موضوع: فلسطينى , ضفاوي , غزاوي , لاجئ , عرب 48 , فتحاوى , حمساوى , مسلم , نصرانى , ادخلى هان

ردود: 8 | زيارات: 1108
  1. #1
    أبو عبد الله
    صور رمزية CG Artist
    تاريخ التسجيل
    Jul 2007
    المنطقة
    Gaza, Palestine
    العمر
    30
    ردود
    1,612

    فلسطينى , ضفاوي , غزاوي , لاجئ , عرب 48 , فتحاوى , حمساوى , مسلم , نصرانى , ادخلى هان

    الاتصالات توضح :الانترنت المحدود- خطوة جديدة لزيادة السرعة باسعار اقل
    http://www.maannews.net/arb/ViewDetails.aspx?ID=237118
    وكالة معاً الاخبارية ...

    ايش يا جماعة , ابش يالى بصير هاظااه , هدول تعون الاتصالات انهبلو ولا ايش , حد يفهمني ..
    اى دخيل الله كل اشى هيك بحياتنا صار محدود , مظلش غير الهواا الهوااا لحالو والله يالى عالم انو كمان بيصلنا ملوث . والله البركة بوادى غزة كيلو فى كيلو مربع اضرب لازم تدخل المنطقة بكممات ...

    الحين فى ناس مش فاهمة شو بحكى بس انا لما اعصب بصير اجيب يمين وبحط شمال .

    بعد يالى صار فى مصر من وضع خطة الاستخدام العادل على خدمات adsl وانا قلبى مقبوض وبنام وعينى بتضرب على الراوتر , شاكك انو فى واحد مجدلاوى ولا حمامي (تزعلوش بمزح يا مجادلة ويا حمامية) سمع بقصة الاستخدام العادل وكالعادة ضرب حسبتو وقعد يضرب اسداس باخماس ويحسب ارباحو السنوية فى الوقت الحالى وكيف حيتصير لما يطبق هالخطة الشيطانية كيف حيصير .. انا حساس وبحس واحساسى انبارح اتاكد مدى صحتو , لما دخلت موقع الاتصالات الفلسطينى بدى اشوف الفتورة تعت التلفون وكذالك اشوف اخر الاعلانات يالى نازلة على امل انى اشوف اعلان بيحكى عن تخفيض الاسعار , بحيث انو فلسطين من اول الدول العربية نزلت فيها خدمة الانترنت فائق السرعة adsl والاسعار من يوم ما شبكنا ما نزلت شيكل , فش غير مرة وحدة خفضو السعر قبل كم سنة .والدول يالى وصلتلها الخدمة بعدنا اسعارهم صارت ارخص من عنا بكتتتتتتتتتتتتتتتتتتتتير , المهم شفيت اعلان قلبى دق باطلع بالعلان بقول لاء اكيد اضغان احلام يا ولد , ولك شو هاظااه الاعلان بيتحرك هى راح الاعلان قلبى ارتاح الااا ايي الا هو بيرجع تاانى احااااا ايش هاااظاااه كسرنا الاسعار , قريتها من هان قلبى تكسر من هاان قلت اكلت *** الشغلة .. هي نقصاكم انتو كماان ,,, استنا يا نضال اهدي يا نضال يمكن عن جد كسرو الاسعار و تنعنش شوية الشغلة بس قلبى بيدوق يا جماعة مش مطمن المجدلاوى بدى يلعب فى عبى .... ضغطت على الاعلان .. رحت اركب شاى لحد ما تفتح الصفحة , واسمو عندى خط 1 ميجا بدفع عليه ما يقارب 220شيكل مع الضريبة وتقول لحكاية ناقصة ضرايب , وصدقونى يا جماعة انو هالواحد ميجا بتصلنى سرعتو 100-128 كيلو فى الثانية صدف كل شهر اذا كانت وقتها الكهرب جاية طبعا . وباقى الشهر 30 كيلو ببوس ايدى . هدا غير التقطيع كل كم دقيقة , وغير غباء مزودى الخدمة هاظاا بدو موضوع ثاني والبركة فى شركة **** ** و **** الدعم الفنى ابو ( على الطلاك النت طيارة واذا كان طيارة بدك تدفع 70 شيكل ) هدا حكى واحد دعم فني ياعالم فهمووني ... اخخخ قهروني قهروني يعاالم ...
    ما علينا , الحين يا جماعة الخير القصة وما فيها مجدلاوي لاعب فيهاا , قلولى كيف , اقلكم كيف انا ....
    هاظا يا جماعة الخير كلو نازل بالشعب حلب كلو بيحلب فى هالشعب سواء تاع بضايع فاسدة فى الضفة ولا تاع انفاق بغزة , كلو عينو علي بالجيبة ويااا دوب يالى بلجيبة بيضل لاخر اسبوع فى اول اسبوع بالشهر !!
    وفوق ما الطينة مبلولة تيجى يا اتصلات الهنة يالى اسعارك اساسا خانقة الجميع وساكتين وبنقول يلا بتفرج بهمش انترنط متنفسنا من بعد ما صارو يكبو المجارى فى الوادي , الحينة غلى الشاي وقلبى بيغلى معو حط شاي وحط مرمية ورجعت على جهازى المقدس يالى بنطفيش غير بقطعة الكهرب , صفحة العلان المرة هاى فاتحة ومنورة ومهللة ومربعات زهر و6 و6 والحكى الفاضى يالى بدهم يضحكو فيه علينا خفضنا السعر وايش وخفضنا وحددنا الانترنط ولاااء مش على قد هيكك ورفعنا سرعتك الطاق اتنين غصب من عن يالى جاب ابو ابوك , وبلاااش ( معنو رفع السرعة من زماان عنا بلاش ) بس لمصيبة همة برفعو السرعة بلاش وغصب من عنك وعن يالى جابوك بلاش لوما حضرتك بدك تنزلها ترجعها زى مكانت بدك تدفع 50 شيكل غصب من عن ابوك وعن عيلتك وعن جرانك وعن كل يالى بيتشددلك اه حقهم هاظااه يا حبيبي ....... طيب اعصابى بتغلى الحين صبيت شاي بشرب طلع سخن يللللعن بعدين عااااد بهاليوم الاغبر هااظاا ... الحين ايش عااد قال بيقلك ضفنالكم خدمة جديدة هية 2 ميجااا طيب اشى حلوو والله بس شو اسوى فيها مع 25 جيجا طول الشهر , صدق مهنة متصفحات المنابر يا زلمة ..هدول بستهبلو والخبر الاسعد وانا متاكد انو يالى حطو مجدلاوى قال ايش انو اذا خلصت كميتك احنا حنبيعك كل 2 جيجا ب 16 شيكل احااا ملز دينك على هالخبر يا راجل اذا بدك تبيعنى حقى شو ظل حلوة هاى بستهبل الزلمة ..

    طيب يا اخوااان النعسانين انا واحد ميجا ومعى مشاركة من الاتصالات على الخط 32 مشترك مع العلم فى سيرفرات فى الاتصالات مشتركين عليها اكثر من 50 مشترك وهدا الاشى عارفاه الاتصالات الحبيبة .. المهم يا جماعة انا سرعة التحميل لازم توصل عندى فى الخطة الموضوعة 256 كيلو فى الثانية وعلى هدا الاساس تقدم العروض للمشتركين . اول اسبوع بتصلنا 120 -130 كيلو بالثانية مكيفين بحر بدناش احلى من هيك . ساكتين راضين بالنعمة .. بعد هيك بتبدا الحلاوة تشتغل والنت يفصل والاميل ما يفتحش والتحميل 30 كيلو والابلود فش والتصفح انسااا فى البااي .. طيب بقنول طيب طيب نتصل على المزود انا راضى بالمشكلة بس فهمني ليش شو اسبابها يا زلمة لكل فعل سبب ليش هيك بيجى , بيكون ردو كالتالي (ياعمى النت طيارة النت فش زى هيك اتحداكيكون فيه مشكلة ) هو انا ياعم برمى بلاي عليكم ولا مشتاق لسماع صوتك يعنى , غير هيك بسال اصحابى بيطلع عندهم ننفس المشكلةوبكونو ما خدين من نفس المزود وبيطلع قايلهم نفس الاشى ...
    نرجع لموضوع السرعة وقصة 2 جيجا يالى بدهم يبعونى ايها 16 شيكل اخوان النعسان هدولة احسبو معى يا جماعة ... الحين على فرض واحد ميجا سرعة التحميل فيه من 100-130 كيلو فى الثانية خلينا نقول 100 كيلو فى الثانية 100*60 (ثانية ) (60ثانية = دقيقة و 60 دقيقة = ساعة , اليوم = 24 ساعة , الاسبوع = 7 ايام , والشهر يساوى يعنى خلينا نقول 30 يوم ) الحين يا جماعة 100 كيلو فى الثانية بدنا نضربها بدقيقة يالى هية 60 ثانية راح يطلع عنا 6000 كيلو و يعنى 6 ميجا والميجا يا جماعا 1024 كيلو وخلينا نقلو احنا 1000 كيلو مسامحين بال 24 كيلو .. وفى 6 ميجا فى لدقيقة الوحدة بدنا نضربها ب60 دقيقة بالساعة .بيطلع عنا 360 ميجا بالساعة حلو الحكى هيك الحين 360 ميجا بالساعة بدنا نضربهم باليوم على مدار اليوم يعنى 24 ساعة بيطلع 8640 ميجاا يعنى 8 جيجا و 640 ميجا هدا نصيبى من خط 1 ميجا لو اشتغلت عليه طول اليوم وهذا حقى وقانونى بالنسبة للاتفاقية يالى وقعت عليها مع الاتصالات يوم ما قدمت على الخدمة !! يعنى محدش الو عندى ..
    هسا نضرب 8640 فى 30 يوم بالشهر تنشوف كم يطلع نصيبنا كل شهر 259200 ميجا فى الشهر يعنى بنقدر نقول 260جيجا بايت فى الشهر ! هاى نصيب الواحد ميجا من كمية البيانات سواء تصفح او داونلود طبعا غير شاملة الابلود !!!
    الاتصالات وظعتلنا خطة بحيث تخفف الضغط على الشبكة تعتها او بالاحرى تسمح لشبكة تعتها بتحمل عدد اكبر من المشتركين بحيث ال فرد صاحب الخط ابو واحد ميجا ليش يوخد ال 260 جيجا بايت لحالو ما بنعطيه منها 16 جيجا والباقى بنوزعهم على مشتركين جدد !!! بهيك الربح صار الطاااق عشرين والقشة تصبح معدن , واذا هالفرد اتجاوز حدودو راح انبيعو 2 جيجا ب16 شيكل يعنى فشخرة اشى ما صارش ولا فى الاحلام يعنىاسعارنا صارت فى الباى واربحنا صار فى الهاي , وعلى فرض انو كل الناس يالى شغالين على الخط كل واحد انزنقلو فى 2 جيجا فوق ال16 راح يبعوهم اياهم ب16 شيكل وهاتك ياربح والخدمة زى النيلة والتحميل زى مهو 30 كيلو والاتصالات فاتحة كيسها بتعبى ... انااا يالى بيطلعلى 260 جيجا بالشهر تستهبلنى وتقلى استخدام عادل وتعطينى 16 جيجا وتقلى خلصهم وببيعك كل 2 جيجا ب 16 شيكل ليش شايفنى براس خضرة ولا شايف صحن طائر صافف على باب الدار ايش مريخى انا كاين ... وبيطلعنا وزير الاتصالات تاع حكومة ( دايتون _هههههههههههه كيفو الحمساوية الحين ) يقول وافقت على خطة شركة الاتصالات "لغاية في نفس يعقوب" , يعقوب مين ياعم انتا الله يخرب بيتك وبيت حكومتك وبيت يالى موظفك فوك مهو مخروب خلقة , ولك كيف لونك وزير معترف فيك وزير زى الخلق ايش كان سويت فينا ... ولا دولتنا دولة .. والله يا جمااعة مش عارف اعيط ولا انوح ولا اضحك قال غاية بنفس يعقوب ... انا الحين قلت بس ما بدهاش بلا وزير بلا اتصالات بلا خط وطنى بلا خط همجى فش غير بديل واحد

    اشتريلى شريحة فودافون مصرية واعلى هالوايلوس فوق هالدااار عشان يلقط اشارة كو د تقوم هالحرب والطيران يشوف هالوايلوس ويعرفو انو فدافون يقومو مطيرلي الراوطر بصاروخ اف (خنقتني) 16 الا انا منصدم ورايح فيهاا ..فلقتلها حل هاى بركبو فوق دار جارناا تمويه ...... بس خايف الاشارة ما تصلش .. فراح اطر آسفا انى اروح لليهودى مافى خيار عن طريقة شريحة سيلكوم او اورانج اخد نت 4 ميجا صااااااافية لحالى مع كمية بينات محدودة ولكنها لا تقل عن 50 جيجا شهريا وبسعر لا يتجاوز 170 شيكل او ربما اقل مع العلم ل 2 ميجا فى خطة الاتصالات ب 170 شيكل مع كمية محدودة 25 جيجا او فى كمية اكبر وهية 35 جيجا بسرع 230 شيكل !!
    طبعا هدا خيار اخير واتمنى يا اتصالات ما الجئ الو او حتى اى شخص فلسطينى يلج الو لانو يالى بعمليه حرام بهالشعب ... لكن هذه الخدمة لن تطبق فى قطاع غزة هذا ما عملته من موظف الاستعلامات يالى كنت متصل فيع عشان اطاوش معو وقلى بس تهدى الظروف فى غزة راح تطبق الخطة ... وهدا باحلام بسبس ....

    الحين يا جماعة يا غزازوة لازم نضاامن مع اخوتنا يالى بالضفة والخطة مش لازم تصير ولازم يصير فصل جماعى واللجوء لشركات اخرى مهما كانت لتوقيف هذا القرار للعم انو الاتصالات بتوخد الانترنت من شركة اسرائيلية وبتبيعنا اياه بسعر غالى جدا !!! يعنى محدش يقلى مش راح اروح على يهودي !! لانو نتنا بيجينا من اسرائيل اصلا ............................

    وابقى نتتى لحالك يا اتصالات انتى والموضفين تعونكم ....
    وكهربة فش فش ومية فش فش وديتول فش فش و ظايف فش فش واسمنت فشفش و كل يالى يخطر بالك فش فش .
    والنت على الطريق لو وطينا راسنا مثل الغنم , ويا غزاوى لولا الوضع كان راسك راحت وكان حالك حال اخوك يالى بالضفة ولو سمحتلهم الفرصة راح يطبقوه اليوم قبل بكرة .... قول لاء وقول بدى افصل وقول بكفى طمع الطمع بالدين مش بالنت ... رخصولنا زدولنا السرعات حلو مشاكلنا ... مش بكفى كل هالمصايب كمان لحقينا على هالحاجة وياريتهاا نافعة كماان يالى بنتنفس منهاا جاين تخربوها عليناا ....

    ...

    وانا مش حسكت متضامن مع المشتركين يالى فى الضفة لانو السكين المسلطة على نتهم مسلطة على سلكى بكرة .... وخلى الاتصالات تكبش كود تشبع بس ان شاء الله حالكم حيكون مثل العطشان يالى ظل يشرب من مية البحر وبالاخر ما ارتوى وبطنو انفجر من كثر ما شرب ... اذا ظليتم على حالكم
    ...

    يلا فوع يا كركوع ولا منتدى ولا مدونة ولا حتى سيارة الا تحكى وتقول رايك وتعصب واذا مرقيت من جنب شركة الاتصالات انزل سبسبة عليهم وتطيش ولو ولعتلك عجل كوشوك على الباب بتكون حوت ... فوع يا كركوع تسكتوووش .. هينى رايح اطبش على دار جرانا اناا ...
    أخر تعديل بواسطة CG Artist في 04 / 11 / 2009 الساعة 02:00 PM السبب: وضع رابط
    صبرا جميل والله المستعان




  2. #2
    عضو متميز
    صور رمزية ahmad.ps
    تاريخ التسجيل
    Jul 2008
    المنطقة
    فلسطين
    ردود
    1,745
    انت شايف انو اكلت ### الشغلة
    والناس رح تفوووع عالاتصالات؟
    بس الوضع بالضفة بختلف شوية عن غزة لانو الاغلب شابك نت لوحده
    مثلا انا شابك نت 256 لوحدي وبدع 100 شيقل بالشهر
    ورح تصير السرعة 512 والتحميل اساسا انا كل شهر بالكثير بحمل 15 جيجا بحمل
    يعني اكثر من نص الناس رح تستفيد من الخدمة ..
    الا في غزة والمخيمات لانهم كل 50 بكونو شابكين على خط نت واحد

  3. #3
    أبو عبد الله
    صور رمزية CG Artist
    تاريخ التسجيل
    Jul 2007
    المنطقة
    Gaza, Palestine
    العمر
    30
    ردود
    1,612
    الا في غزة والمخيمات لانهم كل 50 بكونو شابكين على خط نت واحد
    اساسا الاتصالات موقفة الخطوط لجديدة فى قطاع غزة فمن الطبيعى تلاقى كل واحد معطى وصلات لجارو بس مش لدرجة ال 50 يعنى الا اذا كان جايب وصلة 2 ميجا تجارى !!!

    بعدين بتقلى 15 جيجا لشو هدول تصفح !! ولا تعمل ابديت للويندوز ولا البرامج يالى نازلة على الجهاز !! ولا تفتح فيها الماسنجر .. 15 جيجا يا غلبان راح يصيرو 10 جيجا مع ال512 !! على سعر 95 شيكل واذا بدك فى 512 13 جيجا بسعر 111 شيكل يعنى حضرتك دفعت اكثر ولساتك ما وصلتش للحد الطبيعى يالى كنت عليه فى وضع ال 256 !! بس بتقدر توصل الو ادفع كمان 16 شيكل وبعطوك 2 جيجا حتى لو استخدمت من ل2 جيجا هاى واحد كيلو بس !! ..

    انتا ممكن يناسب هذا القرار جيبك , بس باكدلك انو مش اكثر من نص الناس راح تكون مستفيدة من الخدمة ! لانو هاى ما اسمهاش خدمة اسمها نهبة . انتا قلتها على 15 جيجا ومحدش الو عندك بتدفع 100 شيكل الحين حتدفع اكثر من 100شيكل ومش حطول ال15 جيجا تعتك 0... وبتقلى الناس تستفيد ..
    صبرا جميل والله المستعان



  4. #4
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    الله يصلحك يا أخي

    صدقني اللهجة اللي فوق لهجتي ... وما قدرت أكمل الكلام ...

    أقصد لو أردت أن تصل معلوماتك للجميع فاكتب بالفصحى ...

    وإلا سيكون موضوعك غارقا في الخصوصية ...

    بكل الأحوال ... اللهم فرج كرب أهل فلسطين ... والمسلمين أجمعين .
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  5. #5
    أبو عبد الله
    صور رمزية CG Artist
    تاريخ التسجيل
    Jul 2007
    المنطقة
    Gaza, Palestine
    العمر
    30
    ردود
    1,612
    الله يصلحك يا أخي

    صدقني اللهجة اللي فوق لهجتي ... وما قدرت أكمل الكلام ...

    أقصد لو أردت أن تصل معلوماتك للجميع فاكتب بالفصحى ...

    وإلا سيكون موضوعك غارقا في الخصوصية ...

    بكل الأحوال ... اللهم فرج كرب أهل فلسطين ... والمسلمين أجمعين .
    تصدق منا قادر امسك اعصابى من القهر يالى بشوفو . طيرو برج الفصحى من مخى يا زلمة هى لحكاية ناقصة معابر مسكرة وكهرب قاطعة ومية قاطعة واذا اجت فهى غير صالحة لشرب وفتح من هان وحماس من هان وكل الدنيا على روسنا وفوق هدا وهدا لما نسمع فى واحد اتصاوب بالعراق ولا افغان ستان ولا باى بلد بيصر همنا همين , من وين ولا من وين نتلقهاا وبعد هدا بدى اقدر اجمع بالفصحى ..
    صبرا جميل والله المستعان



  6. #6
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة aktoom معاينة الرد
    الله يصلحك يا أخي

    صدقني اللهجة اللي فوق لهجتي ... وما قدرت أكمل الكلام ...

    أقصد لو أردت أن تصل معلوماتك للجميع فاكتب بالفصحى ...

    وإلا سيكون موضوعك غارقا في الخصوصية ...

    بكل الأحوال ... اللهم فرج كرب أهل فلسطين ... والمسلمين أجمعين .
    نضال لما بيعصب بيتكلم بخمسين لغة في بعض
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  7. #7
    أبو عبد الله
    صور رمزية CG Artist
    تاريخ التسجيل
    Jul 2007
    المنطقة
    Gaza, Palestine
    العمر
    30
    ردود
    1,612
    هو يعنى لدرجة هاى معصب لدرجة انو كلامى مش مفهوم طيب .. اسمعو
    مش مهم شو كاتب بس خدو هي الموضوع يالى بحكى عنو

    http://www.maannews.net/arb/ViewDetails.aspx?ID=237118
    صبرا جميل والله المستعان



  8. #8
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    الله يعينكم أخي ...

    إحتلال وتحت منه سلطة بالطحينية ...

    بس أقسم بالله العظيم ... أنكم تعيشون أفضل بكثير من ناس ثانية في دول بتعتبر حالها ذات سيادة .
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل