Unconfigured Ad Widget

**losevar21** · 07 / 04 / 2010, 06:50 AM

اهدئ يعم شريف انا قلت فى مشكلة ولا حاجة ........ عامة ولا يهمك اللى اتكسر يتدغدغ احنا مش فاضيين نصلح

..... بص ياباشا انا بختار مكونات جهازى على تلات نقط بسيطة جدا .... البروسيسور قوى رامات على قد امكانيات البروسيسور هارد محترم ( وبيحكم ده فى العادة الميزانية المطروحة ) ......

ومن الحاجات الثانوية كارت الشاشة بس كنت بجيبه كويس عشان بيساعد فى الفيوبورت فى المشاهد التقيلة ... ومن اظرف الحاجات انه بعد ظهور Hard ware Render فى الماكس 2011 بدات اعتقد انه الموضوع يهم كارت الشاشة ومعتمد عليه بنسبة كبيرة ولسة من برهة من الوقت اتفرجت على دروس استاذ مصطفى عزازى فى جديد ماكس 2011 لقيته بينبه على اهمية كارت الشاشة لامكانيات الماكس الجديدة زى انك تظهر نتيجة شبيهة بالرندر فى الفيوبورت وبالتالى اعتقادى المتواضع على رأى استاذ مصطفى ...

يبقى لازم :
بروسيسور قوى
رامات تسويه ( او على الاقل تشغله ) انا من محبى الافيكت زى البارتيكل والديناميك وغيره وبحطهم دايما فى اغلب الانيمشن بتاعتى فالراما مهمة عندى تبقى برضو قوية عشان الجهاز بيحتاجها فى مرحلة Simulation فى اى ديناميك ..... خلى النقطة دى فى اعتبارك .

واخيرا كارت شاشة محترم تساعد فى حوارات الماكس الجديدة مع اهمية انك بخاصية Preview جواه الفيوبورت مش هترندر كتير .

اتمنى مكونش عملت زحمة بكلامى وقدرت افيدك ......... بالتوفيق ياباشا

**ShrifAzmy** · 07 / 04 / 2010, 03:42 PM

هههههههههههههه
يبقى انا عملت اللي كنت عاوزه
اتخضيت مش كده
واللي اكسر يتدغدغ
ههههه جامد اخر حاجه
لا يا صاحبي هو الموضوع مش متعلق ببوظان الجهاز الحمد لله ربنا يكفينا الشر ياعم
المهم انا كنت عاو اقول ان عملية شراء الجهاز بتتم على اربع مراحل :
1- مرحلة البحث وتجميع المعلومات
2- مرحلة التجهيز لبناء الجهاز
3- مرحلة التجميع والشراء
4- مرحلة مابعد البناء والاختبار وحلى المشاكل
وحنبداء نتكلم في المرحلة الاولى

**ShrifAzmy** · 07 / 04 / 2010, 04:14 PM

مرحلة البحث وتجميع المعلومات
عادة مرحلة بناء اي جهاز بتبقى من المراحل الممتعه خاصة انك بتتعرف خلالها على الجديد في تكنولوجيا الكمبيوتر لان طبعا زي ما كلنا عارفين المجال ده بيتجدد بشكل اسرع من قدرتنا على ملاحقته .
اول خطوة في مرحلة البحث دايما بتكون انك تحدد هدفك عاوز تبني ورك ستيشن لايه بالظبط
مش كفايه انك تقول للكمبيوتر جرافيك
لا ابدا.... انت لازم تقول انا عاوزها لبرنامج ايه بالتحديد وياريت كمان تحدد الفيرجن ليه ؟؟؟
دايما مع كل برنامج بيبقى في منيوال المنيوال ده بيقولك ادنى مواصفات لجهاز تشغيل ايه والكلام ده مش فنتظيه لا ده كمان لافضل نتائج استخدام
احنا هنا حنقول ان احنا حنجمع جهاز بمواصفات تتناسب مع برنامج ثري دي ماكس 2011 وكمان فوتو شوب وافتر ايفيكتس cs5 وبس مش ححاول روح ابعد من كده حاليا

**ShrifAzmy** · 09 / 04 / 2010, 07:37 AM

مواصفات تشغيل البرامج

من منيوال برنامج ماكس 2011
يحتاج البرنامج لكي يتم تشغيله بصورة جيده والحصول على اقصى ما يمكن من نتائج الى سوفت وير كالتالي:
اولا بيئة التشغيل ((( السيستيم )))
ويندوز سيفن النسخه البروفيشنال
او ويندوز فيستا بيزنيس اس بي 2 او على
او ويندوز اكس بي بروفيشنال اس بي2 او اعلى
كما يحتاج الى وجود متصفح انترنت اكسبلورر 7 او موزيلا فاير فوكس 2
طبعا لو السيتيم غير كده البرنامج حيشتغل لكن الناس عداهم العيب من غير كده مش حتحصل على اقصى تشغيل للبرنامج

**ShrifAzmy** · 09 / 04 / 2010, 07:48 AM

ثانيا الهاردوير

محتاج ان يكون جهازك فيه المواصفات ديه:

لو حنشغل النسخه الـ 32 حنحتاج الى :

- بروسيسور اينتيل بينتيوم 4 على الاقل سرعته 1,4 جيجا او ما يساويه من ايه ام دي AMD

