بلد السلبيات " مـصــــــــر "

[إبن يس]

السلام عليكم و رحمة الله و بركــاته

موضوع مهم و جاد

لما سألت واحد عن تصدير اللحوم للسعودية " هو عضو فى المنابر مصرى و والده فى السعودية "
والده قالوا إن سعر اللحوم فى الدول الآخرى أرخص بكثير من سعرها فى مصر بدون أستيراد " زى أستراليا و الصومال و البرازيل "..
يعنى بعد وضع تكاليف التصدير ستكون مقاربة لسعر جرام الدهب و لاحول و لا قوة إلا بالله

صديقى مصرى راح السعودية من حوالى شهر ... و سئل تاجر فواكه بجوار السكن عن إنه يجيب له مانجوا من مصر ..
قال له نفس الكلام .. و زاد قالوا " كل شئ فى مصر غالى"

ليه كل حاجة فى بلدنا بسعر مش سعرها الحقيقى ؟؟

و أنا صغير كنت بجيب كيلوا اللحمة بعشرة جنيه و بجنيه بيض عشر بيضات ...
الكلام ده من عشر سنين بس تقريبا ..
دولقتى كيلو اللحمة فى أقل الأماكن بـ 38 جنيه
و البيضة سعرها يتزبزب من 40 قرش لـ 80 قرش

كيس السكر كنت بشتريه بجنيه و ربع .. دلوقتى الكيس بـ 3 جنيهات و ربع

المرتبات زادت ؟؟؟
زيادة المرتبات لا تتكافئ مع زيادة الأسعار ...
الأسعار العالمية أرخص من أسعارنا المحلية و عاملين ينادوا بتشجيع المنتج الوطنى

حد شاف الشاى الأخضر الصينى ؟؟؟ رخييييييص جدااااااااااااا مقارنة بالشاى الأخضر المصرى

إرتفاع الأسعار منظومة محتاجة تقنين قوى ..
دلوقتى الحكومة بتنفخ فينا و بتبهدلنا ..
زرعنا القمح السنة إللى فاتت و باعوا الأردب بحوالى 380 جنيه ..أقل و أكثر .. السعر كان فى الحدود هذه

هذا العام نزل سعر الأردب بـ 220 و 230 جنيه تقريبا ..
سعر العمالة كان زاد بسبب علو سعر الغلة السنة السابقة ... لكن أصحاب الأراضى كلوا مقلب محترم هذا العام ...
الغلة سعرها نزل " عشان الوزارة بتاعة الزراعة هى إللى بتعطينا السعر " لكن الأجور .. لم تنزل ... هو فيه حد هيرخصها ؟؟؟ و أزاى ؟؟؟

بهدله بهدله و الله

لا تصدير بسعر معقول نافع .. ولا بسعر غالى نافع ..
إلا لو كانت زراعتك عضوية و غالبا بيحصل نصب ... الموضوع ده متعب

الله المستعان

[N.nabil]

عندنا عاجبة الدنيا الثامنه ..!!

[Riyad_3d]

طيب انت ايش رايك بالسيارات التي تباع بالسعودية
اغلى من سعر اي سوق بالعالم كله !
العالم يعاني من تكدس السيارات واحنا الاسعار تغلى !

[mmnoor]

طيب انت ايش رايك بالسيارات التي تباع بالسعودية
اغلى من سعر اي سوق بالعالم كله !
العالم يعاني من تكدس السيارات واحنا الاسعار تغلى !

بس إنت بتتكلم في سيارات مش أبسط حقوق الإنسان اللي هي الغذاء

ومع ذلك الناس لا تشتكي إلا لله ولله الحمد

[إبن يس]

طيب انت ايش رايك بالسيارات التي تباع بالسعودية
اغلى من سعر اي سوق بالعالم كله !
العالم يعاني من تكدس السيارات واحنا الاسعار تغلى !

عربيات أيه بس ^_^
أحنا بنتلكم على قمح و زيت و سكر و لحوم و أرز و الفوووووووووووووووووول .. حتى الفول سعره زاد
كان أكل الفقير و دلوقتى خلاص كلها كام سنة و الفقير مش هيلاقى حتى الفول ..

[ahmaeed_89]

ومنا الى مجلس الشعب

[Riyad_3d]

عربيات أيه بس ^_^
أحنا بنتلكم على قمح و زيت و سكر و لحوم و أرز و الفوووووووووووووووووول .. حتى الفول سعره زاد
كان أكل الفقير و دلوقتى خلاص كلها كام سنة و الفقير مش هيلاقى حتى الفول ..

اعرف انكم تتكلمون عن الاساسيات لكن ايضا المواصلات بالنسبه للبعض بل للكل شي مهم او متوسط الاهميه
يعني عندنا في السعوديه لايوجد مايسمى الباصات سوى نادرا ...!!!

