السلامه عليكم ارجو الدخول من الساده المشريفين والاعضاء الكرام

[omar helmi]

السلامه عليكم

انا مبتدأ ثرى دى ماكس وبتابع المنابر من فتره وكتير معجب بالاعمال العظيمه لكل اعضاء المنتدى الكرام
لكن بحس انى تائه فى البرنامج الكبير ده
لو احد من الساده الافاضل مشرففين او اعضاء بس يوضح لى كيف ابدء فى الماكس وايه هى التقنيات دى
موديل / خامات / اضاءه / استخدام الكاميرا / الريندر / التحريك / رسم شخصيه وباقى التقنيات
مجرد بس تعريف عشان اقدر افهم وادور على الدروس واكون مرتب فى فهمى للماكس
اكون شاكر لكم جدا وربنا يقدرنى واكون فى خدمه المنابر

[max-design]

وعليكم السلام
انا من جهتي انصحك بتعلم الموديلينغ ( النمدجة ) اولا ثم الاكساء والاضاءة بالفيراي

[handsome]

بص تابع كويس الدروس اللى الشباب بيحطوها هنا
وعلشان تبدا تحتاج نسخة من البرنامج وتبداء اولا تاخد فكرة عن الادوات العامة وواجهة البرنامج دا بشكل مختصر الى ان ادور لك على وصلة لدروس مبتدئين او حد من الشباب يكون سبقنى وجابهملك
والتعريفات بشكل مبسط
1- موديل :: يطلق على اى شىء فى الدنيا ممكن تتخيلة من اول الابرة الى الصاروخ مرورا بالبنى ادم او السيارة او الكمبيوتر
بمعنى اخر الموديل هو شىء موجود فى الواقع تقوم انت بعملية محاكاة له بداخل البرنامج وقد يكون هذا الموديل منتج جديد وليس موجود بالواقع وتقوم انت بعمل تصور لة بناء على تصميمات يعنى تقدر مثلا ترسم شخصية او سيارة او غرفة بداخل البرنامج وهذا يطلق علية موديل ومرحلة بناء الشخصية داخل البرنامج تسمى بالمودلينج وكلهم الفاظ انجليزية هى model و modeling او بالعربى نمذجة

2- خامات : انت بعد ما تنتهى من مرحلة بناء الموديل مثلا موديل سيارة الموديل بيكون بدون اى الوان او خامات يعنى تعطى السيارة لون احمر لامع ويكون بيعكس الضوء بدرجة معينة هذهة تسمى خامة وتغطى كراسى السيارة بخامة تعطى احساس خامة الجلد هذة ايضا تسمى خامة بمعنى ان الخامات هى شىء تضيفة للموديل علشان يطلع بشكلة الواقعى زى ما تيجى انت بمنزلك تقوم بدهان المنزل انت اعطيت المنزل خامة

اضاءة :
الاضاءة بعد ماتقوم بعمل الموديل ووضع الخامات علية لابد انك تضع اضاءة للمشهد يعنى مثلا لو انت بمنزلك جالس فى غرفة ها تعرف تشوف اى شىء فى الغرفة لو النور مغلق ؟؟؟ طبعا لا لابد انك تضىء المصباح لترى الموجودات بالغرفة نفس الفكرة بالماكس
لو انك عملت موديل لغرفة نوم واعطيتها الخامات لابد تضع المصابيح التى ستنير المكان او حتى لو سيارة بالشارع لابد ان تضع اضاءة شمس تنير المشهد
التحريك :
هو انك بعد ما تعمل الموديل وتحط الخامات والاضاءة تقوم بتحريك الموديل يعنى مثلا لو سيارة ها تخليها تمشى او تخللى بابها يفتح ويغلق وكل دة عن طريق ادوات موجودة بالبرنامج

الريندر : هو ببساطة اخراج العمل فى شكلة النهائى يعنى مثلا لو انت بترسم لقطة ثابتة علشان تعرف تشوف اللقطة دى لابد تقوم باخرجها على شكل صورة او لو عمل بة حركة لابد تخرجة على شكل فيلم فا البرنامج علشان يخرج الملف بالشكل النهائى لابد انة يعمل عملية الريندر اللى بيقوم فيها بحساب كل المعطيات اللى انت اعطيتها له من خامات وموديل واضاءة ليعطيك الملف النهائى فى شكل تقدر تشوفة على الوسيلة اللى تحددها

هذا ببساطة اتمنى انة اكون وضحت وما اخطئت واى استفسار جاهز وفى انتظار باقى ردود الشباب

[abdelnaser]

بص يا أخى أنا كنت زيك كدة أفضل حاجة ليك ودى عن تجربة حمل دروس رحلة داخل عالم 3Dmax
وهتعرف حاجات كتير وتفهم البرنامج ماشى ايزاى
اليك الرابط
http://www.maxforums.net/showthread.php?t=155651

وأبقى طمنى وصلت لايه

[handsome]

بص يا أخى أنا كنت زيك كدة أفضل حاجة ليك ودى عن تجربة حمل دروس رحلة داخل عالم 3dmax
وهتعرف حاجات كتير وتفهم البرنامج ماشى ايزاى
اليك الرابط
http://www.maxforums.net/showthread.php?t=155651

وأبقى طمنى وصلت لايه

فعلا هذه هى مجموعة الدروس اللى تحتاجها + التعريفات فوق دى اول خطوة لك بعد كدة مش ها تحتاج تسال تانى باذن الله وهتلاقى نفسك مشيت مع تيار الماكس الى المصب

[omar helmi]

مشكور اخى handsome واخى abdelnaser واخى max-design
على مساعدتكم ليا الف الف شكر وبإذن الله هبدأ بفضل الله وبفضل مساعدتكم
ولو سمحتو ليا نكون على اتصال

[omar helmi]

مشكور اخى handsome التعريفات دى فعلا تقريبا فهمت بيئه الماكس جزاك الله خيرا

[omar helmi]

الف شكر لك اخى abdelnaser على الرابط فعلا كنت محتاجه جزاك الله خيرا

[omar helmi]

الله عليك اخى max-design اعمالك جيده جدا نفسى اعمل زيها وهاعمل بنصحيتك انشاء الله الف شكر على مرورك