صفحة 1 من 12 1234511 ... أخيرأخير
النتائج المعروضة من 1 الى 20 من مجموع 240

موضوع: كيف تكتب سيرتك الذاتيه و تصنع ديموريل باحتراف .. حازم صبري

ردود: 240 | زيارات: 63407
  1. #1
    مشرف منبر Maya
    صور رمزية hmsabry
    تاريخ التسجيل
    Jul 2007
    المنطقة
    Egypt
    العمر
    35
    ردود
    1,376
    صور في المعرض
    1

    كيف تكتب سيرتك الذاتيه و تصنع ديموريل باحتراف .. حازم صبري

    السلام عليكم ورحمة الله وبركاته ...

    الموضوع ده مهم جدا .... وهو ازاي تكتب سيرة ذاتية ..؟؟ ازاي تعمل شوريل ...؟؟
    ازاي تتكلم في المقابله


    تعالو نتكلم في مفهوم مهم جدا لازم كل واحد يفهمه كويس جدا...
    وهو الشركات بتفكر ازاي عشان نفهم هما بيقبلو ناس ليه ..؟؟ وبيرفضو ناس ليه ...؟؟
    بس انا هاتكلم علي مستوي الشركات الكبري الاجنبيه ... لان الصراحه الكلام ده انا سمعته
    من محاضره في siggraph من واحده كانت شغاله (H.R (human resources
    في شركات (ILM, disney, rhythm and hues) فلكَ ان تتخيل ...!!!!!!

    1)لازم تتخيل كانك بتشتغل في المبيعات ... تمام .. وبتسوق منتج مش معروف وجديد ... المنتج
    ده هو (حضرتك)

    ايه هي الحاجات اللي هتعملها عشان تخلي الناس تشتري ...؟؟
    A- لازم تشد انتبهه ليك و تخليه مركز معاك جدا (بالمنتج)
    B- لازم تخلي المنتج جذاب جدا .. الوانه .. تصميمه ... تغليفه .... حتي لو بسيط ... (ماهو مش كل
    البياعين بيبيعو ماس والماظ ...!! في ناس بتبيع حاجات بسيطه جدا ...!! باسعار غاليه جدا ...!! لمجرد
    شكله حلو ...!! الماس تحفه ... والكريستال تحفه برده ....!! المهم ... المنتج مايبقاش شكله منفر...!!
    C- ماتعرضش منتج مأطوع وبايظ .. (وانت عارف) اعرض بس الحاجات اللي ممكن تتباع منغير ماتنفر
    الزبون بمنتجات بايظه فتفقد ثقته فيك ويعرف انك (اي كلام).
    D- اختار الفئه الصحيحه للمنتج بتاعاك (الناس اللي عاوزين المنتج ده) يعني ماتعرضش منتج (خضروات)
    علي اكلين لحوم البشر

    تمام ...
    ده كانت المفاهيم .... ازاي نطبق ده بقي ...

    الشوريل(1) ...
    1) مدة الشوريل 1:30 دقيقه... ده من اول مالفيديو يلعب لحد ماينتهي
    وده اكبر غلطه الكل بيقع فيها ...!! انه يعتقد ان الشوريل ده لازم يحط كل الشغل من اول ماقال ياكمبيوتر
    لازم تفهم ان في شركات بيتقدملهم 100 واحد ...!!! انت تتخيل انه ممكن يتفرج علي اكتر من 15
    ثانيه من الشوريل ....؟؟؟اكييييييييد لأ ...!! هو لو لاقا ال 15 دول بلح ...؟؟ شكرا ...!!! اللي بعده ...!!!!

    2) زاي ماقولت ... اول 15 ثانيه ... هي دي فرصتك ...!! لاااااااااااااازم توريلوه اقوي حاجه عندك
    عشان تقوله .... وقف ياعم ..... انا حد جامد .... فامايطفيش ... ويفضل مركز معاك ..!! لو ماتشدش في 15
    دول .... شكرا ...!!!

    3)ماتحطش تطور شغلك ...!! الغلطه ده ناس كتيره بتقع فيهه ... بيفتكر انه لازم يقول للزبون ده انا كنت
    عامل الساعه ده خشب وكان شكلها كده ... وبعدين خليتها بلاستيك ... وبعدين مش عارف ايه ...!!!!
    لا ... انت تلزق في وشه ساعه rolex وماتتكلمش ..هو هايتثبت .... ويشتري علي طول ...!!!!
    هتفرق معاه ايه rolex ابتديت ازاي ..؟؟ انت كده بتضيع وقته..!!

    4) افهم انت بتقدم فين ....!! لو رايح تقدم لقناه ... ماينفاعش توريهم اعلانات ... همه عاوزين فواصل تترات
    ولو رايح استديو اعلانات ... ماتوريهوش صفحات انترنت انت مصممها ...!!!
    لان لازم تفهم ... ان معظم اللي بيفرزو الشغل بيبقو اصلا HR مش ناس 3d atrist فاهو قالولو عاوزين
    واحد محرك شخصيات ... وانت كنت باعت شوريل فيه فواصل وتترات ...!!! يبقي شخص غلط ...!!!
    مع انك ممكن تكون بتاع شخصيات ..!!!!!! يبقي لازم تفهم انت عاوز تقدم انك ايه ...؟؟؟

    5) افهم وظيفتك اللي بتقدم ليها ... انت عاوز ايه ...؟؟ او ايه اقوي حاجه عاوز تبيعها ..؟؟ انت بتاع كاراكتراات
    يبقي شوريل كله شخصيات وتحريك (وحاجات rigging) بتوري قوتك هنا ...!!
    موديلر ... wire frame للشغل و turn tables وتتفنن في اظهار الكلام ده ...!! لكن مش سلاطه ...!!!
    الا لو انت generalist دايس في كلو وبتشيل شغل كامل واحدك ..!!

    6) اسمك واضح وكل بياناتك في اول واخر الشوريل واضح واخد وقته .... وخليه دايما updated لو غيرت
    اي رقم ولا mail

    7) حاول ال CD مطبوع عليه اسمك (lightscribe) ويبقي شكل الاسطوانه ملفت للانتباه وحاول تحطها
    في علبه او cover شكله ملفت جدا جدا عشان لو محطوط في وسط 100 cd يبقي شادد النظر جدا
    وخلي اسمك باين علي العلبه من بره بحيث العلبه لو محطوطه علي المكتب تتقرأ لو في رف تتقرأ...
    لان في ناس بتبعت شغلها علي CD في ظرف مقطع ...!!!!! او يقولك علي flash memory ...!!!!!
    الكلام ده مايصحش ...!!!! شغلك اغلي من انه يتباع بالشكل الرخيص ده ..!!!

    (الست اللي كانت بتحكي الكلام ده قالت مره واحد كان باعت شغله في علبه وكان حاطت في العليه نوع
    لبان حلو جداااااااا عشان اللي يفتح ياكلها تفضل لازق في دماغه ....!!!!!
    وواحد تاني كان حاطت donut )


    انت انسان بتشتغل حاجه فنيه ... فاهتم بجمال منتجك ...

    يتبع ,,
    Hazem M. Sabry
    VFX Artist
    MBC Creative Service
    ===========
    www.hmsabryworks.com
    Voxel Works - My Tutorials Page


  2. #2
    مشرف منبر Maya
    صور رمزية hmsabry
    تاريخ التسجيل
    Jul 2007
    المنطقة
    Egypt
    العمر
    35
    ردود
    1,376
    صور في المعرض
    1
    الرجاء لو محتاج الموضوع يتثبت ..قيم الموضوع ....
    و لو وصل التقيم الي 20 شخص هثبته ان شاء الله ..
    Hazem M. Sabry
    VFX Artist
    MBC Creative Service
    ===========
    www.hmsabryworks.com
    Voxel Works - My Tutorials Page

  3. #3
    خمس نجوم ياللى نسينى

  4. #4
    مشرف منبر Maya
    صور رمزية hmsabry
    تاريخ التسجيل
    Jul 2007
    المنطقة
    Egypt
    العمر
    35
    ردود
    1,376
    صور في المعرض
    1
    اقتباس الموضوع الأصلي كتب بواسطة chako معاينة الرد
    خمس نجوم ياللى نسينى
    تشكر يامان ... الموضوع بجد مهم جدااااااااااا
    Hazem M. Sabry
    VFX Artist
    MBC Creative Service
    ===========
    www.hmsabryworks.com
    Voxel Works - My Tutorials Page

  5. #5
    عضو نشيط
    صور رمزية Mr.jokeR
    تاريخ التسجيل
    Sep 2006
    المنطقة
    المغرب => الدار البيضاء
    العمر
    28
    ردود
    847
    وخمس من عندي ... موضوع مهم مثل هذا ضروري يتثبت ... هذا مستقبل ناس
    الف شكر استاذ حازم..
    سبحان الله وبحمده .. سبحان الله العظيم
    Alias Wavefront MAYA

  6. #6
    عضو قدير
    صور رمزية MOHSEN
    تاريخ التسجيل
    Jul 2006
    المنطقة
    ..::EGYPT ::..
    ردود
    3,239
    صور في المعرض
    1
    كلام رائع من شخص اروع ..

    تحياتى
    A BiG FaN OF

    MAXFORUMS
    Theory_Of_Design@yahoo.com



    م / محســن عمــاد
    mohsen_3d

  7. #7
    اقتباس الموضوع الأصلي كتب بواسطة hmsabry معاينة الرد
    تشكر يامان ... الموضوع بجد مهم جدااااااااااا
    على فكره انا استفد منه كتير ياريت لو فيه مواضيع نفس الاتجاه متبخلش علينا بيها ربنا يكرمك مستر حازم

  8. #8
    فعلا كلام مهم لى كل مصمم

    المفروض ده يتحط فى قسم المواضيع العامه

    لان الموضوع ده يهم كل شخص فى منتدا المنابر
    ما أعظم ان تكون غائبا حاضر ... على ان تكون حاضرا غائب ...

  9. #9
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,059
    جااااامد جدا يا استاذ حازم جت في وقتها متااابع

  10. #10
    مشرف منبر Softimage|XSI
    صور رمزية donjwan88
    تاريخ التسجيل
    Dec 2005
    المنطقة
    مصر
    ردود
    5,717
    مشكور جدا فعلا الموضوع دى مهم جدا ومحتاج التثبيت

    بيس بعد ازنك انت مجاوبتنيش على سؤالي وهو

    ويا ريت بعد ازنك تقلنا ازاي نقدر نعرف ان الشركات طالبة مصممين يعني مثلا في مجلات او جرايد بتعرض وظائف مصممين والا اية





    وعندي سؤال اخير


    يعني انا مثلا قمت بعمل فلم انيميشن قصة قصيرة ميتعداش 40 دقيقة مثلا وعاوز ابيعة ازاي اقدر اثبت ان العمل دة بتاعي او ملكي بمعنى اصح وهل حضرتك تعرف اسعار الافلام الموجودة في السو ق المصري


    اسألتي كترت صح

    بس هاعمل اية فرصة بقى هههههههههههه


    وربنا يوفقك وايوفقنا جميعا
    سبحان الله وبحمده سبحان الله العظيم


    من قال سبحان الله وبحمده ( 100 ) مرة في يوم غفرت كل ذنوبه
    وإن كانت مثل زبد البحر


    ألا أدلك على كلمة تقولها بدقيقة واحدة فقط تحصل بها على اكثر من ( 100.000.000.000 ) حسنة ( مائة مليار حسنة ) بل أكثر والله يضاعف لمن يشاء فقد قال ارسول صلى الله عليه وسلم في حديثه ( من قال أستغفر الله العظيم التواب الرحيم لذنبي وللمسلمين والمسلمات والمؤمنين والمؤمنات الأحياء منهم والأموات إلى يوم الدين كتب له بكل مؤمن ومؤمنة حسنة )


    مدونتي


  11. #11
    معلومات مفيدة جدا واعتقد ان اللينك دة هايكون مفيد ولو بعض الشئ

    http://www.pixar.com/companyinfo/jobs/howto.html

  12. #12
    بارك الله فيك...
    موضوع ثمين.
    إنا لله وإنا إليه راجعون

  13. #13
    3D ARTIST
    صور رمزية WASSSIM
    تاريخ التسجيل
    Jul 2009
    المنطقة
    Maroc - Agadir
    العمر
    21
    ردود
    3,080
    صور في المعرض
    2
    جزاك الله خيرا اخي حازم
    فعلا موضوع كثيير محكم و فعال لكل من يريد يشتغل بالشركات الكبيرة
    أخر تعديل بواسطة WASSSIM في 04 / 01 / 2010 الساعة 04:18 PM

    2D , 3D cHAraCTeR dEsIGn + 3D M0DeLeR

  14. #14
    جميل مستر حازم .......بس مفهتش حاجه ....لأنو تكتب بالعاميه .......
    في بعض الناس ما تفهم كنابتك ^^
    عشرين نجمه على الموضوع.....

    لكن هذا الموضوع للمحترفيين ^^
    .::: حياكم الله في قناتي على اليوتيوب :::.

    ll MY CHANNEL ll

    سأكتفي بالرد رقم 4,000

    ll FACEBOOK ll


    ll ادخل هنا واكمل تصفحك ll

  15. #15
    مشرف منبر Maya
    صور رمزية hmsabry
    تاريخ التسجيل
    Jul 2007
    المنطقة
    Egypt
    العمر
    35
    ردود
    1,376
    صور في المعرض
    1
    اقتباس الموضوع الأصلي كتب بواسطة chako معاينة الرد
    على فكره انا استفد منه كتير ياريت لو فيه مواضيع نفس الاتجاه متبخلش علينا بيها ربنا يكرمك مستر حازم
    ابخل ليه بس يامان .... قول وانا اقول علي طول ...
    الراجل لما سال علي الموضوع ماردتش ارد عليه في موضوع المقابله
    وقولت لا ده لازم يبقالو موضوع واحده لانه مهم ... واصلا لازم يتثبت
    عشان كل الناس محتاجاه ....

    انا اصلا لاقيت نفسي كنت بعمل كل الاخطاء اللي الست قالتها كلها او
    كنت عاوز اعملها كانها كانت بتقري افكاري

    ولما سمعتها ... قمت كاتب CV تانيه خاااااااااااااااااالص ... وعامل
    showreel تاني خالص ...!!!!! شيلت شغل كتير جدا ورتبت الشغل تاني من
    الاول وجديد ...!!

    وعلي فكره انا في اروما عملت كمية شغل كبيره جدااااااااااا ومش حاطته ...!!!
    انا حاطت شغلي بس القوي ....!!!! (لو حد شافه هايفهم ده) انا حاطت حوالي 10
    اعمال بس ..!!! هو مش بالكميه
    اقتباس الموضوع الأصلي كتب بواسطة kemoemo معاينة الرد
    فعلا كلام مهم لى كل مصمم

    المفروض ده يتحط فى قسم المواضيع العامه

    لان الموضوع ده يهم كل شخص فى منتدا المنابر
    والله يامان ... انا مابدخلش غير علي المايا بس ...!! فلو اتنقل لحته تانيه مش
    هاعرف اتابعه ....!!!
    بس لو الناس اجمعت (او ناس كتير) ممكن انقله الي المواضيع العامه

    بس انا ماياوي متعصب
    اقتباس الموضوع الأصلي كتب بواسطة donjwan88 معاينة الرد
    .......
    ويا ريت بعد ازنك تقلنا ازاي نقدر نعرف ان الشركات طالبة مصممين يعني مثلا في مجلات او جرايد بتعرض وظائف مصممين والا اية

    وعندي سؤال اخير


    يعني انا مثلا قمت بعمل فلم انيميشن قصة قصيرة ميتعداش 40 دقيقة مثلا وعاوز ابيعة ازاي اقدر اثبت ان العمل دة بتاعي او ملكي بمعنى اصح وهل حضرتك تعرف اسعار الافلام الموجودة في السو ق المصري


    اسألتي كترت صح

    بس هاعمل اية فرصة بقى هههههههههههه


    وربنا يوفقك وايوفقنا جميعا
    شوف ياعم .... الموضوع ده ممكن يضايقك شويه ...!!! الشركات مش بتنزل في الجرايد او اي حاجه
    بس هي ماشيه بطريقتين ...!!
    1) معارف ... (تعرف حد في اروما ويعرف انك حد كويس فيرشحك..)
    2) انت تعرف اروما فين ... وتهجم انت عليهم بنفسك

    عمتا للعلم بالشئ الاستديوهات في مصر:
    1) اروما
    2) جرافيتي
    3)X-rated
    4) cubes
    5) 2K
    6) softoria
    7) fenix
    8) Blade ..... (ناس صحابي همه اللي عملينو)
    9) magic box .....(ناس صحابي همه اللي عملينو)

    دول اللي انا اعرفهم واللي فاكرهم دلوقتي ..

    بس نصيحه شخصيه ...
    خد قرار ان خطوتك اللي جايه بعد الكلام اللي بقولهولك ده ... لازم تكون موزونه ... وراسيه
    بمعني ....
    لازم تكمل الموضوع ده معانا عشان في حاجات لازم تعرفها الحاجات ده بتاثر في الحكم علي شغلك
    ملهاش علاقه بجودة شغل ..!!!
    جماليات الشغل ... واخلاقياته ... وكمان هقولكم حاجات مفيده جدا لازم تعملها لو حد مبتدئ...

    انا كنت team leader / supervisor فاهقولك ايه اللي بيخلي تقييماك كويس جدا وايه اللي
    بيضيعاك ...!!!

    فابقو معانا ....

    بالنسبه لحفظ حقوق الملكيه ...!! معنديش فكره الصراحه ...!!!
    والاسعار ...!! مممممممممم هو انا مش بتاع كراكتر ... بس اعتقد ان الثانيه المفروض (المفروض) تبقي
    حاجه زي 2.000 ... 2.500 جنيه .. اعتقد بس برضه بتفرق ... من اعلان 10 ثواني ... لمسلسل 15 دقيقه
    لفيلم قصير 40 دقيقه فانتا عاوز حد شغال كراكتر في السوق هو اللي يسعرلك الشغل (بناء علي الجوده كمان)
    اقتباس الموضوع الأصلي كتب بواسطة -gfx- معاينة الرد
    معلومات مفيدة جدا واعتقد ان اللينك دة هايكون مفيد ولو بعض الشئ

    http://www.pixar.com/companyinfo/jobs/howto.html
    تسلم مجايبك ياغالي
    Hazem M. Sabry
    VFX Artist
    MBC Creative Service
    ===========
    www.hmsabryworks.com
    Voxel Works - My Tutorials Page

  16. #16
    مشرف منبر Maya
    صور رمزية hmsabry
    تاريخ التسجيل
    Jul 2007
    المنطقة
    Egypt
    العمر
    35
    ردود
    1,376
    صور في المعرض
    1
    تكملة الشوريل (1)

    8) لازم تعمل breakdown يعني شرح تفصيلي للي انت عملته في كل شوط
    انت حاطه في الشوريل والبرامج المستخدمه وده لازم يبقي PDF (ويفضل يكون
    فيديو لمراحل الشغل بس لو ماعملتوش مش مشكله لان بيبقي مفهوم ان في شركات
    مابتديش المراحل ده وبتديك بس فيديو للشغل بتاعاك)


    9) ماتهتمش بالموسيقي اوي .... لان معظم الشركات بيقفلو الصوت ...!!! ولما تنقي موسيقي
    ماتبقاش موسيقي حربيه او موسيقي super heavy metal

    10) لا تستخدم ابدا ابدا ابدا ... هذه الاشياء
    **lens flare زاي اللي بتطلع علي اسم (احمد صقر) في تتر مسلسلات رمضان لينس فليره
    جايبينها من العتبه لونها اخضر رايحه جايه علي اسمه 100 مره.
    انا فاكر لما كنت بعمل شغلانة Cairo Festival منويشي شفني وانا بجرب لينس فلير قلي لا لا لا لا
    شييل .... قولتله ... انا بكره اللينس فلير جدا بس في ايفيكت في دماغي عاوز اشوفه لو شكله
    وحش من غير مانت تقول هاشيله... وطلع شكله كويس الحمد لله.


    **مشاهد الفضاء ... الا لو انت مطلع حاجه زاي star wars

    لان الكلام ده لما بيفكس منك بيطلع شكله وحش جداااااااااااااااااااااااااااا ... ومتنساش انك بتاع مبيعات
    ويهمك انك تبيع المنتج ... مش المهم انك تعمل حاجات عجباك وخلاص ...!!
    Hazem M. Sabry
    VFX Artist
    MBC Creative Service
    ===========
    www.hmsabryworks.com
    Voxel Works - My Tutorials Page

  17. #17
    طالب / مدرسة الأنيميشن
    صور رمزية أنس أبو بكر
    تاريخ التسجيل
    Oct 2007
    المنطقة
    المملكة العربية السعودية
    العمر
    29
    ردود
    4,869
    صور في المعرض
    3
    موضوع جميل أخي حازم كعادتك.
    مدونتي

    لاحول ولا قوة إلا بالله

  18. #18
    عضو نشيط
    صور رمزية fx monde
    تاريخ التسجيل
    Mar 2009
    المنطقة
    المغرب ـــــــــ الرباط
    ردود
    443
    جااااامد جدا يا استاذ حازم

  19. #19
    عضو نشيط
    صور رمزية Mr.jokeR
    تاريخ التسجيل
    Sep 2006
    المنطقة
    المغرب => الدار البيضاء
    العمر
    28
    ردود
    847
    اقتباس الموضوع الأصلي كتب بواسطة hmsabry معاينة الرد
    او موسيقي super heavy metal
    ومالها موسيقى heavy metal
    ههههههههه امزح...

    -- لدي سؤال استاذ حازم .. ما رايك في عمل سي في الكتروني على الفلاش ؟؟
    سبحان الله وبحمده .. سبحان الله العظيم
    Alias Wavefront MAYA

  20. #20
    طالب / مدرسة الأنيميشن
    تاريخ التسجيل
    Dec 2008
    المنطقة
    حبيبي مايا
    ردود
    516
    مين قال 5 نجوم لا 5 نجوم مضروب على 1000.لا السماء كلها . الله يخليك يا استاد حازم دا انت و لله انسان نادر و الله بحق ا حقيقة

    ..................... ححاول اكتب 20 رد عشان الموضوع يتبث يعني...........

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل