الBarbican

[Particle]

وصلتم الى جوزة الطيب الله يستركم اغلقوا الموضوع لانها ان طلعت حرام سانتحر هههه

لو بيدي لأغلقت الموضوع بعد ردي الثالث : )

[medo3d]

اخى وهذا ماقلته انك تريد الحق
فهل تبين لك الحق ؟؟؟

[Particle]

اخى وهذا ماقلته انك تريد الحق
فهل تبين لك الحق ؟؟؟

صراحة أخي كلامك كان قوي ومبني على أسس علمية ومنطقية...لكن قلنا أن الكحول لم تتم إضافتها وأن نسبة ال 0.004 تكونت بصورة طبيعية (تخمّر أو تفاعل إلخ...) يعني لم تكن إضافة مقصودة أو متعمدة...لماذا يريد أحد أن يضيف هذه النسبة التافهة...يوجد مئات الأنواع من الخمور لمن يريد شربها + هل تذوقت شراب الشعير الطبيعي أو الأصلي؟ صراحة لا يطاق...لذا قاموا بإضافة النكهات لجعل طعمها مقبول.
ماذا لو أحضرت هذا الشعير الطبيعي وغليته ثم وضعته في زجاجة لفترة من الوقت ثم أجريت اختبار لفحص نسبة الكحول ووجدت أيضاً نسبة 0.004 !!! أظن أني سأقتنع لو تم اختبار هذه الطريقة.

[زند الاسى]

اخى زند الاسى
انت بتقول الكلام ده بناءا على ايه مين قال ان المياه بالملح بتسكر حتى لو شربت منها كتير اشرب مياة بالملح كتير وانت هترجع مش هتسكر
واكل اللحمه يؤدى للخمول وليس السكر
ودوا الكحه فيه منشطات معينه قد تؤدى لاذهاب العقل ولا اعلم حرمته من حله فلنسأل العلماء المتخصصين
ولو تعرف فى مباريات الكره اللى عنده كحه وبياخد دوا كحه بيظهر فى التحليل انه واخد منشطات
وانا سألت الدكتور ياسر برهامى على حكم الترامادول قاللى حرام طبعا للحالات الصعبه جدا فيه اضطرار
حرام عليكم لو سمحتم ماحدش يتكلم فى شرع الله بدون علم
وهى الفتاوى بقت لكل من هب ودب انقل كلام للعلماء او اسكت وماتدخلشى فى الموضوع لان حرام عليك

انا فتيت دلوقت !!

يافندم حضرتك اللى بتفتى من اول الموضوع ..

وبناءا على فتوايك انا سألت كام سؤال ..

وطبعا فيه فرق شاسع بين اللى بيسأل وبين اللى " بيفتى " ..

دلوقت انا بقول في سكر بسبب الخمرا والكحول ..

وفيه حاله تانيه مشابهه للسكر مابتبقاش بسبب الخمرا .. وبيبقي معاها ذهاب للعقل وتهييس وف حاله المايه المالحه ممكنن تؤدى للوفاه لو اتشربت بكميه كبيره وماتعملش غسيل ..

فدلوقت الرد ايه ؟

المايه المالحه حرام ؟؟

انا بسأل سؤال طبيعي جدا ..

لو شربت لتر مايه مالحه .. هتلاقيك بدأت تهيس وتشوف حاجات غريبه والخ .. يمكن افظع من الخمرا بمراحل ..

نفس الحال مع دوا الكحه او اى مسكن لو خدته بكميات كبيره جدا .. مش الترامادول بس ...

هتلاقيك سكرت بمعنى الكلمه ..

هل هنا المسكنات حرام ؟؟


انا دلوقت بعلق على الكلمه اللى حضرتك قولتها .. الحديث شامل ومحددش ...

عشان الرسول قاله لناس بتفهم .. فماحتجش يحدد ...

الدين مش قفش ...

ملحوظه بس ..


انا لا ليا دعوة بالباربيكان ولا البيريل ولا اى بتناجان .. ولا قولت حلال ولا حرام ..

عشان فيه ناس هنا بتقول الواحد كلام بالعافيه ! ..

[زند الاسى]

فى ملحوظتين ..

اللكحول الطبيعي الصافي .. لو اتضاف بنسبه نصف ف المائه 0.5% بيسبب الوفاه ..

ونسبه الكحول الصافي اللى بتبقي ف الخمر بتبقي 0.05 %

فنسبه 0.004 ف الباربيكان تعتبر كبيره جدا ..


ملحوظه تانيه ...

ماحدش قال ان الباربيكان حرام .. لكن الكحول اللى فيه هو اللى حرام .. فنات لو عرفت تخرج ال 0.004 كحول اللى ف الباربيكان وتشربه .. ماحدش يقدر يكلمك ..

فاللى بيقيس الحكم الشرعي ع الباربيكان نفسه فهو مخطئ .. لان الحرمانيه ف الكحول نفسه ..

[zoomcroom]

::::::::::::::::::::::::::::::::::::::::::::::::

[زند الاسى]

لو إفترضنا جدلاً أن المسكنات حرام قليلها وكثيرها .. فهي حلال للمرضى ..
هناك رخصه لفعل المحرمات كلها .. ألا وهى الضرورة القصوى.

انهى مريض ؟؟

انا بتكلم ع البنادول والابيمول ..

اللى الواحد بياخدها 24 ساعه ..

الحاجات بتاعت الصداع دى ..

لو هيا حرام .. فماتنفعش للى عنده صداع .. لانك مش مريض مرض قاتل .. حد مات من الصداع قبل كده ؟

لكن ..

الرسول كان يقصد الخمر .. او المسكرات المتفق عليها ..

اللى الواحد و تناولها بكمياتها المعقوله تسكره ...

زى الخمره ..

كفايه منها فنجان صغير وهتسكر ..

السجاير مثلا ..

لو اول مره تشرب سجاير .. كفايه نفس واحد منها .. هتسكر فعلا وهتلاقي الدنيا بتلف بيك والارض بتخبط ف السما ...

فده اللى حرام ...

مش تقولى اشرب عشرين الف ازاة باربيكان عشان اسكر فتبقي حرام !!

ما بالنسبة للمياه المالحة أو غير ذلك من الشبهات

المايه المالحه شبهه

ضحكتنى بجد والله

عمرك ماكلت رز قبل كده ؟؟

ده اهم مكون فيه المايه والملح ..

[zoomcroom]

أليس الصداع مرضاً ؟ .. إذا العلاج فيه ضرورة .. بشرط أن يكون تحت إشراف طبيب حتى لا تضر نفسك .. لأن ضرر النفس حرام في حد ذاته..

أنا لم أقل أن الضرورة = المرض المزمن
بل الضرورة = مرضاً يحتاج إلى علاج لا بديل له .
وعلى هذا فالصداع داخل في نطاق الضرورة.

لكنى وعلى كل حال أتراجع عما كتبت.. لسبب آخر:
فقد روى الامام أبو داود فى سننه عن طارق بن سويد قال : حدثنا مسلم بن ابراهيم
حدثنا شعبه عن سماك عن علقمة ابن وائل عن أبيه ذكر طارقبن سويد أو سويد بن طارق سأل النبى صلىالله عليه وسلم عن الخمرفنهاه ثم سأله فنهاهفقال له يانبى الله انها دواء قال النبى صلى الله عليه وسلم " لا ولكنها داء " .

ورواه أبو داود فى سننه أيضا عن أبى الدرداء قال :
حدثنامحمد بن عبادةالواسطى حدثنا يزيد بن هارون أخبرنا اسماعيل بن عايش عن ثعلبةبن مسلم عن أبىعمرانالأنصارىعن أم الدرداء عن أبى الدرداء قال : قال رسول الله صلى الله عليه وسلم : " ان الله أنزل الداء والدواء وجعل لكل داء
دواء فتداووا ولا تداووا بحرام " .

لهذا فإن كان فيها محرمات فلا تبيح هنا الضرورة التداوي أصلاً بالمحرم.
وعلى هذا فإستدلالك مازال قائماً وأنتظر معك الرد ممن له علم.

ملحوظة هامة : لا تضحك فأنا لم أدخل لأفتى .. بل دخلت لبيان خطأ إستدلال معين..
ولو كان لي علم بالموضوع لدخلت معكم النقاش منذ البداية..
لكن حاشى لله أن أتكلم فيما ليس فيه علم.

وانا لم أقل عن المياه المالحة أنها حرام بل قلت شبهة (وشتان شتان في المعنى) .. وأعنى بالشبهة أنك قلت أنها تسكر وتغيب العقل , ولم نتأكد من حقيقة هذا الأمر, و طرحت أسئلة لا أعرف حكم الشرع فيها , فأصبحت مشبوهة مشكوك في حكمها حتى يقوم عليها دليل شرعي يبين صدق أو خطأ ما قلته أنت او الطرف الآخر.

خلاصة الأمر أنا دخلت لأوضح خطأ استدلال .. ليس لأتكلم في الحكم..

[medo3d]

السلام عليكم
اخى particle
جزاك الله كل خير
انت قلت ان النسبه لم تضاف ولكن تكونت بفعل تخمر الشعير
فهل هناك حديث يقول بظان الخمر لا بد ان يضاف بفعل فاعل بل على العكس كل الخمر التى كانت على عهد الرسول كانت نتيجة تخمر نبات العنب والفواكه الاخرى ولا دليل على تعمد اضافتها بل كل مسكر خمر وكل خمر حرام

بالنسبه للنسبه البسيطه وبتقول اللى عاوز يشرب يشترى الخمره نحن لم نقل بأن الناس تشرب هذه المنتجات للسكر ولم نقل ان النسبه البسيطه منها تسبب السكر لكن النيه الصالحه لا تصلح العمل الفاسد
اما عن انواع الخمور فيبدو ان حضرتك ماتعرفشى اسعارها بتبقى عامله ازاى
اما عن الطعم فأيضا طعم الخمر فظيع جدا جدا
وشراب الشعير وانا شربته اكثر من مره عادى اضف له السكر واشربه وكانه مشروب عادى جدا
اما عن تخمره بسبب الوقت فلما يتخمر يكون حرام وطالما انه لا يحتوى على الخمر اى لا يزال طازجا ولم يتخمر بعد فهو حلال
فالخمر اصلا المصنوع من العنب هو فى الاصل عصير عنب حلال ولكن بعد فتره يتخمر فيتحول الى الحرام

[medo3d]

اخى زند الاسى
انا اسف جدا لانى ممكن اكون اسات الظن بحضرتك ولكن اسلوب تسائلك هو ما دفعنى لهذا الكلام
وسامحك الله وجزاك كل خير على انك قلت انى انا اللى عمال افتى ممن الصبح جزاك الله خيرا انا لم ولا ولن افتى فى دين الله بغسر علم ابدا والحمد لله وانما انقل كلام العلماء الثقات الذين جلست تحت ارجلهم ونبهونى لاخطار تلك المسائل وليس ايضا مجرد بحث فى المكتبه الشامله او على النت واجيب دليلين واقولهم

اولا نحن نتكلم هنا عن شبهه معينه فلماذا تحولنا الى شبهات ثانيه ولو قلنا بأن الشبهات الثانيه حرام فهل هى حجه علينا ان الناس يفعلوها
او هل فعل شىء حرام يحلل حرام اخر
لا فلنظل فى شبهتنا وهى ما اسكر كثيره فقليله حرام فى ذلك المشروب او فى مشروبات البيره عامة
ولكن ايضا للاجابه على تساؤلاتك
اخى انت تخلط بين فعل الخمر من ذهاب للعقل وبين الخمول الذى يحدث بسبب اكل كثير من بعض انواع الطعام وبين الاغماء او شبه الاغماء الذى يحدث يفعل بعض الادويه وانا لم استفسر من العلماء عن تلك الادويه فالامر يحتاج للتفصيل فى كل دواء وتركيبه وتاثيره على المخ بالظبط
انت بتقول ان المياة المالحه ممكن تؤدى لوفاه لو اتشربت بكميه كبيره طبعا طبيعى اى ماده فيها املاح بنسبه كبيره او احماض بنسبه كبيره او كربوهيدرات وسكريات بنسبه كبيره واخذ منها جرعات كبيره قد تسبب الوفاه
وهناك عالم مرموق لا اذكره جلس فى مكتبته يراجع احاديث مسألة ما واخذ معه تمرا فاخذ ياكل منه ومع عدم انتباهه وكثرة انشغاله بالتخريج اكل تمرا كثيرا حتى مات بسببه فهل التمر اذن حرام

انت قلت ان ماحدش قال ان الباربيكان حرام لكن الكحول اللى فيه هو اللى حرام ولكن الكحول اختلط بالسائل فاصبح السائل كله مسكر فلو نزعت الكحول منه عاد للسائل صفته من عدم السكر مثله مثل النجاسه المتعلقه بمياة معينه نقول ب؟ان الماء نجس وليس الماء طاهر والنجاسه اللى فيه هى اللى نجسه ولكن اذا استطعت ان تزيل النجاسه ويعود للماء صفاته يعود طاهرا

بالنسبه للتداوى لا يكون بالمحرم وهى وصية الرسول ولكن لتفسير الحديث ان التداوى هذا فى الامور التى يمكن الاستعاضه عن المحرم بالحلال او عدم العلاج اصلا ولكن فى حالات الضروره القسوى يعنى موت المريض او شدة المه التى لا تطاق اجاز العلماء استعمال تلك الادويه
اما عن المسكنات فكما اشرت اننى لم استفسر من امرها وان شاء الله لما اجد الجواب سأنبأك به

اخى احمد زوووم
بارك الله فيك ولفته طيبه منك ان تعود عما كتبته لان هذا هو الحق الذى ندين به لله رب العالمين فليس كل مرض نتداوى منه بالمحرم ولكن الضرورات تبيح المحذورات والضروره تقدر بقدرها

[زند الاسى]

اخى zoomcrom
انا اتفق معك كل الاتفاق فى كل ما قولته فى ردك الثانى ..
وانا ماقصدش ابدا الاهانه او الاستخفاف زى مافهمت كم كلمه اضحكنى .. وربنا يعلم والله ..
ياباشا هو انا اطول لما ترد عليا .. لكن الفكره ان الجمله جعلتنى ابتسم فعلا ..

ميدو باشا ..
انا بعتذر فعلا انى قولت عليك بتفتى .. لكن انا قولت كده ف لحظه انفعال لنا اتهمتنى انى بفتى بغير علم ..
حصل خير ..

اخى انت تخلط بين فعل الخمر من ذهاب للعقل وبين الخمول الذى يحدث بسبب اكل كثير من بعض انواع الطعام وبين الاغماء او شبه الاغماء الذى يحدث يفعل بعض الادويه وانا لم استفسر من العلماء عن تلك الادويه فالامر يحتاج للتفصيل فى كل دواء وتركيبه وتاثيره على المخ بالظبط

لا انا مخلتطش .. الرسول ف الحديث ماحددش سبب السكر .. هل هو بسبب خمر او او او ..

فالحديث عام وشامل .. والامر كده يبقي منتهى ..

ده زى ماحضرتك استدليت ..

الفكره اللى انا عايز اوضحها .. ان طريقه الاستدلال غلط ..ومع ان انت اللى معاك الحق .. الا ان الطرريقه دى اتاحت مجال كبير للجدل ..

فمعنى العموميه بتاعت حديث الرسول .. هيا الزياده ايا كانت نوعها ..

مش زياده المشروب نفسه ..

بمعنى .. لو نسبه الخمر زادت .. المشروب هيسكر ؟ اكيد أه .. يبقي كده المشروب حرام ..

وخد بالك اصلا .. ان كحول بنسبه 0.5 % بيؤدى للوفاه مش للسكر بس ..

فموضوع كثيره مسكر ده نسبي ..

[medo3d]

لا ولا يهمك حبيب قلبى زند الاسى

طيب وانت رأيك ايه الغلط عندى فى الاستدلال بما انك شايف ان اللى بقوله هو اللى صح
اعلم ان الكحول بهذه النسبه قد يسبب الوفاه ولكن ليس كل انواع الكحول فالامر كبير جدا والكحولات انواع مختلفه جدا
واعذرنى لم افهم ماتعنيه من الزباده فى الحديث
هل تقصد ان الحديث يقصد زيادة نسبة الخمر فقط فى السائل ولا قيمة لزيادة حجم السائل
فلو قصدت ذلك كان خطا طبعا
اشرح وجهة نظرك
وانا ارسلت فتوى شامله لفضيلة الشيخ الدكتور ياسر برهامى وانتظر الرد الشامل ان شاء الله

[Dimension]

وخد بالك اصلا .. ان كحول بنسبه 0.5 % بيؤدى للوفاه مش للسكر بس ..

الويسكي تحتوي على 40% إيثانول, مشروب قوي كالابسينث قد تصل نسبة إيثانول به إلى 89%.
وبالمناسبة فان عصير البرتقال الطازج مثلا يحوي اقل من 1% إيثانول, ولو امكنك شرب 40 لتر من العصير دون أن تموت, لسوف تسكر سكرة مماثلة لشربك لتر من الويسكي.
فنسبة 4 بالألف في مشروب متل باربيكان هي أقل من العصير الطازج, و بالتالي لاتستطيع تحريم الاثنين كون انك لن تصل ابداً لمرحلة من استهلاكهما حيث يمكن ان تسكر قبل ان تكون ميتاً, على مبدأ ان الحديث السابق هو مرجع طبي باي شكل من الاشكال.
~sion

[medo3d]

اولا انت اكيد تقصد ايثانول مش ميثانول
الميثانول او الكحول الميثيلى كحول سام ويسبب الوفاه
ثانيا ايه دليلك على ان عصير البرتقال الطبيعى الطازج يحتوى على كحول
واصلا لو فيه النسبه دى زى زعمك كنا سكرنا من شوبات العصير اللى الواحد بيشربها
ومعنى كلامك ان البرتقال اصلا فيه كحول حر لو كنت تعرف الفرق بين الكحول الحر والمرتبط بمجموعات هيدروكسيه او امينيه اخرى
اخى لو سمحت اذكر الدليل العلمى الموثق لأنى لم أدرس هذا الكلام ابدا فى دراستى للكيمياء او الاحياء النباتيه والحيوانيه

[medo3d]

وارجو التنبيه على شىء من خلال دراسة الكيمياء
انا تلك الكحولات من الممكن ان تكون موجوده فى الطبيعه ولكن ليس بشكل حر فى جميع الحالات
فتكون متحده مع مجموعة الاستر او الكربوهيدرات
والتى تسلبها صفاتها
ولكن لما تحلل السائل قد يظهر لك نسبة من الكحول ولكن طبعا ليس لها تأثير لانها متحده مع مجموعات اخرى
او اصلا تكون عباره عن مركب اخر كحمض مثلا تؤدى ظروف الحراره او الضغط او الاضافات الاخرى الى تحوله الى كحول
مثلا الاسيتيك اسيد او الخل ch3cooh