كل عام وأنتم بخير

[AbuAbdo]

مسا الخير شباب وكل عام وأنتم بألف خير
اليوم إجازة وحبيت أستغل الإجازة بشي مفيد, فكرت أتعلم شوي منتال ري والحمد لله وصلت لنتيجة مقبولة نوعاً ما بس مش مرضيتني
حواف الظل حادة وبالواقع لازم تكون انعم بس ما عرفت كيف أعملها.
المشهد استخدمت فيه إضائة IES SUN مع Sky LIGHT
لو في طريقة أفضل كمان.

[AbuAbdo]

كمان انعكاس اللون الأخضر على الجدار الخارجي قوي زيادة كيف بتخفف

[abuabdo79]

شلونك أبو عبدو الغالي ؟؟.
أولاً : كل عام و انت بخير .
ثانياً : أنا عندي DVD تعليمي من شركة digitaltutors شامل لموضوع الإضائة بالمينتال راي .
للأسف حجمه كبير ، ما بستطيع أرفعه .
لكن هي رابط الـ DvD من الشركة عسى إنك تقدر تحصله .
الـ DVD فعلاً قيم و شامل للمينتال راي من الألف إلى الياء .
و مرة أخرى كل عام و انت بخير

[abuabdo79]

عفواً نسيت أوضع الرابط هـــهههههههههه
http://www.digitaltutors.com/09/trai...d=106&pid=3553

[AbuAbdo]

مشكور جداً أخوي أبو عبدو وبالمناسبة لو في مجال ببعتلك حد تعطيه نسخة عن القرص وهوا ببعتها قطر
إذا ما فيها غلبة عليك طبعاً.

[A.CENA]

رائع ربنا يوفقك

[abuabdo79]

ما في أي مشكلة ، بس أنا بمنطقة بعيدة عن دمشق .
إذا إلك أي حدا بسوريا ، قادر يشتري الـ dvd من أي محل كون الـ dvd موجود .
و إذا ما قدر يحصل عليه ، أنا جاهز .

[AbuAbdo]

ياريت تعطيني اسم الdvd وانا بخلي حد يشتريه ويبعثلي إياه ومشكور جداً ويا ريت اسم المحل لو ممكن أكيد من البحصة أو سوق المكتبات بالشام بس في محل معين ؟

[abuabdo79]

تكرم عينك
بس بدك تمهلني يومين تلاتة ، لأن الـ dvd مو معي حالياً . (( عند صديق ))
و رح ابعتلك اسمو , و الشركة اللي عم توزعوا ، ومن أي محل بتقدر تحصل عليه .
برسالة خاصة ان شاء الله .
(( بتوقع اسمو مثل ما هو وارد بالموقع تماماً )) و مكتوب عليه على ما أذكر تعليم الإضائة بالمينتال راي .
و عليه نفس الصورة (( الأباريق الصفر )) .