Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

مع هوديني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مع هوديني

    السلام عليكم

    هوديني لمن لا يعرفه برنامج فجول ايفكت مشهور في اوساط محترفي vfx في هوليود



    انا مازلت مبتدئ عليه ولسه بادئ فيه من اسبوعين بتسلى فيه في اوقات الفراغ

    انا جربت النسخ اللي لقيتها على النت 8 و 9 و10 و 11
    البرنامج واجهته كلها بتشتغل opengl فاي كارت قديم او intel ممكن يعمل مشاكل ولذلك جربت النسخ القديمة والحديثة بسبب مشاكل كارت الشاشة عندي وايضا تتوريلات قديمة حبيت اشوفها على نسخ قديمة

    النسخ القديمة كانت تعتمد اكثر على الاسكربتنج او الاكسبرشنز والنسخ الحديثة من اول 9 حبوا ينقلوا البرنامج لبرنامج ثري دي عريض الانتشار زي الماكس والمايا فبدأوا يسهلوا في البرنامج كتير بوضع shelf كالمايا والماكس بس الشلف مش موجود فيه كل حاجة موجود الحجات المشهورة بس ولازم تدخل جوه متكتفيش بالشلف.

    البرنامج كله node based في كل شئ .. مودلنج وبارتكل وديناميك وفلويد وريج ورندر
    هو بالنسبة لمستخدم ماكس لم يتعود على النود بازيد سيستم الا قليلا من خلال البارتكل فلو هيكون غلس وتقيل عليك في الاول
    انا في وقت بحس انه تقيل على قلبي جدااا ..وبعديها على طول احس انه اقرب للفهم واسهل انك تشتغل نودز
    الموضوع لسه محتاج تعود

    لكن الهوديني برنامج متفرد في برمجته عامة يعني بقية البرامج كوم وهوديني وحده كوم
    بقية البرامج انا عندي فكرة عن كثير من برامج الثري دي المتكاملة المشهورة ولكن هوديني متفرد في ال workflow غير كل البرامج التانية في التسميات وطريقة التعامل مع الاشياء


    البرنامج بالنسبة للمودلنج ادوات مودلنج عادية ممكن تقول اي كلااااام بالنسبة للماكس او المايا او السوفت ايمج بس مش عايز احكم الا لما اتعمق فيه ... لكن اللذيذ فيه كل شئ في البرنامج node based
    يعني ممكن وانا بتمديل اي شئ ترجع لاي مستوى فشجرة المودلنج كلها موجودة عندك
    الجميل ايضا هناك نودز عبقرية ممكن تبنيلك مدن كاملة بنفس مجموعة موديلات لو انت فاهمها صح والموضوع هيحتاج بعض الاكسبرشنز والتظبيط لكن في الاخر هتظبط.
    لكن انا لسه موصلتش لحاجة البرنامج عميق جدا وفهمه والتأقلم عليه بطئ .

    هوديني يميزه نظام الديناميك وهو ما ادخلني فيه ابتداء .. لذيذ جدا نظام rigid body ولكن المتغيرات كثيرة وينبغي ان تفهم النظام الشجري جيدا مع النودز لكي تعمل سيميولشن معقد كالتي نراها في الافلام .. لكن كتجارب بسيطة الموضوع بسيط وسهل
    وهو منظم جدا يعني في ال fructure وفي حاجة اسمها glue والاثنين بيتكسروا لكن الاخير بتحدد التلاصق اد ايه بين القطع وحسب قوة الاصطدام او المؤثر بيبدأ يتفاعل وبتحط المؤثرات وبتربطها في شجره النودز مع solver

    اللي صدمني فيه انه ال fragmentation بتقعد تكسر الموديل يدوي مش زي مثلا volume breaker أو rayfire بيكسرلك اوتوماتيك ...عامة يمكن في طريقة اوتوماتيك وانا لسه معرفهاش لكن حتى الان لسه مشوفتش

    نظام البارتكل لم ادخل فيه الا تجارب لكن دخلت الفلويد سيميولشن جميل جدااااااااااا جدااا جداااا مش ريل فلو يعني لكن سهل جدا ولذيذ لم اجرب اشياء معقدة بعد لكن مازلت اجرب وبشوف تتوريلات
    وفيه النوعين من البارتكل voxel fluid و particle fluid ومتكامل في النقطة دي جدا

    معرفش حاجة لسه عن الريجنج والاضاءة والرندر .. لكن الرندر الافتراضي فيه هو mentra وهو نظام رندر منفصل بذاته وما رأيته عليه ارى انه جيد ويبدو انه سريع لكن لم اجرب وهناك رندرمان مثل الموجود في مايا تقريبا

    في نظام جديد للنيران اسمه تقريبا pyro fx وهو بالظبط fume fx يتهيألي اشتروه من اول نسخة 10 مدمج بنفس الاوبشن بالظبط ولكن نود بيزد ومجرتوش لسه بس هو هو فيوم بالظبط


    --
    اهم نقطة .. طبعا كما قلت من البداية البرنامج لا يعتمد عليه ككل في بيئة عمل لان ملوش سوق عندنا اصلا الا اذا كنت فرد بذاتك قائما بعمل بالكامل
    وبالتالي اهم شئ هو انه يكون واصل مع الماكس او المايا
    التكامل مع البرامج الاخرى ... مع ماكس ومايا .. انا جربت النسخة الاحدث 2011 صدرت سيمولشن اصطدام مثلا
    وصدرت سيمولشن قطرة ماء تصتدم بالارض .. كله على سبيل التجارب


    هوديني بيصدر fbx وبيصدر الحركة pc2 ملفات بوينت كاش وبتفتح الملف تلاقي الحركة لودد على المجسم بواسطة موديفير point cache

    المشكلة اللي عايز التف حولها حاليا هي انه بيصدر البوليجون بدل ما هو بيبا اربع اضلاع بيكون مثلثات ولسه مش لاقيلها اوبشن زي الزبرش مثلا او غيره وده مخلي شكل المجسمات مضلع جدا وخشن حتى مع تربو سموث في الماكس

    والنقطة التانية ملفات البوينت كاش بتوصل فوق ال 100 ميجا لقطرة ماء تسقط 50 فريم فتخيل لو الموضوع اكبر من قطره
    مشاكل ومحاولات اتمنى حلها او الالتفاف حولها
    عامة حسب الهلب ممكن تصدر كل حاجة تقريبا ... الا البارتكل والدخان والنيران وماشابه
    نسيت اقول ان في برنامج كومبوزيت داخل الهوديني كمان بس مجربتش حاجة وحسب ما شفت بيخدوا يكمبزوا في فيوجن ونيوك ولذلك فلا اعرف مدى كفائته

    دي تجربتي حتى الان مع الهوديني اللي ياريت الاقي حد بيستخدمه فنساعد بعض
    واللي عايز يتعلم او يحمل البرنامج
    http://www.sidefx.com/

    البرنامج ممكن تخد ليسنس تعليمي مجاني تماما ولكن بيحطلك لوجو على الرندر فقط لا غير لكن برنامج كامل بالكامل

    المصادر التعليمية التي وجدتها حتى الان سيدهات ديجيتال توتور والموقع نفسه يقدم دروس تمهيدية واشياء مجانية

    اتمنى ان اكون افدتكم ومن عنده افادة حول البرنامج فليتفضل

  • #2
    السلام عليكم
    اخى العزيز الهودينى برنامج قوى جدا فى الدينامك والبرتكال كما قولت وهو البرنامج المعتمد لدى اقوى الشركات العامله بالفيجوال ايفكتس فى هوليود كل هذا معروف ولكن تعالى الى الواقع هو برنامج صعب جدا باعتراف ناس اقوياء يعملون فى بلور وبرايم فوكس والشئ التانى ماذا ستعمل به فى السوق العربيه هذا المجال تقريبا غير موجود بالمنطقه ولم تجد حد يقدر ما تعمل وبالمنسبه انا اعمل بالبرتكال واجد هذه الصعوبات التى ذكرتها المنطقه هنا يعتمدون على الافتر افكتس مثلا الاسبوع الماضى عملت بالبرتكال اينك افكت بالبرتكال فلو اخد ثلاث ايام عمل بعد ما خلص السوبر فيزر قالى انه كان ممكن يتعمل بالفتر فى وقت لا يذكر وهذا طبعا غير صحيح لانه عمره ماهيكون بالكواليتى بتعت الثرى دى فيه شخص انا بثق فى رايه حدا لما شاف الافكت قالى انه جميل جدا فهذا هوالواقع شئ اخير السينكنج برتكال قوى جدا جدا وبه ادوات كتيره مثل الهودينى وتم استخدامه فى فيلم 2012 وعمل به مشاهد قويه جدا وهو بالماكس بدل ما تتعلم برنامج اخر من البدايه لن تجد من يساعدك به وللعلم بانه نظام صعب هو الاخر وفى الاخر اتمنالك التوفيق فيما تختاره

    تعليق


    • #3
      http://cg.tutsplus.com/category/tutorials/houdini/
      اللهم انصر القوقاز

      http://i47.tinypic.com/3h1u1.jpg

      تعليق


      • #4
        اهلا يا اخوة واتمنى اثراء الموضوع وشكرا على اللينك اخي 3dabed

        السلام عليكم
        اخى العزيز الهودينى برنامج قوى جدا فى الدينامك والبرتكال كما قولت وهو البرنامج المعتمد لدى اقوى الشركات العامله بالفيجوال ايفكتس فى هوليود كل هذا معروف ولكن تعالى الى الواقع هو برنامج صعب جدا باعتراف ناس اقوياء يعملون فى بلور وبرايم فوكس والشئ التانى ماذا ستعمل به فى السوق العربيه هذا المجال تقريبا غير موجود بالمنطقه ولم تجد حد يقدر ما تعمل وبالمنسبه انا اعمل بالبرتكال واجد هذه الصعوبات التى ذكرتها المنطقه هنا يعتمدون على الافتر افكتس مثلا الاسبوع الماضى عملت بالبرتكال اينك افكت بالبرتكال فلو اخد ثلاث ايام عمل بعد ما خلص السوبر فيزر قالى انه كان ممكن يتعمل بالفتر فى وقت لا يذكر وهذا طبعا غير صحيح لانه عمره ماهيكون بالكواليتى بتعت الثرى دى فيه شخص انا بثق فى رايه حدا لما شاف الافكت قالى انه جميل جدا فهذا هوالواقع شئ اخير السينكنج برتكال قوى جدا جدا وبه ادوات كتيره مثل الهودينى وتم استخدامه فى فيلم 2012 وعمل به مشاهد قويه جدا وهو بالماكس بدل ما تتعلم برنامج اخر من البدايه لن تجد من يساعدك به وللعلم بانه نظام صعب هو الاخر وفى الاخر اتمنالك التوفيق فيما تختاره
        والله انا مقتنع انه لا شئ صعب والبرامج مجرد تولز

        الماكس لعلمك كبير جدا يعني لما بدأنا فيه مكناش عارفين راسنا من رجلينا وشوية مودلنج على ريج على لايتنج على رندر بدأت تلم البرنامج ولما لميت البرنامج كله بدأت ساعتها بس تنتج حاجة كويسة .

        الهوديني كمثل .. عايز صبر شوية هتتعلم حته صغيره بحته صغيره لغاية ما تلم البرنامج وساعتها هتقدر تطلع حاجة

        والانتقال لاي سوفتوير اسهل من البدء من جديد في فهم تقنية الثري دي .. لان نفس التولز في كل البرامج بنفس الاعدادات ولكن باسلوب مختلف وباختلافات تقنية

        عامة انا تعودت الفترة الاخيرة اني اتعامل مع البرامج بين بعضها باسلوب مفتوح

        الهوديني مش لازم يشتغل كبرنامج ثري دي اساسي .. فهمتني ؟
        اخيرا الهوديني ليس صعب عن تجربه .. انما كبير وواسع ويحتاج صبر
        انا مستمتع بيه لولا الجهاز عندي لكنت استمتعت بيه اكتر

        في سيدهاية مبادئ digital totour intro to houdini 9
        ممكن تخدوا فكره عن البرنامج منها

        تعليق


        • #5
          اهلا اخى الكريم
          معروف الهودينى دخل فى اكتر من فيلم مميز بس دخوله كله كان فى مجالات البارتكلز بشده
          زى النار والماء والدخان والشعر وغيرها

          قصة نظام النود دى لذيذه جدا
          فى الاول تعليمها صعب وانجازها بطىء بس بعد كده بتحس انها لذيذه جدا وتستمتع وانت شغال بيها ده عن تجربتى مع الفيوجن

          وطالما شايف نفسك حابه خليك معاه هههههههه هو طيب وبن حلال
          ربنا يوفقك

          تعليق


          • #6
            اى برنامج عاوز صبر شوية خصوصا لو كان يستاهل زى هودينى
            اللهم انصر القوقاز

            http://i47.tinypic.com/3h1u1.jpg

            تعليق


            • #7
              المشاركة الأصلية بواسطة medo3d مشاهدة المشاركة
              اهلا اخى الكريم
              معروف الهودينى دخل فى اكتر من فيلم مميز بس دخوله كله كان فى مجالات البارتكلز بشده
              زى النار والماء والدخان والشعر وغيرها

              قصة نظام النود دى لذيذه جدا
              فى الاول تعليمها صعب وانجازها بطىء بس بعد كده بتحس انها لذيذه جدا وتستمتع وانت شغال بيها ده عن تجربتى مع الفيوجن

              وطالما شايف نفسك حابه خليك معاه هههههههه هو طيب وبن حلال
              ربنا يوفقك
              اهلا بالاخوة

              انا عايز اقول نقطة برده
              الماكس ممكن تعمل بيه اي حاجة بيعملها اي برنامج تاني .. بس الماكس ببلجناته الكتير جدااااا ومجموعة اسكربتات كده محترمة تتوه فيها وتنسى دول بيعملوا ايه اصلا
              والهوديني بأة ميزته النسبية ان كل حاجة في برنامج واحد باكج واحد علشان كده اغلى برنامج ثري دي
              والبرنامج كله شغال بحجات عبارة عن سكربت كود بتتحط في نودز فالبرنامج عبارة عن اسكربتنج بس أسكربت مرن من خلال نودز وليس كتابة اسكربتات
              في الماكس اللي بيعرف اسكربتنج كويس جدا ممكن يعمل اي حاجة بأبسط الطرق .. وانا شفت ده بعيني في كذا بروجكت حل مشاكل بتخد وقت كبير جدا من خلال الاسكربتنج بتحل مشاكل كتير جدا وبتوفر وقت ضخم للغاية

              فالموضوع بالنسبة للهوديني كذلك وبرده نظام ال ice في السوفت ايمج نفس الموضوع تقريبا فجوال سكربتنج و هوديني البرنامج بالكامل شغال بالطريقة دي وعشان كده تقدر تعمل اي حاجة بيه فعلا خصوصا الحجات المكلكعة والمعقدة

              عموما البرنامج محتاج قعدات وطولة بال ونفس طويل والاهم من ده كله جهاز ابن ناس والا هتحس نفسك قاعد بتشغل ماكس ببنتيم فور


              والله المستعان

              تعليق


              • #8
                اخى اعتقدت ايضا انك ستكون بحاجة ماسة للغة البرمجة python حاول تبتدى فيها واحدة واحدة ..انا جربتها هى سهلة بس اى برمجة عاوزة صبر وعلى فكرة فى درس ليها مجانى فى موقع الهودينى
                اللهم انصر القوقاز

                http://i47.tinypic.com/3h1u1.jpg

                تعليق


                • #9
                  المشاركة الأصلية بواسطة 3dabed مشاهدة المشاركة
                  اخى اعتقدت ايضا انك ستكون بحاجة ماسة للغة البرمجة python حاول تبتدى فيها واحدة واحدة ..انا جربتها هى سهلة بس اى برمجة عاوزة صبر وعلى فكرة فى درس ليها مجانى فى موقع الهودينى
                  مش للدرجة دي
                  مليش انا في الاسكربت والبرمجة لو هعرف هعرف كام اكسبرشن جوة البرنامج زي اكسبرشنز الافتر افكت تقريبا لكن برمجة برمجة لا احبذ

                  تعليق


                  • #10
                    اممم مش انت عاوز البرنامج كلة ولا مودلنج بس؟ يعنى مثلا انت شفت اسطوانات جنومون بتقلك ان الدينمك والبارتكلز بتبقى محتاجة اسكربتنج عشان تظبطها صح ..على كل ربنا يوفقك يااخى
                    اللهم انصر القوقاز

                    http://i47.tinypic.com/3h1u1.jpg

                    تعليق


                    • #11
                      المشاركة الأصلية بواسطة 3dabed مشاهدة المشاركة
                      اممم مش انت عاوز البرنامج كلة ولا مودلنج بس؟ يعنى مثلا انت شفت اسطوانات جنومون بتقلك ان الدينمك والبارتكلز بتبقى محتاجة اسكربتنج عشان تظبطها صح ..على كل ربنا يوفقك يااخى
                      ماشاء الله بدأت تشوف تتوريال اهو

                      هي الاسطوانة قديمة انا شفتها وناوي اشوفها تاني لاني مفهمتش كتير اول مرة ...لكن الاسطوانة قديمة قبل ما البرنامج يخد الشكل العام اللي هو موجود بيه الان .. هوديني دلوقتي بأة user friendly اكتر مش زي الاول واللي انا شايفه انك مش هتحتاج غير كام اكسبرشن بسيط هتحفظهم وتتعود عليهم
                      عامة خطوة خطوة لما نلم بس اساسيات البرنامج احنا لسه في البداية وهيظهرلنا احنا محتاجين ايه مع الوقت اكيد

                      تعليق


                      • #12
                        المايا بقا كل حاجه فيه وسرسع على الجهاز بس انا شايف ان هوديني شغال مع البرتكل اكتر من اي حاجه تاني او بمعنى اصح مميز
                        فيها

                        بس لما نتكلم عمليا
                        هنلاقي حاجه مهمه قوي اذا كان المايا الواحد مش لقي بيه شغل في مصر لان المالكس بالنسبه للمصريين هو الثريدي بس واي برنامج تاني هو عباره عن فوتوشوب هتيجي انت بقا تقلهم هوديني
                        اّخر اعمالى
                        مطعم بالماكس
                        كـ‗__‗ـيـ‗__‗ـف أحـ‗__‗ـزن واللّـ‗__‗ـه ربـ‗__‗ـي
                        غرفتى بالماكس

                        تعليق


                        • #13
                          sounds you had a nice journey in Houdini, I would say as everyone Houdini is a tool, but trust me if you understand it well, you will stick to it, as you said you are trying it, so give it some more time, and do not listen to anyone saying it is hard to learn.
                          here is your friend in Vimeo, 104 videos in HD quality, these tutorials are amazing, you will love it.
                          http://www.vimeo.com/user2030228/videos

                          hope it helps and please do not hesitate to ask

                          http://odforce.net
                          this is one of the most important forum related to Houdini

                          last thing .... the HELP is very powerful I think it is one of the best around

                          Good Luck
                          لا حول ولا قوة إلا بالله
                          I Do Not Have Arabic Keyboard
                          To KNOW and NOT to DO, is really NOT to KNOW
                          Learn from Doing, not by Dreaming

                          تعليق


                          • #14
                            I think you forgot something calls .... CHOPS .... you need to have a look at it.
                            لا حول ولا قوة إلا بالله
                            I Do Not Have Arabic Keyboard
                            To KNOW and NOT to DO, is really NOT to KNOW
                            Learn from Doing, not by Dreaming

                            تعليق


                            • #15
                              يعنى اية مش لاقى شغل بمايا عشان الماكس؟؟ ياصديقى يااخى البرنامج مجرد تولز لو انا مطلعتش منة حاجة يبقى العيب مش البرنامج..مازن تشكرات ليك
                              اللهم انصر القوقاز

                              http://i47.tinypic.com/3h1u1.jpg

                              تعليق

                              يعمل...
                              X