- رامات 2 جيجا وينصح بان تكون اربع جيجا

- مساحه على للفيسيكال ميمور Pheasical memory او الـswap space تكون 2 جيجا وينصح بان تكون 4 جيجا
- تكنولوجيا دايركت اكس 10 او تسعه او كارت فيجا اللي هو كارت الشاشه يكون متوافق مع الـ Open GL technology
وتكون ذاكرة كارت الشاشه 256 على الاقل ولكن يفضل ان تعمل على 1 جيجا
- طبعا طبعا ماوس بتلات زراير

- ومساحه فاضيه للبرنامج على الهارد حوالي 3 جيجا ودي مساحه مهمه لان بخلاف المساحه اللي هو بيتسطب فيها البرنامج اثناء تشغيله بيفك ويضغط ملفات كتير خاصه بعملية التشغيل وبيحتاج لمساحه يعمل فيها الكلام ده
طبعا المواصفات دي لعمليات الاستخدام العامه مش عالية الاحتراف يعني موديلينج خفايف وريندر سريع ما فيهوش تعقيدات وحسابات كتير تقدر تقول كده تساعدك كويس لو البروجكت بتاعك في حدود 1000 اوبجكت مجموع البوليجنز فيهم مايزيدش عن 100000
طيب وحالات الماكس المعماري اللي بيبقى في شغل بلاوي ولا الانيميشن وتحريك المجاميع
حنتكلم عن النقطه ديه
احنا بس بنتكلم عن اقل حدود مواصفات

**ShrifAzmy** · 05 / 05 / 2010, 04:58 PM

اسف للتوقف الطويل نوعا لظروف طارئه
ولكن عودة لنتابع باذن الله

**ShrifAzmy** · 05 / 05 / 2010, 05:33 PM

احتياجات الادوب سي اس فايف Adobe CS5
ناتي الان للشق الثاني من مرحلة جمع البيانات عن احتياجات البرامج فكما سبق وقلنا اننا حنبني جهاز للماكس والفوتوشوب وسبق وحطينا احتياجات اماكس في الجهاز نيجي بقى لاحتياجات الفوتوشوب والافتر ايفيكتس
- يحتاج الادوب لبروسيسور انتيل بانتيوم 4 او ايه ام دي اثلون 64 بيت ولكن ينصح بالكور تو ديو Cure 2 due
- بالنسبه للويندوز يكون على الاقل اكس بي سيرفيس باك ثري على الاقل وحيث اننا عاوزين ننزل عليه افترايفيكتس يبقى نفتكر اننا عاوزين الويندوز يكون 64 لان السي اس فايف بيطلب سيستيم 64
- على الاقل الرامات 2 جيجا ولكن لافضل اداء ينصح باستخدام اربعه جيجا
- بالنسبه للشاشه على الاقل يكون الريزوليوشن بتاعها 1280x900 ولكن يفضل 1280x1024 لافضل اداء مع كارت جرافيك يكون موثوق فيه من الانواع المعروفه لا ينصح بنوع معين بقدر ماينصح بمواصفات محدده ان توافرت خلااااااص انتهت المشكله يكون اوبين جي ال Open GL مع حد ادني من الذاكره 256 ميجا بايت و16 لون
بس دي احتياجات برامج الادوب اللي احنا حننزلها

**veto** · 06 / 05 / 2010, 01:57 AM

ياريت نتكلم شوية عن الميزانية يعنى لو المواصفات كذا يتكلف كذا ولو بالتقريب ومتشكر جدا على المعلومات القيمة

**gta4000** · 06 / 05 / 2010, 02:02 AM

أخي لو كان الموضوع في قسم أطراف الحديث كان سيكون أفضل ، حيث هذا الموضوع ليس فقط للماكس

.
وفعلا لو ممكن الميزانية بالدولار .
والسلام خير ختام .

**ShrifAzmy** · 13 / 05 / 2010, 02:50 PM

المشاركة الأصلية بواسطة veto مشاهدة المشاركة

ياريت نتكلم شوية عن الميزانية يعنى لو المواصفات كذا يتكلف كذا ولو بالتقريب ومتشكر جدا على المعلومات القيمة

هو انا ححاول اتكلم عن نقطة السوق لكن بصراحه حيبقى من اصعب التطرق لموضوع اسعار خاصة ان ديه حاجه متغيره من وقت للتاني ومن مكان لغيره

**ShrifAzmy** · 13 / 05 / 2010, 02:53 PM

المشاركة الأصلية بواسطة gta4000 مشاهدة المشاركة

أخي لو كان الموضوع في قسم أطراف الحديث كان سيكون أفضل ، حيث هذا الموضوع ليس فقط للماكس

.
وفعلا لو ممكن الميزانية بالدولار .
والسلام خير ختام .

انا حطيت الموضوع في الماكس لاني بحاول اعمل جهاز للماكس وان كان الاسلوب نفسه عام وممكن استخدامه مع كل الابليكيشن لكن برده انا بتكلم عن اللي اعرفه الاوهو الماكس مش المايا او السينما
دا غير اني بعتقد ان اطراف الحديث منبر للمواضيع العامه البعيده عن التيكنيشن
واشكر مرورك اخي

Unconfigured Ad Widget

إعـــــــلان

جهااااااااااااااازي ؟؟؟؟؟

جهااااااااااااااازي ؟؟؟؟؟

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق