اشتغالات اوتودسك ماكس الجديد اللي مفيهوش اي جديد 2011

[doctor3d]

السلام عليكم

تمتعوا مع اوتودسك بالموقع المميز "محلك سر" مفيش تطوير كلها اشتغالات ونشوفلنا برنامج تاني احسن

http://features.cgsociety.org/story...._campaign=5498

[losevar21]

هههههههههههههههههههههههههههههههههههه

على فكرة انت ضحكتنى بتعليقاتك ومن الواضح انك مشحون منهم اوى ...... بس انت فهمت غلط ياباشا XBR ده بلجن جديد للماكس بيضيف امكانيات Z-Brush للماكس وهو مش قوى اوى بالنسبة ل Z-Brush بس بيضيف جزء كبير من امكانياته للماكس وده تقريبا كدة لتظبيط شكلهم بعد المشاكل اللى ظهرت فى 2010 اللى هو اصلا كان بيعالج مشاكل 2009 اللى خلى الناس اتضايقت منه بسبب انه مشاكله مختلفة تماما عن مشاكل 2008 وهكذا
ده اللى يثبت انه اتوديسك دايما فى تطور

[doctor3d]

ده انا قلبي قايد نار منهم
انت شفت الفديوهات كلها حجات بسيطة اوي مش حجات تستاهل انك تغير مثلا

http://www.youtube.com/watch?v=VktIB...layer_embedded

http://www.youtube.com/watch?v=b65nd...layer_embedded

http://www.youtube.com/watch?v=xo8zP...layer_embedded

[يوسف فلسطين]

على العكس الفيديوهات الثلاث اللي انت عرضتهم ممتازين بالاخص الثاني والثالث

يعني في تقدم لكن السؤال هل هذا كل ما قدمته اتوديسك ل 11
ماذا عن الكركتر وعن الرندر والاضائه وغيرها

[doctor3d]

التغييرات شكلية اخي يعني انت مش محتاج تلون خاماتك في الماكس لان فيه فوتشوب ومش محتاج الكومبوزيت ماتريل يطلعلك في الرندر سيرفيس لانه موجود في الماتريال
هو كويس واسهل لكن تغيير شكلي

الاوبجت بينت ده كويس مع ان في بلجنات وطرق داخلية في الماكس لعمله
لكن هنقول كويس وفيه امكانيات حلوة واحسن من عدمه
لكن لو كانوا عملوا بينت افكت محترم زي بتاع المايا وفي مكتبة بنت ناس زي المايا وفي امكانيات البينت افكت فهو ده اللي اسمه تغيير ايجابي
والبينت افكت في المايا من اول ما قالوا يا مايا
لكن حتى المايا هيقف حاله مع اوتودسك لانها محتكره السوق نسبيا وبتنافس نفسها

المشكلة في تحديث الماكس ان الماكس بأة كل تحديثاته ادخال بلجنات وسكربتات جديدة ودمجها فيه وشكرا وده بيعمل مشاكل توافق مع اصل البرنامج طبعا pugs ..او على الاقل مش فاهمين بعض
يعني مثلا الريكتور والبارتكل فلو ده بلجن جاي من حته والتاني بلجن راكب من حته مينفعش يكونوا مش حاسين ببعض زي كتير من البرامج التانية

لكن عامة الخبر الوحيد الحلو بالنسبة لماكس 2011 انهم بيعيدوا برمجته من اول وجديد كليا لتقليل المشاكل
مش عارف الخبر صح ولا غلط صراحة
لكن تحديث كبير في الماكس لسه مشوفناش لكن والله يكون كفاية علينا تظبيط الموجود احسن من تحديثات شكلية

[losevar21]

ياباشا انتى فهمتنى غلط انا مسمعتش اى اخبار عن 2011 خالص ولكن xbr بلجن جاى فى السكة وهيطرح قريب ضمن sp2 لماكس 2010 وبكدة هما عايزين يحلوا اغلب المشاكل اللى ظهرت فى 2010 وملقتش كلمة 2011 خالص فى المقال ولا فى موقع اوتوديسك ازاى انت بتقول 2011

[doctor3d]

ياباشا انتى فهمتنى غلط انا مسمعتش اى اخبار عن 2011 خالص ولكن xbr بلجن جاى فى السكة وهيطرح قريب ضمن sp2 لماكس 2010 وبكدة هما عايزين يحلوا اغلب المشاكل اللى ظهرت فى 2010 وملقتش كلمة 2011 خالص فى المقال ولا فى موقع اوتوديسك ازاى انت بتقول 2011

يا راجل
هو بيقول في المقال "ماكس القادم"
عامة لو كده يبقى خير

[medo3d]

المشكله فعلا انها بتنافس نفسها خلاص بد ماشترت كل الشركات التانيه المنافسه ومش بعيد تاخد adobe هى كمان ههههههههههههه

[losevar21]

عندك حق بس لو يقصد ماكس القادم بجد يبقى مش خير خالص ....... ده حتى 2009 هياخد وسام من قلة المشاكل اللى فيه وكمان انا لو شركة واشتريت البرنامج كل اصدارين هفلس برضو مش كفاية بوزو المايا كمان ناويين يحرقوا الماكس ده كلام

[ah_elsisi]

من الواضح انك بتختلط عليك الامور
من المعروف عند الناس المحترفه والمتخصصه ان المكس برنامج بلجنز في الاساس يعني من اول اصداراته وهو بيعتمد علي البلاجنز اللي بتضاف ليه وده مصدر قوته مش ضعفه
حبيت بس اقولك الكلمتين دول يمكن تستفاد

[doctor3d]

يبدو فعلا يا اخوة ان دي فديوهات ماكس 2011 لاني شفتها في اكتر من منتدي

لا عملوا حاجة للفلويد سيميولشن مثلا ولا عملوا اي حاجة عليها العين تستحق دفع ثمن البرنامج لمن سيدفع

من الواضح انك بتختلط عليك الامور
من المعروف عند الناس المحترفه والمتخصصه ان المكس برنامج بلجنز في الاساس يعني من اول اصداراته وهو بيعتمد علي البلاجنز اللي بتضاف ليه وده مصدر قوته مش ضعفه
حبيت بس اقولك الكلمتين دول يمكن تستفاد

حصلنا جدير الاستفاده
بالمناسبة انا شفت ماكس من ايام ما كان ماكس 2.5 وكل سنة يدخلوا عليه بلجن مرة ريكتور وبعدين سيم كلوث وبارتكل فلو و مرة منتال راي
بس معرفتش مصدر قوته ازاي ؟
بالعكس ده ضعف بالبرنامج لان الشركة من قبل حتى اوتودسك "كينتكس" يتهيألي ..مبيشتغلوش على البرنامج اصلا سايبينه كده ومستنين كام بلجن يعجب اليوزر فيشتروه ويدمجوه مع البرنامج
اي نعم البلجن بيديك امكانيات اكتر داخل البرنامج لكن ليست مترابطة وليست متوافقة وبتعمل مشاكل عجيبة في بيئة العمل.
اكيد عدى عليك مشاكل عجيبة طبعا
مشكلتنا اننا اتعودنا على الشغل في بيئة البلجنز اللي مش حاسة ببعضيها مش اكتر.

[Savio]

انا عاجبنى اوى ال 2009 , و مش محتاج اغير

[legend 1]

لما يصير في ماكس 2030
بوقتها رح افكر اغير الماكس 2009
كلها تغييرات مش لينا لشركات محتاجينها

[MKanimation]

هيك احسن يعني انت بدك البرنامج يعمل كل شيء لوحده, طيب انت اتقنت كل البرنامج وعم دور على الجديد.
ممكن اعرف ايش الميزات يلي انت عايزها عشان تلبي طموحاتك حاسس انك سابق عصرك مثل مخرج فلم افاتار.

[doctor3d]

هيك احسن يعني انت بدك البرنامج يعمل كل شيء لوحده, طيب انت اتقنت كل البرنامج وعم دور على الجديد.
ممكن اعرف ايش الميزات يلي انت عايزها عشان تلبي طموحاتك حاسس انك سابق عصرك مثل مخرج فلم افاتار.

يا اخي محدش قالك انا سابق عصري ولا عبقري زماني ومخرج افتار ده تلميذى انت فهمت الكلام ده من اين ؟
انا بتكلم عن ناس هيشتروا النسخة الجديدة من الماكس 2011 بآلاف الدولارات تستاهل يدفع فيها تمنها ؟
انت شايف الفديوهات اللي فوق تستاهل انك تدفع 200 جنيه فيها ؟ فما بالك بالآلاف ؟
اوتودسك مش عايزة تطور لان مفيش حد بينافسها وسوق الماكس ماشي لوحده !
يعني انا مش فاهم عاجبك التحديثات دي ؟ دي مجرد كام اسكربت وشكرا .. فين الشغل فين التحديث ؟ فين اللي يستاهل الفلوس !
وهو ده اللي بعلق عليه مش اكتر ويتفق معي ناس كتير من الماكس والناس بتوع المايا برده عارفين يعني ايه اوتودسك !