موضوع: علاء الدين .. والبراد السحري !

ردود: 15 | زيارات: 906
  1. #1
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802

    علاء الدين .. والبراد السحري !

    هذه قصيدة بالعامية لفتاة صعيدية لها مدونة تحمل نفس الأسم ... ليست قصيدتي أنا مجرد ناقل لها ..

    -------------------------------------------------------------

    كان يا مكان ........ ولد فقير عدمان

    أسمه علاء الدين ....... واحد من الغلبانيين ..


    وفي يوم وهو ماشي في الطرقات ......... لمح ياسمينا ست البنات ..


    وأتمنى تكون حبيبته ....... أم عياله وزوجته ..


    بس أزاي وهي بنت ملك البلاد ....... وهو شحات .. !




    وقعد فيها يفكر ويفكر ....... ويسهر ويسهر..


    وفجأه طلعت أمه من العشه اللي ساكنين فيها ....... وأدته علقه باللي في رجليها ..!


    قالتله يا متعوس ....... ما تروح تذاكر الدروس ..


    قام علاء الدين وهو بيتطوح من الضرب ......... وحالته غلب ..


    وقال أما أعمل كوبايه شاي هنيه ....... علشان أعرف أذاكر الليله ديه ..



    وجاب البراد وقعد ينضفه بالليفه .... ودعكه دعكه خفيفه ..


    وإذا بالبراد يهتز واللي جواه يندلق ...... وعلاء الدين في الأرض لزق ..


    وفجأه خرج جني كبير ...... وسط دخان كتير ..


    وقاله شبيك لبيك ..... عبدك وملك أديك ..


    فرح علاء الدين فرح كبير ..... وقاله من غير تأخير ......


    عايز أخد الثانويه العامه ....... وأدخل كليه محترمه ..


    قاله الجني ما تذاكر يا فكيك ...... هو أنا مكتب التنسيق .. !

    رد علاء الدين ... بس المنهج صعب ....... والمدرسه حالتها كرب ..

    قال الجني ..... خلاص خد دروس خصوصيه ....... والمصاريف عليا ..!



    وأخد علاء الدين دروس في مواد كتير ....... ونجح وجاب مجموع كبير ..


    راح للجني ومعاه النتيجه علشان يعرفه بيها ...... طلعله الجني وقاله دي ساعه تصحيني فيها ..!


    عايز أيه يا سيدي تاني ........ ما هو العيال هي اللي كانت نقصاني ..!



    قاله عايز أدخل " شرطه أو حربيه "..


    صرخ الجني ..... نعم يا عنيا ! ..... ده أنت أهلك كلهم حراميه ..!

    قال علاء الدين .. موش أنت جني وعفريت ..... وهتجبلي واسطه أكيد ..

    قاله هو أنت فاكرني ملك الجان ...... ده أنا عفريت غلبان ..


    أنا جني على قدي ...... ساكن في براد مصدي ..!

    شوف كليه تانيه الله يخليك ...... موش ناقصه هي بلاويك ..!



    طيب أدخل " سياسه وأقتصاد "....... وأطلع سفير للبلاد ..


    ضحك الجني وقاله عايز تبقى سفير ...... ده أنت أبوك غفير ..!


    دي برضه عايزه واسطه تانيه ...... هو أنت موش عارف البلد ديا ..!



    قاله علاء الدين خلاص أدخل " إعلام " ...... وأبقى صحفي همام ..!

    رد الجني طيب تمام ... بس علشان تبقى صحفي همام .......

    لازمك واسطه من صحفي كبير ...... وألا هتعيش طول عمرك في مشاوير !


    تجري ورا الخبر ده والخبر ده ..... ومن الجرايد القوميه للمعارضه ..

    يا بني دي برضه محتاجه واسطه تانيه ....... أيه البلاوي ديا ..


    قاله خلاص أدخل " كليه الطب " وأطلع دكتور مشهور .......

    رد الجني أوامرك يا أمور

    روح قدم على الكليه ....... والسماعه والبالطو عليا ..!

    ودخل علاء الدين كليه الطب ......... وكان ده أول مطب ..


    دخل المشرحه في أول يومين ....... وكانت كل الجثث في المشرحه مخنوقين أو مقتولين !

    وكمان موش مكفيين ...... الطلبه المساكين

    غير سكاشن الفسيولوجي والهستولوجي والباثولوجي ...... والفارما والبايو والميكروبيولوجي ..

    وفضل يذاكر ويذاكر ...... ولأنه كان شاطر ........ طلع من الأوائل ..

    أول ما راح سنه رابعه من الكوسه بلم ..... ومخه ضلم ..... والواسطه أشتغلت يا معلم ..!


    ولاد أعضاء هيئه التدريس يجيبوا تقديرات بالهبل ...
    وولاد الناس التانيه يجيلهم شلل ..

    تعب علاء الدين من الظلم والواسطه ..... وقال للجني دي كليه أونطه ..!



    قاله الجني خلاص روح " صيدله " ..... حلوه الكليه ديه

    خمس سنين وتترزع بعدها في أي صيدليه ..

    دخل علاء الدين صيدله ....... وطلع عين أهله من البرجله ..


    فارما وفيتو وصيدلانيات ...... عقاقير وحبشتكنات .. !


    وكله كوم ...... والبايو كوم ...... وحفظ حلقات البنزين في المعادلات اللي بالكوم ..

    علاء وشه في الكتب لزق ....... وعاش على طول في قلق ..

    وده غير معامل الكليه ....... اللي تجهيزاتها موش هيه ..



    وفجأه وهو بيشتغل في المعمل حس بحر ..... وودنه كبرت ووشه أحمر ..


    راح للدكتور قاله عندك حساسيه من المواد الكيميائيه ...... ولازم تسيب الكليه ..


    قال أحسن أنا هروح " هندسه " ...... أهي كليه سهله وكويسه ..


    وبرضه من كليات القمه ...... وأتخرج وأبني للناس مباني بذمه ..


    دخل علاء الدين الكليه ...... وبرضه تعب أبن الفقريه ..

    سهر الليالي على الشاسيهات ..... يرسم في التصميمات ....... ويتعلم أوتوكاد !

    ولما راح يصحح الشفافات ...... المعيد قاله دي رسومات ...... تمسح بيها البلاط ..!


    عيد الرسومات من تاني ..... ووريهاني ...... علشان أقطعهالك تاني ..!


    هو أنت فاكر أنك هتبقى مهندس بالساهل ...... أنت من الأخر مهندس فاشل

    يا فاشل يا فاشل يا فاشل ..



    راح علاء الدين للجني مكسور الجناح ...... وبدأ وصله من البكاء والنواح ..

    قاله العفريت البكا لا هيجيب ولا يودي ....... حل المشكله عندي ..

    سيب الكليه وادخل " طب بيطري " ....... بدل ما تتهبل بدري ..


    ودخل الغلبان الكليه ...... ودماغه ساحت زي المهلبيه ..


    وحس أن الكليه دي سبهلله ...... بياخد فيها مواد طب وزراعه وعلوم وصيدله ..


    ده غير أن المواد صعبه وكتير ........ وواخدها بين الكليات مشاوير ..

    وكل الحيوانات اللي بيذاكروا في الكليه عليها ....... عندها أمراض تعدي وتموت قريه باللي فيها ..



    ولما وصل لأمتحان الجراحه اللعين ....... جابوله كام كلب ميتين .....

    متشرحين ..... ومقسومين نصين ........

    وقبل ما يموتوا كانوا مسعورين .... و مزنوقين ..!

    وجاله الدكتور وبصله بقرف ....... وقاله أعمللي عمليه تقطع لهم الخلف ..!


    رد علاء الدين أزاي ده الكلب مزنوق ...... كده هينقض الوضوء ..!


    صرخ الدكتور .... هو أنت بتصلي كمان ........ جيل أخر الزمان .. !

    قدامي على حرس الكليه ....... شكلك تبع الجماعه اللي هي ..!

    وأتسحل علاء الدين من قفاه ....... وأتحبس كام يوم لما قدامه بقي وراه ..


    وأتعلم أصعب درس ...... وقرر أنه يركز في الهلس ..


    لكن الجني طبطب عليه وكلمه بصوت وديع ....... وقاله كده مستقبلك هيضيع ..


    تعالى نشوف كليه تانيه ....... ما تخافش وأعتمد عليا ..


    --------------------------------------------

    للأسف الكاتبة لم تكمل باقي الكليات وأغلقت مدونتها حتى إشعار أخر



  2. #2
    عضو فعال
    صور رمزية Manhal3D
    تاريخ التسجيل
    Feb 2009
    المنطقة
    Iraq
    ردود
    169
    ههههههههههههههههههه.........عجيب الوزن والقافية
    اذا ركلت من الخلف فأعلم أنك في الامام

  3. #3
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    يمكنك أن تعتبرها خواطر ساخرة مقفية .. شعر عامي حر

    بالمناسبة .. إذا ركلت من الخلف فأعلم أنك ملطشة !!

  4. #4
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    هههههههه
    طب ما يشوف حاجة سهلة أكتر و يكمل تضييع

    الود علاء ده بيفكرنى بنفسى ^_^

  5. #5
    عضو متميز
    صور رمزية midnight99
    تاريخ التسجيل
    Dec 2007
    المنطقة
    alex -مصر
    ردود
    3,748
    هههههههههههههههه جامد جدا
    فعلا الفقري فقري
    الموقع المعتمد للسينما فوردي في الشرق الاوسط
    http://arab4d.net



    درس عمل مودلينج لبرج القاهرة ببرنامج سينما فور دي


  6. #6
    هههههههههههه .. جامد والله يا فلاشاوي

    اول مر اعرف انك شاعر
    Nader nabil
    My portfolio

  7. #7
    عضو نشيط
    صور رمزية 3D_PLAYER
    تاريخ التسجيل
    Jun 2009
    المنطقة
    تحيا مصـــــــــر
    ردود
    932
    ولاد أعضاء هيئه التدريس يجيبوا تقديرات بالهبل ... وولاد الناس التانيه يجيلهم شلل ..
    دى صح 1000,000 % + ان عشان تفتح عياده و تتخصص بتقعد بالسنين طب دى 14 سنه مش 7 سنين و فى الاخر التكليف بيكون مرتبه 200 جنيه و شويه فاكه ياخد بيهم لبان من الخزنة
    بسم الله الرحمن الرحيم
    (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
    صدق الله العظيم
    اللهم ارحم امى و عافها و اعف عنها و اكرم نزلها و وسع مدخلها

  8. #8
    Blender&Sculptris
    صور رمزية BaGheEra
    تاريخ التسجيل
    Sep 2008
    المنطقة
    KSA
    ردود
    4,051
    القصيدة كلها ده به ديه له دي
    ان واجهتك صعوبة في اتقان التصميم اصمد وحاول وان حاولت وفشلت فلا بأس اعد المحاولة وان لم تفلح
    فحاول وان فلحت تكون نجحت وسر نجاحك هو اصرارك

  9. #9
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    القصيدة كلها ده به ديه له دي
    قلت أنها عاميه

  10. #10
    عضو متميز
    تاريخ التسجيل
    Oct 2007
    المنطقة
    سوريا
    ردود
    1,037
    ههههههههههه
    االقصة دي أوجعتلي دماغي
    ((اللهم صلي على محمد وآل محمد))

    الحمد لله رب العالمين

  11. #11
    ههههههههههه
    االقصة دي أوجعتلي دماغي
    القصه دي اوجعت دماغ كتير من المصريين ...
    Nader nabil
    My portfolio

  12. #12
    عضو متميز
    صور رمزية midnight99
    تاريخ التسجيل
    Dec 2007
    المنطقة
    alex -مصر
    ردود
    3,748
    لانها واقع اخي
    الموقع المعتمد للسينما فوردي في الشرق الاوسط
    http://arab4d.net



    درس عمل مودلينج لبرج القاهرة ببرنامج سينما فور دي


  13. #13
    عضو
    صور رمزية refaattco
    تاريخ التسجيل
    Jul 2008
    المنطقة
    Egypt
    ردود
    116
    حلوة كتير القصيدة ديا ... ويا سلام لو تتكرم عليا ... بالجزء التاني ولو تعبت شويا.

  14. #14
    عضو متميز
    صور رمزية MAXIOS
    تاريخ التسجيل
    May 2007
    المنطقة
    Cairo, Egypt
    ردود
    1,938
    يا سلام مكنتش اعرف ان علاء الدين مصري
    الجني ده بقا يطلع مين ؟ الحكومة ؟
    543212345
    خالد ماهر
    ـــــــــــــــــــــــــــــــــــــــــــــــــــــــــــــــــــ
    My Animations



  15. #15
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    مش انا صاحب القصيدة ... وأظن أني اوضحت ده بلون مميز في اول الموضوع ..

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل