كاميرا احترافية من باناسونيك ... رخيصة الثمن ... لكن ؟؟

[ابو علي12]

بسم الله الرحمن الرحيم

السلام عليكم ورحمة الله وبركاته

كيف حالكم ياخواني في maxforums

ياخوان حبيت استفسر عن كاميرا لقيتها في محل الاجهزة موديلها nv-md10000... ايش رايكم فيها وايش هي عيوبها ...




طبعا فيه كاميرا اسم موديلها نفس موديل هذي تقريبا ... من سوني ... الكل اجمع ان بها عيوب ...


لكن هذي من باناسونيك ... ايش رايكم فيها واي احد جربها ممكن يفيدينا ...


اخوكم ابو علي12






ـــــــــــــــــــــــــــ

[mixer]

بالنسبة لي انتهى تاريخ هذه الكاميرا وهي ليست احترافية

سوني xr520 افضل منها بمراحل كثيرة

[ابو علي12]

هههههههههههههههههههههههه


ايش الصورة هذي يارجل .... اقسم بالله انك خرعتني ....خخخخخخ



على العموم xr520 كم سعرها ...


بانتظارك وبانتظار الاعضاء

[المصورجي]

الباناسونيك كاميرا سيئة بكل ما تحويها الكلمة من معنى !

وأؤيد كلام الاخ مكسر ... السوني 520 او 500 أفضل منها بكثييير ( وانا مجرب الثنتين الباناسونيك والسوني ، ما في مقارنة ) إلا إذا كان يهمك الشكل ... هذا شي ثاني ...
على فكرة الباناسونيك ما تصور فوتوجراف ولا فيها موازنة بياض او سواد ، والسوني تصور بتنسيق avchd
والكثير من المميزات ، اذهب للمعرض وجرب بنفسك !

[المصورجي]

بالنسبة للسعر عندنا بالكويت Sony HDR-XR520 ( الهارددسك 240 جيجا بايت ) سعرها 419 دك = 5,444 ريال سعودي ...
لسعر Sony HDR-XR500 ( الهارددسك 120 جيجا بايت ) سعرها 370 دك = 4,807 ريال سعودي
الفرق فقط في حجم الذاكرة ( الهارددسك فقط )

طبعا هذي اسعار الوكيل ، يعني تحصلها عن الموزع أرخص .

انا عندي الـ 500 شريتها بسعر 330 دك = 4,287 ريال سعودي من الموزع .

[ابو علي12]

طيب وانا خوك هالكاميرا اللي تقولها ... تعتبر احترافية افضل من الباناسونيك اللي جبتها انا... والا لا


يعني انا ابغى عليها شغل تصوير افلام ... ومن هالنوع ... يعني ماابغاها حق رحلات وطلعات ...

[mixer]

طيب وانا خوك هالكاميرا اللي تقولها ... تعتبر احترافية افضل من الباناسونيك اللي جبتها انا... والا لا


يعني انا ابغى عليها شغل تصوير افلام ... ومن هالنوع ... يعني ماابغاها حق رحلات وطلعات ...

الكاميرا تسجل ففط 1080i

اذا بغيت للافلام اشتري كانون HF S11

او باناسونك TM300

لان فيهم 25p

[ابو علي12]

طيب ياعزيزي ياحبيبي ... اهم شيء عندي السعر ... كم سعرها بالريال الله يرضى عليك ويوفقك ...

[البرنجي]

اهلا بك شووف الفرق وانت الحكم

http://www.youtube.com/watch?v=5XFYdqfcMYc

[ابو علي12]

حلو انا الاحظ من ناحيه الالوان ... تصويتي لل sony xr 520 .... ماادري انته ايش تصويتك للافضل




لكن ياخوان زي ماقلت ... عطوني الافضل بينها ... والسعر .... لأنه ابغى عليها شغل افلاااام .. مو طلعات


الله يعطيكم العاافية

[المصورجي]

رأيي /
اذا كنت محتار بين الباناسونيك 10000 والسوني اكس ار 500 ، فالسوني هي الافضل !

[ابو علي12]

خلاص السوني ان شاء الله ...

بس سؤالي الحين هو السوني والا كانون HF S11 اللي في رد الاخ mixer

[المصورجي]

خلاص السوني ان شاء الله ...

بس سؤالي الحين هو السوني والا كانون hf s11 اللي في رد الاخ mixer

اذا ميزانيتك تسمح ... انصحك بالسوني
الكانزن اظن انها تسجل على ميموري ... بالتأكيد سعرها أرخص
لاكن في مميزات موجودة بالسوني مو موجودة بالكانون مثل خاصة التصوير الواضح في الاضاءة الخافتة "Exmor R" CMOS
بالاضافة إلى خاصية اكتشاف الوجه ومغلاق الابتسامة وتثبيت الصورة
ولا تنس المنافذ الخارجية مثل ( HDMI ، فتحة للمايك والهيدفون ، ميموري كارد 2 جيجا ... )
جودة الفوتوجراف 12 ميجا بكسل
الزوم البصري 12 ، والديجيتال 150
تقنية x.v.Colour
وبالاضافة إلى ميزه جميلة جدا وهي " تسجيل بطيء سلس " ... يعني تسجل مدة ثلاث ثواني وبعدين تخليها حركة بطيئة ( سلو موشن )
شاشة تعمل باللمس ....

بامكانك قراءة المزيد من المواصفات ومقارنة الموديلات من خلال هذا الرابط :
http://www.sony-mea.com/product/hdr-...ite=hp_ar_ME_i

[ابو علي12]

تم اعتماد كاميرا سوني xr520


ماادري شلون اشكرك يالغاالي .. على افادتك الطيبة والمشرفة ...


لكن مااقول الا اشهد بالله انك كفوا ... والله يجعلها في ميزان حسناتك حبيبي ..



ودي وتقدير لك يالغالي

[المصورجي]

تم اعتماد كاميرا سوني xr520


ماادري شلون اشكرك يالغاالي .. على افادتك الطيبة والمشرفة ...


لكن مااقول الا اشهد بالله انك كفوا ... والله يجعلها في ميزان حسناتك حبيبي ..



ودي وتقدير لك يالغالي

حياك الله ...
الكاميرا اللي تقصدها الهارددسك 240 جيجا ، من وجهة نظري انها فوق الحاجة (( بالنسبة لي )) ، والنوع 500 الهارددسك 120 جيجا أظنها مناسبة ... تكفي لتسجيل ما يقارب 20 ساعة بجودة الفل اتش دي

والخيار يرجع لك