تمام يا استاذ شريف بس الأول اقبل ما نتكلم عن اساليب الأضائه فى الماكس ندردش شويه برده فى طبيعه المنتال راى ونحبب الناس ونشجعها على العمل بيه وطبيعه العمل بهذا البلجن
الأهلى فوق الجميعalaaelmansy
الورشه دى نامت ليه كده ؟
الأهلى فوق الجميعalaaelmansy
الورشه ما نمتش ولا حاجه يا صاحبيالموضوع الأصلي كتب بواسطة elmansy
بس هي هدنه عشان بردوا نشوف مدى اهتمام الناس يالموضوع عشان ما نتعبش نفسنا في موضوع ما يهمش حد
خاصة اني شايف انك الوحيد المتابع
ههههه
كل سنه وانت طيب
ازاي ميهمش حد .. اكيد الناس مهنمه اكيد
الموضوع رائع جداً ومش نايم ولا حاجة ...... الزوار ٣٧٢ .
فى إنتظار إستكمال الدردشة ............. والله الموفق .
السلام عليكم .. أنت ماشى بتسلسل كويس ربنا يوفقك ، وأنا معاك إن شاء الله لأنى حابب آخد فكرة عن المنتال راى ، وعلى فكرة أنا مؤمن تماما بأن نجاح أى لقطة يتوقف على نجاح الأضاءة والريندر بنسبة 85% .. فلتتخيل أهمية الموضوع اللى انت بتقدمه ربنا معاك ..
صح كلام مزبوط جداااا
الأهلى فوق الجميعalaaelmansy
أين الجديد ..؟؟
بارك الله فيكم يا اخوان
ان شاء الله نستكمل الدردشه لكن اعذروني
ان كنت بتاخر بعض الشيء
انتوا عارفين بردوا فروض الشغل
وربنا يوفقنا جميعا
الاضاءه في الماكس
ادوات الاضاءه
فعليا ادوات الاضاءه في الماكس تنقسم لثلاث فئات وهي
1- اضاءه مباشره
2- واضاءه غير مباشره
3- وتاثير الاضاءه ( وهم الاضاءه )
الاضاءه المباشره
ودي بتعني الاضاءات بصفه عامه واللي بتصدر ضوء بشكل مباشر في المشهد زي الاومني والاسبوت وغيرهم
ودي نوعين النوع الاول هو الاضاءه القياسيه Standard
والنوع الثاني زهز الاضاءه الفيزيائيه Photomatric - هي مش ترجمه دقيقه للمصطلح لكن لتقريب لوصف -
ونبدء بالاضاءه القياسيه Standard
بارك الله فيك أخى الكريم موضوع رائع متابعين ........
Target spot & Free spot
هذا النوع من الاضاءه يقدم لك اضاءه منبعثه من نقطه لتنتشر في شكل مخروطي او قمعي في اتحاه معين وينتج عنها بقعه ضوئيه ناعمة الحواف
عشان كده النوع ده من الاضاءه ممتاز في تمثيل الاضاءات الصادره من اسبوتات - طبعا ما هو ده اسمه -
وكمان بتستخدم في عمل تاثير للفت الانتباه
يعني ممكن ما نستخدموش نفسه في الاضاءه لكن في عمل يقعه للتركيز وهنا طبعا ما فيش ظلال
زي مثلا اضاءات الاستوديو
طيب هل ينفع نستخدمه لتمثيل الاضاءات الطبيعيه
عموما مش ممكن لان مصادر الاضاءه في الطبيعه مش صادره من نقطه واحده ولكن بسبب كبر المصدر والمسافات التنينيه بين الارض وبينها بتبقى الاضاءه جي من عدة نواحي بالاضافه طبعا لعوامل التشتت والتبعثر
لكن ممكن نستخدم النوعيه ديه لعمل تاثير اضاءة القبه السماويه لكن بمجموعه منها و شوية لعب في الاعدادات
طيب اعدادات النوعيه ديه
General parameters
هنا ممكن تحدد نوع الاضاءه اذا كانت سبوت او دايركت او اومني وتفعل الاضاءه او تلغي التفعيل وتحدد اذا كانت الاضاءه ليها تارجت او لا وتفعل اسقاط الظلال وتختار طريقة حساب الظلال من خلال مجوعه من الشادو مابز ودول حنتكلم عنهم بالتفصيل بعد شويه
Intinsity/Color/attinuation
هنا بقى بنحدد مدى قوة الاضاءه ولونها وبنختار اسلوب تناقص الاضاءه Decay ما بين لا تناقص او معكوس او معكوس تربيعي
وكمان عندنا خيارات الاتينيواشن اللي هي مدي التاثير
أخر تعديل بواسطة ShrifAzmy في 09 / 09 / 2010 الساعة 05:27 PM
جميل جدااا
الأهلى فوق الجميعalaaelmansy
Spot light parameters
هنا بقى تقدر تتحكم في مواصفات الاسبوت بتاعك اذا كنت عاوز المخروط بتاع الضوء دائري او مربع
عايزة يكون فيه اوفر شوت يعني نقاط سطوع شديده
advanced effects
هنا دي مؤثرات عشان الاضاءه نفسها يعني عندك contrast ودا درجة التباين بين المساحات المضاءه والغير ودرجة التنعيم لحواف البقع الضوئيه وكمان تاثير الضوء ما بين diffuse يعني الضوء بيئثر في الوان الخامات ويكون باين فروق بين اماكن مضيؤه وغير speculaer ودا يعني النور يكون ليه تاثير في الخاصيه دي في الماده فتظهر له بقع سطوع على الاسطح ودا لو ان الضوؤ له وجود مادي في المشهد زي الاضاءات المباشره ( شمس لمبه شمعه ...... ) ambient ودا يعني ان الضوء هنا لانارة المشهد بس لكن ما فيش تاثير ضوئي ملموس زى ظلال وغيره ودا مثلا للاضاءات الغير مباشره زي انارات الافق
shadow parameters
في المكان ده تتحكم في مواصفات الظلال لونها درجة قوتها لو عاوز تحط خريطه للاظلال عشان توحي بظلال معينه زي تاثير السحاب اللي بيتحرك ظله على الارض وكمان لو عاوز النور ياثر في الظل ولونه وده طبيعي لان عادة الظل لونه من سببين السطح اللي هو عليه ولون النور اللي عمله
كمان تتحكم في تاثير الظل على الاتموسفير او البيئه المحيطه
ray traced shadow parameters
المساحه دي بقى مش دايما بنفس الاسم
لانها دايما بتتغير بتغيير المابه اللي احنا محددينها للظلال في التبويبه بتاعة general parametersيعني لو اختارنا Area shadows حيبقى اسمها اريا شادوس لو اختارنا مابة ابو خليل يبقى حيكون اسمها ابو خليل
وبالتالي نفهم ان دي عشان نتحكم في اعدادات المابه
atmosphere & effects
الاعدادات اللي هنا علشان نتحكم في التاثيرات الجويه للضوء اللي هي التاثيرات اللي بتحصل مع وجود الضوء في ظروف جويه معينه
زي تاثير العدسات وتاثير الـ Volume light اللي سبق واتكلمنا عليه
mental ray inderict illumination
هنا بقى الاعدادات المرتبطه بحساب الاينديركت ليمينشن في المنتل راي فتقدر من هنا تتحكم في مقدار الاضاءه المرتده لكل مصدر ضوئي في المشهد على حدا وبالتالي تظبط توقيت الريندر على الضروري
زدي حته نوعا احترافيه ومهمه جدا حنتكلم عنها بعدين
بعد كده باقى الانواع
Direct light
Omni
كلهم ليهم نفس الاعدادات واحنا عموما حنوقف عند الادوات مؤقتا على دول
والباقي حنخليه مرحله تاليه
دلوقت اول حاله عمليه
اول حاله عمليه
Basic exterior scene
احنا عندنا المشهد التالي
المشهد زي ما انتوا شايفين من غير اي اضاءه
المطلوب نور الدنيا بشمس مش اكتر
فقط الشمس
ونتكلم بناء عليه
طبعا احنا لسه ما اتكلمناش في المنتل راي فاتصرف براحتك
واللى عاوز يحمل المشهد جاهز
التحميل من هنا
http://www.megaupload.com/?d=1YTENIVQ
ان شاء الله احنا مش حنقدر نكمل الورشه من غير تجاوب
فلازم الناس تحاول تشتغل معايا عشان نقدر نطلع نتايج ونكمل
لكن الموضوع متاح للمشاهده بدون تجاوب وتطبيق
افتكر ان دي سلبيه خاصة واحنا لسه حتى ما مشيناش خطوة حتى في موضوعنا الطويل
انا اسف جدا يا جماعه لو ما كملناش
السلام عليكم
أخي الكريم ( ShrifAzmy) استأذنك فقد قمت بتجميع لشرحك المتميز وحفظته بصيغة ( pdf) وهذا هو الرابط
http://www.zshare.net/download/803347913e463459/
بسم الله الرحمن الرحيم
قوانين الموضوعات
Bookmarks