استراحة متسابقين مسابقة الأحلام :: (اسأل وناقش)

[SENSE]

يخرب عقلك ياحسام طلعتونى يهودى
ماشى
اه نسيت اقولك عاشت الاسامى وانا مصطفى

[youngwise]

كلامك صحيح ان فيه منافسه بيننا جميعا لكن نحن نساعد بعضنا من منطق ان هناك منافسة اخرى بيننا وبين المصممين فى المجتمعات الاخرى فى الغرب وامريكا وغيرهم وهذه المنافسه يهمنا جميعا ان نشد من اذر بعض فيها
وبعدين لو كان الموضوع منافسه بس كانت الادراة قالت كل واحد يصمم فى بيتهم ويجيب التصميم فى موعد معين
لكن الهدف من فتح الورشة هو نقل الخبرات من المحترف للمبتدىء وهكذا
عاشت الاسامى يا درش بالتوفيق

[SENSE]

ربنا يخليك يا حس
الناس برا غير هنا خالص انا اتعاملت معاهم وشوفت ناس بتشتغل صح اوى
والحمد لله خدت خبرات جامدة منهم
والحاجة المميزة فى شغلهم اهتمامهم بالصغير قبل الكبير
بيهمتو بكل حاجة فى التصميم
لو حتى نقطة عالجنب كدا .. دى عندهم عنصر مهم ليه دور فى التصميم لازم يتظبط
انما انت عملت اكونت جديد ليه .. نسيت الباسوورد ولا ايه

[young wise]

لا عضويتى اتوقفت وانا بارفع صورة للمسابقة
فيه حاجة بتخلى الموقع يعتقد انى بارفع صورة بامتداد غير مسموح بيه مع انى والله بارفع صور جى بيج
الحمد لله المشرفين رجعوها بس دى تانى مرة تحصل لى ومش عارف دا بيحصل معايا لوحدى ولا ايه

[SENSE]

www.servimg.com
احسن سيرفر فى العالم كله
ومساحته مفتوحه وبقالى 6 سنين بتعامل معاه والصور مش بتتمسح
سجل وعيش

[ZOMBIE]

لا عضويتى اتوقفت وانا بارفع صورة للمسابقة
فيه حاجة بتخلى الموقع يعتقد انى بارفع صورة بامتداد غير مسموح بيه مع انى والله بارفع صور جى بيج
الحمد لله المشرفين رجعوها بس دى تانى مرة تحصل لى ومش عارف دا بيحصل معايا لوحدى ولا ايه

لا يا صديقي هذه تحصل حتى مع المشرفين

[SENSE]

انا عايز اسأل سؤال للسادة المشرفين

انا ممكن ادخل المسابقة بتصميمين وهما يختارو الاحسن ويرشحوه ؟؟

[نجيب الفاتح]

انا عايز اسأل سؤال للسادة المشرفين

انا ممكن ادخل المسابقة بتصميمين وهما يختارو الاحسن ويرشحوه ؟؟

لا يمكن المشاركة بتصميمين.
و لكن يمكنك في موضوع تطورات العمل ان تضع التصميمين و تأخذ رأي الأعضاء في أيهما أنسب لتضعه كعمل نهائي.
منعاً للتشتت نرجو وضع أي سؤال يخص المسابقة في الموضوع المثبت الخاص بالمسابقة حتى يكون مرجع لكل من أراد أن يشارك او يسأل عن المسابقة.
بالتوفيق.

[SENSE]

اها شكرا يانجيب

[SENSE]

ازيكو ياجماعه

انا ملاحظ ان نص المتسابقين مصريين

يعنى انا وحسام وعمر سعد وميدو وحمودى وعلى وزوم وغيرنا

انا عندى فكرة

لو حد كسب نوزع الجايزة علينا

واوعدكم لو انا كسبت هاخد الجايزة لوحدى

[PIXAR 2]

كان نفسي اكون معاكم بس لسه في بداية التعلم ان شاء الله السنة الجاية اكون معاكم

[Ims2050]

السلام عليكم

أرجوا المعذرة يا إخوان لقد فتحت موضوعاً في مسابقة الأحلام ولكني لم أستطع أن أكمله لكن إنشاء الله في المرات القادمة أخوكم إبراهيم...

[omar saad]

والله يا sense أنا عندي اجابتين لملاحظتك .......... واحده فيهم ( حقيقة مطلقة ) والتانية ( صراحة مفرطة ) ........ أما الأولي فهو اني ملاحظ ان كلنا بنعشق المنافسة والتحدي ودي صفة بتميزنا كمصريين ( بعيد عن بلاوينا التانية ) . أما التانية فهو وأعتقد برضه اننا أكتر الشعوب فلس علي أرض البسيطة ( بدون حسد يا جماعة ) . و دي فرصة لينا نزود فيها مصروف جيبنا شوية ..... يعني اللي حابب فينا يشرب بيبسي يشرب . او ياكل طبق كشري بكماله ماشي مفيش مشكلة ................ ايه اللي انا بقولو دا ؟

[young wise]

اخى الموضوع ليس بالعدد ربما متسابق واحد من دولة خير من عشرة من دولة اخرى
والجائزة ليست بالعدد بل بجودة العمل
وفى النهاية كلنا عرب ومسلمين وربنا يوفق الجميع لنيل ما يتمنوه

[SENSE]

كان نفسي اكون معاكم بس لسه في بداية التعلم ان شاء الله السنة الجاية اكون معاكم

كفاية بس مشاركتك لينا ومتابعتك
دى هتعلمك كتير وهتستفيد كتير
ان شاء الله تكون معانا وتكسب ياحبى

السلام عليكم

أرجوا المعذرة يا إخوان لقد فتحت موضوعاً في مسابقة الأحلام ولكني لم أستطع أن أكمله لكن إنشاء الله في المرات القادمة أخوكم إبراهيم...

وعليكم السلام

مش مشكلة ياابراهيم

كويس انك شاركت وحطيت اسمك

دى اثبات لنفسك انك هتقدر فى يوم من الايام

بتمنالك التوفيق