Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

..:: تغطية معرض graphicad ::..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ..:: تغطية معرض graphicad ::..

    السلام عليكم ورحمة الله وبركاته
    فى الموضوع ده هحاول بقدر الامكان تغطية احداث معرض graphicad الاول من نوعه فى مصر وكان النهارده أول يوم وهوا مدته 3 أيام(خميس وجمعه وسبت) ياريت اللى يقدر يحضر المعرض بكره يجى لانه فعلا معرض كويس جدا وحدث أول من نوعه فى مصر

    المعرض بيتكلم عن الفن الرقمى بشكل عام وفى جهات كتيره مشتركه فى المعرض زى اوتوديسك وبعض المجلات المعماريه وكلية فنون تطبيقيه وبعض الشركات الاخرى اللى بتنتج كورسات تعليميه وبعض المنتجات زى شاشات وتلفزيونات جديده بتقنية الثرى دى وحاجات انتراكتف بالاضاءه فى الارضيات

    ده طبعا غير ان اوتوديسك عرضت اوفر فيو لمنتجاتها بس لسه معرضوش ماكس 2011 واعتقد فيه فى اليومين القادمين سيمنار بيتكلم عن موضوعات مختلفه فى الانيميشن والجرافيكس

    وفى قسم ال digital art gallery كان فى مجموعه من الاعمال الديجيتال معروضه تو دى وثرى دى وفوتو مومنتاج بس الثرى دى كان قليل نوعا ما وكنا عارضين شغل انا وابو معاذ وتم عمل لقاء تلفزيونى على قناة nile tv مش عارف هيتذاع امتى بس احتمال بكره او بعده فى برنامج تقريبا اسمه صباح جديد او حاجه زى كده من 8 الصبح ل 11 الضهر ودى اول مره تحصل معايا عشان كده لو حد شافه بالصدفه على التلفزيون ميضحكش لانى كنت متلخبط شويه فى الكلام وكان الموضوع مفاجأ بالنسبه لياز



    ودى بعض الصور اللى اخدناها فى المعرض
    بالترتيب من اليمين م.محمود قشطه-م.ابو معاذ-م.عطيه عبده طريق الجرافيك-أ.مصطفي عزازي







    م.محمود قشطه



    التعديل الأخير تم بواسطة أ.مصطفي عزازي; 18 / 04 / 2010, 09:09 PM. سبب آخر: وضع اسماء

  • #2
    اليوم التانى

    مفيش جديد اوى بس اتفرجنا على منتجات جديده زى ال 3d printer وال 3d scanner وطريقة عملها وخدمه بتقدمها نفس الشركه لو انت عاوز تعمل مودل حقيقى لحاجه انت عاملها ثرى دى او لو عندك حاجه حقيقيه وعاوز تدخلها على الكمبيوتر ثرى دى

    كمان اتكلمنا مع الناس بتوع اوتوديسك عن منتجاتهم المختلفه من ماكس وماكس ديزاين وريفت اركتكتشر واوتوكاد 2011 وانفنتور
    واحتمال بكره ان شاء الله شركه تعرض هيلجرام لايف ودى اعتقد حاجه جديده من نوعها فى مصر

    كمان من الحاجات الجميله اللى شوفناها النهارده شاب مصرى عامل جهاز موشن كابشر ريل تايم كان مشروع تخرجه وطوره وقرب ينتهى منه وبيقول ان تكلفته الى الان لاتتعدى 1000 جنيه



    مصورناش كتير النهارده بس ان شاء الله بكره هنصور الحاجات دى على اد ما نقدر وندرج الصور

    تعليق


    • #3
      جزاكم الله خيرا جميعا ...اخوانى الافاضل ....معاكم ابو معاذ
      اليكم تغطية هذا اليوم
      اولا خبر جميل جدا لشباب يعملون فى انهاء موشن كابشر مصرى وكانت هناك ندوة القوها عن الاختراع وكيف انهم توصلوا لصنع وبرمجه الجزء العلوى من الجهاز والجهاز يعمل ريل تايم لا يحتاج اى امبورت فقط لا عليك الا ان ترديه وتشغل الماكس


      http://www.youtube.com/watch?v=FGz0Jz5ExCw





      كان اليوم والبارحة بفضل الله اقبلا شديدا ولقد التقينا باحبة كثيرون من بينهم حبيبنا عزازى وشادى صبحى وكثير من الاحبة وان شاء الله اتمنى ان نرى احبابنا من كل مكان فى المؤتمر المقبل بامر الله تعالى سالين المولى ان يجمعنا وايكم على كل خير

      وقد قمتا انا ومحمود قشم اليوم بالتسجيل مع قناة النيل الثقافيه وان شاء الله سيذاع البرنامج اليوم فى الساعة ال3 عصر بامر الله
      وكنا مرتبكين للغايه لم نكن على الهواء غير اليوم مع ان هواء التكيف بالقاعه قد اصابنا بالرعاش من البرد
      اتمنى ان تستمتعوا بالصور احبيتا وتقبل الله منا ومنكم صالح الاعمال















      تعليق


      • #4
        وفقكم الله اخي محمود وجعله فاتحة خير للجميع
        حاول تسجل اللقاء
        هل سيتكرر المعرض و هل في القاهرة فقط
        الموقع المعتمد للسينما فوردي في الشرق الاوسط
        http://arab4d.net



        درس عمل مودلينج لبرج القاهرة ببرنامج سينما فور دي

        تعليق


        • #5
          لسه شايف الصور على الفيس بوك ..

          بجد ماشاء الله عليكم شرفتونا يا رجالة المنابر

          انا طبعا صعب اجي بكره فاللي يعرف يصور حاجه بكره ياريت يحط الصور هنا

          والف مبروك لأبو معاذ وليك يا محمود بجد فرحان جدا ان في معرض فيه الفن العالي ده موجود في مصر

          ولو في حد من المهتمين بالتودي صور حاجات ياريت يحطها كمان

          ورغم اني مابصحاش بدري ههههه لكن هصحى من النجمه عشان اشوف اللقاء اللي معاكم


          congratulations !

          تعليق


          • #6
            بجد انا فرحان جدا لوجود معرض ف الوقت الحالي بالتقنية والاهتمام العالي دا
            ويارييت يزيد الاهتمام والاقبال ف الفترة القادمة اكتر واكتر
            وفرحان اكتر بمقابلتي النهاردة لعمقالة الجرافيك ف مصر والوطن العربي زي
            الاستاذ مصطفي عزازاي والبشمهندس عطيه والبشمهندس محمود قشطة والبشمهندس ابومعاذ
            اللي دايما بنستمتع بفنهم الراقي ويارب دايما في تطور ونبقي صورة مشرفة للعالم العربي
            المعرض جميل جدا بمعني الكلمة وكل اللي يقدر يجي بكرة او بعدة ياريت يجي
            ليس للابداع حدود

            تعليق


            • #7
              الحمد لله انى عرفت ادخل على المنابر النهارده عشان اشوف الموضوع الرائع ده بس ليا رجاء انت مش مبين المعرض ده فين ومواعيده ايه وانا مش اجازه غير الجمعه ياريت تلحق تقول هو فين ومواعيده ايه عشان اروح النهارده ان شاء الله بعد الصلاه وشكرا

              تعليق


              • #8
                حد يقولى المعرض فييييييييييين
                ده ايميلى
                m_bahgat99@hotmail.com
                اكون شاكر جدا لو حد لحقنى وقالى قبل يوم الجمعه ما يخلص

                تعليق


                • #9
                  جميل جدا جدا
                  هكذا يجب ان يعامل الفنانون............ و انتم خيرهم

                  تعليق


                  • #10
                    رائع جدا شي يرفع الراس
                    اتمنى لكم مستقبل زاهر

                    لا يغني حذر عن قدر
                    Tack care

                    تعليق


                    • #11
                      اهلا بيكم ياجماعه
                      المعرض مكانه فى قاعة المؤتمرات فى مدينة نصر داخل قاعه اسمها الجاليرى
                      مواعيده الجمعه من 10 صباحا الى 8 مساءا
                      والسبت من 10 صباحا الى 10 مساءا

                      اخى midnight اعتقد ان المعرض هيتكرر سنويا وهوا الى الان فى القاهره فقط

                      تعليق


                      • #12
                        المعرض في ارض المعارض بمدينة نصر بجانب استاد القاهرة
                        ليس للابداع حدود

                        تعليق


                        • #13
                          المشاركة الأصلية بواسطة mr.clever مشاهدة المشاركة
                          المعرض في ارض المعارض بمدينة نصر بجانب استاد القاهرة
                          المعرض فى قاعة المؤتمرات وليس فى أرض المعارض

                          تعليق


                          • #14
                            اسف والله يا محمود ماخدتش بالي وانا بكتب
                            بس كنت عايز ارد على اللي بيسال ع العنوان وماخدتش بالي انك رديت اصلا غير دلوقت
                            معلش بجد مرة تانية
                            التعديل الأخير تم بواسطة Mr.ClEvEr; 18 / 04 / 2010, 10:03 AM.
                            ليس للابداع حدود

                            تعليق


                            • #15
                              جميل المعرض
                              ممتاز ..اول خطوة
                              اتمنى لكم مزيدا من التقدم
                              لا اله الا الله محمد رسول الله
                              ...قال : كيف قلت ؟ قال : قلت : الحمد لله حمدا كثيرا طيبا مباركا فيه مباركا عليه كما يحب ربنا ويرضى . فقال النبي صلى الله عليه وسلم : والذي نفسي بيده لقد ابتدرها بضعة وثلاثون ملكا أيهم يَصعد بها .

                              مشروع قرآنى شامل بمميزات فريدة

                              تعليق

                              يعمل...
                              X