Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

سياسيه الاستخدام العادل

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    انا بالذات عن نفسى عامل مقسم الاشتراك بينى وبين اتنين تانين

    وبدفع 175 جنيه مقدرش ادفعها لى وحدى فامقسم علينا الاشتراك

    و40 جبجا دى ش هاتفيدنى بيحاجه لانى بنزل اسطوانات تعليميه وبرامج

    ده غير الحاجات التانيه

    انا متهيالى كده ها افصل النت

    هما اما يلاقو ناس كتير قطعت الخدمه هايرجو عن قرارهم

    وقال ايه اذا خلصو 40 جيجا تنزل السرعه لى 128

    يعنى 1 ميجا ابقى 128 اعمل بيها ايه دى حتى ماتفتحش موقع
    ما أعظم ان تكون غائبا حاضر ... على ان تكون حاضرا غائب ...

    تعليق


    • #17
      بص يا احمد انا عارف ان الشركه عندها حق عشان عايزه الفلوس اللى ناس دى بتستخدم بيها مش عشان سواد عيونا يعنى

      لكن فى مقوله حلوه قوى فى السوق بتقول الزبون على حق يعنى انا الزبون و انا اللى بدفع و عندى استعداد ادفع مش تيجى الشركه و تمشينى على مزاجها و مزاج اللى جابوها "الحكومه يعنى "
      كل الهجس اللى عملوه ده عشان الوصلات الغير شرعيه و انا مالى انا ,, انا بدفع لهم فلوس و وصلتى شرعيه مش ذنبى انى اشيل ذنب غيرى

      +
      انت بتقول مش هيقدروا يعملوا حملات لا يقدروا لان اللى هيعمل حملات هى شرطه الانترنت مش الشركه و شرطه الانترنت بتستعين بقوات الشرطه الاخرى مش الشركه هى اللى هتنزل و اظن اننا عندنا رجاله شرطه زى الفل لو جاب اى عيل بتاع سيبر و طلع له الكرنيه بس هيقوله على كل اللى بيوصلوا مش فى الحى لا فى البلد كلها
      و بعد اغلب اللى بيوصل بتوع السيبرات 80 % من الوصلات الغير شرعيه من سيبرات الباقى وصلات بين الاهالى يعنى كل عماره عامله لنفسها او كل جار مع جاره يعنى سهل انه يقضى على 80% من مشكله
      لكن ليه يتعب نفسه لازم يقرفنا و يطلع عين اللى جابونا


      +
      و يوسف عنده حق ان الوصله غاليه
      انت عارف الطبيب المستجد بيقبض كام مرتب ملايم يعنى لو دفع 95 جنيه وصله نت مش هيدفع ايجار شقته لو متجوز و لو عازب مش هيكمل معاه الباقى مواصلات المستشفى و مطلوب منه انه يعرف كل شئ عن مجاله و الطريق الوحيد النت
      و مساعد الباحث فى اى جامعه تعرف انهم بيكملوا على مرتبهم عشان يكملوا فلوس المواصلات و المفروض ان عليه قراءه ابحاث و مراجع مش موجوده فى مصر الطريق لك ده ايه ؟؟ هيروح للساحره الشريره تفتح له البلوره السحريه و هو يشوف فيها اللى هو عايزه


      و لو هما عايزين حل محترم كان يجعلوا النت مخفض لغير القادرين المحتاجين للانترنت يعنى يكون عقد الشركات دى مع الحكومه ان يكون فى 20 % مثلا من المستخدمين مخفض لهم
      بسم الله الرحمن الرحيم
      (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
      صدق الله العظيم
      اللهم ارحم امى و عافها و اعف عنها و اكرم نزلها و وسع مدخلها

      تعليق


      • #18
        المشاركة الأصلية بواسطة kemoemo مشاهدة المشاركة


        يعنى 1 ميجا ابقى 128 اعمل بيها ايه دى حتى ماتفتحش موقع
        و لا تفتح علبه سلمون حتى يا كيمو

        النت هو الطريق الوحيد عشان الناس تتعلم شئ محترم و له فائده
        يعنى مفيش مكتبات عامه فيها كتب علمية محترمة و مفيش اماكن حكوميه بتعطى كورسات كويسه لان اللى بيعطوها مش بيفهموا حاجه كمان مفيش نت
        طب الناس اللى فى اخر الطبقه المتوسطه يعملوا ايه اخر مين حتى الطبقه المتوسطه كلها اصبحت شبه الطبقه الفقيره
        طلاب الجامعات اللى من الطبقه دى تعمل ايه عشان يتعلموا فى الاجاز و يجبوا ابحاث فى ايام الدراسه
        بسم الله الرحمن الرحيم
        (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
        صدق الله العظيم
        اللهم ارحم امى و عافها و اعف عنها و اكرم نزلها و وسع مدخلها

