سؤال فى رندر الانيميشن

[samora lov]

السلام عليم اخوتى واعضاء المنتدى الكرام
كنت عايزة اسأل عن رندر الفيراى فى الانيميشن كنت بشوف ناس هنا بيعرضوا اعمالهم المتحركة ويقولوا مدة الرندر استغرقت شهر كامل مثلا او اكثر من 48 ساعة لعمل رندر للوجو
كدة هيبقى فكرة عمل الرندر بالفيراى مستحيلة ولكن للاسف كانت احسن الاجوبة ان الفيراى اقوى المقابس واقعية واحسن فى الرندر
علشان كدة عايزة اعرف هل الاجانب لما بيعملوا فيلم جرافيك بيعملوا رندر بالفيراى ولا فيه برامج تانية اساسا هما بيستخدموها ؟ ولو بيستخدموا الفيراى ازاى بيقعدوا مدة الشهر فى الرندر دى ؟ ولو طلع ناقص حاجة بعد دة كله يرجعوا يظبطوها ويستنوا شهر تانى ازاى ؟
واللى بيقولوا مدة الرندر شهر مثلا او اكتر او اقل ازاى بيسيبواالجهاز شغال المدة دى كلها ؟ولا بيعملوا ايه علشان الرندر يكمل؟ لان كدة الجهاز لشهر واحد بس هيبوظ مش هيكمل
ارجو الرد لانى كنت بفكر اشتغل فى مجال الانيميشن ولما لقيت الموضوع بيوصل لشهر او اكتر اتصدمت
فياريت الاخوة الكرام يوضحوا النقطة دى ليا وللاخوة اللى ممكن يسألوا نفس السؤال دة
واكون شاكرة جدا ليكم

[SENSE]

لا ياسمر انتى فاهمة غلط

انا لما قولت مدة الرندر شهر كامل كان على اوقات متقطعة

يعنى مش بسيب الجهاز مفتوح طول المدة دى

برندر مشاهد وبعد كدا اوصلهم ببعض فى المونتاج

وعلى فكرة انا بستعمل مينتال راى عشان اقوى بكتير من الفيراى واسرع

وبخصوص الاجانب فهما بيستخدمو حاجة اسمها Render Farm

ودا عبارة عن توصيل جهازك الرئيسى بعدة اجهزة مدعومة ببروسيسورات فائقة السرعه ورامات معقولة

يعنى لو عندك فيلم 100 فريم

ال 100 فريم بيتوزعو على كل جهاز ويخلصو بسرعه جدا

واى سؤال انا تحت امرك

[samora lov]

شكرا جدا ع المعلومة دى بس معلشى لسة مش مستوعبة لما تيجى بترندر المشاهد بترندرها ازاى يعنى بتعمل رندر عادى للمشهد ازاى ومدة الرندر للمشهد بتقعد قد ايه اصلى حاسة انى لو دخلت المجال دة هتجنن بسبب الرندر