صفحة 1 من 2 12 أخيرأخير
النتائج المعروضة من 1 الى 20 من مجموع 22

موضوع: يوميات قرصان تائب ج10 (المعلم تحسمس)

ردود: 22 | زيارات: 2049
  1. #1

    يوميات قرصان تائب ج10 (المعلم تحسمس)

    كنت نائما عندما ايقظنى صوت صديقى بندق زميلى فى زنزانتى وهو يقول
    اصحى يا نايم اصحى يا نايم
    فتحت عينى بصعوبة واذا ببندق يقول " صباح الفل يا هكركر "
    ابتسمت وانا اقول" صباح الفل يا بندق , خير ايه اللى مخليك فرحان كده على الصبح ؟"
    اجاب والابتسامه لم تفارق شفتيه " اصل جالى خبر فرحنى "
    " وايه الخبر اللى فرحك يا عم بندق ؟"
    اجاب قائلا " سعدان ابن عمى اترحل من سجن ابو زعبل للسجن عندنا هو والمعلم تحسمس وشكلهم هايسكنو جمبنا"
    اختفت الابتسامة عن وجهى واعتدلت جالسا وانا اقول " انت بتقول المعلم مين؟
    ضحك بندق وهو يقول انا عارف ان الفراعنه خلصوا من زمان بس المعلم تحسمس مش فرعونى
    دا تاجر مساخيط كبير (اثار فرعونية ) اللهم ما احفظنا "
    حاولت ان ارسم ابتسامة على وجهى وانا اقول " اه اللهم ما احفظنا "
    خرجت من الزنزانة وانا اتمشى فى طرقات السجن واتذكر قصتى مع المعلم تحسمس
    *****
    بينما كنت اتصفح احد الاجهزة التى اخترقتها جب انتباهى حديث يجرى بين اثنين فى احد غرف الدردشة الخاصة
    وكان الحوار كالتالى
    الخواجة افرايم: والعروسة وصلتك ولا لسه يا معلم تحسمس ؟
    المعلم تحسمس : لا دى وصلتنى من زمان لا وإيه ... معاها كمان تلاته اخواتها صغيرين
    الخواجة افرايم : طيب ومهرها كام العروسة دى
    المعلم تحسمس : هى واخواتها 6 مليون اخضر
    الخواجة افرايم : مش كتير يا معلم تحسمس ؟ دانا زبونك
    الملعم تحسمس : طيب علشان خاطرك 5 مليون اخضر
    الخواجة افرايم : طيب اوكى بس افتح الكاميرا وخلينى اشوفها
    المعلم تحسمس : اوكى
    فتح المعلم تحسمس الكاميرا وكان هناك شاب يجلس على الحاسوب هو من كان يكتب
    وفى الخلف كان يجلس المعلم تحسمس وهو رجل فى الخمسينات من عمره يرتدى ملابس تبدو من صعيد مصر
    اظهر المعلم تحسمس تمثالا فرعونيا مذهبا لاحد الملوك الفراعنة وهو يقول
    " اتفرج يا خواجة ومتع عينك مجموعة اصلية من اللى قلبك يحبها "
    الخواجة افرايم : اكيد يا معلم دا مش اول تعامل بيننا وحنا واثقين فيك
    المعلم تحسمس : طيب التسليم ازاى يا خواجة
    الخواجة افرايم : شوف يا معلم انت تاخد عربيتك وتطلع على الهرم وتركن جمب المتحف هايجيلك سايح وصاحبته ويطلبو منك انك تصورهم هاتقولهم انا مش بصور الا صور ابيض واسود هايقولولك دا المطلوب وهايدولك شنطتين فيهم الفلوس
    وانت هاتسيلهم العربية وفيها العروسة وهما هايتصرفو
    المعلم تحسمس : كلام زين والله يا خواجة اتفقنا
    تابعت الحديث وانا فى ذهول فبكل بساطة يباع تاريخنا لليهود
    قلت فى نفسى لن يساعدنى فى افشال هذا المخطط سوى القناص
    اتصلت به وطلبت منه ان يمر على فى البيت
    وعندما جاء الى قصصت عليه كل ما جرى واعطيته نسخة من الحديث الذى دار بين الخواجة افرايم والمعلم تحسمس
    وكذلك بيانات بريد المعلم تحسمس وطلبت منه ان يساعدنى فى ابلاغ الشرطة عنهم
    ابتسم القناص ابتسامة لم ترق لى وهو يقول " سيبنى النهاردة هاتكتك للمعلم تحسمس
    وهاخليهولك يقول حقى برقبتى "
    قلت له "انت ناوى على ايه ؟
    قال " بكره بالليل هامر عليك واقولك على كل حاجة"
    فى اليوم التالى دق جرس الباب الساعة الحادية عشر واذا بالقناص على الباب ومعه حقيبة
    قلت له "ايه انت سيبت البيت ولا ايه ؟
    ضحك ضحكة مجلجلة وازاحنى عن طريقه وهو يقول " طيب قول اتفضل الاول "
    دخل على حجرتى والقى بالحقيبة على السرير وهو يقول د
    " اتفضل ادى نصيبك فى العملية 50 الف دولار "
    قلت له وانا مذهول " عملية ايه ونصيب ايه ؟ انا مش فاهم حاجة "
    جلس القناص على السرير ومدد قدميه وحكى لى ما جرى بعدما تركنى الليلة الماضية
    فقال " بعد ما سيبتك امبارح رجعت على البيت وقعدت افكر ازاى استفيد من الخواجة افرايم وفى نفس الوقت امنع العملية تتم
    ولقيت الحل ** دخلت على بريد المعلم تحسمس وارسلت بريد للخواجة افرايم وطلبت منه يبعتلى عربون 100 الف دولار لانى محتاجهم علشان فيه قطعتين لازم ادفع عربونهم بكرة ضرورى وانتظرت الرد وفعلا وافق الخواجة وقال انى هاستلم المبلغ عن طريق سايح هايجيلى عند المتحف فى نفس المكان اللى اتفق مع المعلم تحسمس عليه وكلمة السر ( العروسة المصرية بكام ؟ ارد انا مهرها غالى لكن ترخص للحبايب )
    وفعلا لبست زى صعيدى وقابلت السايح واخدت الفلوس ودا نصيبك فى العملية
    وبكره بقى لما المعلم تحسمس هايروح يسلم الاثار هايلاقى شرطة الاثار فى انتظاره لانى بلغت عنه ههههههههههههه
    انعقد حاجباى وانا اقول له " لكن مش دا اللى اتفقنا عليه
    احنا اتفقنا نوقع المعلم تحسمس مش ننصب على الخواجة افرايم
    ضحك القناص وهو يقول " يابنى دى فلوس يهود يعنى حلال همه مش بياخدو فلوس اخواتنا فى فلسطين وبيحتلو ارضهم يبقى احنا من حقنا نسرقهم احنا كمان
    قلت له " لكن احنا مش زيهم ودا مش مبرر اننا نسرقهم وانا مش هاقبل الفلوس دى "
    قال القناص " دا اخر رد عندك ؟
    قلت له " ايوة ولو سمحت خد الفلوس دى معاك "
    قام القناص وحمل الحقيبة وهو يقول " على كيفك بس ماتنساش تتفرج بكرة على نشرة اخبار الساعة تسعة مساء علشان اكيد هايذيعو خبر القبض على المعلم تحسمس ببلاغ من مجهول مابين قوسين الشريف افندى ههههههههههههه
    وفعلا تم القبض على المعلم تحسمس لكن ترى ماذا لو علم اننى انا السبب فى دخوله السجن ربما يكون هذا هو اخر يوم لى بين الاحياء
    مشيت وانا اضحك ضحكة مجلجلة سمعها كل من بالسجن ولم يعلمو سرها ابدا .

    لمتابعة الحلقات السابقة
    http://www.maxforums.net/showthread.php?t=172692
    الجزء الثانى
    http://www.maxforums.net/showthread.php?t=172982

    الجزء الثالث
    http://www.maxforums.net/showthread.php?t=173127

    الجزء الرابع
    http://www.maxforums.net/showthread.php?t=173404

    الجزء الخامس
    http://www.maxforums.net/showthread.php?t=173532

    الجزء السادس
    http://www.maxforums.net/showthread....DE%D1%D5%C7%E4

    الحزء السابع

    http://www.maxforums.net/showthread.php?t=176861

    الجزء الثامن
    http://www.maxforums.net/showthread.php?t=177438


    الجزء التاسع
    http://www.maxforums.net/showthread.php?t=177516





  2. #2
    عضو متميز
    تاريخ التسجيل
    Jun 2009
    العمر
    25
    ردود
    1,678
    رائع جدا أخي سردك للقصه مشوق بتخيلوا كأنوا فيلم ... متابعك

  3. #3
    جميله جدا ... بس


    يابني مفيش حرامي شرييييف .. انت كده حببتني في اخلاق الحراميه هههههههه
    Nader nabil
    My portfolio

  4. #4
    Quality Manager
    صور رمزية medo3d
    تاريخ التسجيل
    Nov 2007
    المنطقة
    بلاد الاسلام
    العمر
    34
    ردود
    4,720
    ههههههههههههه موهوب والله سردك رائع

    بس على فكره بيع الاثار الفرعونيه مش غلظ زى مانت متخيل بس بلاش نفتح فى المواضيع دى
    لو عاوز تعرف اكتر ابحث عن حاجه فى فقه الزكاه اسمها الرِّكاز

  5. #5
    رياض باوزير
    صور رمزية Riyad_3d
    تاريخ التسجيل
    May 2008
    ردود
    4,268
    في الحقيقة انا قرات جميع كتاباتك منذ البداية لكنني اعتقد انك تحتاج للتالي :

    1- الافكار في كتابتك تكرر وبعضها اشبه بالخيالي الذي قد لايناسب المراهقين حتى !
    (حاول ان تنوع في كتاباتك وان لاتتطرق لطريقة واحدة فقط )

    2- انشىء لنفسك مدونة حتى يكون لها من يقراها بشكل مستمر وليس اطراف الحديث .

    3- حاول ان تكتب بالفصحة

    4- حاول ان تزيد من ادوار الشخصيات الاخرى فليس البطل هو كل القصة

    5- جرب كتابة قصة قصيرة ولكن حاول ان يكون فيها عمق اهدافها غامضة قليلا الشخصيات اكثر فاعلية وبعيدا عن الهاكرز لان تكرارك لشيء واحد سوف يجعل منك كاتباًُ مملا وبهذا تخسر العنصر الاهم "القراء "

    6- حاول اضافة بعض السخرية او الجدية والحزن لقصصك وكتاباتك

    اتمنى لك التوفيق واتمنى قبول نقدي بصدر رحب

  6. #6
    عضو متميز
    صور رمزية رجاء الفرج
    تاريخ التسجيل
    May 2010
    المنطقة
    الأردن
    العمر
    38
    ردود
    2,419
    يعطيك العافية ....يعني كل ما طولت أكتر كل ما زاد شوقنا لقراءة القصة

    انا مش مع كلام الأخ Riyad_3d

    لأنها وباختصار تتحدث عن يوميات القرصان

    بالنسبة لي الأسلوب رائع وشائق أيضا

    لكن هذه القصة لم تلفت انتباهي كثيرا كالقصص السابقة

    تابع الكتابة ....بالتوفيق
    تعلم كل شيء عن شيء... وتعلم شيء عن كل شيء

    صفحتي على Facebook


  7. #7
    عضو متميز
    صور رمزية Inass
    تاريخ التسجيل
    Nov 2008
    المنطقة
    طرابلس-ليبيا
    ردود
    1,643
    جميلة جدا أخي الكريم .. و متابعين للبقية إن شاء الله ..

    سبحان الله و بحمده ...
    سبحان الله العظيم




    My Albums
    inass82.deviantart.com


  8. #8
    عضو نشيط
    صور رمزية hagi
    تاريخ التسجيل
    Dec 2009
    المنطقة
    فلســ♥.حيفـــــا.♥ـــطين
    العمر
    30
    ردود
    851
    رائع جدا سردك للاحداث جميل جدا بصراحة خمس نجوم
    واسمح لي اعلق على كلام الاخ Riyad_3d
    - انشىء لنفسك مدونة حتى يكون لها من يقراها بشكل مستمر وليس اطراف الحديث .
    انت يا بني بدك تقطع رزقنا لا ترد عليه اطراف الحديث مناسب جدا
    3- حاول ان تكتب بالفصحة
    ليس من الضروري ان يكتب بالفصحة فالعامية في قصصه لها طعمة خاصة ومناسبة مع الشخصيات

    4- حاول ان تزيد من ادوار الشخصيات الاخرى فليس البطل هو كل القصة
    بالعكس تماما وخاصة في هذه القصة تقريبا الشخصيات الفرعية اخذت دور جيد في قصته
    6- حاول اضافة بعض السخرية او الجدية والحزن لقصصك وكتاباتك
    هذا موجود و واضح في قصصه ارجع اقراء القصص
    اخ رياض انا لمست من ردودك السابقة بعض الحقد على المجتمع والانتقاص من كل ما يراه المجتمع جميل فقط
    لمجرد الانتقاص لا النقد
    لا ادري يمكن يكون شعور خاطئ اتمنى ذلك
    تحياتي للجميع

  9. #9
    رياض باوزير
    صور رمزية Riyad_3d
    تاريخ التسجيل
    May 2008
    ردود
    4,268
    هذا موجود و واضح في قصصه ارجع اقراء القصص
    اخ رياض انا لمست من ردودك السابقة بعض الحقد على المجتمع والانتقاص من كل ما يراه المجتمع جميل فقط
    لمجرد الانتقاص لا النقد
    لا ادري يمكن يكون شعور خاطئ اتمنى ذلك
    تحياتي للجميع
    ممكن اسلوبي فيه نوع من الجدية فلتمست هذا الحقد بالرغم من انني لا احاول ان اكتب لاحد بطابع شخصي ..
    بالنسبة لموضوع الحقد فانا انسان لي مشاعر واراء فطبيعي ان اكون مؤيد لشيء ومعارض لآخر -طبيعة البشر -

    على كل انا مارددت الا لانني اعتقد ان كاتب الموضوع لديه موهبة يجب تنميتها والاهتمام بها وصدقني ان كنت حاقدا عليه او على غيره لما دخلت الموضوع ولما رددت اساسا ببساطة لاني اضع من يزعجني في قائمة التجاهل !!

  10. #10
    عضو نشيط
    صور رمزية hagi
    تاريخ التسجيل
    Dec 2009
    المنطقة
    فلســ♥.حيفـــــا.♥ـــطين
    العمر
    30
    ردود
    851
    اقتباس الموضوع الأصلي كتب بواسطة riyad_3d معاينة الرد
    ممكن اسلوبي فيه نوع من الجدية فلتمست هذا الحقد بالرغم من انني لا احاول ان اكتب لاحد بطابع شخصي ..
    بالنسبة لموضوع الحقد فانا انسان لي مشاعر واراء فطبيعي ان اكون مؤيد لشيء ومعارض لآخر -طبيعة البشر -

    على كل انا مارددت الا لانني اعتقد ان كاتب الموضوع لديه موهبة يجب تنميتها والاهتمام بها وصدقني ان كنت حاقدا عليه او على غيره لما دخلت الموضوع ولما رددت اساسا ببساطة لاني اضع من يزعجني في قائمة التجاهل !!
    بصراحة لم انوقع ان ترد علي ولكنك فعلت وهذا امر طيب تشكر عليه
    مشكلتنا انا لانفهم على بعضنا وهنا تكمن المشكلة انا لم اقصد انك تحقد على الاخ ولربما فشلت بالتعبير
    ولكن انا قصدت انك تحاول ان تحبط الذين من حولك دون ان تقصد ذلك ظنن منك انك تنقد لكي تصلح ولم قصد بالذات هذا الموضوع ولكن بشكل عام انت تحب الخير للجميع لذلك تسعى لنقدهم ولكن للاسف نقدك يحمل طابع من الاحباط
    لا النقد البناء ارجو ان لا تفهمني خطأ
    تحياتي لك وعذرا لصحاب الموضوع

  11. #11
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    جميل

    الاطلاع على أعمال الكتاب الكبار من شأنه أن يخصب الخيال كما يخصب السماد التربة

    وفقك الله ..
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  12. #12
    اخى فلاشى مرحبا بك فى اليوميات وان شاء الله تكون متابعا لبقية اليوميات
    اخى نبيل جزاك الله خيرا
    كما ان الهكرز او القراصنة ليسو جميعا لصوصا وبعضهم له اخلاقيات ومبادىء
    اخى ميدو بالنسبة لموضوع الركاز فالامر يختلف هنا فالركاز كنوز دفينة قيمتها تنبع من ذاتها كما لو كانت ذهبا او فضة
    اما الاثار فهى مجرد حجارة لكن قيمتها تنبع من القيمة التاريخية لها وبالتى لا تخص الفرد فقط ولكن المجتمع كله
    اضرب لك مثالا اخر لو انك اكتشفت سيفا للرسول صلى الله عليه وسلم مدفون تحت بيتك فهل يمكنك بيعه باعتباره كنزا ام ان قيمته التاريخية تنبع من كونه يعود للرسول صلى الله عليه وسلم؟
    ****
    الاخت رور شكرا للمتابعة وبالنسبة للقصة ربما لم اعتد على التطويل بعد لتعودى على الايجاز فخرجت القصة بمستوى اقل لكن ان شاء الله يكون القادم افضل
    ***
    اخت ايناس جزاك الله خيرا على المتابعة
    ***
    بالنسبة لاخى رياض
    ملاحظاتك بعين الاعتبار فى بعض النقاط والبعض كما قال اخى حجى اظن جانبك الصواب بها
    بالنسبة للتكرار لى قصتين خارج اطار اليوميات لكن اليوميات ربما استقطبت بعض القراء اكثر مما حجب الضوء عن القصتين الاخريين اما عن الخيال فصدقنى ما ارويه حدث ويحدث بشكل يومى فى عالم القراصنة وكونك بعيد عن هذا العالم
    تظن انه خيال كذلك ما جعلنى احاول ان اتطرق لكثير من جوانب حياة القراصنة ان هذا العالم لم ينل حقه فى القصة القصيرة او الرواية فى عالمنا العربى وهذا ما يجعل البعض ينجذب بدافع الفضول للاطلاع اكثر على هذا العالم
    بالنسبة للشخصيات فالعشرة اجزاء منهم ثلاثة ليس بطل اليوميات هو بطلها وانما مجرد راوى للاحداث
    راجع جزء شيكو اغبى قرصان وجزء القناص وجزء كباكة

    بالنسبة للمدونة انا كمبتدىء فى عالم الكتابة اكتب لاصدقائى فى بيتى الكبير المنابر لانى لا اتوقع ان يذهب احد لمدونتى خصيصا لقراءة قصصى البسيطة
    ربما تكون ان شاء الله خطوة لاحقة عند اكتساب الخبرة اللازمة
    اما عن الكتابة بالفصحى فاسلوبى هو ان وصف الاحداث والسرد يكون بالعربية اما الحوار بين الشخصيات فهو فقط بالعامية كى يكون اقرب للواقع او ربما اننى اشعر انى هكذا استطيع ايصال الاحساس افضل
    اتقبل نقدك بصدر رحب
    رحم الله امرىء اهدى الى عيوبى

    اخى حجى مين يشهد للعروسة ^ــ^ احبك فى الله
    استاذ اكرم جزاك الله خيرا وفعلا اعمال اكتب الكبار لها اثر كبير فى تنمية مهارات الكتابةوانصح الاخوة بالقراءة لالفريد هاتشكوك رغم انى كان يصيبنى الضجر لطول الانتظار حتى اعرف المجرم فى نهاية رواياته
    شكرا مرة اخرى لكل المتابعين

  13. #13
    عضو نشيط
    صور رمزية hagi
    تاريخ التسجيل
    Dec 2009
    المنطقة
    فلســ♥.حيفـــــا.♥ـــطين
    العمر
    30
    ردود
    851
    احبك الله الذى احببتني فيه اخى young wise
    ناطرين الجزء 11 بفــــــــــارغ الصبــــــــــر
    تحياتي لك

  14. #14
    ان شاء الله اخى حجى ويمكنك تنادينى حسام

  15. #15
    قصة جميل و أسلوب رائع جدا

  16. #16
    عضو متميز
    صور رمزية منبر الخير
    تاريخ التسجيل
    Jul 2009
    المنطقة
    الفضاء
    ردود
    9,650
    الف شكر حقيقي انا بأستمتع بالقراءة في يوميات القرصان

    وبإذن الله متابعين ..طيب حضرتك وعدتنا ان نفهم في عالم الهكرز

    بأسلوب روائي وممتع ومشوق ..ياريت تركز على هذا الشي

    أنا نفسي أفهم كيف ممكن تدخل على الأجهزة ..طيب أنا ما أستخدم

    الماسنجر وهو ممنوع عندنا أستخدامه ..هل ممكن تدخل على جهازي

    وتكلمني وتعرف ايش عندي ملفات وحاجات زي كذه يعني

    وممكن لما الكمرى تبع جهازي مقفلة ممكن كمان تشاهدني

    وكلي شكر وتقدير لشخصك الكريم
    اللَّهُمَّ إنِّي أعُوذُ بِكَ أنْ أُشْرِكَ بِكَ وأنَا أعْلَمُ، وأسْتَغْفِرُكَ لِـمَا لا أعْلَمُ


    ربي اغفر لى ولوالدى وللمؤمنين والمؤمنات والمسلمين والمسلمات الاحياء منهم والاموات

  17. #17
    اخى منبر الخير عدم استعمال الماسنجر وحده لا يمنع القرصنة لان كما شرحت فى الجزء الثامن (تحفة فنية )
    ان بعض المواقع يتم تلغيمها وبمجرد تصفحها يتم اختراق جهازك
    اما التحكم فى الاجهزة وما عليها وما تحتويه فهو سهل ووارد
    بالنسبة للكاميرا يمكن للقرصان فتحها ولو كانت مغلقة طالما انها متصلة بالجهاز وهذا الجهاز متصل بالانترنت
    بعض الكاميرات تحتوى على لمبة خضراء تكون منارة فى حالة تشغيلها ومطفأة فى حالة عدم تشغيلها
    اذا لوحظت اللمبة منورة دون ان تكون فى وضع تشغيل فغالبا قد يكون جهازك مخترق وانت لا تعلم
    شكرا على المرور

  18. #18
    عضو جديد
    صور رمزية midooooooh
    تاريخ التسجيل
    Jun 2010
    المنطقة
    مصر
    ردود
    22
    اسلوب سرد مشوق وممتع في انتظار الجزء 11 بالتوفيق اخي حسام

  19. #19
    ان شاء الله اخى ميدو لكن الجزء الحادى عشر احداثه معقدة بعض الشىء واحتاج ترتيب اوراقى جيدا فيه كى يخرج بشكل جيد

  20. #20
    عضو متميز
    صور رمزية منبر الخير
    تاريخ التسجيل
    Jul 2009
    المنطقة
    الفضاء
    ردود
    9,650
    اقتباس الموضوع الأصلي كتب بواسطة young wise معاينة الرد
    اخى منبر الخير عدم استعمال الماسنجر وحده لا يمنع القرصنة لان كما شرحت فى الجزء الثامن (تحفة فنية )
    ان بعض المواقع يتم تلغيمها وبمجرد تصفحها يتم اختراق جهازك
    اما التحكم فى الاجهزة وما عليها وما تحتويه فهو سهل ووارد
    بالنسبة للكاميرا يمكن للقرصان فتحها ولو كانت مغلقة طالما انها متصلة بالجهاز وهذا الجهاز متصل بالانترنت
    بعض الكاميرات تحتوى على لمبة خضراء تكون منارة فى حالة تشغيلها ومطفأة فى حالة عدم تشغيلها
    اذا لوحظت اللمبة منورة دون ان تكون فى وضع تشغيل فغالبا قد يكون جهازك مخترق وانت لا تعلم
    شكرا على المرور
    شكرا على الرد بارك الله فيك ..الا والله انتبهت على التحفة الفنية ..

    طيب ممكن لو تسمحلي بهذا السؤال ..ما ممكن المتصفح جوجل ينبه عن هذه المواقع

    طيب كيف ممكن نعرف ان هذا المقطع او الملف ..ممكن يكون تجسس

    وهل ممكن ملف الصورة يكون ملف تجسس؟

    وبنشكرك جزيل الشكر
    اللَّهُمَّ إنِّي أعُوذُ بِكَ أنْ أُشْرِكَ بِكَ وأنَا أعْلَمُ، وأسْتَغْفِرُكَ لِـمَا لا أعْلَمُ


    ربي اغفر لى ولوالدى وللمؤمنين والمؤمنات والمسلمين والمسلمات الاحياء منهم والاموات

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل