إلى كل من يعمل في مجال الدعاية والإعلان بالماكس ..

[wildkatkot]

السلام عليكم ورحمة الله وبركاته ..

ندائي لكل من يعمل في مجال الدعاية والإعلان والمالتي ميديا بالماكس ..
وأريد ان اطرح سؤال .. هو .

ما هي الأدوات اللازم تعلمها لدخول هذا المجال من برامج وتقنيات لكي اصبح مصمم يمكن دخوله إلى هذا المجال.

انا تقريبا عرفت الطريق الصحيح في تعلم الماكس خطوة خطوة ,, ولكني هدفي هو دخول هذا المجال ..
فأخشى أن اكون بصدد تعلم أشياء لن تفيدني في شئ على الاقل في البداية او في الوقت الحالي .. وربما تضيع من وقت قد يمكن الإستفادة منه في تعلم أشياء في صلب الموضوع ..

فأرجو من إخواني ممن يعملون في هذا المجال وزملاء المستقبل إن شاء الله ..

توضيح ما هو المطلوب تعلمه في الماكس لدخول هذا المجال وما يجب التركيز عليه واحترافه .. كذلك ما هي الأدوات المستخدمة في هذا المجال من برامج وخلافه ..

ملحوظة اريد معرفة مايضع قدمي على اول الطريق او يدخلني هذه المجال وإنشاء الله الإحتراف والتميز هذه مسؤليتي الشخصية ..

ولكم مني كل تقدير وإحترام ..

[أ.مصطفي عزازي]

السلام عليكم
انت عاوز تتحول الي مكتب متنقل !!!!!!!!!!!!!!!!1
الاحتراف يكون في برنامج واحد ولنفترض ماكس ومعه برامج مساعده مثل ادبوي او غيره من البرامج البسيطه ..
ومثال اخر افتر افكت ده برنامج كبيير ورائع واحترافه مشوار طويل مثل ماكس وفينال كت و ...

العمل في الشركات يكون بفريق عمل لكل منهم عمله ويكملون بعض ...

والمحترف لبرنامج واحد افضل من المتخبط بين اكثر من برنامج ولا يمكنه عمل شيء احترافي ..

والامر ايضا يختلف علي حسب ميولك ومجال العمل ..
الدعايه والاعلان موضوعاتها كبيره جدا منها الثنائيه الابعاد ومنها الثلاثيه ومنها الافلام بانواعها ..
والملتي ميدا موضوع اخر ....

..................

[wildkatkot]

هههههههههههههه ..

أولا اشكر حضرتك فعلا لإهتمامك بالرد على موضوعي ودا شرف ليا فعلا ..

أنا لا اقصد اني اتقن اكثر من برنامج في نفس الوقت وخصوصا مع كبر حجم برامج الجرافيك وخصوصا الماكس فأجدها من الأمور الشاقة والتي تأتي بعد تعب سنوات عديدة وتصبح النتيجة احتراف برنامج او اثنين بجوار الماكس ..

الموضوع مش كدة خالص ..
انا أكيد اقصد الماكس او المطلوب في الماكس ..
لأني بسمع وبقرا حاجات كتير عن إنه لو عايز مثلا عمارة لازم تتقن الأدوات كذا وكذا وكذا ولو عايز كراكتر
اشحن طاقتك اكتر في كذا .. ولو بتميل لكذا عليك بالفيراي أو في موقف اخر بالمنتال راي ..

أستاذ مصطفى انا فعلا اثق في كلماتك في هذا المجال لاني اعتبرك نبراسا له ..
ولكني أنا بدأت من الصفر في الماكس من حوالي ست اشهر وحتى لا اتخبط او اتشتت بدأت بتقسيم اولوياتي ..
ووضعت خطة لكي اتعلم ..

فعلمت ان البداية بالمودلينج ومن ثم الخامات ثم الإضاءة او كلاهما معا والأخراج ومن ثم وبعد إحتراف السابق يمكن الأنتقال إلى مرحلة الانيمشن والتحريك والمؤثرات ..

انا وحتى الأن لم اتزحزح من مرحلة المودلينج .. ولم أخرج عمل كامل بعد ..
وكل ما أخشاه ان اقع في مرحلة ملل او فقدان شهية للتعلم مثلا او احباط ..

فكان سؤالي هو ما هي الأدوات ولنحدد القول داخل الماكس التي لابد من احترافها حتى يمكن قبولي بين زمرة منتسبي شركات الدعاية والإعلان ..

لأني اعلم ان العمل بالماكس مجالات .. فلكل اختصاص ادواته وابتكاراته والتقنيات الخاصة به .. سواء كان معماري داخلي او خارجي او شخصيات او دعاية وإعلان إلخ ..

جزاك الله خيرا عنا أستاذي العزيز ..

ولك مني كل تقدير وتحية ..

[wildkatkot]

أيه يا جماعة محدش معبرني كدة ليه ..

مفيش غير استاذ مصطفى اللي رافع معنوياتي ..

[وسيم_1978]

ادرس الفيراي والمنتال راي او واحد منهم
ادرس ال passes
ادرس الانيميشن
ادرس البارتكلز
ادرس برنامج الافتر افكت
وادرس برنامج البوجو
وادرس برنامج nuke
بلجن الماكس
ادرس glu3d
after burn
fumefx
krakota
rayfire

تمام يا صاحبي

[ahmedyounis]

السلام عليكم ورحمة الله وبركاته
اخى الكريم احب اضيف على كلام استاذنا الغالى مصطفى عزازى
معرفة جيدة بالنمذجة وبعض ادوات التحريك وكيفية الرندر باسس او الرندر المنت بالماكس وكيفية المزج بينهم فى الافتر افكت
الموضوع ده مدخل لمرحلة متقدمة
يعنى سيادتك هتبحث عن نماذج فى الاعلانات زى مثلا اكياس شيبسى او علب زبادى ويا حبذا لو اشتريت منهم شئ وحاولت تعمل له موديل ويا ريت لو تشوف اعلان فعلى للزبادى مثلا وتحاول تحركه زى الاعلان
هيبقى لك انك تعمل ايه علشان تحوله من الثرى دى الى الافتر افكت
الطريقة رندر المنت تبحث عن دروس رندر المنت render element وهنا هتعرف ازاى تعمل رندر واضائة مع معرفة جيدة للخامات
وصلت انك تعمل الرندر المنت فى مفهوم الماكس او رندر باسس فى البرامج الثرى دى التانية هيبقى المعالجة فى الافتر
ودى ان شاء الله تقدر تتعلمها بس الاهم هو اللى ذكرتهولك فوق ده
حاول توصل للخطوات دى وان شاء الله تعمل عناصر مبهرة وتحركها وتعالجها بالافتر علشان اخراجها للعرض التلفزيونى والقنوات الفضائية
بس تجنب الاعمال اللى تبعدك عن ربنا استعمل ده لرزق حلال خالص لله علشان تكون فلوسك حلال لان المجال ده بالذات فيه اختلاط كبير ممكن يودى فى دواهى مش داهية واحدة

ده اللى اعرفه وربنا يوفقك

[ahmedyounis]

كلامى ده ومكنتش شايف كلام الاخ وسيم ربنا يجازيه خير

خد باعتبارك بردو كلام الاخ وسيم
تحياتى لكم

[wildkatkot]

ادرس الفيراي والمنتال راي او واحد منهم
ادرس ال passes
ادرس الانيميشن
ادرس البارتكلز
ادرس برنامج الافتر افكت
وادرس برنامج البوجو
وادرس برنامج nuke
بلجن الماكس
ادرس glu3d
after burn
fumefx
krakota
rayfire

تمام يا صاحبي

هههههههههههه وماله يا صاحبي ميضرش بردو ..

الموضوع دا كدة بالصلاة على سيد الخلق اجمعين .. هاياخد مني كام سنة كدراسة يومية ..

[wildkatkot]

السلام عليكم ورحمة الله وبركاته
اخى الكريم احب اضيف على كلام استاذنا الغالى مصطفى عزازى
معرفة جيدة بالنمذجة وبعض ادوات التحريك وكيفية الرندر باسس او الرندر المنت بالماكس وكيفية المزج بينهم فى الافتر افكت
الموضوع ده مدخل لمرحلة متقدمة
يعنى سيادتك هتبحث عن نماذج فى الاعلانات زى مثلا اكياس شيبسى او علب زبادى ويا حبذا لو اشتريت منهم شئ وحاولت تعمل له موديل ويا ريت لو تشوف اعلان فعلى للزبادى مثلا وتحاول تحركه زى الاعلان
هيبقى لك انك تعمل ايه علشان تحوله من الثرى دى الى الافتر افكت
الطريقة رندر المنت تبحث عن دروس رندر المنت render element وهنا هتعرف ازاى تعمل رندر واضائة مع معرفة جيدة للخامات
وصلت انك تعمل الرندر المنت فى مفهوم الماكس او رندر باسس فى البرامج الثرى دى التانية هيبقى المعالجة فى الافتر
ودى ان شاء الله تقدر تتعلمها بس الاهم هو اللى ذكرتهولك فوق ده
حاول توصل للخطوات دى وان شاء الله تعمل عناصر مبهرة وتحركها وتعالجها بالافتر علشان اخراجها للعرض التلفزيونى والقنوات الفضائية
بس تجنب الاعمال اللى تبعدك عن ربنا استعمل ده لرزق حلال خالص لله علشان تكون فلوسك حلال لان المجال ده بالذات فيه اختلاط كبير ممكن يودى فى دواهى مش داهية واحدة

ده اللى اعرفه وربنا يوفقك

تسلم يا أحمد على الأفادة الرائعة دي ..

جزاك الله خيرا .. ووفقك لما يحب ويرضى ..

[kemoemo]

انا شغال فى قناه فضائيه من شهر كده

تخصصى يعتبر مالتى ميديا الصراحه ماليش دعوه بالموضوع ده

لانى بحب الكاركتر بس اعمل ايه الشغله الى لاقتها قدامى

على العموم لازم تكون عارف المودلبينج كويس

واساسيات التحريك والخامات والبرتكلز الفوما والريل فلو

زائد تعلم الفيراى والباسس

ده من ناحيه الماكس الى لازم تكون عارفه

من ناحيه البرامج لازم تكون عارف

افتر و فوتوشوب

بس دى الحاجات الى اكتشفتها الى لازم اكون عرفها وبتعلمها وانا فى القناه

لانى اعتمدت بس على الماكس نظر للتخصص الى كنت عاوزه فى نظرى وهوالكاركتر

لان فى المجال ده مش لازم اتعلم كل ده يكفى اتعمد على الماكس فيه

بس اعمل ايه دخلت المجال ده و بعوضو بتعلم البرامج دى

[d.sasooo]

بص انا هكلمك على الدعاية ولاعلان فى مصر وده لانى بعمل فيه اصلا
انت عشان تمسك خيوط الموضوع فى ايديك لازم يكون معاك برنامج ثرى دى (الى هو الماكس)\
وبرنامج فنى (الفوتوشوب )
وبرنامجه هندسى لرسم الباصص والذى منه (الاتو كاد )
وهى ديه البرامج الى انا بشتغلها والى تقريبا الشغل فى السوق ميخرجش عنها اصلا
لو عاوز تدخل المجال ادخل بقلب جامد واتكل على الله وابتدى وانت معاك ماكس وبدايات فى الفوتو شوب والاتو كاد
وباذن الله مع الوقت هتتقنهم
ربنا معاك ويوصلك باذن الله للى انت عاوزه

[ahmedyounis]

احب اضيف استفسار هيسهل على الناس وعليا بشكل شخصى
الرندر المنت ايه هى اسراره وازاى يكون مميز علشان ميعملش مشاكل فى الافتر
يا ريت الناس تفيد بدروس او حتى بلينكات واضحة لدروس او حتى ديفيدهات
بس تكون للماكس
ويا حبذا لو تكون بالفيراى
اشكركم

[obesh]

طبعا بتدرس الفوتوشوب لا غني لك عنه دا اولا يا اخي هذا كمرحله اولي

اما في الكرحله الثانيه

تعلم الماكس 3ds_max واساسياته بشكل عام ثم تخصص في animation والريأكتور

ذلك خير وابقي من برامج كثيره قد تضرك بإضاعة وقتك

بالتوفيق

[wildkatkot]

انا شغال فى قناه فضائيه من شهر كده

تخصصى يعتبر مالتى ميديا الصراحه ماليش دعوه بالموضوع ده

لانى بحب الكاركتر بس اعمل ايه الشغله الى لاقتها قدامى

على العموم لازم تكون عارف المودلبينج كويس

واساسيات التحريك والخامات والبرتكلز الفوما والريل فلو

زائد تعلم الفيراى والباسس

ده من ناحيه الماكس الى لازم تكون عارفه

من ناحيه البرامج لازم تكون عارف

افتر و فوتوشوب

بس دى الحاجات الى اكتشفتها الى لازم اكون عرفها وبتعلمها وانا فى القناه

لانى اعتمدت بس على الماكس نظر للتخصص الى كنت عاوزه فى نظرى وهوالكاركتر

لان فى المجال ده مش لازم اتعلم كل ده يكفى اتعمد على الماكس فيه

بس اعمل ايه دخلت المجال ده و بعوضو بتعلم البرامج دى

يا راجل مفيش لون خط اغمق من دا .. هههههه

تسلم يا غالي على الكلمات الجميلة وعلى النصايح الغالية ..
فعلا انا بتمنى ادخل المجال دا ومنه لحاجة كويسة إنشاء الله ..

تقبل تحياتي اخي العزيز ..

[wildkatkot]

بص انا هكلمك على الدعاية ولاعلان فى مصر وده لانى بعمل فيه اصلا
انت عشان تمسك خيوط الموضوع فى ايديك لازم يكون معاك برنامج ثرى دى (الى هو الماكس)\
وبرنامج فنى (الفوتوشوب )
وبرنامجه هندسى لرسم الباصص والذى منه (الاتو كاد )
وهى ديه البرامج الى انا بشتغلها والى تقريبا الشغل فى السوق ميخرجش عنها اصلا
لو عاوز تدخل المجال ادخل بقلب جامد واتكل على الله وابتدى وانت معاك ماكس وبدايات فى الفوتو شوب والاتو كاد
وباذن الله مع الوقت هتتقنهم
ربنا معاك ويوصلك باذن الله للى انت عاوزه

اولا اخت d.sasooo انا مصري ومقيم في مصر وعايز اشتغل في مصر في المجال دا ..

اقدر اقول كدة ان الموضوع كمان اتوسع لأتوكاد كمان بس الللي اعرفه ان الأوتوكاد استخدماته هندسية مش فاهم لازمته ايه في الدعاية والإعلان عموما ..