+
حتى المواد الاساسيه غليت تقريبا ارتفعت الى 20 %

[funboy]

سيارات إيه بس

سعر السيارات في مصر غالي جدا بالنسبة للسعودية ودول الخليج
مع ملاحظة أن السيارات التي في مصر لا تقارن أبدا بسيارات الخليج حتى إن كانت من نفس النوع والموديل

وفيه سيارات محلية زي الشاهين ونصر والله صفائح قمامة لا أكثر وأنظر كم سعرها ؟؟؟!!! .ياريتها حتى رخيصة

[jagalinho]

لا تخاف إحنا في المغرب منذ سنتين أو سنة و نص الأوقات التي ارتفع فيها ثمن البترول كان الزيت ثمنه بين ال8.50 دراهم
و 9 دراهم و زاد ليوصل عال 16 درهم لا تنسوكان ثمن البرميل يوصل عال270 دولار والحين البترول نقص و إحنا ثمن الزيت عندنا 15 درهم الفرق درهم واحد بس
اللحمة كانت غالية موت 75 درهم للكيلو و الحين نقصت أظن 60 درهم على ما أعتقد السكر كان منذ أعوام الثمن بتاعو 3.50 دراهم و الحين 5.5 إلى6 دراهم إيه المهزلة ديه
بس أقولكم إذا عايزين تعيشوا جامد في المغرب روحوا عالصحراء الجنوبية "المغربية " إلي بيزعموا إنها مش بتاعة المغرب و في عام 1975 ذكرى المسيرة الخضراء ساهم في استرجاعها 350000 رجل و مرأة و أطفل و طفلة الحين في شخبطات عن أنها صحراء للبوليزاريو و الزفت دا
لا يهمنا الحين الأثمان ناقصة جدا هناك تعرفون أن 80% من السمك المصطاد بالمغرب هناك و هذا ما جعل حكومة الجزائر تطمع في هذا الجزء مع حبي للجزائريين أعرف أنهم لا يتفقون مع هذه المهزلة لأن البوليزاريو أصلا موكل من طرف اليهود الأمريكان

[mmnoor]

أنا حاسس إن أنا هندي ^ - ^

[Riyad_3d]

أنا حاسس إن أنا هندي ^ - ^

مرحب رفيق

[3D_PLAYER]

فول ايه يا ابن يس دا بقى اكل الاغنياء هههههههههههههههه قال فول قال
دا السندوتش غلى يا عمنا
و قرص الطعميه "الفلافل " بقى للفقراء قد قرص الاسبرين و للطبقه المتوسطه قد الكابسوله و للاغنياء العادى بتاعه لكن نصه خضره مش فول

[نور العمر]

كل عيش حاف واسكت...دا لو لقيت عيش حاف اصلا..

الدقيق اللى بيعملوا منه العيش معفن...!!ولا بلاش ليجى لك تسمم

هيبقى شحات وعايز رغيف سخن...

البلد ديه بتعاملنا على اساس اننا بنشحت منها..

ويوم ما يكون معاك فلوس....هتضرب التخين على دماغه..وتحط البلد تحت رجلك..وهتلاقى الكل بيبوس رجلك.

علشان مصلحته...

...........الطريقه المثلى علشان تحكم البلد.....

واحد اسمه جمال راح لابوه وقاله يا بابا علمنى ازاى احكم البلد ديه...

الاب خد الواد من ايديه...وجاب معاه عشر فئران..وحبسهم 10 ايام..

بعد عشر ايام خد ابنه وراح عند الفئران..وقاله بص يا جمال شايف الفئران هتموت من الجوع ازاى ...

دلوقتى لو حطيت لهم سم هياكلوه...ومحدش هيقول لا...

[3D_PLAYER]

دلوقتى لو حطيت لهم سم هياكلوه...ومحدش هيقول لا...

ههههههههههههههههههههههههههههههههههههههههههههههههههههههههههههههههه
جامده
اه صحيح هو ايه اخار اخبار القمح بتاع روسيا المعفن دخل المخابز و لا لسه ؟؟؟؟؟؟
انت عارف احنا هنا بنجيب العيش ازاى نظيف ؟ اقولك بس دا سر اوع تقوله لحد
بص يا سيدى اتصاحب على اى حد من اللى فى الفرن و اتفق معاه انك تسيب له 3 ارغفه من العيش و هو هيجبلك عيش عشره على عشره
لانه ببساطه هيبيع ال 3 ارغفه لواحد تانى
بس يا معلم سيبك من العيش دا حتى الدواء اللى فى المستشفيات الممرضين مش بيعطوه للمرضى بياخدوه
الانسولين البشرى مش بيعطوه للناس غير بواسطه و الانسولين الاجنبى ايضا مع العلم اننا البلد الوحيده اللى تمن الانسولين فيها غالى بالطريقه دى

و الفراخ بعد ما نزلت ارتفع سعرها تانى

بس على فكره العلاوات و الكادر و الحافز و كل ده البائعين بيعرفوا عنه قبل الموظفين يعنى اللى عايز يعرف فى حافز ادراين جاى و لا لاء و لا فى كادر اطباء محترم و لاء يسال بتاع الطماطم هو اللى هيقوله على المفيد


بس عموما لو قولت لهم انك مش لاقى عيش هتقولك مش لاقى عيش كل جاتوه حتى الجاتوه تمنه زاد دا تورته عيد الميلاد الصغيره اللى تاكل 2 بتعدى 175 جنيه بعد ما كانت ب 30 جنيه يعنى ازيد من مرتب مدرس بالتعاقد و اغلى من مرتب الاخصائى الاجتماعى و 35% من مرتب اى عمل ادارى او مساعد باحث فى الجامعه و 23% من مرتب المعيد فى الجامعه و 19 % من مرتب دكتور جامعه و مش هقولكم كام من مرتب طبيب حديث التعين عشان محدش يعيط

[منبر الخير]

هم يضحك وهم يبكي

أضحك الله سنكم وفرج الله همكم

والله الحال ما يسر لا صديق ولا عدو

فلنكثر من الأستغفار

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


الله يصلح الحال والأحوال ويرجع حال الناس صح وما يكون ظلم وتظلم بين العباد

وشكرا