Lighting & Rendering work shop

[ShrifAzmy]

والتريج ده قيم الوانه بالكلفن ما تقلقش
طيب اسئلني بقى بس اللون اللي بيساوي قيمة 1700-1800 درجة من الاورنج اقرب للاحمر مالوش علاقه بالالوان اللي جنبه واللي هو اقرب للكموني
طب ازاي؟؟!!
لا هو هو فعلا
بس احنا قلنا ان اي لون مجموع لونه مع العناصر المحيطه بيه
فيفترض ان عود الكبريت بيتاثر بعناصر الاضاءه في المكان فلو خدت الـ 1700 وعملت عليها معامل تصحيح لوني Color balance بالقيمه اللي هو قال عليها فوق 3200 بتاعة اضاءة المكان الداخلي حتلاقي اللون هو هو
شوف مثلا الصوره ديه بعد شوية تعديلات في معاملات التصحيح في الفوتوشوب

[ShrifAzmy]

تغيير معامل تصحيح الالوان محسسك بتغير توقيت التصوير او تعديل مصدر الاضاءه
والحتت دي حنتعامل معاها بالتفصيل الممل لما حنتكلم بعدين عن موضوع الاكسبوجر في المنتل راي
وبرده الجزئيه ديه اللي بنتكلم فيها تطبيقها اوسع لما حنوصل للفوتومتريك لايت
شوف برده الصوره ديه وازاي ان تغيير كلفن الضوء بيغير لون الضوء

[elmansy]

ايه الجمال ده شغل على ميه بيضه ولو ان فضولى مخلينى عاوز اعرف معلومات اكتر عن Mired ده بس ححاول اشوفه مع نفسى كده على الوكى بديا وبالنسبه لاقتراح محمود هو اقتراح جميل بس برضو النظرى ده مهم جدااا وانا مش حابب نفوت فتفوته .

[ShrifAzmy]

ايه الجمال ده شغل على ميه بيضه ولو ان فضولى مخلينى عاوز اعرف معلومات اكتر عن mired ده بس ححاول اشوفه مع نفسى كده على الوكى بديا وبالنسبه لاقتراح محمود هو اقتراح جميل بس برضو النظرى ده مهم جدااا وانا مش حابب نفوت فتفوته .

يا عم منسي الله يخليك
ومتشغلش بالك اوي بموضوع الميرد لانه قصه بعيده عن مجالنا تماما لكنه معلومه عامه مش اكتر
احنا ان شالله مش حنوقع حته بس الناس تتفاعل معانا
لحد النهارده في 1100 واحد زاروا الموضوع يعني في ناس مهتمه
لكنهم مشاركتم صفر
مش عارف ليه مكسلين مع ان الموضوع مفيد ومهم
وحيفاجئوا بعد شويه باللي حيقابلوه في الورشه
عموما ارجو ان مشاركتهم تبدء م اللي جي ان شاء الله

[ShrifAzmy]

نبدء بردوا نطبق الكلام اللي فات ده في الماكس
وبردو احنا مازلنا على بر المنتل راي
عاوز تستخدمه في الريندر انت حر بس من غير اعدادات دلوقت
الاضاءات برده حتفضل الاستندارد
دا لينك تحميل الملف والملف ده احنا حنستخدمه كتير الفتره الجايه
http://www.megaupload.com/?d=FGV7S8H0
الملف دا في اكستريور فيلا من غير اضاءه
صورته كالتالي

[ShrifAzmy]

عشان ننور مشهد لازم نبدء الاول بالاضاءات الضعيفه
لانه مش حتبان لو اتحططت بعد الاضاءات القويه
خاصة لو كانت الاضاءات ديه محيطيه
فانا بدءت بظبط اضاءه القبه السماويه
ونورت المشهد كالتالي



يمكن مش حتحس بالاضاءه بسرعه لكن حتحس بمسحة اللون الازرق على المشهد وهو ده المطلوب - خلي بالك ان ما فيش راديوسيتي يعني لو بترندر منتل راي لازم تقفل الفاينال جاذر -

[ShrifAzmy]

ان طبعا عملت الاومني لايت ده امبينت عشان انا عاوز املى بيه من غير ظلال
وبعدين حطيت دايركشنال لايت مع لون يوحي بالضحي
وشادو ماب مع تنعيم الظلال بشكل متويط لان الشمس الفتره دي بتبقى وسط في رسم حدود الظلال

وكانت النتيجه كالتالي


نحاول بقى نطبق الكلام ده ونتشارك سوا في النتايج
عاوزين نجري شويه وندخل على الكلام اللي بجد مش حنفضل كده على طول تاته تاته
ههههه

[elmansy]

انا هطبق اهه وارفع الصوره فكره الاومنى لايت الى امبدينت دى صايعه

[elmansy]

لكن فيه سؤال صغير انت نعمت الظلال ازاى مع العلم ان ده دايركشنال لايت وشادو ماب ؟

[elmansy]

انا عملت زى ما حضرتك كاتب بالظبط بس موضوع تنعيم الظلال اعتقد ان حضرتك عامل mr Area Spot مش دايركشنال لايت

[ShrifAzmy]

انا عملت زى ما حضرتك كاتب بالظبط بس موضوع تنعيم الظلال اعتقد ان حضرتك عامل mr Area Spot مش دايركشنال لايت

لا هو فعلا دايركشنال لايت زي ما قولت
انت عندك في اعدادات اللايت تبويبه خاصه باعدادات الشادو ماب
عندك فيها تلت خانات
bias ودي بتتحكم في قرب الشادو من الاوبجكت بتاعك يعني كل ما ترفع القيمه هنا كل ما الشادو حيبعد عن المجسم بتاعه ويحسسك انه طاير عن الارض
شوف الصورة دي بالديفلت بياز


اما الصوره دي بعد ما دبلرنا البياز

size دي بقى بتاعة حجم البيكسيلز في الشادو ماب ودي اللي بتتحكم في حاجه اسمها الانتياليزينج للظل
يعني شوف الصوره دي من هيلب الماكس



sample range وده بيت القصيد من هنا ممكن تنعم الشادو بتاعك
شوف الصوره دي بردو من هيلب الماكس

[بدران]

أنا نزلت ملف العمل .... وإن شاء الله هارفع تطبيقى بعد صيانة جهازى ..
الورشه دى ناجحة جداً ....

[ShrifAzmy]

اهلا وسهلا بيك
والف لا باس على جهازك

[elmansy]

لا هو فعلا دايركشنال لايت زي ما قولت
انت عندك في اعدادات اللايت تبويبه خاصه باعدادات الشادو ماب
عندك فيها تلت خانات
bias ودي بتتحكم في قرب الشادو من الاوبجكت بتاعك يعني كل ما ترفع القيمه هنا كل ما الشادو حيبعد عن المجسم بتاعه ويحسسك انه طاير عن الارض
شوف الصورة دي بالديفلت بياز


اما الصوره دي بعد ما دبلرنا البياز

size دي بقى بتاعة حجم البيكسيلز في الشادو ماب ودي اللي بتتحكم في حاجه اسمها الانتياليزينج للظل
يعني شوف الصوره دي من هيلب الماكس



sample range وده بيت القصيد من هنا ممكن تنعم الشادو بتاعك
شوف الصوره دي بردو من هيلب الماكس

سورى يا ريس تاهت من دماغى خالص شوف النتيجه دى كده

[midou25]

السلام عليكم ورحمة الله تعالى وبركاته ......
قبل كل شيئ أشكر الاخ

ShrifAzmy

على هده المبادرة الخيرة والتي إن شاء الله ستعود على الجميع بالفائدة
وان شاء الله سأنظم اليكم في هده الدورة ...
وأرجو من الاخوة الاعضاء في هدا المنتدى الراقي أن يتفاعلو مع الدورة لان المناقشة تزيد همة المنظم....
تقبلو اخواني هدا التدخل ......