Drill charger - new render

[BassamAmad]

هذه محاولتي الأخيرة لضبط الإخراج - لقد استعملت مزيج من الفري لايت والفيراي لايت

مع الهيدرا - اتمنى يعجبكم .













Bassam cars

[Blue-M]

جمبل الان ولكن لو تزيد شفافية الزجاج يكون افضل

تحياتي

[BassamAmad]

الأخ (Mr-Blue) :

شكراً الك للرد على الموضوع - واحب اكولك مو مشكلة اذا جانت على الشفافية انسويهة شفافة بعد اكثر الخاطر عيونك .

شكراً جزيلاً

[Blue-M]

حبيبي اني كتلك حتى يتحسن العمل طبعا عجبتني هاي الصورة اكثر


بس اذا تلاحض الداخل غير واضح

[houmam bat]

هاي بسام اشوية ايرادله شغل بالزجاج هههههههههههههههه

[BassamAmad]

الأخ (Blue-m)
الأخ (همام الورد )

شكراً لكم للرد على الموضوع وبالنسبة لخامات الزجاج فمو مشكلة انعدلهة ان شاء الله - المهم عندي بيئة الإخراج عجبتكم -حتى ابدي اشتغل على بقية الخامات .

شكراً جزيلاً لكم .

[Mr_Evil]

ما شاء الله عليك جميله جدا جدا الصوره بس لو تعملها بمنظر خارجي اعتقد حيكون افضل هذا اقتراح
بالتوفيق ان شاء الله للجميع

[BassamAmad]

الأخ (Mr-Evil) :

شكراً جزيلاً سامي على ردك للموضوع - والله الصراحة اني هم امفكر اجرب بيهة المنظر الخارجي بس كلت خلي اشوف
يعجبكم بالبداية هذا النوع من الإضاءة لو لا ؟

تحياتي الك وشكراً جزيلاً الك

[Mr_Evil]

الأخ (mr-evil) :

شكراً جزيلاً سامي على ردك للموضوع - والله الصراحة اني هم امفكر اجرب بيهة المنظر الخارجي بس كلت خلي اشوف
يعجبكم بالبداية هذا النوع من الإضاءة لو لا ؟

تحياتي الك وشكراً جزيلاً الك

طبعا بالنسبه اليه يعجبني بس تره للعلم الصوره الثانيه احى بكثير خصوصا الاناره من امام السياره بس لو تكون بمنظر خارجي و مع هيج ناره ؟؟؟؟ شتدكول ؟؟؟؟

[BassamAmad]

اخوية سامي - شكراُ لك لردك واهتمامك الجاد للموضوع .

واكيد رأيك مهم وراح اعمل على تنفيذة بالتصاميم الجاية .

واحب اتشوف آخر تجربة الي (لأن اهواية اتعرضت لإنتقاد حاد واهواية كالوا تصميمك مابيه واقعية ومن هالحجي ) فلهذا اني سويت تجربة جديدة حاولت اوصل ابسيارتي إلى الواقعية - وهذي النتيجة راح اتشوفهة بالبداية بعد السيارتين باللون الأحمر - شوف الصور البقية وانطيني رأيك .

تحياتي

[ESSAM 1995]

عمل رائع اخي بسام الله يوفقك

[محمدالكردي]

بسوميه بعد التجارب الاخيره اكدر اكلك انك وصلت للواقعيه بس خليك شويه صدرك واسع ولاتزعل وحده من اسباب عدم واقعية اعمالك هي ابعاد السياره وانت بأخر الصور تعاملت ويه الابعاد بشكل جيد استمر على هذه النهج والسياره تعرف شنو تحتاج ؟ تحتاج تكثر من البوليكنزات حتى لاتكون وكأنها مايعه دتعرف شلون واعتقد احنه كثير تكلمنه بهذه الشي وخامة الزجاج صحيح انت معدلها وتعبت عليه بس مأئره على داخل السياره اقصد الدشبول وانت تعرفني بعد انتقدك بحديه حتى توصل لعملك الى مستوى عالي ان شاء الله.

[BassamAmad]

حبيبي الغالي اخو همام الورد :

شكراً جزيلاً الك واتمنى عجبك الإخراج هذي المرة .

ومنتظر همام دنشوف شيكول على اخر 3 صور اني نزلتهة .

[BassamAmad]

حموودةةةةةةةةةةةةةةة الكرديييييييييي :

اول شي حسب حسابك اني ما ازعل منك ابد لأن بالنهاية انت اخوية .
بالنسبة للإخراج هذا الي وصلتلا اليوم بعد تجارب طولت 8 ساعات بحيث حتى للبيت ما رجعت .

بالنسبة للتصميم ان شاء الله ايكون القادم احسن وبالنسبة للإخراج هذا اني اقتنعت بيه ويمكن من انزل ابتصميمي القادم انزل ابهذا .

بس بقت عندي خامات الزجاج واني ادري انت راح تحجي على خامة الزجاج قبل ما تدخل اتشارك .
هسة خامة الزجاج هذي من موقع عالمي انت اتعرفة زين بس اشكد حاولت اضبط الانكسار بس مصار
الصراحة لازم الانكسار يتقلل حتى ليطلع الجو بالداخل مثل ما انت دتشوف .

وللعلم يمكن تقريبا 8 انواع من خامات الزجاج اني جربت بس كلهة دتطلع نفس الشي - حتى همام الولد دزلي خامة من عندة وهم نفس الشي - كلهة انكسارهة عالي - وبالأخير هذي الخامة هية خامة مال ماء (water) اني حطيتهة
وطلع انكسارهة اقل مثل ما دتلاحظ ولو حطيت خامات الزجاج الي كلتلك عليهم جان شفت الدشبول لازك بالجام وامخربط
يعني مخازي .

المهم لازم الكالهة حل واذا لكيت ايكون هذا الاخراج 100على 100 .

يلا تحياتي الك وشكراً الك على اهتمامك وردودك .

[ESSAM 1995]

اخي بسام اني كما قلت لك عمل رائع وخاصة الصورة الثانية ولو اني جنت حاب لو تعمل سيارة لون اخضر