My first car "AZ1"

[Blue-M]

هذه اول سيارة اصممها اسميتها AZ1

البرامج المستخدمة
3Ds Max & VRay

و احب اشكر حبيبي همام ساعدني بأخراج السيارة


الصور












اعرف ان العمل بسيط و قليل التفاصيل ولكن هذه كانت تجربة

اتمنى يعجبكم

تحياتي
Blue-M

[basil h]

عاشت ايدك التصميم حلو كولش والموديل موفق بيه والرندر حلو

بس ملاحظة وحده حاول تحط السيارة بمشهد

تحياتي

[Blue-M]

شكرا حبيبي باسل

بس اني نسيت اكول التصميم من مخيلتي و بدون بلوبرنت

[مهندس ماكس]

من الواضح أنه بدون بلوبرنت لأن التفاصيل قليلة ^_^ يعني كأنك لم تكمل تصميم السيارة
أيضاً فتاحات الأبواب تحتاج إهتماام أكثر أيضاً الكبوت أو باب المكينه البروز الموجود فيه على مستوى واحد

في الأخير الخامات جميله جداً والإخراج كذلك ^_^

بتوفيق...~

[Blue-M]

مهندس ماكس

شكرا اخي الحبيبي على ردك الجميل
وبالنسبة لملاحظاتك
انا فعلا كأني لم اكمل السيارة لأني كنت مخطط اني اضيف تفاصيل اخرى ولاكن بدأت المدرسة و انا لم اريد ان اواصل السيارة ان شاء الله اصمم سيارة اخرى فيما بعد

و الـ الكبوت كان من البداية هكذا ولم افكر في تعديله


تحياتي لك

[Mr_Evil]

ما شاء الله اخويه Blue-M قمت اتصمم سيارات عفيه عليك
الموديل اكثر من رائع ولو هنالك تفاصيل طايره بس ولا يهم
الريندر بعد شويه شغل اكثر
و اتفق مع الاخ باسل ان تضع السياره في بيئه خارجيه راح ايكون الانعكاس تحفه لان عندك جسم السياره مسقول كلش حلو
على العموم بالتوفيق ان شء الله و جاري التقييم بخمسة نجوم لانك ابدعت

[محمدالكردي]

حبيبي Blue-M بداية موفقه في عالم تصميم السيارات ولو اني اعتقد انك ماخذ شوي من الجاكوار بس فعلا حلوه كبدايه وبالنسبه للملاحظات كألاتي:
1. خامة الزجاج تحتاج تعديل استخدم خامة الزجاج
2. هذه سياره صالون يعني ماتحتاج فتحه في البنيد
3.الاطار الخلفي يحتاج تعديل لان من جهة اليسار داخل الايطار الى الداخل ومن اليمين طالع خارج البدي
4.الاخراج حلو بس لو تزيد عدد الاضويه شويه حتى تزيد من مساحة الارضيه المناره
5.حبيبي Blue-M في ماسحات زجاج موضوعه على الزجاجه الخلفيه اعتقد انها زايده لان هاي الماسحات ماتوضع الا اذا كانت السياره هاج باك يعني الصندوق يفتح مع الزجاج الخلفي قطعه وحده .
حبيبي محمد انت الان اصبحت في خانه مصممين السيارات وكبدايه عملك حلوحلوحلو بالتوفيق يابطل .
التقيم خمس نجوم

[Blue-M]

Mr_Evil

حبيبي و اخوية مستر ايفل اشكرك على ردك
ولمعلوماتك اني ما انتقلت كليا لتصميم السيارات بس ما حبيت اكون اني العراقي الوحيد الما مصمم سيارة
و اني اعتذر على التفاصيل الطايرة لأن جنت مستعجل

وشكرا لردك و مرورك و تقييمك حبيبي

محمد الكردي

حبيبي الغالي ابو جاسم و الله اني جنت منضر ردك
و فعلا ملاحضتك صحيحة و اني استخدمت اكثر الصور المرجعية من سيارة jaguar xf و صور من سيارات ثانية

