فتح باب التـدريـب والتعيين بـشـركـــة كـــــارتـون لاب

[غامض]

ماشاء الله الفكرة رووعة وفرصة لاتفوت

[CartoonLab]

سلام عليكم أخي بونواف
بالنسبة لمرحلة التدريب لا يأخذ المتدرب راتب أو نثريات خلالها
ولكن قبل بداية التدريب سيوقع عقد مع الشركة بالعمل مدة عامين معها بعد ذلك إن أثبت كفائته براتب طبعا
أما بالنسبة للتدريب فسيختلف من شخص لآخر كل حسب مستواه والمدة التي يحتاجها للبدء في المشاركة في العمل

[rabieart]

سلام عليكم أخي بونواف
بالنسبة لمرحلة التدريب لا يأخذ المتدرب راتب أو نثريات خلالها
ولكن قبل بداية التدريب سيوقع عقد مع الشركة بالعمل مدة عامين معها بعد ذلك إن أثبت كفائته براتب طبعا
أما بالنسبة للتدريب فسيختلف من شخص لآخر كل حسب مستواه والمدة التي يحتاجها للبدء في المشاركة في العمل

ازيك صديقى؟
انا عاوز استوضح نقطه..بس علشان انا افهم مش حاجه تانيه بجد!
ازاى واحد انت طالبه يكون اديه ماشيه فى البرنماج ..و انت هتقوم بتدريبه علشان تطور من مستواه ..و كل دة مجانا!
و هتمشى معاه عقد!
يعنى هو ممكن ياخد الكورس و يخلع
او ممكن ياخد الكورس و ميرضاش يكمل معاك
او ممكن ياخد الكورس و انت متكنش عاوزة يكمل معاك
.........كل دة حاجات اكيد انت هتقابلها

ايضا انا لا احب اتدخل فى شؤنكم الخاصه لان لكل مكتب اسلوبه ..لكن الى اعرفه ان اى مكان بيشغل حد بيكون فاهم شويه بياخد على الاقل الف جنيه
الى مش بياخد فلوس دة بيبقى حاجه من اتنين
واحد بيبقى ليه داخل زيرو فى المجال و عاوز يقلب مجاله علشان لقمه العيش
او واحد بيكون شغال شويه و عاوز يلتحق بالمكان دوة لتحقيق هدف ما يساعده انه يعوض الفلوس الى فاتت منه فى اعمال قادمه !

معلش قد يبدو كلامى ثقيلا الا حد ما ...لكن طالما بنتكلم فى بيزنس و عقود..احب افهم علشان ازود من خبرتى انا كمان

و جزاك الله خيرا على اتاحه الفرصه للاعضاء و على تبليغ لنا هنا فى المنابر
شكرا

[بونواف]

شكرا للرد اخي كارتون لاب ...

انا مع رأي اخي محمد رمضان ..

يعني ممكن انك تدرب اي احد و بدون مقابل .. و بس ياخذ الخبرات منك .. يروح يعمل بمكان ثاني ..

طبعا هذا كرم منكم بصراحه ..

مين يقدر يحصل هذه الفرصه ..

بصراحه فرصه ذهبيه .. بل فرصه ماسيه .. تدريب و عمل ...

الله يجزيكم خير .. بصراحه هذا العشم فيكم ..

شركه عربيه 100% ..

ربنا يكرمكم ان شاء الله

[CartoonLab]

إزيك يا أستاذ محمد

معلش مخدتش بالي قبل كده لإن صورتك متغيرة
بص يا سيدي
إحنا كل فترة والتانية بيجيلنا حد أو بيبعت على الميل بيكون طالب يشتغل بهدف الإحتكاك وإن خبرته تزيد في الشغل
وبعض الناس دية بيكون عندها مبادىء البرنامج(أقصد بالمبادىء مجرد الأساسيات الأولية كشخص مبتدأ)
يعني مثلا بتلاقيه عامل طيارة عربية كراكتر بس مهواش مظبوط
ونادر جدا لما تلاقيه قرب من الريج أو الأنيميشن أو حتى الرندر

الناس دية بتقدم في شركات كتير للأسف قبل ما بيطوروا نفسهم
فشوفنا إن ممكن نستفيد منهم وهما بردوا هيستفيدوا خاصة وإنك بتلاقيهم عندهم رغبة شديدة للتعلم ولكن مش عارفين يبدأوا أو يكملوا منين

في هنا نقطة مهمة جدا جدا ستوضح الأمر الناس دية إحنا عايزين نوصلهم لمستوى عالي وخلال أقصر فترة ممكنة
لإننا هنحتاج طبعا شغلهم بعد كده.
سؤال:طب ما تشوفوا في السوق ناس بروفيشنال جاهزين؟
أول حاجة الناس البروفيشنال قليلين أوي في السوق ولو لاقيتهم بتلاقيهم شغالين بالفعل وساعات في كذا مكان بالإضافة إلى الفري لانس
تاني حاجة الراجل البروفيشنال طبعا خبرة كام سنة وطبعا مرتبه بيكون متناسب مع خبرته

عشان كده فكرنا إننا ندرب ناس ونوصلهم لمستوى عالي وده بيكون مجاني فبكده بنكون عارفين كل واحد حدوده فين يقدر يعمل إيه وميقدرش يعمل إيه
وفي نفس الوقت ساعة ما بنلاقيه متميز في شغله بيلتزم معانا بالعمل لمدة سنتين براتب لاهو قليل ولا هو كبير بس بيكون مناسب لواحد أول مرة بيشتغل وفي نفس الوقت شغله كويس

أو بمعنى اوضح أي شركة بتدور على الناس اللي شغلها جامد بس لسة في أول حياتهم العملية فبنحاول نعمل إحنا كده
لإن بصراحة معظم الناس اللي بتيجي أو بتبعتلنا شغلهم ضعيييف جدا

طيب بالنسبة للشخص اللي هيتدرب ممكن يخلص تدريب ويمشي؟
بيبقى في عقد بينا بالسنتين قبل التدريب مع شرط جزائي عشان يلزمه مش أكتر

طيب ما ممكن الشخص ده ما يطلعش شغله كويس؟
بيكون هو إستفاد وإحنا طبعا بنبقى المتضررين عشان كده خلال فترة التدريب لو حسينا بكده من الأول بنعتذر له

يمكن مفيش شركات كتير بتعمل كده بس برده في بعضها بتتبع الأسلوب خصوصا في مجالات تانية وساعات بتوفر إقامة وبدل إنتقالات طول فترة التدريب بس دي الشركات الكبيرة

[rabieart]

جزاك الله خيرا على الاجابه

لكن ان تسمح لى و اقولك وجه نظرى....

- طالما لو هو خلص الكورس او التدريب و انت عاوز تشغله بمرتب x
و هو وجد مكان تانى هيديله xxx
اكيد هيروح للمكان التانى و حلنى بقى على الشرط الجزائى بتاعك...لان فى الاصل دة مش بيعه و شروه ..فانت هتكون متضرر جدا !

اما لو انت اخدت شخص و اعتذرت له بعدين ..فيجب ان يكون عليك انت ايضا شرط جزائى ههههههههه...لان مش شرط الرجل يكون عنده مشاكل تقنيه و لكن ممكن يكون عنده مشاكل فى التعامل مع التيم نفسه ...او مش متاقلم مع المكان...و صدقنى لو جبت الكس الفريز و هو مش متاقلم ولا حاسس براحه و هو شغال مش هيديلك الى انت عاوزة....

عموما انا سعيد جدا باجابتك و انت عارف كويس انى بحترمك جدا و لا يربط بينا الى كا حب و و احترام خلافا عن ارتباطنا سواء بالمنابر او بالسوق

شكرا لك





----- ملحوظه خارج الموضوع:- الكس الفريز اشترك فى فيلم افاتار الجديد و شركه اروما هى الى بروموتد للفيلم دة فى مصر

[CartoonLab]

صدقنى لو جبت الكس الفريز و هو مش متاقلم ولا حاسس براحه و هو شغال مش هيديلك الى انت عاوزة....

ألكس هيتدرب في كرتون لاب يمكن...... ههههه....بس لازم يبعت ال cv الأول ههههههه

بص أخويا محمد أنا عارف إنها مخاطرة بس نفترض في الناس حسن النية وإن شاء الله خير


وعلى فكرة في شغل في إيدينا إن شاء الله لما تبقى تشوفه هيعجبك ويعجب الجميع لإنه ريالتي ومتعملش هنا قبل كده
بس أدينا شغالين

أدعي لنا

[rabieart]

هههههههههههههههههه اطلب الكس بس و انا اوصلك به ..ان شاء الله ..متقلقش !

و عموما على بركه الله

بجد اخيرا انا فرحان انى سمعت ان حد ابتدى يعمل حاجه ريالتى....اسرقلى كدة سكرين شوت من اى فاينال شوت و ابعتهالى على الخاص ...و متقلقش

بجد بجد فرحان بك ..موفق ان شاء الله

[CartoonLab]

تم ......... معلش لحظة نسيت أرفق الملف

[حسين مراد]

كارتون لاب شركة كبيرة ونشر العلم غاية محمودة . والله يوفقكم في مشروعكم
انا فقط احب ان اذكر نقطة بعد اذنك اخي صاحب الشركة
انا اعمل في مجال الشركات كفري لانسر واخيرا في فضائية لأكثر من خمس سنوات
وفضائيتنا عملت نفس هذه الطريقة وقمنا بتدريب الراغبين ممن لديهم حس فني بسيط
وهم ممن يعمل لدينا اصلا ..
لا اطيل الموضوع .... بعد انتهاء الدورات .... ووصول بعض المتدربين الى مستوى جيد
واخرون ممتاز كمتدرب ......
هنا الخبر السئ .....
ولا واحد منهم استمر في العمل .....
الكل قطع علاقته بالفضائية ...
واشتغل في فضائية اخرى بعنوان وظيفي اكبر من حجمه باضعاف ......
فقط احببت ان انقل اليك هذه التجربة ... فانت تستاهل كل خير

[CartoonLab]

مقدر نصيحتك أستاذ حسين جزاك الله كل خير عنها
إن شاء الله خير وربنا يرزقنا بناس تكون حابه الشغل معانا

[kemoemo]

مافيش حاجه لى بتوع الماكس

[doctor3d]

هي الفكرة افادة للطرفين الشركة بأنها في بداياتها على الاقل تدفع مرتبات اقل نسبيا
وبرده الناس الجديدة تحتك بالسوق وتكتسب خبره
لكن عشان الفكرة دي تنجح لازم اي شركة او قناة تقدر الناس كل ما يزيد مستواهم ويزيد الاعتماد عليهم لازم تزودك بما يعادل السوق او في نفس الرينج على الاقل ..يعني ممكن يكون اقل بس مش اقل بكتير يعني ميلاقيش ضعف مرتبه بره او اد مرتبه مرة ونص !!

ده لو محصلش الفكرة هتفشل ومحدش هيقبل يوقع على شرط جزائي ويرتبط سنتين بمرتب ثابت قليل لمدة سنتين او حتى لو قبل دلوقت بكره هيندم
وهتلاقي ده اللي حصل بالظبط مع الاخ حسين مراد ان ممكن القناة او الشركة مقدرتش الناس لما زاد مستواهم وزاد الاعتماد عليهم وبالتالي خسروهم

عامة ربنا يوفقكم

[mbahgat]

ايه ده الكلام ده من امتى وسايبنى كده يااستاذ محمد لحد يوم 14 وهاتقفلوا الباب ف وشى

انا محمد بهجت طب اعمل اييه انا دلوقتى بقى لاعندى سى فى ولا رافع شغل كويس وشكلى بقى زباله ادامك دلوقتى انى تيجى فرصه زى دى وانا اضيعها عموما تتعوض يا كبير وربنا معاكوا فى كارتوت لاب وفى كل شغل ليكوا

[ميرا_]

العرض ده لسة متاح؟