لاقيت الشعر ده في بروفيل اخونا منسي عملت سيرش وجيته كله
منسي مسافر الامارات للي ميعرفش
منسي مسافر الامارات للي ميعرفش
خلاص راجع على بلادي
خلاص راجع على بلادي
وباكسر قلّه وأنا ماشي
ومش رايح هناك تاني
*******
بقول راجع على بلادي
على الحته اللي ربّتني
وجنب النخلة عالترعه
هناك مِسْقَه
تخش شمال
وتفضل ماشي طوالي
وبرج حمام كمان عالي
وعالناصيه
هناك بيتنا
وفيه قدامه تكعيبه
وشجرة توت
و*** أسود هناك مربوط
*******
مفيش أصعب من الغربه
ولا اسهل من طريق بيتنا
وآل رايح بلمّ فلوس
وسايب ناس عشقناها
وحبّتنا
وشايل فوق كتافي حمال
وكلمة قالوها في الأمثال
بإن اللي يسيب داره
يروح غربه
وشايل حمل.. يبقى حمار
دماغك بحر مـ الأفكار
*******
وقال رايح تسيب بلدك وتتغرّب
جتك داهيه
حبال الغربه يا مفتح
حبال واهيه
ومين مجنون عشان يهجر
جمال بلده
وييجي لغربه بتعانده
*******
تسيب نسمه وجو جميل
تروح للحر
بقول راجع على بلادي
ومين ينساها راس البر
وبنقزقز هناك ترمس
وده يغني وده يرقص
وعالرملة بنبني بيوت
بتتكسر
بموج البحر
وعالرملة كمان نحفر
في كام حفره
نغطيها بورق سلوفان
ورمل كمان
وننده حمدي أو محسن
نجيبه هناك ونتمشى
يقوم واقع
نصور دوغري كام صوره
ويتجنن
يروح قايم ويحدف طوب
وبالشقلوب
يروح واقع ومتكعبل
يروح واقف وشعره كنيش
*******
وعمري في يوم كمان ما أنسى
ساعات حلوه وعالكورنيش
وعم فاروق هناك قاعد
ومحمود جنبه بيساعد
ويعمل شاي
وتشرب أحلى كبايه
وتتمشى في جو جميل
تشوف أسدين
ومن فوق كوبري قصر النيل
بترميلك ريال فضه
وتتمنى
بإنك بس تستنى
تشوف إبنك بيتجوّز
يكون عمرك يدوب ستين
وفـ مراتك بتتعكز
تفوق دوغري وبتكمّل
*******
ورحت البيت لقيت امي
بتندهلي
تقول حزر هنطبخ إيه؟
أقول كشري
تقوم خبطاني على راسي
تقول عارف يا سوسه منين؟
أكيد عبده الجبان قالك
ومين قدك
حماك عازمك
وبتنادي يا واد يا أحمد
مشفتش يا إبني نضارتي؟
نقوم نضحك من المنظر
تقوم بصالي وتكشّر
تقول مالكم بتضحكو ليه؟
نقول يا حبيبتي نضارتك
على عنيكي
ودي أجمل حاجات فيكي
بتنسي بسرعة وفـ ثانيه
عشان قلبك كتييير أبيض
*******
بقول راجع على بلادي
وهشرب ميه مـ القله
وهاكل محشي مـ الحله
وهتمشّى
وهلعب كوره يوم جمعه
وأعلّي الراديو عالآخروفي المترو راح أتّـاخر
عشان تقعد بنات حلوه
وأقزقز لب في الشارع
وأغني كمان بصوت عالي
وهعمل نفسي مش سامع
وهرجع بيتي نص الليل
وهضرب نفسي ميت جزمه
لو إني صحيت في يوم مخنوق
وجيت فكرت في الغربه
*******
خلاص راجع على بلادي
وباكسر قلّه وأنا ماشي
ومش رايح هناك تاني
*******
بقول راجع على بلادي
على الحته اللي ربّتني
وجنب النخلة عالترعه
هناك مِسْقَه
تخش شمال
وتفضل ماشي طوالي
وبرج حمام كمان عالي
وعالناصيه
هناك بيتنا
وفيه قدامه تكعيبه
وشجرة توت
و*** أسود هناك مربوط
*******
مفيش أصعب من الغربه
ولا اسهل من طريق بيتنا
وآل رايح بلمّ فلوس
وسايب ناس عشقناها
وحبّتنا
وشايل فوق كتافي حمال
وكلمة قالوها في الأمثال
بإن اللي يسيب داره
يروح غربه
وشايل حمل.. يبقى حمار
دماغك بحر مـ الأفكار
*******
وقال رايح تسيب بلدك وتتغرّب
جتك داهيه
حبال الغربه يا مفتح
حبال واهيه
ومين مجنون عشان يهجر
جمال بلده
وييجي لغربه بتعانده
*******
تسيب نسمه وجو جميل
تروح للحر
بقول راجع على بلادي
ومين ينساها راس البر
وبنقزقز هناك ترمس
وده يغني وده يرقص
وعالرملة بنبني بيوت
بتتكسر
بموج البحر
وعالرملة كمان نحفر
في كام حفره
نغطيها بورق سلوفان
ورمل كمان
وننده حمدي أو محسن
نجيبه هناك ونتمشى
يقوم واقع
نصور دوغري كام صوره
ويتجنن
يروح قايم ويحدف طوب
وبالشقلوب
يروح واقع ومتكعبل
يروح واقف وشعره كنيش
*******
وعمري في يوم كمان ما أنسى
ساعات حلوه وعالكورنيش
وعم فاروق هناك قاعد
ومحمود جنبه بيساعد
ويعمل شاي
وتشرب أحلى كبايه
وتتمشى في جو جميل
تشوف أسدين
ومن فوق كوبري قصر النيل
بترميلك ريال فضه
وتتمنى
بإنك بس تستنى
تشوف إبنك بيتجوّز
يكون عمرك يدوب ستين
وفـ مراتك بتتعكز
تفوق دوغري وبتكمّل
*******
ورحت البيت لقيت امي
بتندهلي
تقول حزر هنطبخ إيه؟
أقول كشري
تقوم خبطاني على راسي
تقول عارف يا سوسه منين؟
أكيد عبده الجبان قالك
ومين قدك
حماك عازمك
وبتنادي يا واد يا أحمد
مشفتش يا إبني نضارتي؟
نقوم نضحك من المنظر
تقوم بصالي وتكشّر
تقول مالكم بتضحكو ليه؟
نقول يا حبيبتي نضارتك
على عنيكي
ودي أجمل حاجات فيكي
بتنسي بسرعة وفـ ثانيه
عشان قلبك كتييير أبيض
*******
بقول راجع على بلادي
وهشرب ميه مـ القله
وهاكل محشي مـ الحله
وهتمشّى
وهلعب كوره يوم جمعه
وأعلّي الراديو عالآخروفي المترو راح أتّـاخر
عشان تقعد بنات حلوه
وأقزقز لب في الشارع
وأغني كمان بصوت عالي
وهعمل نفسي مش سامع
وهرجع بيتي نص الليل
وهضرب نفسي ميت جزمه
لو إني صحيت في يوم مخنوق
وجيت فكرت في الغربه
*******
تعليق