1- بالنسبة لخامة الزجاج اني استخدمت هذي الخامة لأني ما مصمم الداخل
2-والله اني ما عندي اي خبرة بالسيارات لا بالحقيقة ولا بالتصميم و اصلا ما احب السيارات
بس هاي تجربة و مثل ما كتلك استخدمت اكثر من صورة مرجعية و لأكثر من سيارة فصار عندي شكال
3-والله ما منتبه الهاي الشغلة يمكن
4-
5-والله ما اعرف بهاي السالفة ان شاء الله ما اخليهة بالسارة الجاية

والله اني ما جنت اريد اصمم سيارة ثانية بهاي الفترة بست و الله حمستوني اسوي سيارة ثانية
بس بعد ما اخلص الاعمال الواكفه عدي يعني بعد عملين او اكثر اريد اخلصهة و بعدين يالله السارة

و مشكور حبيبي لتقييمك

[BassamAmad]

السلام عليكم ورحمة الله

blue_m

ما ادري شكولك الصراحة انت فاجأتني ابهذا التصميم بحيث من اجيت ادخل جنت كولش متشوق اشوف شمصمم انت ؟
لأن الصراحة تعليقاتك البهية الي غطت على اخر تصميمين من سياراتي جانت ما الهة حدود .

بس المشكلة اني دخلت و لو مداخل جان احسن لان انصدمت على دماغي من شفت تصميمك مع انه اني جنت متوقع تصميمك من اشوفة راح تنجقل عيوني وما اعرف اشلون ابدي اعجابي بيه بس لا تزعل مني طلع العكس جداً.

شوف الزجاج الأسود - زين وين خامة الزجاج ووين داخل السيارة لو انت امسويه مظلل حتى محد ايشوف الداخل !!!؟؟؟

شوف البك لايت الخلفي شنو هذا انت امسويه ابرنامج الpaint ????واذا كان في الثري دي ماكس زين وين التفاصيل الداخلية - زين وين الكرستال زين وين جمالية التصميم الي انت اتكول عليهة ؟؟؟

شوف اللايت الأمامي حلو امسويه بس ياحسرة الداخل عبالك مايع او انت مستخدم خامة زجاج على الكفر الخارجي اتبين ان الداخل مايع لو شنو السالفة خالي ....؟؟؟؟!!!!!!

زين هذا المشبك بالشباك الأمامي للسيارة اشو عبالك يشبه السيم مال الجام الي انحطة بالكتايب مال الجام - ادري ليش هيجي عاوجة عبالك واحد كاعد عليه ؟ يمعود هذا الشباك الأمامي يعني واجهة السيارة كلهة ؟؟؟مو لو مومو ؟؟؟

شوف المراية الي دائما اتحاسبني عليهة اني هم جاي احاسبك ؟؟؟ عمي وين طلاء المراية بالصورة الخامسة ؟؟ اشو هذي كلهة ابلون السيارة ؟؟؟مو لو مومو ؟؟؟؟؟؟؟؟؟!!!!!!

وهناك امور اخرى بالنسبة للأخراج والنمذجة لايسعني ذكرها .

واخيراً اتمنى اتكون ما زعلت مني بس اني انتقدتك ابكل صراحة .

تحياتي

[INeed Know]

الخامات جميله والإخراج كذلك
واصل من غير متفاصل ^__^

[محمدالكردي]

حبيبي بسومي ردك للموضوع جارح جدا ياأخي الولد اول مره يصمم سياره يعني جيد جدا انه مصمم سياره وبهذه الشكل الي اعتبره جميل جدا بالنسبه لمصمم يصمم سياره اول مره صحيح ملاحظاتك في محلها لكن طريقة طرحك للملاحظات جارحه حبيبي بسام بالتوفيق.

[ben_cherif]

ممتاز اخي
تصميمك القادمل حيكون اروع ان شاء الله
بتوفيق

[Blue-M]

BassamAmad

حبيبي بسام شلونك
والله الصراحة ما جنت اتوقع هاذا الرد من عندك مو لأن انتة ملاحظاتك غلط لا بس لأن احس انته جاي تنتقم من عندي و اني اسف اذا ملاحظاتي بمواضيعك تزعجك بس اني ملاحظاتي جانت من وجهة نضر عامة يعني كشخص عادي مومصمم او خبير بالسيارات و بعدين اني ما كلت اعرف اصمم احسن من عندك
بالنسبة للزجاج الاسود اني خليته هيج لأن ما مصمم الداخل مال السيارة
و بالنسبة للبك لايت اني مصمم الداخل بس الظاهر الشفافية قليلة مال البك لايت
و بالنسبة للايت الامامي هذا بسبب الخامة طلعت غلط عندي تجربة بغير خامة اذا تريد اشوفك اياهة
و بالنسبة للشباك الامامي والله شكلك هاي ما اكدر ارد عليهة
والمراية والله والله مسويلهة خامة مراية و من خليتهة بالبيئة الخارجية عكستهة بس ما اعرف شبيهة هنا
و اذا تكدر توضح الامور الثانية اني ما عندي مشكلة
و اني اكيد ما ازعل منك لأن انته اخوي و صديقي


INeed Know

شكرا لك



محمدالكردي
.....................................


ben_cherif
ان شاء الله

[houmam bat]

السلام عليكم ورحمة الله

blue_m

ما ادري شكولك الصراحة انت فاجأتني ابهذا التصميم بحيث من اجيت ادخل جنت كولش متشوق اشوف شمصمم انت ؟
لأن الصراحة تعليقاتك البهية الي غطت على اخر تصميمين من سياراتي جانت ما الهة حدود .

بس المشكلة اني دخلت و لو مداخل جان احسن لان انصدمت على دماغي من شفت تصميمك مع انه اني جنت متوقع تصميمك من اشوفة راح تنجقل عيوني وما اعرف اشلون ابدي اعجابي بيه بس لا تزعل مني طلع العكس جداً.

شوف الزجاج الأسود - زين وين خامة الزجاج ووين داخل السيارة لو انت امسويه مظلل حتى محد ايشوف الداخل !!!؟؟؟

شوف البك لايت الخلفي شنو هذا انت امسويه ابرنامج الpaint ????واذا كان في الثري دي ماكس زين وين التفاصيل الداخلية - زين وين الكرستال زين وين جمالية التصميم الي انت اتكول عليهة ؟؟؟

شوف اللايت الأمامي حلو امسويه بس ياحسرة الداخل عبالك مايع او انت مستخدم خامة زجاج على الكفر الخارجي اتبين ان الداخل مايع لو شنو السالفة خالي ....؟؟؟؟!!!!!!

زين هذا المشبك بالشباك الأمامي للسيارة اشو عبالك يشبه السيم مال الجام الي انحطة بالكتايب مال الجام - ادري ليش هيجي عاوجة عبالك واحد كاعد عليه ؟ يمعود هذا الشباك الأمامي يعني واجهة السيارة كلهة ؟؟؟مو لو مومو ؟؟؟

شوف المراية الي دائما اتحاسبني عليهة اني هم جاي احاسبك ؟؟؟ عمي وين طلاء المراية بالصورة الخامسة ؟؟ اشو هذي كلهة ابلون السيارة ؟؟؟مو لو مومو ؟؟؟؟؟؟؟؟؟!!!!!!

وهناك امور اخرى بالنسبة للأخراج والنمذجة لايسعني ذكرها .

واخيراً اتمنى اتكون ما زعلت مني بس اني انتقدتك ابكل صراحة .

تحياتي

حبيبي بسام اشوية خطية الولد هاي اول سيارة اله وانت صحيح حقك بس المسامح كريم

[houmam bat]

اخوية محمد لا تهبط معنوياتك المهم سيارتك بالنسبه لانها الاولى الك فهي جيدة