        تعليق


        • #19
          ده اسمه استعباط رسمي , ايه ده ايه الاربعين جيجا فى الشهر !! دول يلا يلا تعمل فيهم ابديت لنظام التشغيل والبرامج يالى منزلها على الجهاز , والمصيبة الكبرى انو الاربعين جيجا دول من ضمنهم التصفح والابلود والداونلود , ده يكتبو عليها سياسة الاستعباط الرسمي , مش الاستخدام العادل , انتا مال امك احمل ولا اتصفح ولا اتشارك مع جارى , انتا اساسا معطينى نسبة تحميل 1 جيجا ما تطلع سرعة التحميل فيها عن 128 كيلو بالثانية وده لو اشتغلت تحميل ليل وانهار مش راح ياثر على المشتركين فى الخدمة لانو سرعة الواحد جيجا بتقسم علينا سرعة تصفح وتحميل ورفع , يعنى مقسمة وجاهزة , اما تقلى حياثر علي غيرى ده كلام عبيط حياثر اذا كانت الشركة نفسها مقسمة 1جيجا على عدد اكبر من التقسيمة بتعتهاا , يعنى كل العملية نصب فى نصب , الدول بتطلع على الرقى بالشعوب بتعتها , واغلب الدول العربية بتطلع على فلوس الشعوب بتعتها , انتا عاوز تحل مشكلة الشبكات والوصلات الخارجية والغير قانونية اعطينى نت بسعر رخيص بسعر الكل يكون قادر عليه , من البديهى تنتهى ظاهرة الشبكات والوصلات الخارجية , ما دام السعر فى متناول الغنى والفقير ... يكفى قهر
          صبرا جميل والله المستعان


          تعليق


          • #20
            طب انا عايز اسئل اللى مشتركين فى شبكات مع الجيران لو جارك بيعمل داونلود انت بتعرف تعمل حاجه
            مش بعيد تكون بتتصل عليه عشان تقوله خف شويه عشان اشتغل انا و ممكن تكونوا عاملين جدول لك واحد يعمل داونلود امته من اليوم
            بسم الله الرحمن الرحيم
            (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
            صدق الله العظيم
            اللهم ارحم امى و عافها و اعف عنها و اكرم نزلها و وسع مدخلها

            تعليق


            • #21
              شوف يا باشا فى نظام شبكات مفتوح وده لو عملت تحميل اخد سرعة الخط ولو المشترك معى خش على الخط وحمل راح يقاسمنى السرعة يعنى بدل ما اكون بعمل تحميل بسرعة 128 كيلو بالثانية حيصير عندى سرعة التحميل بحدود 60 والمشترك الثانى مثلى وفى نظام شبكات بيكون صاحب الشبكة عامل سيرفر ومن خلال السيرفر بيقدر يحدد كل لشخص سرعة التحميل بتعتو مثلا عندنا فى الشبكة خالد ومحمد وحسين وفايز وهانى , بحدد لخالد انو لما يجى يحمل ما يطلعش عن حدود 30 كيلو فى الثانة ومحمد ما يطلعش عن 10 لانو رخم وبيعمل داونلود ليل ونهار وحسين عاملو التميت يعنى مش محدد ليه السرعة لانو يادوب بيقعد بالاسبوع مرة على النت وفايز محدد ليه السرعة 60 وهانى 70 ...وهكذاا
              يعنى بالعربى احنا بتوع الشبكة مشتركين بخدمة 1 جيجا وبتصلنا تحميل 128 وابلود بحدود 30 كيلو فى الثانية ودى الكمية المقسماها لينا الشركة عاد استخدمها انا لحالى استخدمها انا وجارى دى قضيتى انا مش قضية الشركة , ملوش عندى اشتغل ساعة باليوم اشتغل يوم بالاسبوع اشتغل طول الشهر دى مش شغلتو ده حقى وهو ماخد حقو ... دى فعلا حاجة تقهر مع انى مش مصرى ولا مقيم فى مصر بس اشى بيقهر عن جد يعنى .
              صبرا جميل والله المستعان


              تعليق


              • #22
                لما يشغلو الشباب العاطل ساعتها يبقو يحاربو الشبكات ساعتها الشبكه لن تكون مجزيه له والمشترك يقدر على دفع اشتراك كامل
                الان الحكومه اضافت الى سوق العاطلين الاف من الشباب لصالح 5 شركات
                السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
                علي ابن ابي طالب

                تعليق


                • #23
                  لا اجد ما اقوله ...

                  تعليق


                  • #24
                    المشاركة الأصلية بواسطة 3d_player مشاهدة المشاركة
                    طب انا عايز اسئل اللى مشتركين فى شبكات مع الجيران لو جارك بيعمل داونلود انت بتعرف تعمل حاجه
                    مش بعيد تكون بتتصل عليه عشان تقوله خف شويه عشان اشتغل انا و ممكن تكونوا عاملين جدول لك واحد يعمل داونلود امته من اليوم
                    السيرفر بيبظط الآداء ^_^

                    لو فيه واحد بيفترى بيقوم صاحب الشبكة بتحجيم سرعته ..

                    طب و أحنا هنقاطع النت الشهر الجاى و لا هنعمل أيه ؟

                    أنا حاسس إن ماحدش هيفصل النت الشهر الجاى

                    الشهر إللى بعده لما الناس تتقرص هتفكر تقاطع ^^ و يكون القرار نزل وإنسى يا عمرو ..

                    تعليق


                    • #25
                      اخر الاخبار يا جماعه

                      خيرا رأينا نتيجه للحمله والإحتجاج الذي كان أمس بتاريخ 10/08/2009 الموافق يوم الإثنين

                      كتبت جريده المصري اليوم المحترمه الاتي

                      اليوم مقاطعة الإنترنت بسبب "سياسة الاستخدام العادل"

                      كتب : محمد مجاهد, شادي زكي, أمير حيدر, فاروق الجمل

                      أحدث قرار وزارة الاتصالات وتكنولوجيا المعلومات الذي من شأنه تحديد سرعة الاتصال بشبكة الإنترنت مؤخرا جدلا كبيرا بسبب الحملة التي شنها العديد من المدونين ومستخدمي موقع الـ"فيس بوك" على الإنترنت اعتراضا على القرار مما دفع الوزارة إلى الإعلان عن أن أنها ستعيد تقييم القرارات الخاصة بسياسة الاستخدام العادل للإنترنت Fair Use Policy بنهاية الشهر المقبل مع إمكانية تعديل بعضها في حال ثبوت إضرارها بالمستهلكين أو الشركات.

                      وأوضح المهندس محمود الجوينى، مستشار وزير الاتصالات وتكنولوجيا المعلومات، في تصريح خاص لـ "المصري اليوم" أن الوزارة عندما قررت تطبيق تلك السياسة وضعت في اعتبارها إجراء عمليات إعادة التقييم في سبتمبر المقبل بعد دراسة أثارها على القطاعات المختلفة من مستخدمي الإنترنت ومن ضمنهم مقاهي الإنترنت التي تستهلك سعات تحميل كبيرة. وقال إنه في حال اكتشاف أى تأثيرات سلبية على "الإنترنت كافيه" أو أى طرف آخر فإن وزارة الاتصالات لن تتوان في إعادة النظر في نظام الاستخدام العادل انطلاقا من الحرص على حقوق الدولة في عدم استخدام الوصلات غير الشرعية والحفاظ على نشاط مقاهي الإنترنت.

                      ومؤخرا أطلق عدد من نشطاء شبكة الإنترنت الدولية دعوة لاعتبار اليوم الاثنين "يوما لثورة مستخدمي الإنترنت في مصر" اعتراضا على تطبيق ما وصفته الوزارة بـ "سياسة الاستخدام العادل للشبكة" من خلال مقاطعة استخدام الشبكة وفسخ تعاقداتهم مع مزودي الخدمة في مصر. ورد الجوينى بالقول إن السعات التحميلية المتاحة حاليا عالية جدا مشيرا إلى أن الاعتراض عليها نابع من دوافع "نفسية" لدى بعض المستخدمين الذين استشعروا بعض التضييق مع تطبيق نظام تحديد « الداونلود » من على الإنترنت.

                      وترجع أصل فكرة تحديد استخدام الإنترنت إلى عام 1990 حين قام العديد من مزودي خدمة الإنترنت Internet service providers بإنشاء بروتوكول أو ما يسمى بسياسة الاستخدام العادل للإنترنت Fair Use Policy، وذلك لتوفير سرعة متساوية لمستخدمي الإنترنت عالي السرعة.. بمعنى أنه لو افترضنا أن خمس مستخدمين لدى كل منهم خط إنترنت عالي السرعة.. قام أحدهم باستخدام الخط الخاص به لتحميل مواد من على الإنترنت بشكل متواصل.. فسيؤثر نشاطه اليومي المتواصل على سرعة تحميل الأربع خطوط الأخرى.. وبالتالي فقد قامت الشركات بتحديد الكم المسموح تحميله download للمستخدم بعدد معين يقاس بالجيجا بايت يحدده كل مزود لخدمة الإنترنت حسب قدرة شبكته.. وهنا تكمن الفكرة الأساسية لسياسة الاستخدام العادل FUP.

                      ونقل موقع "أخبار مصر" بياناً لإحدى المجموعات المعارضة للخطوة، جاء فيه: "رداً على ما تقوم به الشركات المزودة لخدمة الإنترنت في مصر، وعلى ما تقوم به من تصعيد الأمور فيما يتعلق بسياسة الاستخدام العادل الظالمة، تقرر الآتي إعلان اليوم الاثنين الموافق 10 أغسطس موعداً لثورة مستخدمي الإنترنت في مصر، في حالة عدم تراجع الشركات عن قراراها فيما يتعلق بسياسة الاستخدام العادل".

                      وقال الموقع، التابع لاتحاد الإذاعة والتليفزيون، إن المعارضين يتخذون اتجاهاً عاماً لحملتهم ضد مزودي الخدمة بعنوان: « نحن ندفع مقابل الخدمة التي نحصل عليها، ولسنا عبيد إحسان هذه الشركات »، كما شهد موقع الـ« الفيس بوك» دعاوى مشابهة ودشن عدد من المستخدمين "جروب" للتنديد بالقرار وحث المستخدمين على إلغاء تعاقداتهم مع شركات الإنترنت.

                      في المقابل بررت شركات المحمول تطبيق سياسة للاستخدام العادل على مشتركي الإنترنت المحمول برغبتها في عدم جور بعض المستخدمين على حقوق الآخرين عند قيامهم بتحميل الملفات بشكل يؤدى لبطىء الخدمة عند باقي المشتركين.

                      وقال الدكتور "حمدي الليثي" خبير الاتصالات إن بعض عملاء إنترنت المحمول يستخدمون الشبكة في تحميل أفلام وأغاني بشكل مبالغ فيه الأمر الذي يؤدى للتأثير على باقي العملاء وهو ما استدعى أتباع سياسة للاستخدام العادل، والتي تحددها شركات المحمول على عملائها بسعات تحميل تتراوح ما بين 4 جيجا و6 جيجا شهريا وهى نسبة تقل كثيرا عن نظيرتها المتبعة مع مستخدمي الإنترنت السريع ADSL.

                      وقال "الوليد الشامى"، الخبير في مجال الاتصالات، إن الدراسات العالمية تشيرا إلى أن متوسط استخدام الشخص عالميا تدور في حدود 14 جيجا شهريا، بينما يتخطى حجم الاستخدام فى مصر حاجز الـ 30 جيجا بسبب انتشار الوصلات التي يشترك فيها العديد من الأشخاص وكذلك ثقافة شرائح من مستخدمي الإنترنت الذين يتركز استخدامهم للشبكة الدولية على تحميل الأفلام والملفات ذات السعات الكبيرة في التحميل.

                      وأشار " الشامى" إلى أن عدم تحديد شركات الإنترنت للاستخدام وربطه بحجم معين شهريا على مختلف شرائح الاشتراك أعاق فرص نمو أعداد المشتركين الذين لم يتخطوا حتى الآن حاجز الـ 800 ألف مشترك فى الإنترنت فائق السرعة ADSL رغم تطبيق المبادرة الخاصة به منذ أكثر من 5 سنوات.

                      واستبعد " الشامى" تأثر الشركات سلبا بتحديد الاستخدام ، خاصة في ظل تركيز شركات الهاتف المحمول على زيادة المنافسة فى مجال " الإنترنت موبايل "، وهو ما أيده أحمد أسامة العضو المنتدب بالشركة المصرية لنقل البيانات " تى إى داتا "، مشيرا إلى أن حجم التحميل المسموح به في أقل شرائح الاشتراك في الإنترنت الثابت لاتزال أعلى بكثير من المسموح به في المحمول الذي تزيد فيه تكلفة الفاتورة كلما زاد الاستخدام.

                      ومن ناحية المستخدمين، قال "محمد عادل"، مدون مبرمج: " التقليل من السرعة وتحديد سرعتها يعد أزمة كبيرة ، لأنه يعوق العمل بحرية على النت ، وتحميل البرامج وغيرها من الأشياء المهمة "، وأكد عادل أن هذا القرار يكمن خلفه قرار سياسي قائلا "تحميل الكليبات المناهضة للنظام، وكليبات التعذيب، وتجاوزات الشرطة، والحركات الاحتجاجية وغيرها، تحتاج إلى سرعات عالية، وباقات مفتوحة، من أجل عرضها على النت، وإمكانية مشاهدتها بسرعة، ومثل هذا القرار سيعوق كل هذه العملية، إضافة إلى أنه سيحد من حركة نشطاء الإنترنت والمدونين".

                      وأكد "محمد جمال"، مدون أن الهدف الرئيسي من تحديد مساحة التحميل من الإنترنت هو إعاقة نشاط المدونين وحملات الـ" الفيس بوك "، بعدما ثبتت قوته كأداة سياسية عبر الإنترنت، وأشار جمال إلى أن تحديد سرعة الإنترنت سيعوق بشكل كبير عمل العديد من العاملين في مجال البرمجة، والصحف الإلكترونية الصغيرة، والمدونات، وسيحول دون التحميل بشكل سريع، وهو ما سيؤدى أيضا إلى العزوف عن التعامل مع الإنترنت مستقبلا، نظرا لتحديد مساحة التعامل برقم لا يجب تجاوزه، خاصة في ظل الظروف والأزمات المالية.

                      وقال إن أكثر المتضررين من هذا القرار هم الشباب ، لأنهم الأكثر استخداما للنت، وبعضهم يعمل عن طريق المراسلة فى العديد من المجالات خاصة في مجال الجرافيكس الذي يستهلك مساحات كبيرة من التحميل بخلاف أن معظم أنظمة التشغيل هي الأخرى تحتاج إلى تحميل تحديثات يومية كبيرة.


                      وأخيرا النقطه التي تهمنا هي أن أحدث قرار وزارة الاتصالات وتكنولوجيا المعلومات أنها ستعيد تقييم القرارات الخاصة بسياسة الاستخدام العادل للإنترنت Fair Use Policy بنهاية الشهر المقبل مع إمكانية تعديل بعضها في حال ثبوت إضرارها بالمستهلكين أو الشركات.
                      ولن نسكت وصامدين لحين إلغاء هذا القرار الغير مناسب

                      ما أعظم ان تكون غائبا حاضر ... على ان تكون حاضرا غائب ...

                      تعليق


                      • #26
                        حمداً لله تم الرجوع عن القرار ... وهذا رابط الخبر

                        http://www.egynews.net/wps/portal/news?params=74175

                        فقط سيطبق على المشتركين الجدد ومازالت التعديلات جاريه

                        http://www.tedata.net/web/eg/ar/default.aspx?sec=3&pr=2
                        A BiG FaN OF

                        MAXFORUMS
                        Theory_Of_Design@yahoo.com



                        م / محســن عمــاد
                        mohsen_3d

                        تعليق


                        • #27
                          الحمد لله ان القرار اتلغى
                          شكرا على الخبر
                          BORN TO DESIGN

                          MAYA THE LIFE..MAYA MY LIFE


                          تعليق


                          • #28
                            المشاركة الأصلية بواسطة mohsen_3d مشاهدة المشاركة

                            فقط سيطبق على المشتركين الجدد ومازالت التعديلات جاريه

                            يعنى هنعيش تحت رحمه صاحب الوصله أنا لسا عامل معاه مشكله لأنى بعمل داون لود

                            MKMS

                            ████████████
                            ████████████
                            ████████████

                            My character animation demo reel 2012
                            My 3D models at turbosquid

                            تعليق


                            • #29
                              الوصلات ليس لها علاقه بالموضوع . وصاحب الوصله يعد من المشتركين القدامى . اذاً فلن يطبق عليه اى شيىء

                              فلا داعى للقلق ..
                              A BiG FaN OF

                              MAXFORUMS
                              Theory_Of_Design@yahoo.com



                              م / محســن عمــاد
                              mohsen_3d

                              تعليق


                              • #30
                                المشاركة الأصلية بواسطة mohsen_3d مشاهدة المشاركة
                                الوصلات ليس لها علاقه بالموضوع . وصاحب الوصله يعد من المشتركين القدامى . اذاً فلن يطبق عليه اى شيىء

                                فلا داعى للقلق ..
                                ماهو صاحب الوصله النت بأسمه ولو شالك من الوصله هتتشحطط وممكن يستغلك برحته

                                MKMS

                                ████████████
                                ████████████
                                ████████████

                                My character animation demo reel 2012
                                My 3D models at turbosquid

                                تعليق

                                يعمل...
                                X