transforming or assembling objects

[afandina]

يا ريت يا شباب حد يفيدني في الموضوع دة انا قبل ما اسأل حاولت كتير بس مش عارف اوصل لحل

اولا شوفو الفيديو دة:

[youtube]QidxDqo2jRk&feature[/youtube]

دة اللي عملة اخونا حيدر نجيب

ودة كمان :
[youtube]-FQcu_yCMCk&feature[/youtube]

ودة اللي عملة اخونا lovevfx

السؤال بقي :
فكرة التجميع و التحويل تعتمد علي transform , rotate, scale and grouping
تمام ....بس ازاي بقي يبقي في مجسم باين في الريندر جزء واحد بدون اي seems
و بعدين يتفكك لاجزاء صغيرة مفصولة عن بعضها .. او العكس ( اجزاء منفصلة و بمجرد انها تتجمع تظهر علي انها جزء واحد بدون لحامات)

للتوضيح شوفو الصورتين دول:


دي قبل التجميع يدوب باقل من ثانية و لاحظ الصورة التالية


مع ملا حظة الاتي: الجسم دة smooth
ولية بقول كدة

لاني حاولت اجرب الاتي
دة مثال علي موديل :


وبعدين اضفت edge loop في النص
و عملت separate:


و بعدين لما حبيت احركة للترانسفورم مثلا حركة بسيطة rotation:


لاحظ الموضوع ماشي تمام و الجسم smooth ... لكن المشكلة انة مفتوح مش مغلق ودة اللي مخلية محافظ علي شكة العام...
بس في الفيديوهات السابقة لاحظ الاجزاء كاها مقفولة يعني مكعبات و الاجزاء الخارجية مقفولة و ناعمة smooth

......
طيب اية المشكلة ...نقفل الفتحة
select border edge > fill hole


زي الفل طول ما احنا في level 1 in the smooth preview (NO SMOOTHING)

نضغط بقي علي 3 علشان نعمل smooth و نرندر و نهيص:


و لو زودنا egde loop لحفظ الشكل و جينا نجمع الاجزاء دي علي شكل جسم واحد هيبان ان فية لحام بينهم



ياريت حد من الشباب يقولي الموضوع دة بيتعمل ازاي؟؟؟؟علشان هتجنن

يا ريت حازم و حيدر و lovevfx او اي شخص عندة جواب شافي يرد عليا و شكرا مقدما

[A7MED 3@DL]

انا هقولك على رأى

أحنا عارفين أن الثانية فيها 24 فريم

وانت بتقول أن الصورة أتغيرت كده فى أقل من ثانية

هى الفكرة صغيرة خالص

أنك ممكن تعمل موديل للكلمة الأنت هتكسر فيها

وتعمل بردك موديل للناتج الانت عايزهة وتاخد منهم نسختين وتخليهم زى ما هما

يعنى تكسر فى نسخة وتخلى التانية زى ما هى

ولما تيجى تبدء تجمع أجزاء الموديل التانى تجمعة على الأخر ثم تقوم بإلغائة أو إخفائة فى فريم وإظهار الموديل الأثاثى الكامل فى نفس الفريم

فعمرها ما هتبان خاص لأن الثانية فيها 24 فريم فاهمنى

[afandina]

بص يا بوحميد يا جامد اولا انا عاجبني اسلوب تفكيرك خصوصا بعد ما شفت صفحتك علي cartoon lab و لقيت سنك صغير بس بجد اعمالك ممتازة و اسلوب تفكيرك رائع اتمنالك كل توفيق

بس خلي بالك الموضوع مش سهل كدة
ركز في الفيديو الاولاني هتلاقي اجزاء بتتجمع و اجزاء لسة و بس الاجزاء اللي اتجمعت هية اللي اختفي فيها مكان اللحام

انا فكرت في ان الموضوع ممكن يمشي بفكرة ان نرندر اتنين passes
واحدة لشكل الجسم كامل و واحدة للاجزاء و نعمل animated mask في الافترافكت للجسم الكامل
بس دي ممكن تنفع في حالة اعلان اتصلات بتاع حازم صبري اللي فية الاجزاء بتتجمع بشكل متتالي و في مكان واحد ( لو فاكر الاعلان بتاع لوجو اتصالات هتفهمني) علشان تعرف تمشي وراهم بال mask

لكن هنا التجميع عشوائي جدا يعني حتة فوق و شوية يمين و شوية شمال و بس بمجرد ان الجزء يوصل مكانة يبقي كانة اتلحم تماما ... دة اللي مش قادر افهمة

[A7MED 3@DL]

شكرا يا مان

تمام بس أنت ممكن تعمل نسخ للفريمات

أو ممكن تعمل أكتر من نسخة من المجسم كل نسخة فيها تقطيعة واحده

وممكن يكون فى طريقة أسهل من كده بكتير منتظرين تفاعل باقى الأعضاء

[mazm]

أحنا عارفين أن الثانية فيها 24 فريم

I think it is 25 unless you are talking about movies

...

[hmsabry]

................
لاني حاولت اجرب الاتي
دة مثال علي موديل :


وبعدين اضفت edge loop في النص
و عملت separate:


و بعدين لما حبيت احركة للترانسفورم مثلا حركة بسيطة rotation:


لاحظ الموضوع ماشي تمام و الجسم smooth ... لكن المشكلة انة مفتوح مش مغلق ودة اللي مخلية محافظ علي شكة العام...
بس في الفيديوهات السابقة لاحظ الاجزاء كاها مقفولة يعني مكعبات و الاجزاء الخارجية مقفولة و ناعمة smooth

......
طيب اية المشكلة ...نقفل الفتحة
select border edge > fill hole


زي الفل طول ما احنا في level 1 in the smooth preview (no smoothing)

نضغط بقي علي 3 علشان نعمل smooth و نرندر و نهيص:


و لو زودنا egde loop لحفظ الشكل و جينا نجمع الاجزاء دي علي شكل جسم واحد هيبان ان فية لحام بينهم
.............

شوف يا عم ...
1) انت مش محتاج تعمل smooth edges ...!!! لان المفروض تستخدم mia_round_edges
2) المنطقي انك لو بجت plane ... بوليجون ... وعملت للنصفه extract ... هل هتشوف seem..؟؟
اكييييييييييييييييييييييييييييييييييييييييييييييد لأ ...!!!
3) الجميل في mia_round انها بتشتغل بس لو لقيت حواف بزاوية 90 درجه اما لو مسطح مش هاتعمل
تنعيم للحواف
4) الاهم بقي ...!!! انك تعمل موديل الاول وتنهيه جيدا كانه قطعة واحدة ... ثم تقوم بتقطيع الموديل وتقفيل
ال holes ...

ارجو الكلام ده يفيدك ... ولو مش واضح اسال تاني

[::ابو عادل::]

mia_round_edges انا اول مره اسمع بيها بتيجي منيين

[A7MED 3@DL]

mia_round_edges انا اول مره اسمع بيها بتيجي منيين

وانا بردك أول مرة أسمع عنها ياريت توضحلنا أكتر يا حازم

[hmsabry]

ده واحد عاملها شرح ...
http://www.youtube.com/watch?v=lEnsEGlFsBQ

ممكن تعمل بحث في جوجل هتلاقي حاجات كتيرة ممكن تفيدك ...
*نصيحة ...
اول ما تلاقي حاجه اسمها غريب وعمرك ما سمعت عنها ... اول حاجه تعملها
البحث عنها في جوجل ....

[A7MED 3@DL]

إيه ده

ده جامده أوى وهتوفر وقت كبير جدا فى حجات كتير أوى

شكرا على النصيحة

[afandina]

حازم باشا اولا الف شكر علي اهتمامك و ردك السريع
بس موضوع mia_round corners انا فعلا جربتة قبل كدة و المشكلة ما اتحلتش شوف الاتي:

دة الموديل مفصول من غير faces جانبية مع round corners ...زي الفل ماقيش seems



ولما يتجمع يبقي تمااااام



طيب لو حبينا نقفل الفتحات الجانبية ( واحنا حاطين ال mia_round corners (

دة و الموديل مفصول:



بس المشكلة لما نجمعة....!!!!





باين ال seem لان ال mia_round corners عاملة smoothing for these egdes.

==================================


انا وصلت اليوم لحل بس مش عارف هيبقي عملي ولا لأ...

ان نعمل 2 materials مثلا blin متتطابقين في كل ال attributes بتاعتهم ما عدا ان واحدة متركب علي ال bump بتاعها mia_round corners و التانية لأ

و ندي ال faces اللي هيحصل اللحام عندها ال Blin without round corners

و التجربة كانت نتيجتها هايلة

اتفرج........

دة المويل مفصول:


ودة متجمع




شكرا للجميع ...

[hmsabry]

معلومة ... ((في اول عمل انت حاطه كا reference ))
لو انت وقفت اي فريم وشفت شكل الاسطح ... هتلاقي ان كل الحواف الداخليه ((hole))
sharp جداااااا ... اما الحواف اللي محدده الشكل معمولها bevel في الموديل اصلا
وبعد كده تم تقطيعها و عملها extract و fill holes ومتساب من غير bevel

[effat007]

جامدة المعلومات شكرا يا حازم ولصاحب الموضوع وكل المشاركين