صفحة 1 من 18 1234511 ... أخيرأخير
النتائج المعروضة من 1 الى 20 من مجموع 347

موضوع: Lighting & Rendering work shop

ردود: 347 | زيارات: 88866
  1. #1
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666

    Lighting & Rendering work shop

    السلام عليكم
    رمضان كريم على الجميع
    من فترة انا بلاقي مواضيع كتير فيها اعمال ممتازة من ناحية المودلينج لكن بتتكعبل في منطقة الريندرينج بما فيها اللايتينج والشادينج - واسمحولي اربط التلاته هنا ببعض لانهم مرتبطين ببعض ارتباط وثيق ونتايجهم بتظهر اجمالا مع بعض - وكان معظم كلام الناس ليه الصورة النهائيه مش بتظهر بنفس جودة وقيمة العمل النهائي في بلاد بره ((( بلاد الخواجات )))
    وكمان لاقيت مواضيع تانيه فيها خلاف حول الاساليب نفسها لكن ما فيش اهتمام بالمضمون نفسه وفي راي ان ده غلط اسلوب التنفيذ بيختلف من شخص لاخر ومن بروجكت لاخر لكن في الاساس المهم هو تحقيق الهدف
    المهم قولت ليه منعملش ورشه >>> بشكل ادق هي حاجه زي ما تقولوا كده حلقة نقاش<<< نستعرض فيها الاسس والمفاهيم ونتيادل فيها اساليب التنفيذ وننتقدها ونبرز ايجابياتها
    مبدئيا الكلام حيبقى في المنتل راي لانه هو الريندر الاساسي ومش حنتكلم في نقطة الاقوى والافضل والكلام الغير عملي ده لكن لان المتاح للجميع وممكن بعد ما ننتهي منه ننتقل لاي ريندر اينجين تاني
    الورشه حتتقسم لتلت مراحل .......... الاولى حنتكلم فيها عن الاضاءه انواعها وتقسيماتها واعدادتها وحنعمل شوية تطبيقات عمليه لمحاكاة الاضاءات وتاثيراتها المرحلة التانيه ودي حنتكلم فيها عن الشادينج ونتكلم عن الخامات واساليب تكوينها وتركيبها لتحقيق تاثيرات الخامات المختلفه بالاساليب المتنوعه ونشوف مجموعة الاعدادات المرتبطة بيها وطاااابعا حنعمل برده تطبيق عملي لمحاكاة انواع مختلفه من الخامات وتاثيراتها
    اما المرحله التالته حنتكلم فيها عن الريندر اعداداته انواعه اساليبه وحنستعرض بعض التريكس اللي بتستخدم احترافيا لتحقيق صور معينه من الريندر
    الورشه بالنهايه هي محصلة عمل المجموع وليس فقط مجرد طرح المعلومات من ناحيتي فبرجاء من الجميع المشاركه سواء بالطرح او بالمناقشه از بالتطبيق والنقد لان ممكن اوي في النهايه نخرج بمرجع عربي قوي جدا في الجانب ده من الشغل
    وربنا يوفقنا جميعا وبسددنا لما هو صواب


  2. #2
    عضو نشيط
    صور رمزية ba7med
    تاريخ التسجيل
    Jan 2009
    المنطقة
    أرض النيلين
    ردود
    848
    فعلا موضوع مهم يلا يا شباب عاوزين مواضيع قوية زي دي في انتظار ضربة البداية..
    سيد الإستغفار
    اللهم أنت ربي, لاإله الا أنت خلقتني وأنا عبدك وأنا على عهدك ووعدك ما استطعت, أعوذ بك من شر ما صنعت, أبوء لك بنعمتك علي وأبوء بذنبي فأغفر لي فأنه لا يغفر الذنوب إلا أنت
    اللهم فرج هم المسلمين
    اللهم صلي على سيدنا محمد وعلى آله وصحبه أجمعين

  3. #3
    انا معاكم ان شاء الله
    عاوزين نبدا من النهارده

  4. #4
    أحمد نبيل1 سابقاً
    صور رمزية A. General
    تاريخ التسجيل
    Jan 2010
    المنطقة
    الأردن
    ردود
    1,048
    ليست فيراي للأسف...
    تحياتي
    أحمد نبيل


    أصغر حبة بندورة بالعالم من تصويري



    سبحان الله وبحمده
    سبحان الله العظيم

  5. #5
    انا معااااااااااااااااااااااااااااااااك للنهايه انا كنت بفكر اعمل الورشه دى والله بس بما انك سبقتنى ودبست نفسك قشطه البس بقى يا معلم هههههه انا بهزر معاك بس لو كده انا مش بتاع كلام نظرى وشرح لو فيه حاجه عملى او مشاكل بتقابل الناس انا فى الخدمه وده تخصصى الى بحبه ربنا يوفق الجميع ونستفاد من الورشه .
    الأهلى فوق الجميع
    alaaelmansy

  6. #6
    قبل ضربه البدايه بسم الله نبدا طبعا بس عاوزين نتفق ازاى هيبقى مسار الموضوع عشان يبقى مرجع سهل بعد كده فى تصفحه ولو فيه امكانيه يحول لفايل pdf ويبقى كتيب واى اقتباس من مصادر خارجيه يبقى بأعلى جوده وبدون علامات مائيه ومختصر ومفيد يعنى محدش يوضع فديو لدرس كامل مثلا يشرح اضائه مشهد امال الورشه هيبقى لزمتها ايه ؟ وعلى بركه الله .
    الأهلى فوق الجميع
    alaaelmansy

  7. #7
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    اقتباس الموضوع الأصلي كتب بواسطة أحمد نبيل1 معاينة الرد
    ليست فيراي للأسف...
    صحيح هو مش فيراي بس حتلاقي ان الموضوع بيتناول كتنير من الاساسيات التي تحتاجها مع اي مصير بصفه عامه

    اقتباس الموضوع الأصلي كتب بواسطة elmansy معاينة الرد
    انا معااااااااااااااااااااااااااااااااك للنهايه انا كنت بفكر اعمل الورشه دى والله بس بما انك سبقتنى ودبست نفسك قشطه البس بقى يا معلم هههههه انا بهزر معاك بس لو كده انا مش بتاع كلام نظرى وشرح لو فيه حاجه عملى او مشاكل بتقابل الناس انا فى الخدمه وده تخصصى الى بحبه ربنا يوفق الجميع ونستفاد من الورشه .
    هو احنا على كل حال مش حنقول كلام نظري لكن حنفد معلوماتنا العمليه ونحاول نبروزه على اسس ما

    اقتباس الموضوع الأصلي كتب بواسطة elmansy معاينة الرد
    قبل ضربه البدايه بسم الله نبدا طبعا بس عاوزين نتفق ازاى هيبقى مسار الموضوع عشان يبقى مرجع سهل بعد كده فى تصفحه ولو فيه امكانيه يحول لفايل pdf ويبقى كتيب واى اقتباس من مصادر خارجيه يبقى بأعلى جوده وبدون علامات مائيه ومختصر ومفيد يعنى محدش يوضع فديو لدرس كامل مثلا يشرح اضائه مشهد امال الورشه هيبقى لزمتها ايه ؟ وعلى بركه الله .
    هو انا قلت احنا ايه النقط الاساسيه اللي حنتكلم فيها وحنتكلم فيها ازاي بعد كده التفاصيل الداخليه لكل نقطه متروكه لمسار الحديث لانها برده ورشه باسلوب حلقات النقاش فانا بقول معلومه مرتبطه باسلوب شغلي وانت ممكن تكون بتشتغل باسلوب تاني وعندك ملاحظات على معلوماتي او اي تعليق على اسلوب الشغل بتاعي فطبعا مرحب بيه لان هدفنا ان كلنا نستفيد وطبعا زي ما قلت اي مصدر خارجي يضيف ويزود معلوماتنا اهلا وسهلا بيه

    وعلى بركة الله نبدء

  8. #8
    انا معاكم ان شاء الله
    الله يسهل للجميع

  9. #9
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    بسم الله الرحمن الرحيم
    اولا الاضاءه
    في البدايه في شوية دردشه معلومات عامه نتكلم فيها عشان بعد كده حيبقى ليها عامل مؤثر في فهمنا للاضاءات
    اول حاجه نتكلم عنها في الضوء هو عباره عن ايه ؟؟؟
    عموما كل المصادر العلميه حاطه من ضمن تعريفه انه عباره عن انبعاث حراري
    ودي معلومه جوهريه لان منه نفهم ان الضوء ناتج عن حراره وبالتالي باختلاف المصدر بيختلف شكله وعليه الضوؤ بيعبر عن جو المكان اللي بينوره
    الضوء دايما بترتبط به مجموعه من الظواهر الطبيعيه زي الانكسار Refraction والانعكاس Reflection والحيود Diffraction والظلال shadow الارتداد الشعاعي Radiosty مجموعة الظواهر دي بتساهم في تشخيص الضوء وتحقيق واقعيته والظواهر دي عادة مرتبطة بتلت حاجات وبالتالي بتاثر في الصورة بتاعتنا بناء عليهم وهم الضوء ومصدره نفسه الحاجه التانيه البيئه الموجود فيها الضوء هواء .. ماء .. فضاء.....
    الحاجه التالته وهي طبيعة خامات الاجسام الساقط عليها الضوء او المعرضه ليه
    وطاااااااااااااااابعا فيه مجموعة ظواهر ممكن نسميها الظواهر التابعه واللي بتترتب على الكلام ده يغني الانكسار Refraction بييجي بعديه الكوستيكس Cuastics الحيود Diffraction بييجي بعديه الطيف اللونيSpectrum طبقيات الضوء ( ودي ترجمه بتصرف ) Volume

  10. #10
    شكلي كده هستفيد من الورشه دي الكثير والكثير ان شاء الله

  11. #11
    متابع معاك .
    الأهلى فوق الجميع
    alaaelmansy

  12. #12
    وانا معاكم خصوصا اني بشتغل منتل راي وكل الورش في المنتديات العربية فيراي
    جزاك الله خير اخي الكريم وجعلها في ميزان حسناتك

  13. #13
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    نتابع الدردشه...
    ومعلهش هي حتة الدردشه دي فيها رغي شويه بس فعلا هي ضروريه قبل البدء
    نكمل تفسير شوية الظواهر المترتبه عل الضوء
    والانعكاس Reflection
    دي عبارة عن ارتداد للضوء عن سطح جسم اصطدم بيه اثناء مساره ... طبعا ده كلام مفهوم مسبقا طيب الكلام ده بيترتب عليه ايه ...
    بيترتب عليه تلت حاجات تتعلق بالضوء و بالمشهد و بالجسم العاكس
    بالنسبه للضوء بيتغير مساره بزاويه قائمه وتظهر بقعة ضوء في مكان اخر غير مرتبط بموقع مصدر الاضاءه ولكن بشكل اخف
    بالنسبه للمشهد الكلام ده بيعتبر لود على انارة المكان يعني بيزيد فيها حسب قوة الضوء ولو المصدر قوي طبعا ممكن يعمل اوفر شوت Over shot يعني في اماكن بتختفي ورا هالة من الضوء
    اما بالنسبه للجسم العاكس حيحصل عندنا حاجه اسمها بقعة الانعكاس Speculaer ودي بيرتبط شكلها ومساحتها ولونها على طبيعة الخامه نفسها ودرجة قدرتها على عكس الاضواء فالشكل بيختلف من معادن لبلاستيكات لزجاجيات ون اسطح لامعه لاسطح قليلة اللمعان لاسطح شديده اللمعان وهكذا......
    Freelancer 3d Generalist & VFX artist
    http://www.behance.net /shrifazmy/frame

  14. #14
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    الانكسار Refraction
    الظاهره دي بتحصل نتيجة انتقال الضوء ومروره من وسط لوسط اخر ثم لوسط ثالث كلهم متغيري الكثافه
    يعني كان مساره في الهواء ثم نفذ خلال زجاج ثم هواء مجددا وبيكون الانكسار عبارة عن انحراف في مسار الضوء نفسه
    وطبعا يشترط لتحقق موضوع الانكسار ده ان كل الاوساط اللي بيمر فيها تكون ليها خاصية الشفافيه وحسب درجة شفافية وكثافة الوسط الثاني بيتكون قوة الضوء في الوسط الثالث ولونه طبعا
    ورغم ان كل شروط وارتباطات الانكسار متوقفه على خامة الوسط الثاني لكن هي ظاهره خاصة بالضوء
    Freelancer 3d Generalist & VFX artist
    http://www.behance.net /shrifazmy/frame

  15. #15
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    الحيود Diffraction
    الى حد ما هو يشبه الانعكاس والانكسار فالحيود هو انحناء يحدث للضوء نتيجة مقابلتها لعائق ما تكون خصائصه متتابعه مثل مثلا مروره خلال فتحتين ونتيجه لذلك تتداخل الموجات الضوئيه وتحدث هذه الظاهره

    وتظهر هذه الظاهره في حياتنا اليوميه باشكال متعدده مثلا الحلقات التي تظهر حول الشمس والقمر في حالة وجود سحب خفيفه
    وايضا الحلقات الضوئيه التي تبدو مع سقوط الضوء على سطح السي دي
    Freelancer 3d Generalist & VFX artist
    http://www.behance.net /shrifazmy/frame

  16. #16
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    الظلال shadow

    تحدث الظلال بكل بساطه ((وزي ماكلنا عارفين )) نتيجة وجود حائل غير منفذ للضوء او محدود النفاذيه وعموما اي قدر من الضوء ايا ما يكون مصدره حيعمل ظلال واي جسم ايا ما تكن درجة نفاذيته او شفافيته بردوا ليه ظل
    يعني فوارق الظلال مش في وجودها من عدمه ولكن بتيجي في جوانب اخرى
    كثافة الظل ...
    حجمه ....
    وضوح حدوده
    فمثلا قرب الجسم من مصدر الضوء وبعده عن السطح اللي بيتلقى الظلال بيخلي حجم الظلال كبير واطرافها شديدة النعومه كما ان الظل بيبقة لونه خفيف


    وكمان حجم مصدر الضوء بيفرق في اوصاف الظلال فمصادر الضوء الكبير الحجم او الذي يغطي ضوءه مساحات كبيره (( الشمس مثلا )) بتكون ظلاله ناعمه ومترامية الاطراف لانها بالطبع بتكون بعيده عن الجسم والسطح بيكون اقرب اليه
    وناخد في اعتبارنا برده ان طبيعة الجسم اللى بيستقبل الظلال بتشارك بشكل محدود نوعا في مواصفات الظلال زي الورة دي وشكل اظل على السحاب مع ان السحاب مش سطح ملموس الا انه بيستقبل ظلال وبرده بيرمي ظلال
    !!!!!!


    عموما الظلال هي عنصر مكمل في الحياة ووجوده ضروري مع الاضاءه
    وغياب احدهم ينفي وجود الاخر
    يعني ما ينفعش يكون في نور من غير ظلال
    لكن وجوده بوضوح شديد في الصورة قد يعطي انطباعت غير مرغوب فيها
    عشان كدا بيتم التركيز على النقطه ديه في اللوحات
    فتوازن الضوء والظلال بيشارك في انطباع وجو اللوح والصور
    اضاءه كثيره مع ظلال خفيفه يعطي انطباعات بالتفاءل والفرح
    اضاءات كثيفه وظلال ثقيله حاده يعطي انطباع بالسخونه والملل
    اضاءات خافته وظلال كثيفه يعني غموض وخوف وشر وزكي رستم
    وهكذا
    Freelancer 3d Generalist & VFX artist
    http://www.behance.net /shrifazmy/frame

  17. #17
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    الارتداد الاشعاعي Radiosty

    وهو عباره الاناره المرتده نتيجة تصادم وتشتت الضوء على الاسطح وهو يعتبر نتيجه للانعكاس لكنه ايضا يحدث مع الاسطح الغير عاكسه في سطح يمتص قدرا من الضوء ويعكس القدر المتبقي وعموما انارة اي مكان بصفه عامه لا تتوقف على مصادر الضوء فقط ولكنها يضاف عليها هذه الظاهره كمصدر اضافي او غير مباشر
    فالشمس هي التي تنير ما حولنا لكنا ايضا تبعثر اشعة الضوء على السحاب والمباني والطرق والاسطح المختلفه هو ما يساهم في توزيع الاناره في عالمنا
    كما ان الوان الاشياء تساهم فيها هذه الظاهره فعند ارتداد الضوء من على سطح هو فهو يحمل معه لون هذا السطح بالتالي فان كل سطح يسقط عليه شعاع الضوء المرتد يختلط لونه باللون الاخر على نحو ما وهو مايسمى النزف اللوني Color Bleading
    وهي من الظواهر التي تسهم في تشخيص الاضاءات في اللوح والصور
    Freelancer 3d Generalist & VFX artist
    http://www.behance.net /shrifazmy/frame

  18. #18
    تمام قوى الكلام ده
    الأهلى فوق الجميع
    alaaelmansy

  19. #19
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666
    انواع الضوء
    هناك فئتان اساسيتان يندرج تحتهما الضوء
    الفئه الاولي هي الاضاءه المباشره Direct وهي عباره عن مصدر او منيع للضوء بذاته مثل الشمس والشموع وتامصابيح والنيران وكل ما يصدر عنه نشاط حراري
    الفئه الثانيه وهي الاضاءه غير المباشره Indirect وهي عباره عن مصدر لاضاءه بناء او اعتمادا على مصادر اضاءه مباشره بدونها لايشع هذه الاضاءه مثل اضاءة الافق او السماء فهي تعتمد على الاضاءه القادمه من الشمس والنجوم الاخرى ليكون لها اضاءه من حولنا تسبغ لونها الازرق على العالم ومع غياب الشمس يتغير مستوى الاضاءه
    وايضا ظاهرة الارتداد الاشعاعي Radiosty التي تحدثنا عنها مسبقا هي صوره رئيسيه من صور الاضاءه غير المباشره
    Freelancer 3d Generalist & VFX artist
    http://www.behance.net /shrifazmy/frame

  20. #20
    عضو نشيط
    صور رمزية ShrifAzmy
    تاريخ التسجيل
    Aug 2008
    المنطقة
    Cairo, Egypt, Egypt
    العمر
    39
    ردود
    666

    Thumbs down

    وبكده اعتقد يبقى وصلنا لنهاية الدردشه (( ياريت لو حد عنده اي اضافه يا ريت يضيفها مشكورا )) ونبدء نتكلم في اساليب الاضاءه في الماكس وهي حتكون متقسمه للنقط دي :
    - ادوات الاضاءه في الماكس
    - الاضاءه المباشره في جو خارجي
    - الاضاءه غير المباشره في جو خارجي
    - الاضاءه المباشره في جو داخلي
    - الاضاءه غير المباشره في جو داخلي
    - حالات خاصه
    Freelancer 3d Generalist & VFX artist
    http://www.behance.net /shrifazmy/frame

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل