موضوع: ملف يرفض الرندر أرجو المساعدة وخاصية vray proxy

ردود: 12 | زيارات: 1164
  1. #1

    ملف يرفض الرندر أرجو المساعدة وخاصية vray proxy

    http://www.maxforums.net/showthread.php?t=181540
    الرابط اللي فوق فيه إستفساراتي السابقة عن الموضوع
    بس هلأ الموديلات صارت عمتختفي وعرفت اني لازم أعمل xport
    بس مش ملاقية في الفايل أوف تايب
    مش ملاقية فيراي ميش شو أعمل ساعدوني


  2. #2
    أرجو منكم المساعدة

  3. #3
    انسة لينا ..انتي قلتي انك رح تنزلي windows 7 الحكي حلو (ميزة بتساعد بتوفير الذواكر :::::لما بدك تشتغلي ماكس وترندري ...الأفضل انك تسكري كل البرامج يللي بتفتح مع الستارت أب ...يعني عند اقلاع الويندوز ..وكمان أفضل انك تجعلي السمة الكلاسيكية هي الفعالة أو الحالية ..من خصائص سطح المكتب ..)
    ......انتي متأكدة انك نزلتي الفيراي ..و تأكدتي انو مفعل بالملف ..لأن هي المشاكل يللي عم تحكي عنها ما بتصير غير لما الفيراي مو نازل أو غير مفعل في البرنامج ..لأن ماكس من دون فيراي مش رح يشوفك عناصر البروكسي...ولا رح يعرض الأوامر الخاصة بالفيراي ..متل vray mesh export.......... تمام!!!!

  4. #4
    حاليا بصراحة رح اعطيكي اعدادات ريندر وشوية حركات ..مشان نتأكد من انو الملف ما في أخطاء ....بالمختصر test render
    رجاءا تبعي مع الصور وكتبي بالخانات متل ما مكتوب.....ok

    *****************************************************
    رجاء يا لينا انك تعملي متل مو مكتوب بالاطارات يللي لونها احمر عالتمام حتى مكان مافي خيارات معلة او مطفية كمان عملي متلها .......
    لا تخافي لان هي مو اعدادات نهائية ......بس بدي منك كمان تعملي يللي رح قلك عليه.......
    _ اولا ::بدي منك تكملي بالبروكسي كمان ولا تخافي منه لأن احيانا وقت التحويل العنصر الجديد بينتقل تلقائيا لاحداثيات المبدأ الافتراضي بالماكس ..ممكن انك ترجعي مكانه...
    _ على وجه الخصوص الobjects يللي مستخدمتيهن من ملفات ايفرموشن ..لان الجماعة ماشالله بيشتغلو باحترافية كتير ..فبيطلع معن العناصر والكائنات كتير مفصلة ...
    _البروكسي بيشمل كمان الشجر والنباتات والسيارات والاشخاص .......
    _يا ريت اذا عاملي displacment لاي plan أو object تلغي عالآخر (لأن الdisplacment بياكل الذواكر اكل وبيستهلكها بسرعة كبيرة )
    _خطوة مهمة:::::بدي منك باستخدام اداة ال select (يللي شكلها سهم الفارة) انك توقفي بالكاميرا (يعني تشوفي اللقطة يللي بدك ترندريها ) وتشغلي الsafe frame عن طريق (shift + Q ) وهلأ بتحددي كل العناصر يللي ظاهرة قدامك بالكاميرا يللي بدك ترندري عن طريقها وهيك بتكوني حددتي كل العناصر يللي بدها تطلع باللقطة وبس هلأ تكبسي (CTRL +i ) يعني (select invert ) يعني تحديد العناصر في بقية المشهد دون العناصر المختارة(بعبارة تاني ::العناصر يللي ما رح تطلع بالريندر ) وهلأ حذفيهن عالآخر ..ما بدنا ياهن عنا ...اخف على الملف ....ok
    _الخطوة التالي :::انك تحددي كل البروكسي يللي عملتيهن وتعملي هايد (تساألتي عن هالخطوة ) لأن هيك الجهاز وقت الريندر ما بيحسب العناصر المخفية ولا بيحسب اكساءاتها ولا أي شي بيتعلق فيها ...(وهاد طبعا أخف بالريندر وبيخلي يتحسن )
    _وكمان بدك تعلمي كل العناصر التقيلة يللي ما حولتيهل لبروكسي أو يللي ما رضيت تتحول ..وخصوصا كل شي جاي من evermotion وكمان كل شي شجر وأشخاص وسيارات (طبعا اذا في ) ....وكمان تعمليلن هايد لنفس الفكرة السابقة ..ok...
    .........وعنجد انا اسف كتير اذا تأخرت عليكي بالرد
    اااااههه.....نسيت قلك تعملي ملف خصوصي ليللي بدك تشتغليه مشان ما ينتزع الملف الاصلي...اصدي من file >>>save as<<<< ومن هي الخانات بتختاري اسم للملف الجديد ..وبتتركي الاصلي وبتشتغلي بالجديد....وكمان آسف اذا طولت عليكي ...بس الحقيقة متل هيك موضوع بيطول فيه الشرح وبتصعب المساعدة عن بعد...
    _انا عندي فكرة يمكن تعجبك ...اذا بدك ممكن ترفعي الملف ..وانا حاول رندره عاللاب توب لأن مواصفاته قويه الحمدلله ..أو اذا بدك ممكن نتواصل عن طريق الايميل اذا كان بيحقق تواصل مباشر وسرعة بالاجابة
    طبعا هاد كلو اذا بدك وكان يريحك....

  5. #5
    انسة لينا هي الاعدادات مشان بس نعرف اذا الملف قابل للريندر او لا وممكن بعدين نرفع الاعدادات شوي شوي ..لأن هي الاعدادات كتير خفيفة ..واذا ما كان في شي مضروب او معطوب بالملف ..بالنتيجة لازم يترندر ....وياريت تخبريني عالنتيجة شو ما كانت ..ان وصل للريندر وكمل للآخر ..او وصل للريندر وفصل ..او بس حسب الاضاءة وفصل ...كلو مهم ...وبصراحة الله يعينك انتي وجهازك عالملف ..لأن هيك حجم على هيك مواصفات ..فعلا مشكلةوكتير صعب ان الملف يكمل..بجودة قوية..
    ومتل ما قلتلك من شوي انا جاهز للانتي بتطلبي.....حتى اذا بدك رندر الملف عندي... .....

  6. #6
    أخي أديب كتير شكرا إلك والله تعبتك معي وإنت طولت بالك كتير ما شاء الله عليك جزاك الله كل خير يارب
    ورح أعمل متل ما قلتللي وخبرك إن شاء الله الموضوع طول وضيق خلاقي
    ولو عارفة هيك كان طلبت من الشركة من زمان تغير الويندوز أو تغير الجهاز حتى بس الوقت ضيق وصاحب المشروع جايه السبت يعني شو ما كانت النتيجة بدنا نقبل والله يعين على كلا أنا كتير تعلمت من هالتجربة بفضل الله ثم بفضلك وفضل اللي أعطوني آراءهن وكتير شكرا إلك.
    وشو بيصير معي إن شاء الله بخبرك.

  7. #7
    أخ أديب كتير بتشكرك على عرضك بإنك ترندر الفايل عندك بس منتظرة تجاربي بالنهاية إذا يئست يمكن إلجأ لهالطريقة بس ما رح غلبك إلا إذا يئست
    هلأ على مقاس الصفحة أو الريزليوشن اللي عطيتني ياه أكيد رندر بس أنا كبرتو شوي بس يادوب كبرتو 400للعرض فالرندر قطع والفايل طفى إتسكر يعني
    على كلا لسة التجارب شغالة
    بس أنا بدي نصيحتك الأهم هلأ أنا جهازي هدا إذا حطيتللو ويندوز 7 بيصير يستوعب ويرندر الفايل بهالحجم مثلا 200 ميغا أو أكتر شوي ولا لازم أطلب من الشركة تشتري جهاز تاني لأنو ما فيه عندي مشاريع تانية بهالحجم كل المشاريع اللي ممكن تكون قادمة بحجم صغير للفايلات
    فشو نصيحتك ويندوز 7
    32 بت
    ولا ويندوز 7
    64 بت
    ولا جهاز جديد بمواصفات أفضل

  8. #8
    له له يا بنت بلادي ...بالصدفة فاتح على الالمعرض وشفت عملك وعرفت انك من سوريا ..(عفكرة وأنا كمان ..وبالتحديد من حمص) يا ريت اذا مافي مانع تقوليلي انتي من وين...
    عنجد فرحتيني كتير لسببين انك من عنا بالأول ..والتاني ان الملف ترندر ..ولو ان الجودة كتير ضعيفة بس المهم ان الملف ما في اخطاء تخلي يفصل
    بس بصراحة طالما الحجم كبير ومبين انك مشتغلي كتير بالملف ....بصراحة ما بعتقد الملف يترندر بجودة احسن ..
    يعني يمكن اذا فعلتي ال reflection ...وال shadow ... من خيارات ال global swiches بتوقع يفصل ..واذا لا جربي تبلشي تكبري الريزوليوشن بس شوي شوي ...يعني بلشي مثلا 200 بدل ال 100 بس اكيد ما رح توصلي لل 400
    وحتى وان كان فانتي بالنهاية رح تبقي بهالدوارة من الجودة بالصورة ما أكتر ....لا تزعلي مني بس هاد الواقع......
    برجع بقلك ..انا واللابتوب تحت تصرفك ::
    مواصفات اللابتوب:........المعالج ::: intel core i7 بسرعة 2800
    الذواكر ::: 4g ram ddr3
    كرت الشاشة :: nvedia 310m ذاكرة 512 up to 2330 وكمان ddr3
    system : ::: windows 7 64 bit
    وهي اهم مواصفات اللاب توب ..وعن تجربة في ملفات وصلت لحجم 375 ميغا تقريبا ..و فيها كتير تفاصيل واللحمدلله الصور ترنددرت بدقة عالية وبوقت اقل من ساعة .....(مشان ما اصدمك ما قلت اقل ..بس بصراحة في منن اقل )
    من هون اكيد اتضح لك انو يا ريت تقنعي الشركة تشتري جهاز جديد ...واكيد ويندوز 7 64 بت
    وبصراحة الجهاز من دون شاشة أو ملحقات (يعني بس كايس) ما رح يكلف كتير ...يعني بحولي 50 ..60 الف ان كترت
    ما بس مشان الملفات الكبيرة ..بس كمان مشان سرعة الريندر حتى للملفات الصغيرة ..كمان عن تجربة الملفات الداخلية ..بتكلف وقت واعدادات احسن وأكتر مشان تحصلي على الجودة ...
    برجع بقلك اني جاهز للبدك ياه ....(انتي من عنا ..........هههههه...

  9. #9
    اقتباس الموضوع الأصلي كتب بواسطة k-adib معاينة الرد
    له له يا بنت بلادي ...بالصدفة فاتح على الالمعرض وشفت عملك وعرفت انك من سوريا ..(عفكرة وأنا كمان ..وبالتحديد من حمص) يا ريت اذا مافي مانع تقوليلي انتي من وين...
    عنجد فرحتيني كتير لسببين انك من عنا بالأول ..والتاني ان الملف ترندر ..ولو ان الجودة كتير ضعيفة بس المهم ان الملف ما في اخطاء تخلي يفصل
    بس بصراحة طالما الحجم كبير ومبين انك مشتغلي كتير بالملف ....بصراحة ما بعتقد الملف يترندر بجودة احسن ..
    يعني يمكن اذا فعلتي ال reflection ...وال shadow ... من خيارات ال global swiches بتوقع يفصل ..واذا لا جربي تبلشي تكبري الريزوليوشن بس شوي شوي ...يعني بلشي مثلا 200 بدل ال 100 بس اكيد ما رح توصلي لل 400
    وحتى وان كان فانتي بالنهاية رح تبقي بهالدوارة من الجودة بالصورة ما أكتر ....لا تزعلي مني بس هاد الواقع......
    برجع بقلك ..انا واللابتوب تحت تصرفك ::
    مواصفات اللابتوب:........المعالج ::: Intel core i7 بسرعة 2800
    الذواكر ::: 4g ram ddr3
    كرت الشاشة :: Nvedia 310m ذاكرة 512 up to 2330 وكمان ddr3
    system : ::: Windows 7 64 bit
    وهي اهم مواصفات اللاب توب ..وعن تجربة في ملفات وصلت لحجم 375 ميغا تقريبا ..و فيها كتير تفاصيل واللحمدلله الصور ترنددرت بدقة عالية وبوقت اقل من ساعة .....(مشان ما اصدمك ما قلت اقل ..بس بصراحة في منن اقل )
    من هون اكيد اتضح لك انو يا ريت تقنعي الشركة تشتري جهاز جديد ...واكيد ويندوز 7 64 بت
    وبصراحة الجهاز من دون شاشة أو ملحقات (يعني بس كايس) ما رح يكلف كتير ...يعني بحولي 50 ..60 الف ان كترت
    ما بس مشان الملفات الكبيرة ..بس كمان مشان سرعة الريندر حتى للملفات الصغيرة ..كمان عن تجربة الملفات الداخلية ..بتكلف وقت واعدادات احسن وأكتر مشان تحصلي على الجودة ...
    برجع بقلك اني جاهز للبدك ياه ....(انتي من عنا ..........هههههه...
    السلام عليكم
    أخي أديب شكرا إلك والله
    أنا من دمشق الشام بس مقيمة بالسعودية
    إنحلت المشكلة عندي لإني إستخدمت كمبيوتر تاني للشركة مواصفاتو كواد راماتو 8
    والحمدلله ماشي حالو وسريع بالرندر
    بس المشكلة اللي باقية عندي
    هي إن الملف كل شوي بيقفل وباخدو من الأوتوباك فهل السبب كبر الملف ولا من الكمبيوتر بصراحة الكمبيوتر تمام بس الويندوز لازم يتفرمت لأنو من زمان ما تفرمت فشو رأيك السبب مع العلم إنو حتى بالكمبيوتر السابق كان يقفل وكنت آخدو من الأوتوباك فشو السبب برأيك؟

  10. #10
    اهلا وسهلا فيكي وبكل اهل الشام ......
    بالنسبة للملف ..الحمدلله انو ترندر ..والف مبروك كمان ..
    اما بالنسبة لانو عم يأفل ......فالسبب عالأغلب من كرت الشاشة ...وهاد بالدرجة الأولى .....من بعدو ممكن نقول الرامات ..بس احتمل كرت الشاشة بيوصل لل 95% مقابل احتمال الرامات
    وممكن الفورمات للجهاز يساعدك ويحسن الجهاز ..(انتبهي من الفيروسات .....بتخلي الجهاز كتير بطيء) ..ونصيحة لما بدك تشتغلي ماكس ......خلي سطح المكتب بالسمة الكلاسيكية ....وطفي كل البرامج يلي بتشتغل مع الاقلاع ..لان هاد كلو بيوفر رامات كرت الشاشة اولا ورامات الجهاز ..ثانيا ....ومن الآخر الحمدلله كانت المشكلة هيك ما اكتر..يعني يا محلاها قدام غيرها...
    وكمان نصيحة .....خلي نسخة عن الملف يلي عم يترندر خبيها بمكان تاني ..لان احتمال ما يفتح الملف شي مرة ..بيضل اامن..................وعنجد آسف اذا طولت عليكي

  11. #11
    بالعكس أخ أديب ما طولت علي إنت عمتشرحلي أمور مفيدة كتير شكرا إلك أنا كل شوي عموجع راسك بأسإلتي والله آسفة
    بس كرت الشاشة ما بعتقد هو المشكلة مو متذكرة هو شو بس مهندس الكمبيوتر اللي شاف الجهاز قللي إنو بدو فورمات وإنو يمكن المشكلة هي بسبب إنو الماكس والويندوز 7 المنزلين عالجهاز غالبا مو نسخ أصلية لهدا السبب بتحصل هي المشاكل
    فشو رأيك؟
    أنا بتوقع إنو ممكن هدا الشي صح لأنو حتى بالملفات الأصغر سابقا على جهازي القديم اللي كان ويندوز إكس بي كان نفس الشي الملف يقفل فجأة وآخدو من الأوتوباك بس بهدا الملف الموضوع بزيادة بيتكرر كل شوي ويالله الله يعينا هالمشروع غريب من نوعو الله يمرقو على خير
    شكرا إلك أخي أديب.

  12. #12
    له يا لينا له هيك رح ازعل منك انا اكيد ما رح اتدايق من اسئلتك بالعكس حتى انو بتكسبني خبرة ....وتأكدي ان ما رح اتدايق أو يوجعني راسي ابدا ...بالعكس انا هيك برتاح...
    مشان موضوع الكرت ...لا انا متأكد من الحكي يللي قلتلك ياه ..(من مصادر موثوقة +عن تجارب ) بس كمان اكيد ان الجهاز كتير رح يتحسن لما تعملي فورمات ..وتنزلي ويندوز جديد ..ونصيحة يكون windwos7 64 bit انا هي نصيحتي الك ...
    اما ان السبب لان النسخة مو اصلية ...فأكيد هالسبب مو صحيح...وان كان الو علاقة فهيي ما رح تتعدى ال 1% ...ما اكتر ...لأن النسخ ال معاها كراك ...هي نفس النسخ الاصلية ومعاها اصلا الملفات يللي صنعتها الشركة الام ..وتاكدي ما بتفرق عن النسخ الاصلية ...بس ممكن تكون ناقصة ملفات ..وهي بتفرق من نسخة لنسخة (ما اصلية ) وكمان في نسخ ما اصلية وكاملة موجودة بالسوق ..الحكي عم ماكس وويندوز ...وبصراحة سألت عن هالموضوع ..وخصوصا مشان الماكس ..وأكدولي انها ما بتفرق ....
    وكمان نصيحة ...اذا كان سطح المكتب مليان ....نظفي ..عالآخر ,,,ولا تخلي فيه ملفات بحجوم كبيرة ...وعطول خلي نظيف ...لأن كمان بيأثر على عمل كرت الشاشة....وممكن يفرق كتير ....(انا مجربها ...)هههههه
    وهلا شفتي كيف انا ييللي بتأخر بالرد ...بس بدك تعذريني بهالايام ...لان عندي شوية امتحانات..

كلمات دلالية لهذا الموضوع

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل