موضوع: لو انت معماري....ادخل انا عايزك في كلمتين يمكن يفرقوا معاك

ردود: 9 | زيارات: 1373
  1. #1
    عضو فعال
    صور رمزية archi_mfm
    تاريخ التسجيل
    Jul 2007
    المنطقة
    مصر
    العمر
    35
    ردود
    197

    لو انت معماري....ادخل انا عايزك في كلمتين يمكن يفرقوا معاك

    السلام عليكم ورحمة الله وبركاته
    انا عامة مش هاطول عليك لان المعمارين بعد ما اتخرجوا من الكلية والقراءة بالنسبة ليهم بقت صعبة ......وبيحبوا خلاصة الكلام.......انا عامة عاوز اريحك من التفكير................هو انا ليه بدرس جرافيك ....او ايه اللي انا عايزه منه......او عايز اوصل لأيه ........دي اسئلة اكيد بتسالها لنفسك كتيييير......وساعات مبتلاقيش ليها جواب........ساعات كنت بتلاقي نفسك بتدخل في تفاصيل ممكن تكون مش مفيدة وبتقول في نفسك ممكن تفيدني في حاجات تانية كتييير........كلامك معقول الي حد كبير..........ممكن تكون بتدرس جرافيك عشان العائد المادي اللي مش لاقيه في شغلك كمعماري ودا شيئ وارد.......طيب وبعدييييين........انت درست 5 سنين هندسة علشان ترسم جرافيك اللي انت اساسا مدرستهوش في الكلية....طيب انت راضي عن نفسك.............هتقول في نفسك اي شاب اكيد مر بالمرحلة دي في البداية احنا لازم نتعب في الأول..........كلمتين بنضحك بيهم علي نفسنا......لحد ما العمر هيعدي وتجد نفسك سيبت العمارة بالكلية ........تلاقيك دلوقتي بتقول في نفسك زهقتنا انتا عايز مننا ايه............انا هاقولك كلمة خليها قدامك عينيك علي طول...........الجرافيك ده وسيلة مش غاية..........ولا تنس انك مهندس معماري.... يعني بتفكر...وتصمم.....وبترسم الجرافيك عشان توضح فكرتك....وتكون عارف ازاي تنفذ فكرتك دي علي ارض الواقع.....لكن انت دلوقتي بترسم بس....وسيبت باقي الاركان...........والسلام.......واسف للأطالة


  2. #2
    عضو نشيط
    صور رمزية AM3D
    تاريخ التسجيل
    Jul 2008
    المنطقة
    الاردن
    العمر
    34
    ردود
    508
    اغلب المهندسين اصبحو رسامين اوتوكاد للاسف
    .....
    مجموعه من اعمالي على هذا الرابط
    ....
    MObil: 0962 79 75 155 64

  3. #3
    كلامك صحيح و أنا عندما كنت في السنوات الاولي بالجامعة كنت أفكر ان المهندس الصح ليعرف يرسم علي الكمبيوتر،و في يوم حكيت مع بروفوسر و مهندس معماري مشهور علي أي برنامج يشتغل،فاجابني أنا عندي فريق كامل للاضهار المعماري فبينت له وجهة نظري فضحك و قال انت ليش متعب نفسك و متعب أهلك معك خدلك دورة لمدة سنة تعلم فيها كم برنامج وروح لبلدك

  4. #4
    عضو نشيط
    صور رمزية زند الاسى
    تاريخ التسجيل
    Dec 2006
    المنطقة
    مصر بتتقدم بينا (!!!!!!!)^100
    ردود
    897
    طب سؤال ...

    بما انك ف السوق وعارف ..

    لو جاتلك الفرصه انك ترجع تاني للدراسه .. كنت هتختار قسم عمارة ؟؟

    سؤال تانى ..

    لو حد عاوز يدخل عمارة .. تنصحه يخش ولا يشوفله قسم تانى ؟
    بيـــــــــــسٌ
    ☺☺




  5. #5
    عضو فعال
    صور رمزية archi_mfm
    تاريخ التسجيل
    Jul 2007
    المنطقة
    مصر
    العمر
    35
    ردود
    197
    اقتباس الموضوع الأصلي كتب بواسطة زند الاسى معاينة الرد
    طب سؤال ...

    بما انك ف السوق وعارف ..

    لو جاتلك الفرصه انك ترجع تاني للدراسه .. كنت هتختار قسم عمارة ؟؟


    سؤال تانى ..

    لو حد عاوز يدخل عمارة .. تنصحه يخش ولا يشوفله قسم تانى ؟
    طبعا وبلاشك لن اتردد كما ترددت قبل دخولي هذا القسم......انا اشعر الهندسة المعمارية جزء من تكويني ولكن كنت ساهتم بالتدريب العملي وشغل المواقع والجرافيك...لانه ليس هناك وقت بعد التخرج لها الموضوع وعندما تكون فاهم الكلام دا كله من البداية هيوفر عليك كتير بعد التخرج وهيتيح ليك اماكن متميزة .....لان السوق بيجري بسرعة وبيحتاج الجديد والبقاء للمتميز لانك عندما تصطدم بالسوق لاول وهلة ستشعر انك ملكش مكان بينهم وان المهندسين الأستشاريين واكلين الجو وانت ياحرام محدش مقدرك ومش لاقي تاكل واللي بيفكر بالأسلوب ده في الغالب بيسافر بره مصرعلطول لعله يجد التعويض المادي والوضع الأجتماعي الذي يحلم به..الموضوع محتاج جهد كبير وصبر رغم العائد المادي القليل ولكن محدش بيتولد كبير والشيئ اللي يمكن الناس مش واخدة بالها منه ان السوق عبارة عن شبكة علاقات في المقام الأول و التسويق وبعد كده اجتهادك والي اخره .....


    قسم عمارة محتاج قدرات معينة...والموضوع مش موضوع انك واخد امتياز في الرسم الهندسي في اعدادي هندسة.....انت حاول تتناقش مع مهندسين معماريين وتكلم معهم حول القدرات التي تحتاجها القسم والدراسة كان شكلها ايه ونظام العمل والتفوق في القسم محتاج ايه منك والتخيل وسعة الأفق وحاجات كتير...ولكن الخطا الشائع ان الناس بتسال ايه احسن شعبة في السوق تقريبا ويقيس اختياره علي مدي حاجة السوق لقسم معين مثلا.....وساعتها ممكن اه يعدي في القسم ولكنه لن يكون متميزا وذو بصمة وفكر.......وللاسف اللي بيعرف النهاردة برنامج زي الماكس فاكر انه خلاص وصل اخر المشوار وهذا فكر خاطئ لانه بعد سنتين بالكتير هتحس ان الماكس زي الأوتوكاد كل المهندسين عارفاه وساعتها سعر المنظور هيقل والعمليه هتبقي مش جايبة همها..........ساعتها هذا الموضوع هيفرق مع اللي خدوا المناظير كحرفة ونسوا انهم مهندسين ....والسلام

  6. #6
    عضو متميز
    صور رمزية ZAHER.O
    تاريخ التسجيل
    Apr 2009
    المنطقة
    ســــــــوريا
    ردود
    1,593
    جميل السؤال

    أنا ان شاء الله سأدخل هندسة عمارة لكن كل ما أسأل شخص عن هندسة العمارة يقلي رسم رسم ومن فترة سألت شخص يدرس هندسة عمارة أخبرني أنها تعتمد على الفن والفلسفة ........................ الخ

    ماهي هندسة العمارة باختصار ؟؟؟؟

  7. #7
    عضو نشيط
    صور رمزية ملك النسور
    تاريخ التسجيل
    Dec 2007
    المنطقة
    مصر
    العمر
    25
    ردود
    388
    لا احد يعرف

    حقيقي ليس لها تعريف ثابت

    لكن من ضمن التعريفات اللي عجبتني

    تعريف للمعماري شينج

    العمارة هي لماذا و كيف يستخدم الناس الفراغ

    Life is unfair

    دي مش حياة أو موت

    دي مسألة خلود



  8. #8
    عضو فعال
    صور رمزية archi_mfm
    تاريخ التسجيل
    Jul 2007
    المنطقة
    مصر
    العمر
    35
    ردود
    197
    اقتباس الموضوع الأصلي كتب بواسطة zaher.o معاينة الرد
    جميل السؤال

    أنا ان شاء الله سأدخل هندسة عمارة لكن كل ما أسأل شخص عن هندسة العمارة يقلي رسم رسم ومن فترة سألت شخص يدرس هندسة عمارة أخبرني أنها تعتمد على الفن والفلسفة ........................ الخ

    ماهي هندسة العمارة باختصار ؟؟؟؟
    بص يا غالي بالنسبة للمهندس اللي قالك رسم رسم...دي تعتبر رؤية قاصرة للامور لانه ممكن تكون عامل عشر لوحات مثلا وعاملهم احسن اخراج وتاخد مقبول في حين ان مشروع تاني علي الشفافات خد احسن درجة وهذا يرجع لفكرة المشروع وتصميمه المتميز عوامل اخري كثيرة..ستفهمها من خلال تعريف العمارة لك المهندس الأخر الذي قال لك الفن والفلسفة هي جزء من تعريف العمارة وتم بناء مدارس معمارية كثيرة لكل منهم فلسفته تحت ضوابط معينة تختلف اهميتها وترتيبها من مدرسة الي اخري وهذا ما يسمي بنظريات العمارة....وهذه العوامل تندرج في وصف الدكتور عرفان سامي للعمارة بقوله: الفن العلمي لقامة أبنية تتوفر فيها عناصر المنفعة والمتانة والجمال والاقتصاد وتفي بحاجات الناس المادية والروحية ، في حدود أوسع الامكانات وبأحسن الوسائل المتوفرة في العصر الذي تكون فيه ، وهي طريقة في العمل وبتفكير ومنطق سليم وهناك تعريف اخر العمارة هي فن تكوين الحجوم والفراغات المخصصة لاحتضان الوظائف والنشاطات الانسانية والاجتماعية بتنوعها وهي انطلاقا من ذلك تعكس في سماتها وأشكالها الانجازات التقنية والحضارية والتطلعات الجمالية والروحية والقدرات المادية للمجتمع في بيئة ما وفترة تاريخية محددة...وهناك نظرت فلسفية اخري للتعريف حسب المدرسة كما قلت من قبل وهذه ما يسمي بنظريات العمارة......والسلام

  9. #9
    عضو متميز
    صور رمزية ZAHER.O
    تاريخ التسجيل
    Apr 2009
    المنطقة
    ســــــــوريا
    ردود
    1,593
    شكراً أخي archi_mfm على هذا التعريف الجميل

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل