Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

يوميات قرصان تائب ج12 ( لقاء القراصنة )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يوميات قرصان تائب ج12 ( لقاء القراصنة )

    من خلال البريد الاكترونى وصلتنى دعوة من سكوربيون
    من النادر ان يدعو سكوربيون احدا للقائه لكنى لست وحدى مدعوا لهذا اللقاء
    انا والقناص وهاك باد واخرين لا اعرفهم تمت دعوتهم
    المكان كان مقهى للانترنت يملكه سكوربيون بحى شبرا
    تقابلنا هناك وبدا كل منا يعرف عن نفسه
    كنا من محافظات مختلفه معظمنا لا يعرف الاخرين سوى من خلال اعماله التى قام بها
    اهم الشخصيات بالنسبة لى كانت سكوربيون احد اخطر الاسبامرز فى مصر شخصية جادة نادرا ما يتبسم
    حاد الذكاء جدا
    الشخصية الثانية الجوكر شخصية غريبه جدا تتوهم من اللحظة الاولى انك تقف اما شخص تخرج منذ لحظات من مستشفى المجانين ومع هذا تنسب اليه العديد والعديد من عمليات القرصنة
    الشخصية الثالثة سبيد كات فتاه مرحة جدا من الاسكندرية عبقرية فى البرمجة والاختراق
    استطاعت ان تخترق الهاتف النقال لاحد الوزراء وسجلت كل مكالماته ونشرتها عبر الانترنت لتفضح كل جرائمه
    مما تسبب فى اقالته
    ****
    جلس الجميع فى مقهى الانترنت وكان اجتماعنا حوالى الحادية عشر ظهرا
    كان عددنا حوالى 12 ولاحظت اننا نجمع فيما بيننا اغلب نواحى القرصنة
    بدأ سكوربيون الحديث قائلا (احب اعرفكم ببعض )
    تنقل فيما بيننا ليعرف الجميع بكل شخص فينا ونبذه عن اعماله
    ثم تابع قائلا ( دا اول لقاء لينا وبصراحة انا فكرت فى الموضوع دا من فترة كبيرة اننا ليه كل شخص فينا بيشتغل لوحده
    وليه مانعملش عمل مشترك ونستفيد من خبرات بعض )
    قاطعه الجوكر قائلا طيب فيه شاى فى القعده دى ولا ايه النظام ؟
    ضحك الجميع عدا سكوربيون فاشار بيده فسكتنا
    فنظر الى الجوكر وقال وهو يضغط على الكلمات التى يقولها (ممكن نكون اكبر من كده )
    قال الجوكر وهو يشير بيديه (اوكى اوكى جو اون يا مان استمر )
    تابع سكوربيون حديثه
    (الهدف اللى جمعتكم علشانه عمليه هانستفيد منها كلنا وصعب اقوم بيها لوحدى او مع مجموعة صغيره
    فيه موقع للمراهنات محدش بيدخل عليه غير اثرى اثرياء العالم والموقع دا بيراهنوا فيه على كل حاجة حتى على اسقاط الحكومات اللى عرفته ان الموقع تابع لمنظمة صهيونية الموقع كمان مدعوم من مايكروسوفت وبيأمنه فريق انطوان اليونانى واكيد اغلبكم سمع عن الفريق دا
    مهمتنا بقى يا شباب اننا نبحث عن ثغرة فى الموقع نخترقه من خلالها
    المهمة التانية نتخطى برنامج الحماية
    المهمة التالتة نحلل قاعدة بيانات الموقع
    حد عنده استفسار يا شباب ؟
    رفع القناص يده وقال (احم طيب ونصيب كل واحد مننا قد ايه فى العملية دى ؟ )
    رد سكوربيون ( ماتخافش نصيب يكفيك لفترة طويلة اوى )
    عندنا ساعة راحة وبعدين هانقعد مع بعض نفكر هانشتغل ازاى ومنين



    يتبع
    عدنا الى مقهى الانترنت بعد حوالى ساعة بعد ان تناولنا وجبة سريعة
    جلسنا لنناقش الافكار التى يمكننا العمل عليها
    بدأ سكوربيون الحديث قائلا
    " انا اقترح تشكيل ثلاث مجموعات
    كل مجموعة حسب تخصصها ويكون لها مهمة محددة
    بالنسبة للمجموعة الاولى مهمتها البحث عن ثغرة فى الموقع وفتحها
    ثم دارت اعينه فى وجوهنا وهو يوقل "مين يحب يكون فى المجموعة دى ؟
    رفع هاك باد يده والقناص وكلا من سكريبو ودياب
    تابع سكوربيون "عظيم جدا و الفريق التالى هاتكون مهمته تحليل قواعد البيانات الخاصة بالموقع ومعرفة تفاصيل الرهانات
    وانا هاكون فى الفريق دا مين يحب ينضم لى ؟
    رفع سبايدر والجوكر وبلاك ايفل ايديهم
    بقى الفريق الثالث ومهمته تخطى الحماية وعمل باك رووت بحيث يبقى الموقع تحت سيطرتنا حتى لو اتكشفت الثغرة
    ودى هاتكون مهمة سبيد كات وهكراوى وساكن ورعد
    رفعت سبيد كات يديها
    فقال سكوربيون "عندك اعتراض ؟
    قالت " بصراحة مش بحب اشتغل مع حد اقل منى هكراوى ممكن لكن ساكن ورعد فى رأيى لسه مبتدأين
    غضب ساكن ورعد وبدا وكأن مشاجرة ستبدأ لكن سكوربيون حسم الموقف بهدوء وقال
    " اوكى يا سبيد هانقسم المجوعة التالته فريقين كل فريق له مهمه
    انتى وهكراوى مهمتكم تخطى الحماية وساكن ورعد عليهم الباك رووت
    هدأ التوتر وبدأ العمل
    كل فريق بدا العمل على مهمته وكانت البداية مع القناص وفريقه حيث استغرق البحث عن ثغرة فى الموقع بضع ساعات
    لكن كان يحتاج الى تفاصيل اكثر من الادمن فاعطيته ملف صغير استطاع من خلاله اختراق بريد الادمن والحصول على المعلومات المطلوبة
    كنت انا وسبيد كات نعمل على تعطيل الحماية وتخطيها من خلال برنامج يبدو فى ظاهره انه لدعم الموقع والادهى انها اعطته
    رخصة من مايكروسوفت انه اصلى وقمت انا بدمج الخادم فى البرنامج بعد تشفيره لكن
    لكن المفاجأة حدثت عندما اخطأ هاك باد فى كتابة سكريبت مما جعل برنامج الحماية ينشط قبل ان نكمل انا وسبيد عملنا
    وتنبه فريق امن الموقع لما نقوم به فبدا الصراع حول السيطرة على الموقع
    كان الجميع اصبعهم تتقافز على لوحات المفاتيح فى سرعة رهيبة فى سباق مع الزمن
    فشلت كل محاولاتى فى تعطيل الحماية فخطرت لى فكرة مجنونة لكن الوقت لم يكن فى صالحى للتاكد من فاعليتها
    فجأة توقف الجميع فقد بدا واضحا ان الفريق اليونانى قد فاز بهذه الجولة
    خيم صمت طويل وشعور بالفشل لم يقطعه سوى صوت سكوربيون وهو يقول
    " ولا يهمكم يا شباب احنا خسرنا جولة لكن الحرب ماخلصتش ولينا جولات تانية معاهم
    وكفاية اننا اتعرفنا على بعض وبدأنا اول عمل جماعى "
    تصافحنا جميعا وتواعدنا على اللقاء مجددا ثم انصرفنا وقد اقتربت الساعة من التاسعة مساء
    بينما انا والقناص فى طريق العودة الى مدينتنا اذا به ينفجر ضحكا
    قلت له " ايه الصدمة جننتك ولا ايه؟
    قال وهو ما زال يضحك " لا بس انا خدعت الفريق كله وطلعت انا الكسبان الوحيد "
    قلت له " ازاى يعنى انت كسبان "
    قال " لما حسيت ان الفريق اليونانى هايكشفنا عملت حسابين وهميين وكان فيه رهان كبير على اتنين مصارعين فى حلبة موت
    انا راهنت بحساب على واحد منهم وبالحساب التانى على المصارع التانى يعنى انا كدا كدا كسبان "
    الى هنا انفجرت انا بالضحك
    انعقد حاجباه وهو يقول " انت بتضحك على ايه؟
    قلت له " اصل انا لما ماعرفتش اعطل الحماية خطرت فى بالى فكرة ان طالما برنامج الحماية مصمم انه مايقبلش اى محاولة لتقليل الحماية دى فممكن يقبل محاولة لرفع الحماية اكثر واكثر واكثر ودا اللى انا عملته
    وبكدة اى حد هايحاول يخترق الموقع او لو حتى مشترك فى الموقع كتب اسم او باس خطأ فبرنامج الحماية هاينشط ويحاول يحمى
    قاعدة البيانات من خلال تدميرها بالكامل "
    عض القناص على شفتيه وهو يصرخ قائلا " اشوف فيك ياووووووووووووم يا مفترى "
    ولم اتمالك نفسى من الضحك اكثر واكثر



    لمتابعة الحلقات السابقة
    http://www.maxforums.net/showthread.php?t=172692
    الجزء الثانى
    http://www.maxforums.net/showthread.php?t=172982

    الجزء الثالث
    http://www.maxforums.net/showthread.php?t=173127

    الجزء الرابع
    http://www.maxforums.net/showthread.php?t=173404

    الجزء الخامس
    http://www.maxforums.net/showthread.php?t=173532

    الجزء السادس
    http://www.maxforums.net/showthread....DE%D1%D5%C7%E4

    الحزء السابع

    http://www.maxforums.net/showthread.php?t=176861

    الجزء الثامن
    http://www.maxforums.net/showthread.php?t=177438

    الجزء التاسع
    http://www.maxforums.net/showthread.php?t=177516


    الجزء العاشر
    http://www.maxforums.net/showthread.php?t=178123
    الجزء الحادى عشر
    http://www.maxforums.net/showthread.php?t=178928
    التعديل الأخير تم بواسطة young wise; 14 / 07 / 2010, 12:46 AM. سبب آخر: استكمال القصة
    مدونتى


  • #2
    بدايه محمسه ...... في انتظار التكمله .. ^_^
    اخوكم بــــــدر الســـــــعـــــدون ...


    [/
    دروس المرحوم احمد .. رحمه الله

    facebook

    تعليق


    • #3
      جزء جميل ولكن الي نزعو هاي الكلمة ( يتبع )
      ننتظر التكملة يا ريس حسام
      سلام

      لا يغني حذر عن قدر
      Tack care

      تعليق


      • #4
        قصة رائعة وانا متابع من فترة بس ياريت لو تطول الحلقات شوية ........

        My Vimeo



        دروس الاخ العقرب77 رحمه الله


        خيركم من تعلم العلم وعلمه
        " هذه الجملة حكمة خالصة وليس لها علاقة باى احاديث شريفة "

        لو كان الرندر رجلا لقتلته

        تعليق


        • #5
          بداية موفقة اخي

          بانتظار التتمة
          وكما قال الأخ hagi
          كلمة يتبع وكأنني كنت أسير في طريق وفتح احدهم الباب في وجهي

          تعليق


          • #6
            شكرا لكم ويمكنكم متابعة القصة كاملة
            مدونتى

            تعليق


            • #7
              انتظر ارائكم في هذا الجزء
              مدونتى

              تعليق


              • #8
                لااااااااا عن جد رووووووووووووووووعة
                عجبتني الخطط الذكية
                ما شاء الله عليك
                ممكن اعرف كم عمرك؟؟؟؟؟

                تعليق


                • #9
                  اشكرك اخت رور لكن من تقصدين ? المؤلف ام القرصان
                  مدونتى

                  تعليق


                  • #10
                    يا اخي انت قرصان لا محالة
                    حتى لو كنت تؤلف هذه القصص من خيالك و لكن لا يكتبها الا قرصان حقيقي
                    جميلة جدا
                    ما رايك ان تضع القصص ضمن ملف pdf جميل منسق ستكون فكرة جميلة على ما اظن
                    بالتوفيق

                    تعليق


                    • #11
                      اخى عمار اشكرك على ثقتك ورايك الجميل
                      بالنسبة لملف البى دى اف اتمنى ذلك لكن ليس لدى خبرة فى هذا المجال
                      اتمنى اكثر ان تتحول الى قصة مصورة
                      شكرا مرة اخى على المتابعة
                      مدونتى

                      تعليق


                      • #12
                        المشاركة الأصلية بواسطة young wise مشاهدة المشاركة
                        اخى عمار اشكرك على ثقتك ورايك الجميل
                        بالنسبة لملف البى دى اف اتمنى ذلك لكن ليس لدى خبرة فى هذا المجال
                        اتمنى اكثر ان تتحول الى قصة مصورة
                        شكرا مرة اخى على المتابعة
                        ازى بس ياعم مالكشى خبره مع البى دى إف قرصان ومالكشى خبره هههههههه
                        ماتقولشى كده لحسن الفريق يتخلى عنك

                        استمر بارك الله فيك

                        تعليق


                        • #13
                          المشاركة الأصلية بواسطة young wise مشاهدة المشاركة
                          اشكرك اخت رور لكن من تقصدين ? المؤلف ام القرصان
                          الكاتب هو أساس القصة فلولاه لما كان للقرصان وجود

                          لذلك انت المقصود وسألت عن عمرك
                          لأنك وكما يبدو عندك خبرة في الموضوع

                          لست صغيرا بالسن
                          ام انا مخطئة

                          تعليق


                          • #14
                            لست مخطئة اختي عمري ٣٠ عاما
                            مدونتى

                            تعليق


                            • #15
                              المشاركة الأصلية بواسطة medo3d مشاهدة المشاركة
                              ازى بس ياعم مالكشى خبره مع البى دى إف قرصان ومالكشى خبره هههههههه
                              ماتقولشى كده لحسن الفريق يتخلى عنك

                              استمر بارك الله فيك
                              دا على أساس إنه فريق كوره ؟؟

                              كله من ورا نيمو
                              (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

                              الرد على من قال بحل المعازف

                              http://www.abumishari.com/

                              تعليق

                              يعمل...
                              X