مناقشة صريحة وعايز حل يا ناس

[mody11511]

بسم الله الرحمن الرحيم

انا هتناقش معاكم في موضوع وياريت كل واحدة يحط رد عليه وأنا متقبل منكم أي رد ..

الموضوع يا شباب أني كنت مسافر دولة خليجية وأستقلت من عملي المهم أنا رجعت مصر .. ومش لاقي شغل .. كل ما أروح لواحد يقولي مفيش عندنا مكان .. كله Complete

المهم دورت تاني في القاهرة وإسكندرية لقيت أن الراتب اللي هجيبه هصرفه كله إيجار سكن و أكل وشرب ومصاريف شخصية . ومش هعرف أحوش مليم
المهم قولت لنفسي ما دام انا قاعد ومش لاقي شغل أتعلم المايا وحاول أكون كويس فيه .. زي أستاذنا الكرام في المنابر اللي بالمصري إيديهم تتلف في حرير ..

لحد ما بقى بييجي شغل وانا بقيت برفض عشان أتعلم مايا .. وأنا كده هضيع ..
يا جماعة اللي ممكن يكون مر بالظروف دي أو بالوضع ده وعلى ما أعتقد المصريين أكتر ناس حاسين بيا وعارفين ؟

المهم أني بجد مش عارف أتعلم المايا نزلت كل الدروس التعليمية ومش قادر أقعد على الكمبيوتر حتى أسمع أسطوانة واحدة .. ولو قعدت ربع ساعة أكون قايم ومخنوق حاسس أني معتش بعرف أفكر ولا أذاكر مع العلم أني أتعلت الفوتوشوب و التصمميات وشغل الدعاية والإعلان بطريقة علم نفسك بنفسك ..

وبجد أنا نفسي أتعلم مايا وأفتر إيفيكت لإن انا شفت شغلهم وكنت شغال مع ناس بتشتغل على البرامج دي قصادي في الشركة السابقة .. وعجبني الموضوع قوي وحاسس أنه ممكن يكون كويس مادياً و معنوياً وإجتماعياً ..

آســــف علــــى طـــول الموضوع ..
والسلام عليكم ورحمة الله وبركاته

[A.Atef]

تعلم مثل هذه البرامج يحتاج لصبر ومده لا تقل عن السنتين لاحترافهم والعمل بهم
انصحك بالعمل بمجال الدعاية والاعلان اذا كنت تظن انك متمكن منهم .
والاخوه سيوافوك بالتفاصيل

[hnd]

انا بردو راى من رأى الاستاذ A.Atef
تعلم البرامج دى محتاج وقـــــــــــــــــــــــــــــت
ومش معقول ان حضرتك تعطل نفسك لحد ماتتعلمها
ممكن تشتغل ف اى حاجة وتحط الحاجات دى هدف مستقبلى
مش عارفة.......دا راى بصراحة
وان شاء الله ربنا يقدملك اللى فيه الخير

[PIXAR 2]

يعني حضرتك مكنتيش لاقي شغل ولما لقيت شغل مترحش مش معقول ممكن توفق بين الشغل والتعلم

[disco]

عندي ليك حل ظريف انت ممكن تدور علي شغل يكون في مجال الكمبيوتر ياعني سايبر مثلا او اي حاجه يكون فيها جهاز كومبيوتر ويكون في وقت تتابع شغلك في المايا وتابع الدروس التعليميه ... يبقي انت كده ضربت عصفوريين بحجر واحد