Unconfigured Ad Widget

**hatemgoda** · 16 / 05 / 2010, 01:23 AM

فلنعطى أمثلة عملية

من واقع السوق المصرى على هذا الكلام
و يمكن ان تفاجئوا من كلامى

كم من شركات كنتم تحسبونها على قمة السوق و منتجاتها هى الأفضل
بدون منازع و لكن اذا بحثتم عن الحقيقة ستجدونها غير ذلك ؟!

مثال1 :-

كروت الشاشة

اول ما يتبادر الى ذهن المبيتدئين عند شراء كارت شاشة
هو كروت ( Geforce 1 GB ) طبعـــــا !!!
من شركة انفيديا nVidia

و أصبح المستخدم يبحث عن الاسم فقط
مجرد اى كارت يحمل اسم جيفورس

مهما كان مستوى أدائه ( مبتدئين - متوسط - احترافي )

بدون أن ينظر إلى المنافسين من حيث الأداء و السعر!!!

فتجد أن هناك كارت من شركة ATI أفضل منه فى الأداء
أو على الأقل مساوي له فى الأداء و بسعر أقل
ليس على سبيل التعميم ايضا و لكن على الأغلب حيث ان هناك
بعض كروت nVidia فعلا تتفوق على بعض كروت ATI

و إذا كنا أكثر تجديدا و ذكرنا موديلات بعينها :-

SAPPHIRE HD 4830 1GB GDDR3
ATI
&
GIGABYTE 9800GT 1GB DDR3
nVidia

متنــافســـان فى الأداء
و لكن الأول بسعر 800 جنيه
و الثانــى بـسعــر 1020 جنيه

مع أن الأداء واحد !!!

ومثال آخر و لكن معكوس :-

SAPPHIRE VAPOR-X HD 4850 512MB GDDR3
ATI
&
GIGABYTE 9800GT 1GB DDR3
nVidia

بنفس السعر تماما وهو 1020 جنيه ,,

و لكن شتان فى الأداء بينهما !!

فالكارت HD 4850 يكتسح الكارت 9800GT
بكل جدارة مع ان السعر واحد

مثال2 :-

المعــالجـــــات

وهو من اغرب ما ستقرؤون !!!

بالنسبة للمعالجات ,,
فأي شخص مقبل على الشراء أول ما يتبادر إلى ذهنه فى الكمبيوتر أنه
( عايز جهاز انتل )

تسمع هذه الجملة و يرددها الناس بدون حتى أن يعرف معظمهم معناها !!!

و اذا سألتــه ماذا تعرف عن انتل ؟
او هل تعرف ما هو البروسيسور ؟

و المتابع الجيد لسوق المعالجات يلاحظ وجود منتجات عالية الأداء جدا
من شركة AMD تنافس منتجات Intel فى الأداء و عادة تتفوق عليها .

و تنافسها أيضا فى السعر و لكن بالسعر الأقل
وهى نقطة التفوق الأكبر لل AMD

فكثير من منتجات AMD تتفوق على منتجات Intel
اذا تساويا فى السعر و العكس صحيح.

وهذا الكلام ليس للتعميم ايضا
فبعض معالجات Intel تتفوق على AMD
مثل المعالج العمـــلاق Q9550

و لنعطى أمثلة محددة :-

Phenom II X3 720
(AMD)
&
Intel Core2Duo E8400
(Intel

فنجد ان المعالج الاول من AMD
ينافس و يتفوق في الاداء و السعرعلى
المعالج الثاني من Intel

حيث ان
الأول بســـعر 870 جنيه
و الثانى بسعر 980 جنيه

و مثال معكوس ايضا :-

المعالج
ATHLON X2 7750
AMD
&
INTEL E 5200
Intel)

فنجد ان المعالج الاول من AMD
يتفوق في الاداء على
المعالج الثاني من Intel

مع تسـاويهما في السعر تقـريبـا !!!

و فى رأيي الحل سهل جدا لمثل هذه المشكلة وهو:-

التوجه لآي موقع أو منتدى مهتم بالهاردوير و البحث عن مقارنات أداء بين المعالج أو كارت الشاشة
المراد شراؤه و بين المنافسين له فى الأداء و المقاربين له فى السعر.

وما أكثر هذه المواقع و المنتديات مثل Tom's Hardware - Anandtech - Guru3D

أو حتى مجرد البحث فى جوجل اكتب فى مربع البحث كلمة review يليها اسم القطعة التى تبحث
عن مراجعات و مقارنات لها

يتبــع ان شــاء الله

**hatemgoda** · 16 / 05 / 2010, 01:26 AM

مفهوم آخر أحب أن أوضحه للمبتدئين وهو:-

( معادلة السعر مقابل الأداء)

عند الشراء هناك عدة عوامل تتحكم فى اختياري لمنتج معين و تفضيله
عن غيره و من أهم هذه العوامل هي ( معادلة السعر مقابل الأداء )

ما المقصود بهذه المعادلة ؟!
أن هناك منتج يعطيني أداء محدد و هناك منتج آخر منافس له
و لكن نجد ان المنتج الثانى يعطى زيادة فى الأداء عن الأول بمقدار 5 % مثلا
و زيادة فى السعر بمقدار 20 %
فهل الأفضل شراء الأول أم الثاني ؟

الإجابة:-

يفضل المنتج الأول رغم أنه أقل فى الأداء

بسبب أننا نراعى هنا عامل مهم جدا فى الشراء و اكاد أقول أنه أهم عامل وهو عامل السعر

ففرق الأداء البسيط لا يبرر فرق السعر الكبير
و يمكننى أن استغل المبلغ الذى وفرته عندما اشترى المنتج الأول
فى رفع مكون اخر من المكونات.

باختصار هذه المعادلة تمكننى من الحصول على أفضل اداء ممكن
فى حدود الميزانية المحدودة المتاحة لى

وهذا هو تماما ما نحتاجه هنا فى مصر حيث أغلب
المشترين ميزانياتهم محدودة و دورة التغيير
لديهم طويلة قد تستغرق عدة سنوات فالتغيير
ليس سهلا لذلك نحتاج هذه المعادلة و بشدة
حتى نستغل المبلغ المدفوع فى كل قطعة افضل استغلال

مثال :-

الرامات

اذا نظرنا للنوعين التالييين ...
Kingston 2GB bus 800MHz
السعر 105 جنية
&
Kingston HyperX 2GB bus 1066MHz
السعر 160 جنية

فى الاختبارات نلاحظ ان فرق الأداء بين النوعين ليس كبير
حوالى 5 % تقريبا لصالح ال HyperX
لكن فرق السعر كبير جدا حوالى 33 %

فهنا يفضل النوع الأول رغم انه الأقل فى الأداء عن الثانى

( جميع الأسعار فى الموضوع توضيحية و محددة وقت كتابة الموضوع وهى عرضة للتغيير )

مثال اخر :-

لوحــات الام

اذا نظرنا للنوعين التالييين ...
BIOSTAR TA790GX3 A2
بسعر 730 جنيه
&
Gigabyte GA-MA790GP-UD4H
بسعر 1000 جنيه

اللوحتين مبنيتين على نفس الرقاقتين 780GX + SB750
و لكن الأولى تصنيع شركة بيوستار الصاعدة
و الثانية تصنيع شركة جيجابايت العريقة جدا

الملاحظ ان البيوستار جيدة و لا أحد ينكر ان الجيجابايت
أفضل منهاو لكن...
نسبة الارتفاع فى الأداء لا توازى الارتفاع الكبير فى السعر

فبالتالي عند الميزانية المحدودة تعتبر البيوستار خيارا أفضل

يتبــع ان شــاء الله

**hatemgoda** · 16 / 05 / 2010, 01:27 AM

و نعود لاستكمال الأخطاء الشائعة

هناك خطأ شائع جدا فى كروت الشاشة و هو :-

الاهتمام بحجم الرامات أكثر من الاهتمام بنوع الكارت نفسه .

فتجد كل الناس مقبلة على الحصول على كروت شاشة 1 جبجا
وفى الحقيقة أن حجم رامات كارت الشاشة لا يؤثر على الأداء بالشكل
الذى يتخيله معظمنا

فالكارتين ...

SAPPHIRE HD 4830 1GB GDDR3
السعر800 جنيه
&
SAPPHIRE HD 4830 512MB GDDR3
السعر725 جنيه

مع فارق السعر بينهما لا يوجد فارق ملحوظ فى الأداء

و فى الحقيقة الفارق لا يتضح إلا عند استخدام شاشات كبيرة للعرض
بقياس 22 بوصةأو أكبر
أما فى الشاشات العادية قياس17 و 19 بوصة فلا يكاد يكون ملحوظ

خطأ آخر خطير جدا وهو :-

عدم الاهتمام بمزود الطاقة ( Power Supply) !!

فالباورات الموجودة فى السوق و خصوصا التى تأتى مع الكيسات العادية
كلها من الانواع التجارية وهى باورات

منخفضة القدرة و الجودة و لا تعطى تيار ثابت

و هذا الموضوع خطر على جميع المكونات حيث يمكن أن يؤدى إلى
تلف أي قطعة فى الكمبيوتر نتيجة ارتفاع أو انخفاض التيار الواصل لها

و مشكلة الباورات التجارية عند استخدام كارت شاشة منفصل
فمعظم كروت الشاشة الجديدة تحتاج إلى مزود طاقة مناسب يعطى
الكارت كفايته من التيار ( الأمبير ) والا ستحدث مشاكل للجهاز مثل بطء
فى الأداء او تهنيج او ريستارت بشكل غير طبيعى

و يمكن ان يسبب انخفاض التيار الواصل للكارت فى تقليل اداء الكارت
و يمكن ملاحظتها عن شخص اخر عنده نفس الكارت و لكن مع باور جيد
او مع الشخص نفسه عند تركيب باور من نوع جيد يلاحظ تحسن محسوس
فى اداء الكارت

أيضا الباورات الرخيصة مع ارتفاع حرارتها يقل أدائها و كلما زادت الحرارة
قل الأداء و قل ثبات التيار الخارج منه وهو خطر كبير كما ذكرنا

و يعتبر أفضل نوع موجود فى مصر حاليا هو HEC فهو يعطى
اداء رائع و بسعر معقول جدا

و موجود بقدرات متفاوتة تبدا من 300 واط
((وهو مناسب جدا للأجهزة التى تعتمد على كارت الشاشة المدمج ( البلت ان )))
و 350 واطو 450 واط وهما أنسب مزودينمن حيث الأداء و السعر
و حتى 1200 واط

و أيضا المزودات من نوع جيجابايت جيدة جدا و لكنها محدودة
ليست متنوعة مثل الHEC

يتبــع ان شــاء الله

**hatemgoda** · 16 / 05 / 2010, 01:29 AM

الرامات

الرامات من اهم القطع فى الجهاز و من اكثرها تأثرا على استقراره
و عدم استقرار الرامات يعنى عدم استقرار الجهاز ككل فتجد تهنيج
و اعادة تحميل و مشاكل كبيرة فى الجهاز

و من المهم جدا استخدام نوع جيد من الرامات و البعد عن الأنواعالرديئة
و فى مصر حاليا أفضل نوعين متوافرين هما

Kingston & Transcend

يوجد انواع كثيرة ممتازة مثل
( OCZ – CROSAIR –A DATA- SAMSUNG )

لكنها غير متوفرة فى مصر بانتظام

و الكنجستون أكثر انتشارا و لكن الملاحظ ان هناك انواع مقلدة
منهالذلك يجب الحذر عند شراءالرامات من نوع كنجستون

فيجب ملاحظة ان يكون العلبة الخارجية عليها ملصق الوكيل
"يضمان الشركة الهندسية"
اوبضمان
"معروف "

وهذه هى الانواع المضمونة التى يدخلها الوكيلان فى مصر

و يفضل شراء الرامات خصوصا من شركات حسنة السمعة مثل كمبيونيل
( فروعها منتشرة فى القاهرة و لها فرع فى المنصورة )
او" ماكسيمم هاردوير" فى سوق العصركما هو مـوضح في الصــوره الاتيه

يتبــع ان شــاء الله

**hatemgoda** · 16 / 05 / 2010, 01:30 AM

تـــابع الأخطاء الشائعة

الكـــروت المــدمجــــه

فتجد التضخيم و التمجيد فى الكارت المدمج انه 1 جيجا و فى الحقيقة
حتى لو وصل الى 2 جيجا ليس هذا هو الفيصل فى أداء الكارت المدمج
و لكن المهم هو نوع هذا الكارت نفسه

فكارت الشاشة المدمج ATI HD3200

المدمج على الرقاقة AMD 780G

مع رامات 384 ميجا او 512 ميجا مثلا

أفضل بكثير جدا

من الكارت Intel GMA 3100

المدمج على الرقاقة INTEL G31
&

و ايضا افضل من الكارت Geforce 7150
المدمج على الرقاقة nVidia Geforce 630i

فخلاصة القول هنا أن الحكم على كارت الشاشة المدمج
أو المنفصل من حجم الرامات حطأ فادح !

و خطأ اخر على نفس النسق مع المعالجات و هو :-

استعمال ذاكرة الكاش و التردد فقط كمعيار
للحكم على اداء المعالج !

فتسمع الجمل الشهيرة ...

" البروسيسور ده كاشه كام؟"
" البروسيسور ده سرعته كام؟"
و تجد حتى من يسأل " عايز بروسيسور انتل 2.8 كاش 3 "
و تجد التمجيد من البائع فى المعالج الذى يبيعه " ده بروسيسور 3 كاش 2 "

و يمكن أن نقول أن هذا الكلام كان يحمل جزء من الدقة فى الماضى
مع محدودية المعالجات المتوفرة

ولكن نقطة النهاية كانت مع انتهاء المعالجات أحادية النواة
Pantuim 4
Athlon XP
Sempron

و بدأ عصر المعالجات متعدة الأنوية خصوصا الثلاثية و الرباعية
فأصبحت هذه المعايير لا تحمل الدقة الكافية للمقارنة بين أداء معالجين أو أكثر

ولذلك نستطيع أن نقول بكل تأكيد أن أداء المعالج
هو محصلة الكثير من العوامل من ضمنها ...

التردد
الأنوية ( سرعته )
و حجم الكاش

و لكن هناك عوامل أيضا مهمة جدا يغفل عنها المبتدأون
و قد تكون أهم من العاملين السابقين مثل ...

تصميم المعالج نفسه
و معمارية البناء
و عدد الأنوية
و متحكم الذاكرة Memory Controller

و غيرها...

فهل يعرف احد منهم مثلا ان سر من اسرار تفوق معالجات
الPhenom II على منافساتها من فئة
الـ Core 2 Duo & Core 2 Quad

هو متحكم الذاكرة المدمج فى المعالج مع تقنية التصنيع 45 نانومتر

و هل سأل احدهم عن تقنية تصنيع أى بروسيسور ينوى شرائه
و علم أن هذا يدقة تصنيع 45 نانومتر او هذا بدقة 65 نانومتر

و اعتبر انه كلما قلت دقة التصنيع فهذا عامل مهم جدا
من عوامل المفاضلة بين المعالجات ؟؟

فكيف إذن يتم اختزال البروسيسور إلى مجرد تردد و كاش؟!

لذلك أتمنى زوال هذه الجملة
( البروسيسور ده 3 كاش 2 )
فهى خطأ اكيد فادح!

بالنسبة للباورت التجارية هناك باورات مكتوب عليها
700 واط و 900 و حتى 1000 واط و بسعر حوالى 100 جنيه فقط

وقد يقول قائل ان الباور تكلفته 100 جنيه و مكتوب عليه 700 واط .
فهو على الأقل سيعطى 400 واط فعليا!

و لكن هذا خطأ ولا تحسب الأمور هكذا,

فبالاضافة إلى عدم ثبات التيار الخارج من الباور صبلاى
و اخطاره كما ذكرنا فهناك عامل مهم جدا وهو عدد الأمبير
على خط ال12 فولت وهو هام جدا خصوصا فى الباورات الأعلى
و الموجهة لكروت الشاشة المتوسطة و العالية

فلا يجب أن يقل خط ال12 فولت عن 18 أمبير كحد أدنى
وكلما زاد يكون أفضل وهذا ما لا توفره الباورات التجارية.

يتبــع ان شــاء الله

**رولا باسمي** · 16 / 05 / 2010, 01:31 AM

الأفضل في المعالجات
amd
الأفضل في كروت الشاشة
ati
الأفضل في الماذر بورد
asus

الأفضل في الشاشات
سامسونج + فيوسونيك

الأفضل في الهارديسك
سامسونج

الأسوء في المعالجات
intel وهي إسرائلية و الموجود بالعالم الثالث فرز 2

الأسوء في كروت الشاشة
tnt
ولا أنصح بــ gforce إن كان أمامكن ati

الأسوء في الهاردسك
segat
الأسوء في الماذر بورد
نوع غريب ما بتذكر إسمه ههه

الأسوء بالشاشات
mov

وياليت تنسوا إنتيل شوي لأنها طغت وتجبرت

وبنحكم بالفينوم amd أداء منقطع النظير وقوة جبارة بالرندر
واللي كان بيشوف الرندر عندي ماشاء الله ما كان بيصدق + ati داعم قوي للجرافزيوم بروسيسنج

**hatemgoda** · 16 / 05 / 2010, 01:32 AM

منتجات لا أفضل التعامل فيها

لا أفرض على أحد عدم شرائها و لكن هو مجرد رأى شخصى لى
و وجهة نظر أراها و أبدى أسبابى و سأقوم بذكر الشركة
و ذكر السبب

1- جميع منتجات XFX

وهى شركة كبيرة جدا ورائدة فى مجال تصنيع كروت الشاشة
لشركة nVidia و تعتبر من أفضل مصنعى كروت
الشاشة فى العالم و بعد التقدم الكبير الذى أحرزته ATI
على الصعيد العالمى بكثير من المنتجات الممتازة أداء و
المنافسة سعرا اتجهت XFX حديثا
إلى تصنيع كروت من إنتاج ATI
و تحديدا HD 4890 كما تصنع لوحات أم أيضا جيدة جدا

حتى الآن الكلام ممتاز ولكن أين الخلل ؟

الخلل ليس فى XFX فالشركة نفسها لا غبار عليها و لكن فى وكيلها فى مصر
( كايرو كمبيوتر ) !!!

فالتوكيل يسعر المنتجات فى مصر بأسعار مرتفعة جدا و غير منطقية بالمرة
بالمقارنة مع نفس الكارت من انتاج شركات اخرى بدون الحصول
حتى على اى ميزات اضافية كرفع تردد الرقاقة او الحصول على نظام
تبريد افضل للكارت وهى سمة مميزة لهذا التوكيل.

فكروت XFX جيدة الصنع و متميزة مع كروت انفيديا بشكل عام
لكن هناك شركات أخرى جيدة أيضا مثل...

Gigabyte & ASUS

وهى شركات لها مكانتها فى السوق و جودتها لا غبار عليها

وإذا عدنا إلى معادلة السعر مقابل الأداء

فحتى إن كانت كروت XFX متميزة, ففرق الأداء بينها و بين نفس الكارت
من إنتاج ASUS اوGigabyte مثلا

لا يبرر إطلاقا فرق السعر الشاسع !!!

مثال 1 :-

ASUS Geforce GTX 285 1GB GDDR3
السعر 2400 جنيه
&
XFX GTX 285
السعر 3200 جنيه

فالكارتان معتمدان على نفس الرقاقة وهىGTX 285
ولكن الأولى تصنيع و الثانية تصنيع XFXASUS

و ملاحظ فرق السعر الغير منطقي بالمرة!

مثال اخر :- فى كروت ATI

Sapphire HD 4890 1GB GDDR5
السعر 1850 جنيه
&
XFX 4890 1gb ddr5
السعر 2200 جنيه

فى مجال كروت ATI من المعروف أن شركة Sapphire
تحتل القمة بلا منازع فهى افضل شركة
تصنع كروت شاشة ATI
من نوع فهى إذا أفضل من XFX
و اكثر خبـره , حيث ان هذا هو اول كارت تقوم XFX
بتصنيعه من نــوع ATI
و المنطقي ان يكون سعر XFX اقــل من سعــر Sapphire

و لكن توكــيل XFX ايضــا يضع اسعــار فلكيــه !!

فإذا كنت أنوى شراء كارت من نوع
ATI HD 4890
فلا مبرر لشراء الكارت من إنتاج XFX
فهي أعلى فى السعر من
Sapphire

2- منتجات MSI

ما قلته حالا عن جودة و مكانة XFX فى تصنيع كروت الشاشة
فى السوق العالمى

اقوله ثانية عن MSI فى مجال تصنيع اللوحات الأم فهى شركة كبيرة
و متميزة عالميا و لكن أيضا المشكلة داخلية هنا فى مصر فى الوكيل

فاللوحات الموجودة فى مصر قليلة الجودة و المشكلة الأكبر فى الضمان
ضمان MSI ليس على المستوى المرجو

( حسب شكاوى كثير من المستخدمين و الشركات أيضا )

و استبدال قطعة تالفة او معيبة يلاقى العديد و العديد من
الصعوبات التى تصل لحد التعجيز فى حين أن شركات أخرى كثيرة
تتمتع بسمعة رائعة فى الضمان مثل توكيل

بيوستار مثلا أو توكيل سافير
أو توكيلجيجابايت أو توكيل AMD

و غيرهم الكثير.

3- منتجات PowerColor

شركة باور كلر لها فى مصر العديد من كروت الشاشة من نوع ATI
و الملاحظ أن أسعار منتجاتها مقاربة للمنتجات
المنافسة من شركات أفضل منها على مستوى الجودة مثل
Sapphire & جيجابايت

مثال 1

gigabyte ati hd 4850 1gb ddr3 / zalman cooler
السعر 1250 جنيه
sapphire hd 4850 1gb gddr3 dual slot fansink
السعر 1100 جنيه ..
powercolor ati hd 4850 1gb
السعر 1125 جنية

مثال 2

sapphire hd 4670 1gb ddr3
السعر 580 جنيه
Powercolor ati hd 4670 1gb
السعر 560 جنية

مثال 3

GIGABYTE ATI HD 4870X2 2GB DDR5
السعر 3500 جنيه
sapphire hd 4870 x2 2gb ddr5
السعر 3100 جنيه .
Powercolor ati hd 4870 x2 2gb
السعر 3200 جنية

( فى حالة غياب السافير يفضل الباور كلر عن الجيجابايت)

مثال 4

sapphire toxic hd 4870 1gb gddr5 with vapor-x cooler

السعر 1620 جنيه
gigabyte ati hd 4870 1gb ddr5
السعر 1800 جنيه
powercolor ati hd 4870 1gb
السعر 1530 جنية

هذا المثال تحديدا يطبق عليه معادلة السعر مقابل الأداء

حيث أن كرت السافير اصدارة Toxic
اى مرفوع تردد الرقاقة و الرام و الأهم انه بنظام تبريد
vapor X

الأفضل اكيد من التبريد العادى ..
ففرق الأداء و الثبات و التبريد بين الكارتين يزيد عن مجرد 90 جنيه

لمصلحة السافير طبعا

فى حالةغياب السافير ... الباور كلر هو الاختيار الافضل
تبعا لنفس المعادلة لفرق السعر بين الباور كلر و الجيجابايت

لذلك إذا كانوا متقاربين فى السعر فلماذا اشترى الأقل جودة ؟
هذه هى النقطة الأكثر اهمية

و اخيرا تقبلوا تحياتى و اتمنى أن يكون هذا الجهد المتواضع سببا
فى ارشادكم لشراء مكونات أفضل و أرخص

ملحوظة :-

هذا الموضوع جهد خاص ولا أقبل نقله الا بمقــابــل دعوه صالحه

**hatemgoda** · 16 / 05 / 2010, 01:40 AM

اللهم اغفر لصاحب الموضوع الاصلى و والديه و ارزقهم جميعا الفردوس الاعلى يارب العالمين
اللهم اغفر لموتى و احياء المسلمين

**N.nabil** · 16 / 05 / 2010, 01:46 AM

المشاركة الأصلية بواسطة رولا باسمي مشاهدة المشاركة

الأفضل في المعالجات
amd
الأفضل في كروت الشاشة
ati
الأفضل في الماذر بورد
asus

الأفضل في الشاشات
سامسونج + فيوسونيك

الأفضل في الهارديسك
سامسونج

الأسوء في المعالجات
intel وهي إسرائلية و الموجود بالعالم الثالث فرز 2

الأسوء في كروت الشاشة
tnt
ولا أنصح بــ gforce إن كان أمامكن ati

الأسوء في الهاردسك
segat
الأسوء في الماذر بورد
نوع غريب ما بتذكر إسمه ههه

الأسوء بالشاشات
mov

وياليت تنسوا إنتيل شوي لأنها طغت وتجبرت

وبنحكم بالفينوم amd أداء منقطع النظير وقوة جبارة بالرندر
واللي كان بيشوف الرندر عندي ماشاء الله ما كان بيصدق + ati داعم قوي للجرافزيوم بروسيسنج

اخت رولا .. شركة انتل امريكية 100% لا اعرف متى دخلت اسرائيل عالم الحواسب !
-----------------------------------------------------------------
شكرا للموضوع

**hatemgoda** · 16 / 05 / 2010, 04:27 PM

شكرا للمروركم جميعا
بالنسبه لشركه انتل يهوديه و لا
يوجد موضوع قديم فى المنابر بهذ الشان

انتل اسرائيل في القلب

http://www.maxforums.net/showthread.php?t=33884

انا لست متاكدا اذا كانت يهوديه ام لا بس اللى متاكد منه ان لها مصنع فى اسرائيل

http://www.alqanat.com/news/shownews.asp?id=110181

بس انا سمعت من اصحاب شركات كمبيوتر اكثر من مره انها يهوديه بس ده مش دليل برده

**Dimension** · 16 / 05 / 2010, 04:43 PM

المشاركة الأصلية بواسطة رولا باسمي مشاهدة المشاركة

الأسوء في كروت الشاشة
tnt
ولا أنصح بــ gforce إن كان أمامكن ati

ذكرتيني بأيام ال tnt وهو كرت Riva من nvidia ذكريات رهيبة مع ال NFS II و البينتيوم الشنيع.
بالمناسبة Ati Rage Pro , المماثل له في تلك الاثناء Sucked.

بالنسبة لانتل فهي شركة أميركية ولكن قسم البحث و التطوير الخاص بها في اسرائيل يعتبر أب تقنية core و هو يعتبر من اهم فروعها و فروع تطوير تقنية النانو بالعالم عموماً.
~sion

**medo3d** · 16 / 05 / 2010, 04:47 PM

اخت رولا ازاى هارد سامسونج هو فضل هارد مش معاكى بصراحه
المعروف ان السيجات اقوى هارد لكنه ابطاهم والويسترن اسرع هارد لكنه ضعيف
انا عندى هارد سيجات عمره 15 عام ولا زال يعمل بكامل قوته وغيرت عليه 4 او 5 هاردات وستيرن ديجيتال
بينما الهارد سامسونج ماسمعناش عنه حتى فى طبق اليوم هههههه

**يوسف فلسطين** · 16 / 05 / 2010, 06:52 PM

قبل اسبوع اخذت تسعيرة لجهاز i7 وكان معي كل القطع اللي عايزها ووصل السعر ما يارب 2300 دولار دون شاشه

وبعدها بيومين كنا صحاب مجتمعين وصار حديث عن الاجهزة وعرضت عليهم السعر والجهاز
ففيهم واحد صاحب بيفهم بالاسعار وبيفهم بالقطع والفروقات بينها وما تكلم شيئ
لكن الباقين قالو لا هذا ضحكان عليك بسعر اقل بجيبلك i7
فسالته شو بتعرف عن اي 7 قال عادي معالج فسالته طيب كم الكاش فيه فلقيت انو اصلا مش فاهم فقلت له طلعت انت مش فاهم هو ممكن اشتري i7 بالف دولار
وقلت له من كرت شاشه لكرت شاشه ممكن يختلف السعر معك لاكثر من 1000 دولار قال ول كثير قلت له هذا العادي وفي اغلى

فكثير من الناس تقع ضحيه يغلبهم الاسم وما بعرفو انو الرقم اللي بجانب الاسم هو الاهم
وكثير من اصحاب المحال بستغلو هذا الضعف وبيتلاعبو بالسعر وبالنتيجه بطلع بقول كله حكي فاضي ما لقيت فرق كثير بين الداولكور وال i7

خبرتي محدوده لكن لما بدي اشتري شيئ بسال بالمنابر وبستفسر وبجمع المعلومات الازمه وعلى اساسها بشتري

**hatemgoda** · 16 / 05 / 2010, 08:44 PM

انا برده زمان لما كنت بشترى جهازى اعز اصحابى قالى ان ليه صاحبه و صاحب اخى فى الكليه بعد تخرجه فتح شركه و هيكرمنا فى السعر علشان هو صاحبنا و بيجى يزور اخويا فى البيت كتير و انا كمان اعرفه شخصيا بيجى عندنا البيت كتير

المهم روحنا و ظبطنا كل حاجه و حطيت كل حاجه فى اكياس و خلاص هدفع الفلوس و اشيل و بتفرج على البورده قبل ما ادفع الفلوس لولا ستر ربنا لاحظت السيريال الى على البورده مختلف عن السريال اللى على العلبه طبعا اتصدمت
سالته ايه ده قالى اصل دى دخلت مصر تهريب علشان الجمارك و العلبه دى بتاعت بورده تانيه علشان كده السريال مختلف بس دى احسن من البورده اللى بتدخل مصر فى علبتها دى original هههههههههههه

و الله رغم انه كان عامل معايا واجب كبير جدا فى السعر تقريبا كان مدينى اقل سعر فى السوق كان مدينى كل القطع بسعر الجمله

و رغم ذلك قلتله شكرا و روحت اشتريت من اغلى الشركات بس الصراحه كان معاها توكيل و حاجتها مضمونه و كل الناس بتشكر فيها

و الواد صاحبنا (صاحب الشركه) يقولى البورده بس اللى متهربه طب خد الهارد او خد البروسيسر او ----- او ---- او

قلتله شكرا هاخد لفه فى السوق و هعدى عليك بعدين

و السوق المصرى عندنا ملىء بمثل قصص النصب دى

بعد كده سالت واحد صاحبى عنده شركه كمبيوتر بس فى مدينه بعيده عنى و حكيتله الموقف اللى حصل معايا قالى الحمد لله انك مشتريتهاش لان دى مش متهربه دى مضروبه و بتستورد من غير علبه بالكيلو و بها عيوب صناعه

و حصل حاجه شبه كده مع ابن خالى بس هوه معندوش اى خبره فى الكمبيوتر راح شركه و كان صاحب الشركه قريب واحد قريبه(يعتبر قريبه من بعيد) باع له جهاز ماذربورد ماركه غريبه اول مره اسمع عنها و كذلك cd rom
المهم جمع له جهاز به اسوء المكونات و الماركات و ارخص حاجه فى السوق كله و ميستهلش الفلوس اللى ادفعت فيه و سالنا على سعر المكونات دى بعدين فى السوق و جدنا صاحب الشركه نصب عليه تقريبا فى اكتر من 600 جنيه فى السعر
جمع له جهاز ردىء بنفس سعر اى جهاز محترم كان ال case بس بدون شاشه كلفته اكتر من 2000 جنيه و اسوء المكونات فى السوق

الجهاز طبعا كان تقيل جدا بيهنج كتير و كل شويه يرستر و مكملش سنه و بدات تظهر مشاكل كتير جدا فيه

ربنا يسترها معانا ان شاء الله

Unconfigured Ad Widget

إعـــــــلان

اخطاء شائعة عند شراء شراء الكمبيوتر ( إقرأ قبل أن تشترى )(منقول للاهميه)

اخطاء شائعة عند شراء شراء الكمبيوتر ( إقرأ قبل أن تشترى )(منقول للاهميه)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق