بيغروا فالدساتير

    و لا عاد فالحتة كبير

    و يا وارث تورث مين

    ما الورث إتباع و إتبعنا

    نرجع تاني لموضوعنا

    و بيان لديار الإفتا

    من جمهورية زفتا

    لعبو و عملوها إستفتا

    صوت ياللي سامعنا

    و قوللي ملك ولا كتابة

    أسد شبل ف الغابة

    و احلف وحياة راس بابا

    زفة فمولد كدابة

    و الله يجازي اللي خدعنا

    للجوكر ألف تحية

    ملعون خاش الحرية

    يحيا قانون العبودية

    و القوانين الوضعية

    و الحكومات الشمولية

    لها مني ألف تحية

    وحياة أمي دي رجعية

    و لو صوتنا و جعجعنا

    واحد ولافيش غير هوه

    قاعد متربع جوة

    و بكيفك أو بالقوة

    لو سوبر مان و فتوة

    روح قله بقى يودعنا

    عصابات شغل فتوات

    و إستعباط على حركات

    و السقا أبوه لو مات

    حيقوم يسقي الشربات

    و يكمل على مواجعنا

    مزيكة و تراباتتو

    و نفديك بالدم.. إفدوه

    بس إحنا و رحمة أبوه

    مين ده اللي حيلوي دراعنا

    روح هاتلي لمون بالصودا

    انا حاسة بريحة شوطة

    حيصعدوا فصل الروضة

    و الورث حيصبح موضة

    لم الجدعان و اتبعنا

    على قهوة ساقية مكي

    نصرخ نلطم و حنبكي

    ده ناويها و بيتكتكلي

    قبل ما حتى يودعنا

    ظقططوا يا عيال قولوا هيه

    الحكم صبح تيك أواي

    لو عايز قول أوكيه

    و لو رافض قول أوكيه

    في كلا الحالتين نوو واي

    غير كودية و زار ينفعنا

    لأنا عايزة بخور م الجاوي

    و حمار أرمل و حصاوي

    و دراع برغوت مش غاوي

    تنطيط عفريت و مخاوي

    شلة مقاطيع يقطعنا

    حابس من شر الكرسي

    من شر عزيزة و مرسي

    من قرص النمل الفارسي

    م الأحياء و الأموات

    من كايرو إلى بغداد

    أشتات أشتوت أشتات

    حرصوا من لعب السيكا

    م الحكشة و م البولوتيكا

    و لا تشمت يوما فيكا

    مارشيل بنت أم ماريكا

    قول حاجة الله يهديكا

    و ادعي معايا يخليكا

    حلوا بقى عن أوجاعنا

    و انصرفوا عليكوا اللعنة

    انصرفوا عليكوا اللعنة
    http://www.youtube.com/watch?v=Y2AJI2B2N58
    http://www.youtube.com/watch?v=sl5jN6kzBpI

    اغلب القصائد دى للاسف مصوره من الجمهور و بعضها ماخوذ من برنامج القاهره اليوم
    و هناك فى يوتيوب الكثير من قصائدها فقط اكتب فى البحث ايمان بكرى تظهر كل اعمالها
    التعديل الأخير تم بواسطة 3D_PLAYER; 16 / 07 / 2009, 11:12 PM. سبب آخر: كتابه القصائد و حذف بعض الفيديوهات عشان وجع الدماغ
    بسم الله الرحمن الرحيم
    (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
    صدق الله العظيم
    اللهم ارحم امى و عافها و اعف عنها و اكرم نزلها و وسع مدخلها

  • #2
    قصيده العدل و الخجل

    جريمتنا هُويتنا وفينا الجرح يرتحلُ
    ولا ندري لنا رشدا وقد ضاقت بنا السبلُ
    يطارد ظلنا الداء وتجثم فوقنا العلل
    جريمتنا لنا حلم علي الطرقات منسحِلُ
    لنا حق بأن نحيا ونور الحق معتقلُ
    ومحتلون في دمنا علي أشلائنا احتفلوا
    علي أجفاننا ناموا وتحت جلودنا انسلوا
    مع أشباحهم عبروا حدود الروح فاحتلوا
    وســــفاح يطاردنـــا يقيـــم الحد يستل
    يصادر لون بشرتنا يحاصر دمع من صلوا
    مطالبنا لنا حلم … لنا أرض… لنا أمل
    نريد لحلمنا وطنا ، فهل أحلامنا خلل
    هنا في ساحة الأقصي لنا خل لنا أهل
    لنا صلوات أضلعنا وأدمعنا لها ظل
    لنا زيتونة تبكي يعانق جرحَها الطللُ
    وساقية ودالية … لنا موالنا … الليل
    ووجه نخيلنا الدامي يقبل نزف من قتلوا
    لنا ثقب من الجرح ترشف نبضَه الرملُ
    ومنديل من الحزن علي أكتاف من صلوا
    وأم ملء عينيها تصاوير لمن رحلوا
    لنا مهد من القلق وزاوية لها مقل
    وأعمدة من الصمت وطفل عزمه جبل
    تفاصيل ستذكرنا إلي أن ينتهي الأجل
    تراب القدس قدسي سيشهد أننا الأهل
    زرعنا أرضنا صبرا ففاض الصبر والكيل
    لنا خمسون نأتكل علي عصف وهم أكلوا
    وفينا الليل يستشري فكيف سيهتدي الأمل
    وبعض أمورنا خبل وكل أمورنا هزل
    مصيبتنا مقاليد إلي الغلمان تنتقل
    عمادُ رشادِهم حيل ووجه عروشهم دجل
    مشينا خلفهم دهرا وقلنا علنا نصل
    علي أكتافنا مالت هوادجهم ولم يصلوا
    وشاب غرابُ طالعهم ومازلنا وما وصلوا
    وجعجعة بلا طحن وأقوال ولا فعل
    وأخماس وأسداس وما عزموا وما ارتحلوا
    أساءوا الرعي فاستسقوا وما ضاقت بهم حيل
    إذا ما استشعروا شررا أصاب ثيابهم بللُ
    وأحكام مغربلة وأدمغة ولا عقل
    فهل للحق أبواقٌ وهل يجدي لنا قول
    وهل ولّي أبو جهل لنصبحَ كلنا جهل
    دماء صغارنا اعتصرت وفي التلفاز نحتفل
    عظامهم هنا طُحنت بجرم ماله مثلُ
    وأعين فجرنا اقتلعت وقَرَّ الآثمُ الندلُ
    فكان الحكم بالنفي لمن بقيت له مُقـلُ
    وأسلحة مجنزرة ومجزرة ومختلُ
    ومنذهلٌ … ومحتشدٌ … ومنبطحٌ … ومحتفلُ
    وأضلاع لنا فرت بوجه بارد ولوا
    قلوبهم هنا معنا سلاحهم لمن قتََلوا
    وبعض الخلق أتباع وأعداء بما جهلوا
    وكل الناس أعوان لمن فجروا وما خجِلوا
    فأين نلوذ مولانا وما المطلوب؟ ما الحلُّ؟
    ندير ظهورنا خزيا نقبل نعْل من ركلوا
    نقدم لحمنا هدْيا نبارك هضم ما أكلوا
    ونرشف سمهم طوعا علي الترياق نتكل
    ونملأ صدرَنا صمتا إلي أن ينطق الجملُ
    يمين الله لاذلٌ ولا خوفٌ ولا وجلُ
    إذا لم يستقم عود فلا عود ولا ظلُ
    ولا رأي لمن يعصي ولا حكمٌ لمن زلوا
    فمن لا يركب الأهوال لا يصبو له أملُ
    ومن لا سيف يحميه سيسحق ظلَّه الذلُ
    ومن تسبي له أرضٌ وأعراضٌ ويحتملُ
    فبسم الله نرفعها علي من ليس يمتثلُ
    وبسم الله نطلقها محررة ونتكلُ
    فلا سلمٌ ولا عهدٌ ولا رقصٌ ولا حجلُ
    سنشعل حولهم نارا ونفعل مثلما فعلوا
    أدمع عيونهم خمرٌ ودمع عيوننا خلُ
    أملءُ عروقنا ماءٌ وملء عروقهم عسلُ
    وهل أطفالنا جيفٌ وهل أطفالهم رسلُ
    نريد العدل في زمن أصاب ضميرَه الشلل
    فأين ُصلبت يا عدلُ؟ وأين نُفيت يا خجل
    معاهدة مفخخة ويشرب نخبَها الكل
    مؤامرة مدبرة وأحكم غلقَها الفذل
    وأول غيثها ديفي وشر ختامها أوسلو
    ومأساةٌ وملهاةٌ وأذنابٌ لها ذيل
    وهذا محور الشر وذا أفعي وذا حملُ
    وأدوار موزعة علي الأصنام والحفلُ
    سننقله مباشرة علي الأشهاد فاتصلوا
    هنا زنزانة العصر وخط القهر متصلُ
    هواتفكم مراقبةٌ جوائزنا لمن يصلُ
    لأوصافٍ لهاجرحٌ ومقبرةٍ بها بطلُ
    بسم الله الرحمن الرحيم
    (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
    صدق الله العظيم
    اللهم ارحم امى و عافها و اعف عنها و اكرم نزلها و وسع مدخلها

    تعليق


    • #3
      الجبن و سنينه

      الجبن و سنينه

      العقل لما اتسجن
      جوه فى زنازينه
      فرد قلوعه الخوف
      وفرض قوانينه
      ولا كل مين خاف سلم
      من نصل سكينه
      ده الظلم لو يوم حكم
      عللى مهاودينه
      الحلم يبقى سراب
      وتوه عناوينه
      والحق يصبح أمل
      ف عيون محبينه
      والفرد يبقى صنم
      مكتوب على جبينه
      يبلع سكوته مرار
      يشرب دموع عينه
      ده لكل فاجر ظلم
      أتباع مطاوعينه
      حايس مع متعوس
      قدم قرابينه
      من نبض حلم انفجر
      جوه ف شراينه
      وده طبع فينا اتولد
      م اللى احنا شايفينه
      نبكى على اللى انكتب
      واحنا اللى كاتبينه
      تايهين فى دنيا البدع
      والمولى ناسينه
      عينى عليك يا جدع
      فين الخلاص فينه
      داير يقول للبيع
      والكل بايعينه
      وينادى جاى ياهووه
      ولا حد حيعينه
      وقالوا زمان ف المثل
      واظن فاكرينه
      العجل لو يوم وقع
      تكتر سكاكينه
      يخرب زمان الخوف
      والجبن وسنينه

      بسم الله الرحمن الرحيم
      (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
      صدق الله العظيم
      اللهم ارحم امى و عافها و اعف عنها و اكرم نزلها و وسع مدخلها

      تعليق


      • #4
        الفاتحه للحكام

        الفاتحه للحكام
        حكم علينا الزمن

        بالفرض والمحتمل

        وبصرخة من غير صوت

        وبموته من غير ثمن

        قلبى قزاز مكسور

        فتافيت آهات مبدور

        على فجر من غير نور

        والعيشه لا تحتمل

        ألفين مدد يا ولاد

        كان فيه ما بينا معاد

        سرقوا المون والزاد

        وزوقولنا الكفن

        حفنه تراب ودموع

        وطريق مافيهش رجوع

        غير الندم والجوع

        وعدو لا يؤتمن

        يا مولفين على البكا

        والدموع يا ولداه

        رضع العذاب م الألم

        كبرت معانا الآه

        حفظت فصول المحن

        والجرح كان مفتوح

        لا عمره يوم اندمل

        ولا بالوجع مسموح

        مزنوقة فينا الروح

        ومقاوحه ما بتطلعش

        والحس فينا انعدم

        بنهزه ما بيسمعش

        بيسر سبولنا الهوا

        من تحت عقب الباب

        ويبيعوا للى اشترى

        والزفه للكداب

        كل ما نكبر سنه

        نرجع ورا ميه

        خايفين نعدى القنا

        والسكه مش هيه

        يا اخوانا نوبة أمل

        والفاتحة للحكام

        يسعد صباح العمى

        والغفله والتوهان

        ملعون يا عود الذره

        يا سنبلة يا كتاب

        يا ورق تاريخ انفرط

        يا شجرة اللبلاب

        مكسور يا سن القلم

        يا حبر .. دم .. رصاص

        نشفت دموع الألم

        شخبطنا فى الكراس

        يلى دفعت التمن

        آن الحصاد والجرد

        أديت فروض الوطن

        والسنه ويا الفرض

        مسجون لسابع سما

        مدفون لسابع أرض

        يلى عشقت الغنا

        لأجل الوطن والعرض
        بسم الله الرحمن الرحيم
        (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
        صدق الله العظيم
        اللهم ارحم امى و عافها و اعف عنها و اكرم نزلها و وسع مدخلها

        تعليق


        • #5
          وانتو اللي مسروق عمركم

          وانتوا اللي ضايع حلمكم
          حسستني بأني في أول أيامي ومافيش أمل

          أخي الكريم 3d_player شكلك من مؤيدي هذه القصائد ............ بس جامده جدا
          تسلم الأيادي

          تعليق


          • #6
            المشاركة الأصلية بواسطة houdhxp مشاهدة المشاركة
            حسستني بأني في أول أيامي ومافيش أمل

            أخي الكريم 3d_player شكلك من مؤيدي هذه القصائد ............ بس جامده جدا
            تسلم الأيادي
            هذه هى المشكله انه سرق من شعوبنا الامل و العمر ليس المال و البلد فقط

            و اكيد جامده الشاعره ايمان بكرى هى من اهم الشعراء فى مصر انا كنت واضع لها فيديوهات لاشهر قصائدها التى قالتها فى قاعه طه حسين فى احدى مسابقات الشعر لكن منعا للقيل و القال مسحتهم مع ان قصائدها تسمع افضل من قراتها
            المهم ان هذه الشاعره غيرت من منظومه الشعر العامى من شعر مسف به سب و شتائم الى شعر عامى به هدف فى شكل غير مسف و غير مبالغ
            بسم الله الرحمن الرحيم
            (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
            صدق الله العظيم
            اللهم ارحم امى و عافها و اعف عنها و اكرم نزلها و وسع مدخلها

            تعليق


            • #7
              مع ان قصائدها تسمع افضل من قراتها
              أتفق معك ..................
              الشعر العامى من شعر مسف به سب و شتائم
              معظم أغاني المغنيين الشباب دلوقتي .......

              تعليق


              • #8
                المشاركة الأصلية بواسطة houdhxp مشاهدة المشاركة
                أتفق معك ..................
                ممكن اذا كنت تريد سماع باقى قصائدها بان تبحث عنها فى يوتيوب باسم ايمان بكرى
                و انصحك بان تسمع لها قصيده حاجه و قصيده الديك دا طور و قصيده ديمولوخيه فى نظرى هم من اقوى شعر السخريه

                المشاركة الأصلية بواسطة houdhxp مشاهدة المشاركة
                معظم أغاني المغنيين الشباب دلوقتي .......
                اظن ان هانى شاكر كان يريد ان ياخذى احدى قصائده لكى يغنيها لكن لا اعلم انتهى الامر على ماذا
                بسم الله الرحمن الرحيم
                (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
                صدق الله العظيم
                اللهم ارحم امى و عافها و اعف عنها و اكرم نزلها و وسع مدخلها

                تعليق


                • #9
                  جميل .. شكرا لك
                  لا إله إلا الله محمد رسول الله

                  DreamPaint Flickr
                  MY DeviantArt
                  TUNISIA ---->████████████████ : 100% done

                  EGYPT ------>████████████████ : 100% done

                  LIBYA ------->██████████░░░░░░ : in progress

                  ALGERIA ---->████░░░░░░░░░░░░ : in progress

                  YEMEN ------>██████░░░░░░░░░░ : in progress


                  PALESTINE ->░░░░░░░░░░░░░░░░ : The Next Project



                  تعليق


                  • #10
                    كلنا بنحبك يا حمار


                    بيقولوا في مطرب مكار...بيغني بحبك يا حمار
                    الواد ده وصولي وكداب..ومنافق وكمان نعار
                    وإشمعنى لوحده اللي يحبك...كلنا بنحبك يا حمار
                    ده لأنك فعلا متفاهم... ومبرطع فينا ومش فاهم
                    وبتبعد عن أي تفاهم .. بعزيمة غبية وإصرار
                    العِشرة ما بينا ما بتهونشي..وإن هانت..برضو ما نقدرشي
                    محكمة العدل ما تحكمشي..وإن حكمت.. هتولع نار
                    مثلتوا علينا الثلاثية.. وبطولة وكانت جماعية
                    وعشان ما تكمل سداسية..عملتوا ألف حصار وحصار
                    وفي وسط ميدان الحرية..فيه شعلة مسكاها وليّة
                    متكنش دي ليزا المخفية..مدية إشارة إنذار
                    وعلى العموم أنا حبيتك
                    وإلهي يا بعيد يخرب بيتك
                    لو يوم هتشُك في إخلاصي..وتصدق ده من الأشرار
                    هو سؤال ومافيهش هزار....هو أنت يعني حمار يا حمار
                    علشان تصدق إن الفار.. ممكن يقول لأسد يا حمار
                    وبعاهدك والعهد أمانه..هتّنَّك على طول ويانا
                    حمورية أهلك عجبانا..يا واخدنا من الدار للنار
                    كل الحميره هنا عملت سين...واتفقت انك بغل عظيم
                    هيوزعوا شربات برسيم ...علي العربخاني وعلي الزوار
                    أنا مش حمّار هتخاف مني
                    مانا برضو حمار وأحمر منك
                    ما تنهق..قول أي حوار
                    بنقولك شيي..ما بتمشيشي....والحااا..بنقولها ما بتجيشي
                    ونقولك هيييسس...ما بتهيسش..ومكمل بينا المشوار
                    وعلشان كده إحنا إخترناك..وعلى حياتنا إستئمناك
                    ولا يوم هيجي يفرقنا...وهنفضل دايما وياك

                    يابنت بلدي



                    يابنت بلدي عيب ..لما اللجام هيسيب .. يسترخصوكي الناس

                    في بنطلون مزنوق .. وبلوزه شبر لفوق .. ولا حتى فـ الجمباز

                    عريتي تحت وفوق.. ولا عدش عندك زوق .. ولاحتى فيه احساس

                    لحم الخروف مدبوح ..بنجيبه بعد الروح .. ما تحصّــل الأنفاس

                    ولحمتك بالكوم .. دكان وطول اليوم ..مفتوح لأرخص ناس

                    يخرب زمنا زمان .. كأنه عُمر ما كان .. لالينا اصل ولا اساس

                    بسم الله الرحمن الرحيم
                    (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
                    صدق الله العظيم
                    اللهم ارحم امى و عافها و اعف عنها و اكرم نزلها و وسع مدخلها

                    تعليق


                    • #11
                      يابنت بلدي



                      يابنت بلدي عيب ..لما اللجام هيسيب .. يسترخصوكي الناس

                      في بنطلون مزنوق .. وبلوزه شبر لفوق .. ولا حتى فـ الجمباز

                      عريتي تحت وفوق.. ولا عدش عندك زوق .. ولاحتى فيه احساس

                      لحم الخروف مدبوح ..بنجيبه بعد الروح .. ما تحصّــل الأنفاس

                      ولحمتك بالكوم .. دكان وطول اليوم ..مفتوح لأرخص ناس

                      يخرب زمنا زمان .. كأنه عُمر ما كان .. لالينا اصل ولا اساس
                      رائعة

                      والله تصلح فكرة لتصميم دعوي ويوزع في الجامعات ... وفي الأسواق

                      جوزيت خيرا أخي الحبيب
                      سبحان الله وبحمده .. سبحان الله العظيم

                      لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

                      FACEBOOK

                      تعليق


                      • #12
                        موجود على youtube حلقات من برامج مختلفة وهى بتقولها بصوتها وطبعا احسن كتير من انك تقرأها

                        تعليق


                        • #13
                          المشاركة الأصلية بواسطة toxic15987 مشاهدة المشاركة
                          موجود على youtube حلقات من برامج مختلفة وهى بتقولها بصوتها وطبعا احسن كتير من انك تقرأها
                          طبعا هى ادائها فى القاء الشعر لا يوصف و لا يقل عن موهبتها فى كتابه الشعر
                          بسم الله الرحمن الرحيم
                          (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
                          صدق الله العظيم
                          اللهم ارحم امى و عافها و اعف عنها و اكرم نزلها و وسع مدخلها

                          تعليق


                          • #14
                            المشاركة الأصلية بواسطة aktoom مشاهدة المشاركة
                            رائعة

                            والله تصلح فكرة لتصميم دعوي ويوزع في الجامعات ... وفي الأسواق

                            جوزيت خيرا أخي الحبيب
                            انصحك تسمعها هتلاقيها احلى فى اللقاء من كتابتها و هتكون مؤثره اكثر لو هى مسموعه انا ارسلتها لوحده صديقه دراسه لى و قالت لى انها اتاثرت اوى بكلمه
                            لحم الخروف مدبوح ..بنجيبه بعد الروح .. ما تحصّــل الأنفاس

                            ولحمتك بالكوم .. دكان وطول اليوم ..مفتوح لأرخص ناس
                            مع انى كنت بعتها عادى لم يكن فى قصدى شئ بس جاب نتيجه و قالت لى انها بقه بتلبس واسع

                            استخدام ايمان بكرى لطبقات صوتها فى الشعر لا يوصف الصراحه لديها اداء مميز فى القاء الشعر مثل كتابته
                            بسم الله الرحمن الرحيم
                            (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
                            صدق الله العظيم
                            اللهم ارحم امى و عافها و اعف عنها و اكرم نزلها و وسع مدخلها

                            تعليق


                            • #15
                              مع الأسف لم أستطع قراءة معظمه , أكره الشعر الشعبي بجميع لهجاته

                              مصيبتنا مقاليد إلي الغلمان تنتقل
                              عمادُ رشادِهم حيل ووجه عروشهم دجل
                              مشينا خلفهم دهرا وقلنا علنا نصل
                              علي أكتافنا مالت هوادجهم ولم يصلوا
                              وشاب غرابُ طالعهم ومازلنا وما وصلوا
                              وجعجعة بلا طحن وأقوال ولا فعل
                              و لا زلنا نمشي وراءهم إلى الوراء

                              أكثر ما أعجبني من تلك القصيدة
                              قال نبينا صلى الله عليه و سلم (إن محقرات الذنوب،متى يؤخذ بها صاحبها تهلكه) رواه أحمد
                              /
                              "إن المؤمن يرى ذنوبه كأنه قاعد تحت جبل يخاف أن يقع عليه، وإن الفاجر يرى ذنوبه كذباب مر على أنفه فقال به هكذا " رواه البخاري من كلام ابن مسعود رضي الله عنه
                              /
                              روي عن ابن عباس رضي الله عنه أنه قال : " لا صغيرة مع الإصرار و لا كبيرة مع الإستغفار"

                              أستغفر الله العظيم

                              تعليق

                              يعمل...
                              X