Logo animation .. لوجو انيميشن

[mady]

السلام عليكم ورحمة الله وبركاته



كيفكم شباب ..
ده اخر اعمالي .. لوجو انيميشن لشركه اجهزه صوتيه ومرئيه
يارب يعجبكم
الشغل على الماكس والافتر طبعا والصوت كالعاده برضه على ACID PRO
موديلز الصب ووفر و الشاشه من مجموعة DOSCH
عايز نقد للصبح
واي اساله انا في الخدمه طبعا


zshare link


محمد حلواني

[Awira]

جميل ولكن اعمالك السابقه افضل ^_^ ليس من الناحية التقنية , بل من الفكره ^_^

بالتوفيق في اعمالك القادمه عزيزي

[M-Keshta]

جميل جدا يا محمد بس بصراحه مش بنفس قوة شغلك اللى احنا عارفينه
انا تعليقى على جودة الفيديو قليله شويه مش عارف بقى ده عيب رندر ولا انت قللته عشان ترفعه اونلاين

كان عندى سؤال فى افكت الاضاءه اللى على شكل دواير فى الجزء المحيط بالصب ده افتر افكت ولا ماكس ؟وازاى بيتعمل ؟

كمان نقلة الكاميرا من برا اللوجو لجوا دى ازاى بتتعمل ؟ وتبطىء الكاميرا وتسريعها وهيا بتلف ده لعب فى الفيديو نفسه فى الافتر افكت ولا جاى من الماكس كده ؟

[ah_elsisi]

جامد جدا يا فنان
بالتوفيق وفي تقدم
انا عندي سؤال وحيد انت شغال فين ...يعني في اي شركه

[maxspider]

نايس وان يا ريس ... وزي ما قلتلك ملحوظتي هناك

قشطة

[mady]

انا مش عارف ليه الكوالتي طلع كده على الفيمو مع اني رافعه كوالتي عالي .. ان شاء الله هرفع واحد كوالتي اعلى انهارده

Mohammad.O
ثانكس حبيبي ^_^ نورت الموضوع يا كبير

M-Keshta
اصل يا صاحبي الشغل ده قِرف ^_^ في عميل بتيجي قرفته كده .. هيهي .. شغلانه تيجي سهله وشغلانه تطلع عين الواحد
بعيد عنك يا صاحبي
المهم .. انا مش فاهم انت قصدك على اضاءة ايه .. وضح شويه او ارفع صوره توضح اللي تقصده
بالنسبه لنقلة الكاميرا بقى .. هنا في خدعه صغيره .. عايزك تفكر شويه ^_^ .. عشان اسهلهالك شويه .. مافيش حركة كاميرا اصلا في الموضوع .. الكاميرا ماتهزتش حتي

ah_elsisi
ثانكس يا باشا .. انا مش شغال في حته .. شغال مع نفسي كده .. هو انا طالع عيني من شويه (:

maxspider
حبيبي يا جو .. عايزك تنزل الكوالتي الاعلى .. عشان تتفرج بمزااااج .. شويه وهيخلص الرفع باذن الله

[Rambo86s]

استاذى الفاضل انا منبهر بشغلك ما شاء الله عليك ياريت لو تفتح معانا ورشة فى الافترافيكيت ونستفيد من خبراتك ولك جزيل الشكر

[Oman-3d]

انت يابتاع ام الدونيا
الشغل حلو وصاحبه احلى

[ZEWAYED]

انت يابتاع ام الدونيا
الشغل حلو وصاحبه احلى

ايه يا عم فيه ايه بتكلم الراجل كده ليه
ايوة يا سيدى ام الدنيا
و انا كمان من هناك

[M-designs]

جميل جدا يا محمد بس بصراحه مش بنفس قوة شغلك اللى احنا عارفينه

جميل ولكن اعمالك السابقه افضل ^_^ ليس من الناحية التقنية , بل من الفكره ^_^

اصل يا صاحبي الشغل ده قِرف ^_^ في عميل بتيجي قرفته كده .. هيهي .. شغلانه تيجي سهله وشغلانه تطلع عين الواحد
بعيد عنك يا صاحبي

الله يسامحك يا عم ... بس اديك شفت رأي الناس لما قارنوا الشغل ده بشغلك اللي احنا عارفينه
امال بقا لو شافوا البرومو اللي قبله يبقا اكيد العميل عنده حق يا معلم

في الأخر الشغل برده حلو تسلم

[MOHSEN]

طبعا زى الفل كالعاده

ودا تعليقى على الكلام ده

وتبطىء الكاميرا وتسريعها وهيا بتلف ده لعب فى الفيديو نفسه فى الافتر افكت ولا جاى من الماكس كده ؟

فى الـ after effects

من التايم لاين هتعمل enable time temapping

والعب براحتك فى الـ slider لحد ماتوصل للموشن المناسب

مافيش حركة كاميرا اصلا في الموضوع .. الكاميرا ماتهزتش حتي

على مااعتقد الحركه حركه اوبجكت مش كاميرا . واللى يديك الايحاء بوجود كاميرا حركه الخلفيه بشكل سفيريكال

داحل الافتر ... ولا انت ايه رأيك ؟؟

[Mr.ALDO]

برنس برنس برنس يعني
الشغل 100 100 يا باشا و مفيش كلام عليه طبعا
بس الخلفية كانت ممكن تبقي أحسن شوية

السؤال بقييييييي .............بتجيب الأفكار منين ؟؟؟ يعني انا لما أتفرجت علي اللوجو ده قلت مستحيل تجيلي أفكار زي دي

انت يابتاع ام الدونيا
الشغل حلو وصاحبه احلى

طبععععععععععععععا أم الدنيا و نص تلات تربع مفيهاش كلام

[mady]

Rambo86s
حبيبي اتمنى والله بس الموضوع ده صعب على جدا عشان عايز اهتمام كبير والوقت مش هايساعدني

Oman-3d
ثانكس يا كبير نورت

ZEWAYED
الراجل ماقالش حاجه وحشه .. بيهزر عادي .. خللي دماغك كبيره يا صاحبي .. نورت

M-designs
ثانكس حبيبي .. بس هي قِرف برضه

MOHSEN
اهلا بيك يا باشا

مبدئيا .. لو عملت الفيديو بطيئ من الافترافكتس .. مش هيدينا كواليتي كويس .. الافضل انك تعمل كده من الماكس وده نتيجته احسن كتير .. وده اللي حصل في الانيميشن هنا

ثانيا .. الحركه فعلا حركة اوبجكت مش كاميرا .. بس الباك جراوند برضه من جوا الماكس مش في الافتر

Mr.ALDO
اشكرك يا باشا .. الافكار بتيجي من الفرجه الكتير على اعمال الغير سواء اجنبيه او عربيه بتخلي دماغك وعنيك تشتغل وفي الاول وفي الاخر فضل من عند الله .. نورتني

[tarekmax]

مذهل مشاء الله

[mady]

tarekmax
اشكرك بالتوفيق لك