أنيميشن معمارى لأكبر مول تجارى فى قطر

[ah_elsisi]

ما شاء الله عمل جميل ولكن
اولا فعلا من ناحيه البيئه الخارجيه والشوارع والعربيات والكلام ده العمل مش قوي ومعلش انا معترض معاك في كلامك خالص
كم من تصميمات مباني بسيطه جدا وتقريبا مفيهاش اي افكار جامده بس اللي بيحليها البيئه المحيطه والحاجات اللي انت بتقول عليها مش مهمه ومش معني ان واحد او اتنين طلبوا منك كده يبقي السوق كله ماشي كده لا
واحب انصحك نصيحه لوجه الله يا ريت تجيب شغل الشركات اللي بتعمل جرافيك معماري وتتفرج عليها وخصوصا الشركات الاجنبيه عشان تعرف يعني ايه فعلا عمل واقعي
ومش معني انك انت مطبق افضل اعدادات الرندر وعامل كلور كوريكشن علي العمل يبقي انت كده عملت اللي عليك لا انا يهمني في الاخر جوده العمل ان شالله تعمله ببرنامج باور بوينت انا ليا في الاخر نتيجه العمل
اصل هيا مش قص ولزق ولا حفظ ورص اعدادات لا الموضوع اكبر من كده
وعلي فكره بقي انا شايف الموشن جرافيك اللي معمول في الفيديو ده احسن من العمل ذات نفسه هههههههههههههه
وياريت متفكرش اني بقلل من شغلك ولا حاجه ولا مجهودك انا بس بنصحك نصيحه لوجه الله
مش اكتر ولا اقل
بس في النهايه مجهود كويس وشغل جميل
واهتم اكتر في المشاريع الجايه وبالتوفيق ليك