ليه الحب ده كله بس ؟؟

[فلاشــــــــــاوي]

أنا بكتب الموضوع ده .. وانا في القطر مسافر البلد في مناسبة عائلية .. بضيع وقت يعني !! .. بس الكلام اللي فيه جد جدا وأنا أقصده
-------------------------------------------------------------


من شوية كان في موضوع ليوسف فلسطين بيتكلم فيه عن موضوع القدومي واتهام عباس ودحلان بتسميم عرفات ..

دخلت أنا بقلب أبيض ونية صافية وضفت رد .. وكان أول رد .. معرفش إذا كان في حد رد بعدي ولا لأ .. المهم برجع تاني يا خويا لقيت الموضوع مش موجود .. تبختر !!

قلت يمكن يكونوا نقلوه .. بس بعدين حسيت أنها فرضية غبية جدا .. موضوع ليوسف عن فلسطين هينقلوه فين يعني .. عرض ونقد ؟!! .. مش ممكن .. بحث في ردودي ملقتش الرد بتاعي .. فأستنتجت من ده - بعد ساعات من التفكير - أن الموضوع أتحذف .. عارف أني عبقري بلاش نظرات الإنبهار دي !!


قلت يمكن موضوع القدومي عامل حساسية في المنتدى أثناء فترة غيابي وانا معرفش .. بحثت في المنتدى لقيت في موضوعين .. واحد عن الحادثة الأخيرة وموجود ما اتحذفش كان كتبه أخونا خاااااالد khaliiid والجميل ان الموضوع التاني من خمس سنين ..كان اتكتب وقت موت عرفات .. ظريف انكم تشوفوه عشان تعرفوا ان الناس كانت عارفه من الأول اللي حصل
ممكن تشوفوه هنا http://www.maxforums.net/showthread....DE%CF%E6%E3%ED

المهم .. ليه ده أتحذف وموضوع تاني ما أتحذفش .. طبعا ده يرجع لسياسة المنتدى اللي ممكن تسميها مرونة القوانين إذا كانت في صالحك او تسميها ميوعة القوانين إذا كانت ضدك ..

لكن سبب كتابتي للموضوع ده مش حذف الموضوع .. في ستين داهية .. لا هو أول موضوع ولا هيكون أخر موضوع يتحذف ..

السبب هو انه غالبا اتحذف بسبب ردي .. ( إلا إذا كان في واحد غلس رد بعدي برد اجبرهم على حذف الموضوع .. لو ده حصل غالبا الغلس ده هيكون علاء بسيط .. أنا عارفه !! .. وإن كنت اشك في ده )

وردي كان مختصره .. اللي بيته من إزاز ميحدفش مصر بالطوب .. الفلسطينين بيخونوا بعض ويسمموا بعض وبيتفقوا مع اليهود على بعض .. ومع ذلك الضجة اقل بكتير من اللي حصل ايام فتح معبر رفح والهجوم الكاسح على مصر من العرب اللي كل واحد فيهم مادد إيده لليهود من تحت التربيذة ... وبقعدوا يضحكوا مع اليهود في مؤتمرات حوار الأديان .. ويبيوسوا بوش بوسه على كل خد ويرقصوا معاه .. في الوقت اللي بيرفضوا انهم يقعدوا مع احمدي نجادي في اي مؤتمر .. وطبعا ده منطقي جدا بالنسبالهم لان اليهود والنصاري - بوش - أحباب الله لكن نجاد ده شيعي بن ميتين *** ... المهم .. مش ده موضوعنا ..

بما أن المشرفيين المصريين في المنتدى هنا عايشين في دور " دول عدم الإنحياز " .. وعادي جدا انهم يشوفوا موضوع بينتقد مصر ويتريق عليها وميحذفوش او يقفله .. في حين باقي المشرفين من الجنسيات السامية التانية زي السعودية وفلسطين بيحذفوا ويقفلوا اي موضوع يتعرض لبلادهم .. فليعلم القاصي والداني الأتي

أنا اليومين دول طاقق عندي عرق الوطنية جااامد مووت.. وعمال أسمع في اغاني وطنية زي بلادي بلادي .. و هي ام الدنيا مصر ( ترررا .. ) هي وردة كل عصر ( تررررا ..) .. وكمان الأغنية بتاعة فيلم النمر الأسود - بقى بالذمة في نمر إسود ؟!! ده محروق ده ولا إيه ؟ - بتاع أحمد زكي .. اللي بيقول فيها ... شايلك في قلبي وفاكرك يا مصر .. ترارااارررررااا .. صوتك بيعصر في قلبي عصر .. تراراررراا .. وكل الأغاني اللي بيذعوها يوم 6 اكتوبر وأكلوا بيها دماغنا وأحنا صغيرين ..

ونتيجة جو الوطنية اللي مسيطر عليا الفترة دي .. خلوني اقولكم حاجة مهمة جدا .. طالما المشرفين المصريين مش ناويين يغيروا على بلدهم .. هغير انا وهكسر الدنيا ..

اي عضو محترم او غير محترم هيفكر يمس مصر في اي موضوع من قريب او من بعيد .. هقلب الموضوع حرب شنعاء .. واللي هيتعرض لمصر بقيراط همسح ببلده الأرض .. وللعلم أنا مطلع على الأحوال الداخلية لمعظم البلاد العربية من خلال مواقع انترنت داخل هذا البلد .. يعني زي ما في موقع مصراوي تعرفوا منه أخبار مصر .. في مواقع زيه بالظبط تعرف منها أخبار اي بلد عربي ومن اهل البلد نفسهم ..

وهتبقى عصبية جاهلية بقى .. بلا أخوه بلا كلام فاضي.. أخوة إيه دي اللي مش بتفتكروها غير اما مصر يكون عليها واجب وبلادكم بتعمل زيها وألعن 100 مرة ..

اتكلموا عن أي حاجة انتوا عاوزينها .. زي باقي المنتديات الفاضية التانية .. اتكلموا عن البطاطس .. عن صورة الجني اللي مش عارف إيه .. هاتوا فتاوى وكفروا بيها بعض براحتكم ... لكن متقربش من مصر .. وده هيحصل حتى لو اللي كان فاتح الموضوع مصري .. اصل في مصريين فاكرين أن حرية الرأي والكلام عن البلد بصراحة قدام الناس دي ليها فايدة .. والناس ما بتدخلش المواضيع دي غير عشان تشمت وتضحك على نفسها وتقنع نفسها ان بلدها أحسن ..

أنا بكرر .. أي موضوع هيتعرض لمصر ولو بنكته من النكت اللي احنا كمصريين بنقولها مع بعضنا على بلدنا .. هجبر المشرفيين أنهم يحذفوه .. هقلبه لمعركة .. وهخلي الدم فيه للركب ... لأ .. فوق الركبة بشبر .. ميني دم !!

هتعرض مشكلة في مصر ... هجيبلك فضيحة من بلدك .. وعلى رأي مقولة واحد سافل ... يا رايح كتر من الفضايح !!

خلينا حلوين مع بعض .. ونننسى بلادنا خالص .. محدش يتكلم على بلد حد .. ومحدش يتكلم على بلده برضو .. لاننا كعرب مجموعة من الهمج مش بنفهم .. وكل اللي بنعمله أننا بنشمت في بعض ... فمن باب أولى منتكلمش عن المواضيع دي ...

اوك اوك ..قشطة !
اروح اشحن اللابتوب في الكافية بتاع القطر عشان أقدر أكمل الرحلة الطويلة المملة دي !!

[فلاشــــــــــاوي]

أتمنى أما الرجع ملاقيش الموضوع اتحذف !

[Qemum]

دخلت أنا بقلب أبيض ونية صافية وضفت رد .. وكان أول رد .. معرفش إذا كان في حد رد بعدي ولا لأ .. المهم برجع تاني يا خويا لقيت الموضوع مش موجود .. تبختر !!

لكي تعرف ماذا رد الأعضاء , إشترك بالموضوع عن طريق الإيميل (سيصل إيميل بكل رد تتم اضافته) (هذا موجود بالمنتديات الأجنبية وما بعرف اذا موجود هون أو لأ , تعتمد على المدير) , او اذهب الى أراشيف جووجل الذي تكون محظوظ اذا التقطه لك (اضغط نسخة مخبئة بدل اللينك) .

و sorry اذا غيرت الموضوع (اللي مقرأتهوش لأني مش فاهم شيء , هههههههه )

[houdhxp]

اروح اشحن اللابتوب في الكافية بتاع القطر عشان أقدر أكمل الرحلة الطويلة المملة دي !!

تروح وترجع بالسلامة .........

أتمنى أما الرجع ملاقيش الموضوع اتحذف !

من الجهة دي أتطمن مش حيتحذف ما دام انت عارف انه حيتحذف ...........
--------------------------------------------------------------------------------

أخوة إيه دي اللي مش بتفتكروها غير اما مصر يكون عليها واجب وبلادكم بتعمل زيها وألعن 100 مرة ..

ومش حكتب تعليق عشان عندك حق في كل اللي انت قلته ...................

[esamdrsh]

لا الومك
لكن الموضوع لم يحذف ابدااااااااااااا بسبب ردك ..
المشرف اللي حذف الموضوع حذفه بسبب ان الموضوع سياسي ومممنوع المواضيع السياسيه في المنتدى .. وبالاخص المواضيع اللي بتثير الفتنه


يا ريت الموضوع ده ميزيدش عن ككده لان مصيره الاغلاق او الحذف ..

[Qemum]

لا الومك
لكن الموضوع لم يحذف ابدااااااااااااا بسبب ردك ..
المشرف اللي حذف الموضوع حذفه بسبب ان الموضوع سياسي ومممنوع المواضيع السياسيه في المنتدى .. وبالاخص المواضيع اللي بتثير الفتنه


يا ريت الموضوع ده ميزيدش عن ككده لان مصيره الاغلاق او الحذف ..

لا الومك
لكن الموضوع لم يحذف ابدااااااااااااا بسبب ردك ..
المشرف اللي حذف الموضوع حذفه بسبب ان الموضوع سياسي ومممنوع المواضيع السياسيه في المنتدى .. وبالاخص المواضيع اللي بتثير الفتنه


يا ريت الموضوع ده ميزيدش عن ككده لان مصيره الاغلاق او الحذف ..

هل إشتريت معالج DualCore ؟ .

تعديل :-

لقد بعث عصام الرد مرتين ثم حذف الثاني .

[jagalinho]

تروح و ترجع بالسلامة
الصراحة أنا مفهمتش الموضوع مضبوط

[esamdrsh]

هل إشتريت معالج dualcore ؟ .

تعديل :-

لقد بعث عصام الرد مرتين ثم حذف الثاني

وقتك مضروب ب 2 شكله ...
النت عندي فيه مشاكل .. لأذلك ظهر مرتين وثم دمجت ردين .. لا تحتاج الى ذكاء

[Qemum]

وقتك مضروب ب 2 شكله ...
النت عندي فيه مشاكل .. لأذلك ظهر مرتين وثم دمجت ردين .. لا تحتاج الى ذكاء

عارف , بمزح معك , أيضا لا تحتاج الى ذكاء , وتخافش وقتي مضروب ب 0.1 , يلا سلام .

[DreamPaint]

ارفع السلاااااااح ..حاضر يافندم ..
والله لو تيجي بس وتشوف في المدارس هنا عاملة ازاي ..
ماسكين في سيرة مصر .. وأنا صارت شغلتي وهمي .. أدافع عن أمي مصر ..
مفيش زي مصر اتنين ياعم ..
منتظر جاسوس بس يقلب الموضوع ..
شكرا يافلاشاوي .. على الكلام ده .. متعودين بقة هنعمل ايه ؟؟
ربنا يعين المصريين والغلابة ..
تروح وترجع بالسلامة ياسلامة .. قصدي يافلاشاوي

[3D_PLAYER]

ارفع السلاااااااح ..حاضر يافندم ..
والله لو تيجي بس وتشوف في المدارس هنا عاملة ازاي ..
ماسكين في سيرة مصر .. وأنا صارت شغلتي وهمي .. أدافع عن أمي مصر ..
مفيش زي مصر اتنين ياعم ..
منتظر جاسوس بس يقلب الموضوع ..
شكرا يافلاشاوي .. على الكلام ده .. متعودين بقة هنعمل ايه ؟؟
ربنا يعين المصريين والغلابة ..
تروح وترجع بالسلامة ياسلامة .. قصدي يافلاشاوي

ادعى على ابنى و اكره اللى يقول امين

[DreamPaint]

ادعى على ابنى و اكره اللى يقول امين

مفهمتش قصدك ..

[3D_PLAYER]

مفهمتش قصدك ..

دا مثل بيايد الكلام

[3D_PLAYER]

و الصراحه انا مش عايز الموضوع يتحذف

[SuperMedo]

والله يا فلاشاوي أنت واحد زي عسل
و لأسف حكاية مشرفيين أنحياز دي موجودة في مصريين
تخيل حتى في أسلام أونلاين بنتشتم ههههههه
آه و الله كان في باحث في فكر أسلامي كتب مقالة أن عدم سماح بقيادة مرأة في سعودية للسيارة ليس له علاقة بالدين
أقسم بالله دخل كل سعوديين يشتموا و يقولوا أحنا منحلين في أخلاق و بنات بتعونى ماشيين على حل شعرهم و شحتيين
هو واحد مصري بس رد عليهم تخيل الرد أنحذف و مصيبة مشرف مصري رد يهدي أعصابهم و نكتة أن مقالة أنحذفت بعدين لسبب جرح مشاعر أعضاء ؟؟ ههههه
يالله مظلوم جوى البلد من أجانب و مظلوم برة البلد أحنا أجانب دلوقتي هنظلم في Cyber World كمان XD
عموما أنا معاك و أعتقد مفروض أحنى نعمل Guild و نسميه Egyptian Patriots مين معايا يا رجالة ؟؟؟