Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

اسئله مهمة من مبتدأ جدا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اسئله مهمة من مبتدأ جدا

    السلام عليكم ورحمة الله وبركاتة
    عندى شويه اسئله غبية شويه ممكن ههههههه لانى عايز افهم وطبعا مش هلاقى افضل منكم يفهمنى

    انا تصفحت شويه مواضيع هنا فى المنتدى عن بعض البرامج زى المايا والسينما فور دى والماكس وكده
    لكن انا مش فاهم ولا عارف اى حاجه عنهم ولا وظيفه اى برنامج منهم ايه

    وشوفت ان تقريبا كل الافلام الاجنبى قايمه على هذه البرامج يعنى انا عايز افهم برده تكسير السيارات والمدن والكبارى والحيوانات والمخلقوقات العجيبه اللى بنشوفها فى الافلام ده كله ببرامج صح

    امال ليه الافلام دى تكلفتها عليه بقى لما كل ده بيتعمل بالبرامج ولا هى مش تكلفتها عاليه وانا معرفش
    طب ليه افاتار اتكلف كل ده وسمعت ان تقريبا كله متنفذ بالمايا وشويه برامج كده

    وعايز افهم برده هما الممثلين بقى بيمثلوا ايه فى االفلام اللى نصها او اكتر معموله بالبرامج دى ؟

    ولو كل الحاجات دى برامج وكده ليه عندنا مشفناش فى مصر حتى كوبرى ينكسر فى فيلم او مخلوق غريب من اللى بنشوفه فى الافلام الاجنبى ولا لااجانب بس اللى بيعرفوا يشغلوا على البرامج دى

    وانا شايف هنا فى الموقع ناس جامده جدا عايز اسئلهم الناس اللى محترفه فى السينما والماكس والثرى دى هو انتا بتشتغلوا فى الحاجات فى مصر
    بتشغلوا ايه فى مصر ؟؟
    داحنا بنروح نصور الكليبات برده علشان يبقولك الكليب عايز مكان فيه بحر وهوا سما وبتاع
    يعنى مش عارفين نعمل كليب عندنا

    ياريت مفيش حد يعيب ولا يضحك لانى عايز افهم ومعنديش خلفيه عن الموضوع ده

  • #2
    فى البداية انا عاوزة اقولك انه مش عيب ان يكون فى حاجة انت متعرفهاش وتسال عنها
    انما العيب انك متسالش اصلا ولا تحاول تفهم الى انت مش فاهمه واصلا الى يفكر يضحك عليك يبقى انسان هايف تمام
    ده بالنسبة لاولا
    ثانيا بالنسبة للماكس والمايا والسينما فور دى فهما برامج بتتيح لك الفرصة انك ترسم اشكال ثلاثية الابعاد وتحركها وتدى احساس للى بيتفرج عليها انها واقع
    وهتلاقى على الموقع هنا امثلة كتير لمشاريع مرسومة عن طريق البرامج ديه او غيرها من برامج الثرى ديه
    ثالثا بالنسبة للافلام الاجنبى امثال افاتار فهى فعلا تكلفتها عالية جدا وده نظرا لارتفاع اسعار مصممين الثرى دى الكلام ده برا بيتحاسب عليه المصمم بالثانية وبارقام خيالية فوق ما تتصور بس برضه اكيد مش هو ده بس الى بيرفع التكلفة فى الافلام ديه فى حاجات تانية وعوامل تانية
    وعاوزة اقولك ان الثرى دى بيدخل فى لقطات طبيعية فيها ناس حقيقين ومبيتفرق ما بينهم اصلا
    واما رابعا فانا من مصر
    انا بشتغل مصممة ثرى دى فى احدى الشركات فى مجال الدعاية والاعلان يعنى بصمم وبرسم تخيلات لاماكن عرض والكلام ده
    والمجال ده انتشر فى مصر ومرتباته حلوة جدا وبتختلف على حسب قدراتك وامكانياتك بس عموما هى من اعلى المرتبات فى البلد
    اما الافلام والكلام ده فهو مجال محدود قوى فى مصر انه يتعمل بالثرى دي بس انا اعرف ناس شغالين على افكار من ديه وربنا معاهم ومعانا
    وعموما اى مساعدة انا فى الخدمة ده لو حابب انك تتعلم مجال الثرى دى وعاوز تدخل فيه وربنا معاك ويوفقنا جميعا
    حبيبتى يا ام الدنيا يا اغلى الاوطان مين ده الى يقدر يوصل بيك لبر امان حبيبتى يا مصررررررررررررررررر

    تعليق


    • #3
      شوف ياسيدي البرامج دي مش سهله واللي بيشتغل عليها يمكن ياخد فلوس اكتر من بطل الفيلم والحكايه مش سهله خالص بالعكس البرامج دي صعب جدا انك توصل فيها لمستوى زي فيلم افاتار ولورد اوف ذا رنجز والكلام ده

      وفعلا زي ما حضرتك بتقول تكلفه الافلام دي عاليه للسبب ده .. وتقريبا السينما الامريكيه هي اكبر صانع للافلام دي

      عندك تاني حاجه احنا مش شرط نشتغل في افلام زيهم ( يمكن المشهد الوحيد اللي كان بالبرامج دي في السينما المصريه هو فيلم امير الظلام في مشهد الطائره ) .. لكن احنا بنشتغل في مجالات تانيه غير الافلام .. مثلا الاعلانات .. تقريبا 99% منها ان ما كانش كلها بيستخدموا فيها ثري دي او احيانا برامج 2d .. وممكن نشتغل في الاظهار المعماري .. وممكن تشتغل فري لانسر على مزاجك

