أريد مقبس لصنح الحشيش والاشجار والنخل

[Samehhabib]

السلام عليكم ورحمة الله وبركاتة
من فضلكم أريد مقبس لصنح الحشيش والاشجار والنخل
فى الحقيقة أنا عارف ان فى مقابس كتير لكن أنا عاوز أفضل مقبس فيهم واقل وقت ريندر وجودة عالية
وياريت بقى لو اى درس عن كيفية أستخدمها ...
مع درس عن ازاى اعمل حشيشه بالفيراى ....
وجزاكم الله كل خير

[medo3d]

ياه ايه ياعم اهدى شويه وان كان حبيبك عسل ماتلهطوش كله ههههههههههههههههههههه
اولا بالنسبه لمقبس الاشجار فانا بحب tree storm علشان بيدى للشجر الحركه الطبيعيه مع الرياح والتحريك
والفيراى استخدم vray fur وظبط اعداداته واديله خامة حشيش

[Samehhabib]

طيب ما تكمل جميلك بقى وتدينى لينك ليه وتقولى أنا أزاى استخدمه ولا أنت أتعلمتة منين ولا أية النظام فى الموضوع دة
يعنى أمشى أزاى فى الحوار دة
انا شغال على ماكس 2009
وميرسى جدا على وقت سيدتك
وشكرا للافادة

[medo3d]

سعادة الباشا تبادل اللينكات هنا ممنوع وبعدين البلجن موجود على النت ابحث عنه فى جوجل او التورنت او مواقع الشير عادى
وبالنسبه لتعليمه سهل جدا جدا بس نزله وحاول معاه ده غير ان ليه توتوريالات على النت
وان شاء الله فى اقرب فرصه اعملك درس بسيط ليه ماتصعبشى الامور على نفسك كده العمليه سهله بس لازم تبذل مجهود فى البحث الاول ولا ايه

[Samehhabib]

معالى الباشا على فكرة أنا نزلتة من بعد ما حطيت الكومنت دة
لكن فى الحقيقة ما أفدنيش كتير يعنى للاسف
لكن طبعا جانبك مشكور جدا على المساعدة والمتابعة
وبعدين انت عارف قوانين المنتدى واطى صوتك وانت بتقول حشيشة دى خالص :]
واسف لوقت جانبك للمرة التانية ...

[خالد 2010]

تم الاستفادة الاطلاع والاستفادة من موضوعكم وشكرا لكم