Clever - مسابقة تصميم المطبوعات

[Mr.ClEvEr]

بسم الله الرحمن الرحيم

اولا: انا بشكر كل من ساهم في المسابقة الجميلة دي وخاصة اكتوم
اللي بتشجع الناس اكتر على التصميم والاستفاده من بعضها البعض

ثانيا: Logo
فكرة اللوجو وهي اسم ديانا لشركة منتجات ملابس داخلية حريمي اسمها ديانا
اللوجو انا جاتلي فكرتة ورسمتة بالقلم الرصاص وبعدها اخدتة سكان ورسمتة بالالوستريتور
وقمت بالتعديلات عليه غير الورقة خالص واللوجو عبارة عن لون واحد فقط حتى يسهل فصلة ف الطباعه او عمل بصمه

ثالثا: ال letter head و Business card
1- ال الليتر هيد عبارة عن ورقة مقاس A4 وهي لون واحد فقط يفصل ف الطباعه وهو اللون الاصفر
وصممتها على الالوستريتور
2- الكارت الشخصي اخدت فيه نفس روح التصميم ولكن اللون الغامق كان ماشي اكتر ف التصميم عشان كدا عملته
بالالوان دي وهو عبارة عن اتنين لون فقط يتم فصلهم عند الطباعه وهما الاصفر والاسود ولكن ماينفعش اوريهم للعميل
بالالوان الحقيقيه دي انا عملتهم فقط اورنج ورمادي غامق زي ماهايشوفهم ف الحقيقة ولكن عن الطباعه بحولهم ل Y و B

رابعا: ال Notebook
فكرة تصميمة جاتلي من ان الشركة دي بتبيع ملابس داخلية وبالتالي كنت عايز استغل النقطة دي وبالفعل صممت النوت بوك
على شكل تي شيرت حماله او بدي حماله زي مابيتقال ورسمت السكينه بتاعت الورق على الالوستريتور عشان يتعملها فورمة

مستني رأيكم بصراحه

[flamingoAD]

السلام عليكم واضح في العمل الإحترافية بس الفيكتور المستخدم مبتذل بعض الشئ ..كمان الخطوط العربي و الأنجليزي واحد خطوطة دائرية التاني مستقيمة فمش ماشيين مع بعض .. والله الموفق

[I'M HERE]

ما لقيت تخليه الا لشركة ملابس داخلية حريمي
جميل اخي بس ممكن تعمل احسن منه

[Mr.ClEvEr]

السلام عليكم واضح في العمل الإحترافية بس الفيكتور المستخدم مبتذل بعض الشئ ..كمان الخطوط العربي و الأنجليزي واحد خطوطة دائرية التاني مستقيمة فمش ماشيين مع بعض .. والله الموفق

انا بشكرك على رأيك بس انا عايز اعرف الفيكتور مبتذل ازاي ؟؟؟؟
وبعدين بالنسبة للخطوط دي وجهة نظر وانا ممكن اغير في الخط العربي لكن الانجلش انا شايف انه كدا مناسب

[Mr.ClEvEr]

ما لقيت تخليه الا لشركة ملابس داخلية حريمي
جميل اخي بس ممكن تعمل احسن منه

ربنا يخليك وتسلم على زوقك
بس برضة انا عايز اعرف هو اية العيب في انة دعايا لشركة ملابس داخلية
هو انت كمصمم ناجح بتختار نوع واحد بس من الدعايا لشركات معينه ولا لاي شركة

[Mr.ClEvEr]

انا ملاحظ ان الكل داخل ينتقدني بأن الدعايا مبتزة لكونها لشركة ملابس داخلية
احب اوضح معلومة صغيرة بس وهي ان التصميمات دي تمت بالفعل طباعتها للشركة دي
والللي عايز يشوف الشغل دا حقيقي انا ممكن اجبلة الكروت والنوت بوك هديه

وانا شايف ان شغلك كمصمم ناجح يعتمد على انك تصمم لجميع المجالات ودا مش عيب
لكن ماتجيش تختار مجال معين وتقولي اصل المجال التاني دا مبتزل انا مش شايف فيه حاجة
وبعيدا عن كوني في مسابقة ولا لا ف انا حبيت اعرض فكرة صممتها وطبعتها بالفعل لشركة

منتظر رأي باقي االاعضاء وراي اكتوم وبوتو

[big-ah]

منتظر رأي باقي االاعضاء وراي اكتوم وبوتو

يعني انت لست بحاجة لرأيي

[Mr.ClEvEr]

يعني انت لست بحاجة لرأيي

لا والله ماقصدش خالص
طبعا اكيد حضرتك رأيك يهمني جدا
بس انا كتبت الرد بسرعه وانا مستعجل ومش مركز

منتظر رأيك يا باشا

[aktoom]

أخي الكريم أشكرك لكلماتك الطيبة

ليس العيب أن نصمم لملابس حريمي ... العيب أن ترتديها النساء وتخرج بها للشارع

التصاميم غاية في الإبداع ... وتدل على خيال خصب وخبرة ممتازة ...

عتبي فقط على النوت بوك ... لم يكن تصميمه بجمال التصاميم السابقة ... لو وضعت نفس العناصر السابقة فيه لكان أجمل ...

أتمنى لك التوفيق

[Mr.ClEvEr]

أخي الكريم أشكرك لكلماتك الطيبة

ليس العيب أن نصمم لملابس حريمي ... العيب أن ترتديها النساء وتخرج بها للشارع

التصاميم غاية في الإبداع ... وتدل على خيال خصب وخبرة ممتازة ...

عتبي فقط على النوت بوك ... لم يكن تصميمه بجمال التصاميم السابقة ... لو وضعت نفس العناصر السابقة فيه لكان أجمل ...

أتمنى لك التوفيق

طيب اولا طالما ان العيب ليس ف التصميم والعيب ف ان ترتديها النساء ف دا انا معاك فيه وموافقك
بس دا مايكونش الرد على تصميماتي لكن الرد دا يتقال لصاحب الشركة اللي بتصنع الملابس ويتقال للنساء اللي بتلبسها ف الشارع زي مابتقول

ثانيا انا بجد بشكرك على كلامك اللي فرحني اوي واعتبرة شهادة ليا ف ذلك
وبالنسبة للنوت بوك فهو بالطبع تمت طباعته خلاص واتوزع كمان بس انا برضة هعمل بنصيحتك واحاول اعدل فيه
واخلية ياخد من نفس روح باقي التصميمات الهادية كدا
ونورت التوبيك ياباشا

[flamingoAD]

يا أخي انا شفت مرة تصميمات لمحل ملابس داخلية مش مستخدم فيها غير صورة دولاب صغير وخارج من الدرج حمالة قميص نوم ... كان غاية في الذوق ... إنما أنا قصدي الفيكتورات اللي انت مختارها كلها أوضاع عاملة زي شغل الأستربتيز حتى البنات اللي ماسكة العمود في الجمب .... كمان بالنسبة لإختيار الخطوط الموضوع لازم يكون ذوق وأسلوب شغل مش كل حاجة ذوقي عايزها تنفع تتعمل في حاجات ليها قواعد .. فأنا شايف ان الخط المستقيم بتاع العربي مش متناسق مع الخط الملئ بالمنحنيات.

[Mr.ClEvEr]

يا أخي انا شفت مرة تصميمات لمحل ملابس داخلية مش مستخدم فيها غير صورة دولاب صغير وخارج من الدرج حمالة قميص نوم ... كان غاية في الذوق ... إنما أنا قصدي الفيكتورات اللي انت مختارها كلها أوضاع عاملة زي شغل الأستربتيز حتى البنات اللي ماسكة العمود في الجمب .... كمان بالنسبة لإختيار الخطوط الموضوع لازم يكون ذوق وأسلوب شغل مش كل حاجة ذوقي عايزها تنفع تتعمل في حاجات ليها قواعد .. فأنا شايف ان الخط المستقيم بتاع العربي مش متناسق مع الخط الملئ بالمنحنيات.

يا بشمهندس احمد انا معاك في كلامك وفعلا دايما مش كل للي عايزة ذوقي بيمشي
ودي اهم نقطة ف شغلك كمصمم جرافيك وللعلم دا كان تانى تصميم اصممة للشركه
يعني كنت عامل تصميم للوجو ونوت بوك وكارت فبلهم واترفضوا رغم انه كان عاجبني اوي
وعملت تانى تصميم اللي انا عرضتة فوق ومع ذلك اتقبل وعجبهم جدا وكمان اتطبع ف المطبعه
ف انا موافقك ف النقطة دي
لكن بالنسبة لموضوع مبتزل ف انا عملت شغل لشركة تانية برضة بتاعت ملابس حريمي وكنت عامل فكرة
زي اللي بتقول عليها بس دا كان شماعه وعليها حماله قميص نوم.
بس اللي انا عايز اوصلة هو انك وانت بتصمم اللوجو بتفكر في طبيعه الشركة وشغلها وانه يكون معبر عنها
اما بالنسبة لاختيار الخط العربي وكونة مش ماشي مع باقي اللوجو ف انا معاك فيه وكنت عايز اغيرة بس للاسف اللوجو اتطبع
وبجد انا بشكرك على تفاعلك وردك على الموضوع يابشمهندس احمد
تحياتى ؛

[tr1985]

بغض النظر عن الجهة الموجه لها الاعلان التصميم كفكرة وتنفيذ والوان رائعة جدا جدا
وبرشحك للفوز
وبدي اذكر انو الغرض هو الابداع بغض النظر عن مجال الدعاية المهم الشكل والتصميم بالاخر يكون تحفة

[aktoom]

تنبيه : اليوم هو آخر موعد في المسابقة ... سنعطي يوم غدا الجمعة فرصة أخيرة لإنهاء الأعمال ... حيث ستغلق مواضيع الأعضاء المشاركين صباح السبت إن شاء الله حتى يتم تجميع الأعمال ووضعها في عرض ونقد للتصويت ...

وفق الله الجميع