      لكن اهم حاجه عشان اكون صريح معاك ان يبقى عندك موهبه عشان تتميز في المجال ده .. لان هنا تقريبا كل 100 واحد بيطلع منهم 10 محترفين ومن الـ 10 دول بيطلع منهم 2 يكسروا الدنيا ويبقوا عالميين بجد .. والاتنين دول هما اللي عندهم فن وده بيفرقهم عن المحترفين العاديين .. لانك لما بتشوف صوره عاملها فنان لازم تكون الوانها متناسقه وتخلي عينك ماتنساهاش .. هو ده اللي بينجح جدا وحتى لو ماكانش فاهم البرنامج كله

      تعليق


      • #4
        والله انا مش عارف اقول لحضراتكوا ايه بجد شكرا ليكم وعلى تعاونكم


        بس عايز افهم نقطه برده هو لو انتا مثلا شغال وبتعرف تتعامل مع البرامج دى كويس هينطلب منك شغل محدد تعمله
        ولا انتا اللى بتعمل على ذوقك وخيالك يعنى مثلا لازم تكون انتا نفسك كريتف علشان تبدع وتجيب افكار جديده صح

        طب انا مثلا مليش فى الرسم ولا بعرف ارسم ولا كده هل لازم اكون بجيد الحكايه دى
        او بطريقة تانية ازاى اعرف انى موهوب فى الحكايه دى??

        تعليق


        • #5
          بص انا هقولك حاجة المجال ده فيه نوعين النوع الاول ان المصمم يكون كريتيف ويكون بيصمم الموضوع من الالف الى الياء من دماغه العميل بيطلب شىء او بياجر مكان مثلا ويقول على منتجه ويقولك افرشه ليا وانت بتالف المكان من الالف الى الياء وده مجرد مثال بينطبق على باقى الحاجات تمام والنوع ده هو بيتطلب موهبة ابداع من المصمم ولازم يكون مثقف وبيقرا كتير وبيتفرج كتير وعينه بتلقط التفاصي بسهولة وده طبعا مصمم بياخد ارقام فلكية والموضوع بيزيد بالخبرة والدراسة والممارسة والثقافة
          تانى نوع هو ان الصمم يكون رسام بياخد فكرة موجودة اصلا وبيطورها ويغير فيها على حسب زؤقه وكده وديه متهياء لى مرحلو بتمر على كل المصممين فى البداية ويا اما بتتحول لكريتف او بتفضل زى ما انت
          وفى ايضا واحد بيرسم موديل بس وبيتعامل بالقطعة تدي له صورة يرسم زيها بالضبط
          وعاوزة اقولك انه مش بالضرورة انك تكون بتعرف ترسم فرى هاند انا شايفة ان الماكس وبرامج الثرى دى اتعملوا عشان الناس الى مبتعرفش تعبر عن افكارها من خلال الفرى هاند تقدر تعبر واكيد برضه عشان تحاكى الواقع
          وبتمنى انى اكون افدتك وربنا معاك
          حبيبتى يا ام الدنيا يا اغلى الاوطان مين ده الى يقدر يوصل بيك لبر امان حبيبتى يا مصررررررررررررررررر

          تعليق


          • #6
            الف شكر يا d.sasooo

            تعليق


            • #7
              كلامكم ماشاء الله جميل ويحمس

              انا شكلي هتعلم المايا وآخد فكرة عنه

              تعليق


              • #8
                كلام رائع واستفدت منه كثيرا

                تعليق


                • #9
                  انا انصحك بالماكس
                  هو طبعا راى متحيز بعض الشىء
                  بس يمكن ده لانى عاشقة للماكس عموما ربنا يوفقك والمايا او الماكس المهم شوفى انتى هتحبى ايه اكتر
                  المهم بس ابتدى ونتضيعيش وقت
                  حبيبتى يا ام الدنيا يا اغلى الاوطان مين ده الى يقدر يوصل بيك لبر امان حبيبتى يا مصررررررررررررررررر

                  تعليق


                  • #10
                    يا جماعة انا مش عارف مزايا او امكانيات البرامج علشان اختار ايه منهم بالظبط ادرسه
                    وسوال كمان للناس المحترفه هنا
                    انا شايف ان المجال ده الدروس التعليمية فيه قليله جدا جدا مش فاهم هو انتوا اتعلمتوا ازاى واخدين كورسات وكده
                    ولا تعليم شخصى من على النت
                    اصلى متعود فى كل حاجه اتعملتها كانت من النت لكن المجال ده انا شايفه صعب جدا انك تلاقى حاجه تتعلم منها او حد يعملك ويفهمك

                    تعليق


                    • #11
                      اريد دروس عن كيفية صنع ستاد فيديو

                      تعليق


                      • #12
                        كلاممدهش تابع

                        تعليق


                        • #13
                          هناك الكثييييييييييييييييييييييييييييييييييييييييييير من الدروس
                          هناك دروس كثيرة جدا هنا فى المنتدى وفى موقع شبكه المحترفين
                          www.pros3d.com
                          وفى اسطوانات اجنبيه كتير
                          وانا افضل اسطوانات digital tutors
                          وبالنسبة لمزايا كل برنامج المايا هو الاصعب واسطواناته الاكثر وهو متميز فى الانيميشن
                          الماكس يليه فى القوة وهو يتميز بمزايا للجيمز غير موجوده فى المايا واسطواناته اقل من المايا
                          والسينما قوى جدا ايضا وهو الاسهل فيهم والاقل فى عدد الاسطوانات
                          اختر البرنامج الذى تفضله
                          عن نفسى جربت الثلاثه وفضلت الماكس

                          تعليق

                          يعمل...
                          X