مش لاقي شغل بالمايا

[::ابو عادل::]

مفيش شركه راضيه تعبرني وقاعد عاطل مش عارف اعمل ايه انا حاسس اني اتسرعت في اني اتعلمت المايا او يمكن مستوايا لسه مبقاش كويس ياريت تشوفوا الشوريل بتاعي وتحكوموا هو انا ينفع حد يشغلني انا الشو رييل بتاعي خد الرئيسيه في المنابر مش عارف اعمل ايه تاني ............................ انا فقدت الثقه بنفسي ومش عارف اعمل ايه لدرجة اني بدأت اذاكر ماكس من تاني

[ماياوي]

بالعكس مستواك ممتاز
حاول مرات ومرات واكيد حتلاقي شغل ان شاء الله

[Mr.Hani]

السلام عليكم ||~

شوف حبيبي .. في البداية لابد من التضحيات >_<"
انا انصحك انك تعمل موقع تضع فيه بعض الاعمال للي انت سويتها + بعض الاعلانات لبعض الشركات ( اذا انت لم يسبق لك انك سويت اعلان لشركة .. اعمل اعلان وهمي باسم اي شركة )
حاول انك تنشر اعمالك في المواقع الاجتماعية مثل : تويتر و الفيسبوك
لا بأس انك تعرض خدماتك مجاناَ للجمعيات الخيرية و المراكز التربوية .. عشان تعمل لنفسك قاعدة في السوق وتصير الناس تعرفك أكثر
وزي ما قلت لك لابد من التضحيات .. يعني لا تفكر براتب عالي في بداياتك ولا تطلب مبالغ كبيرة -_-"
احرص على المشاركة في المسابقات الدولية .. لان الناس اذا شافتك مشارك في مسابقات ولك اعمال كثيرة
راح تتعاون معااك على طول

واسف على الاطلة ..~ موفق ان شاء الله ||~ تحياتي لك

[kikomanio]

أخى طور شوى كمان
انت جامد بس مش جامد أوى
كل شركة يتقدم لها الئات فى هذا المجال
و تختار اثنين ثلاثة بس
يعنى لازم تشد أكر و أكتر و كمل مايا
و شوف سيديهات محترفين

[رجل السماء]

بص يا اخى ايفيل اولا لما شفت الديمو ريل بتاعك عجبنى جدا الصور بتاعت شغلك انما بعد الصور جيت على الانيمشن وبصراحة ضمر الدنيا يعنى قفلت الفيديو قبل ما اكمل رؤيته فى راى الغى خالص الانيمشن اذا كنت راجل بتعمل موديلج الخ الخ ومالكش فى الانيشمن يبقى ليه وضعته
ثانى حاجة انت مستواك ممتاز اعجتنى تقريبا اغلب الصور انما حاجات كلها بسيطة وعامل كل حاجة لها صورة واحدة وده مش كويس فى ارى
الغى الانيمشن خالص وخالى من كل موديل انت عملته 360 فيو مع كلاى ميش مثلا + كام صورة اظهاء لل يوفماب بتاعتك مثلا حاجات كدا دى هتطور العمل اكثر وتبين الحاجات بتاعتك لانى واحد مثلا ما لحقتش افهم انت كويس فى ايه وكمان اعمل حاجة معقدة او صعبة شوية خالى المشاهد يستمتع اكثر من انه يشاهد بس
ماعرفش حكاية المايا والماكس دى وصلت فى مصر بالعكس ولا ايه انما اذا كنت كويس هيخدوك هيخدوك لو بتشتغل على البلندر فمش هتفرق فى حاجة فى راى بلاش تتضيع وقت فى الماكس وغيره مستواك هيفضل زى ما اهو وهتضيع وقت الحل الوحيد انك تعمل حاجة جديدة وحاول تبذل فيها مجهود ربما تكون اعمالك ممتازة وفيها واقعية مثلا انما خالى بالك فى كام واحد يعرف يعمل الحاجات دى
كمان حاجة اخيرة انت ليه حاطط البنت فى الاخر مع انها المفروض فى الاول خالص !!!

[HOSAMEED]

احسن مكان تشتغل فيه وتحصل راتب جيد من غير مجهود كبير المكاتب الاستشارية وكمان متقولش انا بشتغل مايا معظم الشركات ميعرفش المايا دا سوفت وير ولا هرد وير قول بشتغل 3d ودي نمازج من شغلي وربنا يوفقك

[nissay]

أولا إنت شغلك جيد جدا
ثانيا إنت مستعجل جدا جدا جدا اصبر شوية يا عم إيفل أقسملك بالله الشغل هييجي لغاية عندك لإن ده رزق من ربنا بس ده مش معناه إنك تنام وتستنى الشغل إنت تبحث وتعمل إللي عليك والباقي على ربنا وبعدين يا أخي خللي عندك ثقة في ربنا الأول وثقة في نفسك ثانيا إمال لو ما كنتش دارس المايا في أمريكا كنت عملت إيه؟ خللي عندك ثقة في نفسك شوية
ثالثا غالبية شركات الجرافيك خارجة من موسم رمضان وفيه حالة ركود في الوقت الحالي وممكن الحال يتغير بعد شهر أو اثنين
ربنا يوفقك

[phantom_3]

امامك حل من أثنين :
1-انك ترجع اميركا تاني -انت مكانك هناك
2- تشغل ماكس وترجع للاصل واللي فات قديمه تااااااااااااااااااااااااه

حبيب قلبي هيثومه (ابوعادل الصغير)

[@عبدالإله]

الله ييسر لك امورك يارب

ويسخر لك العمل الي تحبه وترتاح له

[mohamed gh]

ياخي استهدى بالله وانا شاء الله ربنا هينولك مرادك وتشتغل في شركه محترمه تعرف قيمتك ان شاء الله

[ALIHAGAG]

ربنا هايكرمك ان شاء الله

[امير فرج]

صبرا اخي اكيد هتفرج انا كمان بدور علي شغل بس صبرا

[donjwan88]

ههههههه هو فين الشغل اصلا الحال من بعضة


الصبر جميل ولكل مجتهد نصيب


وربنا يوفقنا

[mody11511]

المفيـــــد

أنا بمر حالياً بنفس المشكلة ..
بص يا معلم الناس مفكرة إن مفيش شغل في البلد .. وأنا بقولك الشغل في البلد كتييييييييييييييييييييييييييييييييييييييييييييييييييييييييييييييييييييييييييييييييييير
بس التخصصات العالية زي مصممين الجرافيك .. مفيش أماكن ليهم .. صاحب المكان عايز واد يكون لسة بيتعلم 3d أو دعاية وإعلان .. يخاد 500 جنيه ويشتغل عنده 4 سنين ولا حاجة لحد ما يتعلم ومش هيعرف يسافر ويسيبه غرقان في الشركة لوحده وهيسمع الكلام بمعنى أصح يكون ( بليه أو عبد ) ..
أصحاب الشغل بقم بيصيعوا يا معلم آه والله .. بقى في إستهتار بالشخص .. وفي الآخر يقولك بفلوسي أشغل مية زيك ..
متزعلش إنك مش لاقي شغل أنا كمان مش لاقي شغل تعرف تلاقيه أول ما يشوفوا السي في بتاعك .. مش هيقروا كل اللي أنتا كاتبه ده هوا حط عينيه على حبة حاجات ( أمريكا و إلخ ) الموضوع كبير يعني يخشله راتب 4000 أو 5000 جنيه يعني مش نافع لإن الظروف زي الزفت .. بقولك إيه .. خدها نصيحة من واحد مجرب القرف ده .. لما تكون البضاعة بتخسر مش أشيلها إرميها في الزبالة طيب ما كده أنا خسرت أكتر .. لا .. أعمل إيه ..
أشغل دماغى شوية .. يعني تعمل إيه . ؟؟
فري لانسر .. خد شغل .. 3d
أمثلة : -
نقاش عايز يعمل أوضة نوم ..
بناء عايز يعمل حبة حاجات ثري دي ويوريها للزبون قبل ما يتشغل .. وهتعرف تعمل الحاجات دي على المايا برده ..
وسيبك من الماتيريال والأفشخانات دي حاجات على قد فلوسهم ..
واحد عايز يعمل إعلان في التليفزيون ...
عرفت شركة في القاهرة بتبعت وعايزة واحدة يشتغل معاها بس على النت أو في دبي أو في غيره ..
المهم إبتدت رجلك تخش في المعمعة هتبص نفسك عملت فلوس وأخدت خبرة في أكثر من حاجة ونفس الوقت الشغل مش هيجي بالسي في في مصر ..
أنتا مصمم بتاع ثري دي .. السي بتاعك لونه أسود قوي وتعبان في تصميمه شوف ولد مصمم دعاية يكون صاحبك هتلاقي يعملك سي في عليه القيمة شوية يا أخى خش على النت شوف السي فيهات .. وأنتا عامله إنجليزي ليه هوا حد عارف إنجليزي هنا يا معلم .. يا عم أبوس إيديك إعمله عربى وإنجليزي صفحتين شوف صاحب الشركة وهوا بيقرا لقيته بيقولك جميل ، كويس ، رائع ، تعرف أنه معرفش يقرا إنجليزي تقوم جاي لحقه بالعربي علطول ماشي ..

وغير يا أخي السي في مش حلو ..

[phantom_3]

أنا بمر حالياً بنفس المشكلة ..
بص يا معلم الناس مفكرة إن مفيش شغل في البلد .. وأنا بقولك الشغل في البلد كتييييييييييييييييييييييييييييييييييييييييييييييييييييييييييييييييييييييييييييييييييير
بس التخصصات العالية زي مصممين الجرافيك .. مفيش أماكن ليهم .. صاحب المكان عايز واد يكون لسة بيتعلم 3d أو دعاية وإعلان .. يخاد 500 جنيه ويشتغل عنده 4 سنين ولا حاجة لحد ما يتعلم ومش هيعرف يسافر ويسيبه غرقان في الشركة لوحده وهيسمع الكلام بمعنى أصح يكون ( بليه أو عبد ) ..
أصحاب الشغل بقم بيصيعوا يا معلم آه والله .. بقى في إستهتار بالشخص .. وفي الآخر يقولك بفلوسي أشغل مية زيك ..
متزعلش إنك مش لاقي شغل أنا كمان مش لاقي شغل تعرف تلاقيه أول ما يشوفوا السي في بتاعك .. مش هيقروا كل اللي أنتا كاتبه ده هوا حط عينيه على حبة حاجات ( أمريكا و إلخ ) الموضوع كبير يعني يخشله راتب 4000 أو 5000 جنيه يعني مش نافع لإن الظروف زي الزفت .. بقولك إيه .. خدها نصيحة من واحد مجرب القرف ده .. لما تكون البضاعة بتخسر مش أشيلها إرميها في الزبالة طيب ما كده أنا خسرت أكتر .. لا .. أعمل إيه ..
أشغل دماغى شوية .. يعني تعمل إيه . ؟؟
فري لانسر .. خد شغل .. 3d
أمثلة : -
نقاش عايز يعمل أوضة نوم ..
بناء عايز يعمل حبة حاجات ثري دي ويوريها للزبون قبل ما يتشغل .. وهتعرف تعمل الحاجات دي على المايا برده ..
وسيبك من الماتيريال والأفشخانات دي حاجات على قد فلوسهم ..
واحد عايز يعمل إعلان في التليفزيون ...
عرفت شركة في القاهرة بتبعت وعايزة واحدة يشتغل معاها بس على النت أو في دبي أو في غيره ..
المهم إبتدت رجلك تخش في المعمعة هتبص نفسك عملت فلوس وأخدت خبرة في أكثر من حاجة ونفس الوقت الشغل مش هيجي بالسي في في مصر ..
أنتا مصمم بتاع ثري دي .. السي بتاعك لونه أسود قوي وتعبان في تصميمه شوف ولد مصمم دعاية يكون صاحبك هتلاقي يعملك سي في عليه القيمة شوية يا أخى خش على النت شوف السي فيهات .. وأنتا عامله إنجليزي ليه هوا حد عارف إنجليزي هنا يا معلم .. يا عم أبوس إيديك إعمله عربى وإنجليزي صفحتين شوف صاحب الشركة وهوا بيقرا لقيته بيقولك جميل ، كويس ، رائع ، تعرف أنه معرفش يقرا إنجليزي تقوم جاي لحقه بالعربي علطول ماشي ..

وغير يا أخي السي في مش حلو ..

متفق معاك تماااااااااااااااااااااما وياريت يسمع الكلام ده ويتعلم منه ده كلام ناس مجربه ومطحونه في الموضوع .
والسي في ماطلعش احسن سي في في مصر ولا حاجه ده طلع وحش كمان علي شان نقتنع باراء الناس ومماتتعصبش لرائيك بس وسلامي لعدوله الصغير