ما مواصفات كمبيوتر لشغل المونتاج !؟

[Aya Kafy]

انا بشتغل على
adobe premiere cs4 and after effects cs4
و المشكله ان الكمبيوتر بيهنج منى جامد اوى و انا بشتغل كمان الريندر فى البريمير سيئ جدا
و مش بيقبل اعمل فييه مونتاج لأفلام عاليه الجوده الصوت يشتغل تمام جدا بس الصوره لو مده الكليب ربع ساعه مثلا الصوره تشتغل منها 5 فريمات بس وكأنها لا تتحرك طول المده
لازم اصغر الحجم من على الموفى ميكر الاول و دى حاجه بتخلي الفيديو مبكسل عن الاصل طبعا

و اما بالنسبه للأفتر افكتس افكتات بتعلق جدا منى لدرجه انها ممكن تقفل البرنامج و انا بشتغل

عايزه اعرف مواصفات الكمبيوتر اللى تخليني اشتغل مونتاج من غير اى مشكله فى التحميل و الريندر

[boukhari]

حسب ميزانيتك اخي الكريم

[Aya Kafy]

لآ ان شاء الله مفيش أى مشكله بس اعرف مش اقل من مواصفات ايه عشان اشتغل عليه شغل كويس !!!
يعنى اييه اللى يشغله تمام جدا بغض النظر عن السعر .
و فى نفس الوقت مش اقل من ايه عشان متحصلش المشاكل دي !

[Ali_Saad_A]

السلام عليكم

انا كات عندي نفس المشكله العندك
ورحت اشتريت جهاز جديد مخصوص لشغل الاخراج وخاصة الادوب افتر افكت والفيجاس
والحمدلله مريحني جدا جدا خاصه في الريندر

المواصفات:
بروسيسور
Intel Quad 2.4 Cach 8
الكاش جايبه 8 مخصوص عشان يسرع الرندر
سعره كلفني قبل عام 900 ج مصري الان تقريبا سعره نزل ل 750 او اقل

مذر بورد XFX 9300
عليها كرت فيجا 1 جيجا
سعرها قبل عام كان 1000 ج الان سعرها نزل بس مشكلتها نادر تلقاها ممكن تلاقي واحده اقل منها

رامات 2 جيجا سعرها 180ج
والان زودت واحده اضافيه 2 جيجا ايضا

يعني من الاخر عايزلك CPU بتكلفه لن تتعدى ال 2600 ج مصري وبعدها حترتاح وحتحس بفرق كبير جدا
ولو نزلت عليها ويندوز 7 كمان حيكون الفرق شاسع في السرعه والخفه

[Aya Kafy]

ميرسي جدا على الرد بس هو ويندوز 7 اصلا خفيف !!! ... انا سمعت ان الاكس بي البروفيشنال أخف من الفيستا و السيفين خاصه فى الشغل التقيل الكلام دا مظبوط !

[Ali_Saad_A]

ميرسي جدا على الرد بس هو ويندوز 7 اصلا خفيف !!! ... انا سمعت ان الاكس بي البروفيشنال أخف من الفيستا و السيفين خاصه فى الشغل التقيل الكلام دا مظبوط !

انا مجرب فيستا على 2 جيجا رامات شغال بالنسبه لي احسن من الاكس بي
وعلى السفن احسن واحسن كمان
بس الرامات ما تكون اقل من 2 جيجا

[Aya Kafy]

تمام انا عندى 3 رامات و شغاله بردو فيستا
اشكرك على اهتمامك

[يوسف فلسطين]

طوال ما النضام جديد فلا يوجد عندك مشاكل وطبعا بتبع حجم العمل
عندي فيستا ورامات 2 جيجا ولكن


امس واليوم بهم معي الجهاز وكل مره كنت اضطر اطلع من الافترافيكت بطريقه غير تقليديه
عم بفكر بالابيل افضل واسرع ودون مشاكل واخلي القديم لماكس ومشتقاته مع التعديل عليه

وبالامس كان عندي صديق مصور قال لما انتقلت للابيل صار عملي اسهل واسرع وافضل الوندوز خرابه كثير