استفسار عن كيفية قراءة ملف الأوتوكاد

[shadi_hou]

أخوي الكريم أشكرك على التفاعل بالموضوع
بالنسبة لردك الأول عن المساقط طيب ياريت تشرح لي بالنسبة لمخطط الجامع أي مسقط أفقي يتم البدء فيه وليش كيف يعني عرفت!!!
بالنسبة للفيلا أنا ما عرفت ليش انت استخدمت وحددت هالمسقط الافقي ومو التاني والتاني هل هو مخطط أفقي لطابق في الفيلا أم ماذا لو تعبتك معي بس لأني جديد بهالمجال أما عن الاوتوكاد فما بعرف فيه ولا شي ويلي بعرفه انو ممكن من خلال مخططه استخدم الثري دي دون الحاجة للاوتوكاد!!!!
ياريت لو نفتح ورشة مشتركة ونتعلم مع بعض وبلكي نعمل دروس للأخوة من الألف للياء بالنسبة لهالموضوع
وشكرا مرة ثانية

[shadi_hou]

بالنسبة لموضوعك ما قدرت أرد عليك لأن مكتوب صار له أكتر من 3 شهور وصار خامل
المهم شفت العمل جميل جدا بالنمذجة بس الاضاءة والاخراج بدهم شغل أكتر
ياريت لو وضعت مخطط الأوتوكاد للافادة لأني شايف انك استعنت بأكتر من مسقط فشكل البناية عم يختلف من الأرضي للطابق الأول يعني أكيد مو المخطط واحد صح ولا لأ!!!

[abdoubb]

أهلا أخي شادي
لم يسبق لي أن تعاملت مع هذا النوع من المخططات لكن على ما أرى هي نفس طريقة نمذجة السيارات و الشخصيات.... فقط ارسم على جهة و حرك النقاط على المسقط الآخر.
أما رابط البرنامج فهو الذي يمكن بواسطته فتح ملفات dwg مباشرة لأن السينما يفتح open dwg لأن الـdwg الأصلي محتكر من طرف autodesk

[shadi_hou]

أهلا أخوي عبدو كيفك وطمني عن الدراسة بعرفك غاطس فيها على ما يبدو!!!!
بالنسبة لمخططات الاوتوكاد شوي بتختلف عن السيارات والشخصيات لأنو هون ممكن يكون المخطط يحتوي على القبو والارضي والعلوي يعني بدها شوية تظبيطات أو تخيل لحتى الواحد يجيبها صح وأكيد في طريقة علمية لهلأمر!!!
خود على سبيل المثال المسقط تبع الجامع رقم 1 شوف لما رفعت المسقط الارضي ما تطابق مع المسقط الامامي
وما بعرف يمكن تدون البداية من المسقط 2 أو 3 والله أعلم وهالشي يلي عم ببحث عنه وإن شاء الله أجيب الطريقة أو أحد يساعدني لنتقن البرنامج مع الأوتوكاد ويكون الشغل سليم 100%
بالنسبة للبرنامج ما بعرف لكن شو هاد يلي فتح معي مو مخطط أوتوكاد هو امتداده dwg
والله يوفقك يا عزيز

[ديكور77]

كتاب لرسم المعماري يفيدك في قراءة الرسوم المعمارية
http://www.qassimy.com/vb/showthread.php?t=109521
وهدا الموقع سيفيدك في المعمار
http://www.arch.arab-eng.org/news.ph...list&cat_id=61
بنسبة للورشة فصراحة ليس لي دراية بكيفيةعمل درس صوت وصورةءة
أبحث عن دوروس الرسم المعماري ليعلمك عن كيفية قراءة الخرائط المعمارية

[shadi_hou]

شكرا والله بعرف انك عم تحاول تساعدني وألف تحية لك
بالنسبة للوصلات تم الرؤية للموقع والملفات بس جزء بسيط يلي بيفيد والباقي بيحكي بغير امور بالنسبة للعمارة يعني بعيدين عن فكرة شرح المخططات تبعيت الاوتوكاد وأي مساقط يتم البدء بها وغيره بس بتشكرك جدا
بالنسبة للدروس كتير سهل عملها وراح تشوف كتير برامج وطرق دور بالجوجل ولو تعلمت كيف تعمل راح تفيدنا جدا
تحياتي وياريت تبقى مواصل معي

[abdoubb]

أهلا أخي شادي
الدراسة الله يستر! أظن أنهم سيطرودونني عن قريب "_"
أما بخصوص التصميم.... أظن أن الطريقة هي طريقة تصميم السيارات... فقط هذه المرة ما عليك إلا بتقسيم المخطط...يعني الإسقاطات الأولية الرئيسية تعملها وحدها ثم تقوم باستعمال الإسقاطات الأخرى لعمل التفاصيل.

[shadi_hou]

ليش يطردوك يا غالي مادامك متميز ببرنامج وبتعمل أكواد يعني مخك ماشاء الله مفتّح وبس الدراسة بدها صبر لأنو فيها شغلات بتعقدأحيانا بس اصبر شوي واتعب راح تشوف بعدين النتيجة
بالنسبة لكلامك على المساقط هاد هو بيت القصيد يلي عم بلف وبدور حوله يعني برأيك متل الصور يلي أنا حاططها بتقدر تقول من أي مسقط رح تبدأ؟أنا الصراحة عجزت ولفيت بالنت وما عم بلاقي شرح لبداية اختيار المسقط وكيف الواحد بيقدر يميز من مسقط أرضي لمسقط طابق أو يمكن يكون قبو!!! متل مساقط الجامع ال3 وكمان الفيلا وهاد هو استفساري
لأنو الواحد لو لقط الشغلة صح راح يكمل صح ويطلع معاه الشكل المطلوب طبعا الشغل لشركات أو ناس يعني لا يحتمل الخطأ لازم الشكل يتم عمله لمعرفة شكل البناء كما راح يكون على الواقع
تحياتي لك والله يوفقك يا حبيب

[أبو زياد]

أخي شادي
السلام عليكم ورحمة الله وبركاته .
إذا حبيت تدخل المجال العمراني لابد أن تتعلم برنامج مختص في هذا المجال لعمل مبنى أو منشئ ومن ثم تحويله إلى برنامج السينما فور دي لوضع الإكساء و الإخراج النهائي .

هناك برنامج أرشحه لك ArchiCAD 12 وهو برنامج قوي وسهل في نفس الوقت لتصميم المباني و المنشأت وغير ذلك .
هذا الموقع يفيدك كثير و فيه دروس بالصوت والصورة ليجعلك بأذن الله محترفاً .

http://www.m3mare.com/vb/forumdisplay.php?f=45


مع التحية .

[shadi_hou]

بارك الله فيك أخوي أبوزياد إن شاء الله راح أتعلمه فأنا مدرك أهمية هالشي وصار الوقت لتعلم برنامج اختصاصي لزيادة المهارات والشغل الصحيح بس بدي أسألك سؤال قبل البدء فيه هل الارشيكاد يغني عن الأوتوكاد لأنو ما بدي أتعلمه بعدين يطلع لازم كنت أتعلم الاوتوكاد لأنه أشمل!!وشكرا مرة ثانية

[abdoubb]

أهلا أخي شادي
أنت تعلم.... عندما يكون السن يفوق 25 يجب البحث عن العمل و الدراسة عندما لا تعجب العقل.... أنت تعرف
بخصوص الموضوع.... صحيح ما قاله الأخ أبوزياد فبرنامج Archicad هو الأفضل للربط مع السينما 4 دي.
http://www.maxon.net/en/news/singlev...-software.html

[shadi_hou]

بعرف هالكلام ومريت فيه أيام الجامعة صح كنت بدرس شغلات غصب بس الواحد لازم ينهي يلي بدأه وصدقني راح ترتاح بعدين وتحس بشعور جميل وتنسى كل يلي تعبته والله يقويك
بالنسبة لكلام الأخ زياد راح أحاول تعلم البرنامج بس المشكلة فيه لأنو السينما ممكن البدء فيها من المخططات بس أنت عارف شو يلي بدي ياه من فتح هالموضوع ولكن مو مشكلة تعلم برنامج معماري اختصاصي
بالنسبة للوصلة هل هي المقابس للأرشيكاد أم للسينما!!! حسب ماني شايف للأرشيكاد يمكن لأنو الارسال راح يتم من الأرشيكاد للسينما ومافي ضرورة للعكس !!

[أبو زياد]

برامج الثري دي الشاملة كثيره لكن هناك برامج تعتبر الأقوى ومنها :-
الماكس - السينما - لا يت ويف - المايا -السوفت ايميج ........ وغيرها .

وكذلك برامج الثري دي المعماري كثيره منها :-
الأوتوكاد - الأركيكاد ( أرشيكاد ) - الارتلانتس - السكتش أب ......... وغيرها .

ولتصحيح بعض المفاهيم لهذه البرامج أنها تعتبر من الأدوات المساعدة للمصمم ، وليس أن قوة العمل دليل على قوة البرنامج أنما هو دليل على براعة المصمم .

فهنا أقول لك إخي شادي توكل على الله وابدأ في تعلم الأرشيكاد ولن تندم يوم ما ، فهناك مهندسين يصممون عليه .

هذا الرابط لمشروع مبنى كامل بالصوت والصوره خطوة بخطوة ولا تستعجل بل أعيد تطبيقه مرة ومرتين حتى تتقنه عند ذلك سوف تكون من المحترفين في هذا المجال .
http://www.m3mare.com/vb/showthread.php?t=1875

من ناحية لو جاء عمل مصمم بالأتوكاد هذا الدرس يشرح لك كيف تحول ملفات الأتوكاد إلى الإرشيكاد .

http://www.mediafire.com/download.php?zkmkektd3jk

أتمنى لك كل التوفيق يا أخي .


مع التحية .

[shadi_hou]

بارك الله فيك أخوي وشكرا على المعلومات
أنا لي تجارب كتيرة في بناء منازل وغرف بدون مخططات أوتوكاد ممكن تشوفها بتوقيعي بس أول مرة أجرب بمخططات
لأنو هناك عمل لعمارة من أحد الأخوة وطالب مني عمله وهالشي يحتاج لدقة
على كل حال أنا كنت بس حابب أتأكد لو بلشت فيه ما أتراجع لأني سامع عنه كتير بس خفت يكون الاوتوكاد أشمل ببعض الامور على كل حال راح أجرب أعمل الدرس يلي وضعته لي وإن شاء الله يكون البرنامج سهل بالنسبة لي ويكون عندي صبر , أنا شفت دروس لربطه مع السينما
http://www.cineversity.com/tutorials...n.asp?tid=1546
ولكن في مشكلة كبيرة وهي لما عم يتم استيراده للسينما عم يصير الحائط مقسم كتير وراح تشوف هالشي بالدرس أو لهالدرس ماني متذكر تماما
http://www.cineversity.com/tutorials...n.asp?tid=1544
وهاد بيعمل مشكلة في الاكساء ولازم الواحد يرجع يرتب الشكل وبدها شغل كتير في حال كان البناء معقد
على كل حال لي تجارب إن شاء الله وألف شكر لك يا حبيب

[dr.adobe]

تفضل هذه ..

لعلها تفيدك ..

فقد افادتني كثيرًا ..

http://www.pros3d.com/articles.php?action=show&id=332