موضوع: محتار بين مجالات الاي تي وطالب مشورتكم ضروري جداااااااااااا

ردود: 9 | زيارات: 2223
  1. #1

    محتار بين مجالات الاي تي وطالب مشورتكم ضروري جداااااااااااا

    السلام عليكم

    الاول انا عاوز اشكر كل اعضاء المنتدي علي كل مجهودهم ودروسهم ومشاركاتهم ربنا يكرمكم جميعا

    انا هخش ف الموضوع علطول

    انا اخوكم محمد من اسكندرية خريج تجارة 2010

    كنت ومازلت مدمن وعاشق للكومبيوتر

    ومريت علي حاجات كتير كهوايه وكممارسه مش اكتر
    زي البرمجة بلغة البي اتش بي
    والداتابيز طبعا ماي سكول
    وتصميم المواقع بالسي اس اس والاتش تي ام ال
    والجرافيك كنت بحب جدا الثري دي ماكس والافتر افكت وليا اعمال بيهم علي قدي
    ومريت علي الشبكات ودرست شهادة مايكروسفت وجزء من شهادة سيسكو


    يعني انا عاوز اقول ان ليا احتكاك بكل مجالات الكومبيوتر

    المهم عشان مطولش عليكو بعد ما اتخرجت انا كنت ناوي علي مجال الاي تي لكرهي الشدييييييييييد لتجارة والمحاسبة وربنا يعلم عديت منها ازاي

    المهم انا تعبت جدا ومازلت لاني مش عارف احدد المجال اللي هكمل فيه

    يعني قلت ف الاول برمجة عشان ممكن ف يوم م الايام اكبر بيها او افتح مكتب او اعمل برنامج او موقع ينقلني نقلة تانيه
    بس للاسف البرمجة كهوايه غير خالص البرمجة كشغل
    الموضوع ممل لاقصي درجه وطويـــــــــــــل اوي وعاوز واحد بيعشق البرمجة فعلا ودماغه عاليه اوي
    وانا مش كده للاسف


    ف بعد تجربة 4 شهور مع البرمجة ملقتش نفسي فيها
    اخري وكبيري اوي اعمل مواقع بي اتش بي مع نفسي كده كهوايه

    قلت خلاص اشوف مجال تاني
    فكرت ف الشبكات بس رجعت قلت لالالا ف ساعتها
    طبعا لان تقريبا نص شباب مصر ليهم ف الشبكات وغير كده الوظائف الكبيره ف الشبكات بتروح لخريجي هندسه اكتر وخصوصا في الخليج

    قلت يبقي خليني ف الثري دي ومجال الجرافيك

    وبالفعل نزلت دروس كتيييير اوي للثري دي ماكس والافتر
    ولسه هبدأ لقيت كذا موضوع عن ان المجال دا محتاج وسايط لو عاوز تشتغل ف قناة فضائيه او لو هتشتغل ف شركة دعايه لازم تكون جامد اوي اوي يعني خبرة كبيره وشغل جامد جدا ف اجلت شويه الدخول ف المجال دا ولسه مبدأتش فيه

    ومتبقاليش غير مجالين

    واحد اللي الاوراكل المحاسبي بس للاسف اقل رقم ف كورساته 18 الف ج
    ويعالم هلاقي ساعتها ولا لأ ويعالم اصلا هاحبه ولا لأ دا غير ان شغل روتيني وانا بحب التجديد وبحلم اني لما اتوظيف اتوظيف ف حاجه اقدر اكسب منها بره اطار الوظيفة

    متبقاش غير مجال اخير اللي هو تصميم المواقع

    انا الحمدلله كويس فيه وعارف سكته ازاي بس فيه مشكله صغيره مجنناني
    انا دورت كتير ف مواقع التوظيف مبلاقيش ف المجال دا مرتبات كويسه حتي لو خبره
    يعني متتقارنش بالبرمجة والجرافيك وسقفها صغير ومعروف للجميع
    غير كده ياتري هقدر مثلا اكسب من المجال دا ف خارج اطار الوظيفه
    يعني هل دا مجال يبني مستقبل ويفتح بيت ؟؟ رغم الالاف اللي فاتحين شركات تصميم واستضافة

    بجد انا تعبان جدا وعشان كده كتبت لحضراتكم كل دا وانا عارف صدعتكم وطولت جدا جدا بس والله دا من عشمي وحتي لو مردتشوش يكفي اني استفدت من المنتدي دا كتير اوي

    ياريت تقولولي ومن الللي حكتهولكم اعمل ايه وتنصحوني بايه انا واقف ادام حاجاتين الجرافيك كثري دي وتصميم المواقع وممكن برمجة بالبي اتش بي
    وحضراتكم شايفين احسن مجال ف كل دول اللي فيه رواتب كويسه واللي ممكن من خلاله اشتغل شغل خاص واكبر بيه

    اسف للاطاله مره تانيه وربنا يجازيكوا خير يارب



  2. #2
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    والله يا أخي الكريم من المزعج جدا قراءة موضوع لإنسان متعلم ويبحث عن العلم بلهجة محلية ...

    ليتك كتبت بالفصحى حتى نشاركك همومك ... المعذرة لم أستطع إكمال الفقرات الأولى .

    وأيضا كتابة المصطلحات العلمية هكذا

    البرمجة بلغة البي اتش بي
    والداتابيز طبعا ماي سكول
    وتصميم المواقع بالسي اس اس والاتش تي ام ال
    وفقك الله
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  3. #3
    عضو متميز
    صور رمزية alrahhal
    تاريخ التسجيل
    Mar 2006
    ردود
    1,101
    أسأل الله لك السداد والتوفيق أخي
    وأتمنى أن تلقى النصح من أهل الاختصاص وأهل البلد هم أدرى بالوضع
    أن يقسو عليك حكيم في النقد خير من أن يمتدحك أحمق
    مصالحة مع الريشة والألوان --2-- ِِAlrahhal sketchbook
    My sketchbook
    3D album
    instagram

  4. #4
    عضو متميز
    صور رمزية MOHAMAD-GU
    تاريخ التسجيل
    Jan 2010
    المنطقة
    سوريا أهل العز
    العمر
    29
    ردود
    2,401
    أخي الكريم أنا طالب تقنيات حاسوي ومعي شهاده صناعيه بهندسه الحاسوبات شوف ....
    أولاً الفرع ماكثير بيفرق معك وبصراحه قصوا عم أحكيها ﻷنه الكومبيوتر بودي كله على كله بس مشان موضوع الرواتب الراتب أنت بتحدده كيف يعني ... انت من الممكن أن تخرج عن نطاع العادي والأبداع وتصير تشتغل بالخيال فمثلاً هل تعلم إن برمجه صفحات الأنترنت نزلت تقنيه جديده وهي 3d والتي تخلي واجهاتها كلها 3d وكما أن الشبكات مجالها واسع فوق ما تتخيل واسع جداً جداً وأضن أن الشبكات أوسع من علم الفلك فلأنها علم يربط التقنيات الحديثه بالتقنيات القديمه أخي الأن بمجال الشبكات في تقنيات جديده لو تابعتها وكنت من أول منفذيها والمتعلمين عليها بصير حق شغلك ذهب في تقنيه بالشبكات و من مخابر mit و مات لاب برعايه شركه أبل وهي شحن الموبايل عبر طريق مكوجات اللاسلكيه wifi والكثير الكثير الكثير من التقنيات الجديده فلا تجعل كم أختصاص هم حياتك حاول أن توسع نفسك بنفسك وتتابع كل جديد وتتعلم كل جديد وأي مساعده بهل موضوع أنا جاهز راسلني وحجاوبك فالحمد لله أنا عندي الخبره بكثير من مجالات الحاسوب من برمجه أكثر من 6 لغات برمجه وتصميم فوتشوب وبلندر وثريدي ماكس سابقاً وكوريل و أليستريتر ..... والشبكات ( كنت أعمل بسلسله مجمعات(مولات) ماجد كريم السوريه كمدير ودعم فني ) ومجال الدارات الرقميه والكهرباء وبرمجه مايكروا كونترولرز ومتحكمات آلية ووووووووووو.... إلى آخ ...


    نصيحه لا تعقد نفسك شوف شو الفرع البتميل له أنت وتابع كل جديد بجديد وحتأبدع بذن الله

    ومشان موضوع الروتين فهو موجود بكل وظيفه ولاكن يمكنء إزالتها بنفسك بمتابعه كل جديد و تطوير من مهارتك و جعل العمل باب للترفيه مثل ما أفعل أنا ..
    2D Game Graphic Design

    www.daymangames.com

    my personal website

    www.mohamadstudio.com

  5. #5
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    بتفكرنى بنفسى ..
    كإنى أنا إللى كاتب الموضوع بالظبط

    صراحة .. مش هعرف أجاوب
    بيقولوا فاقد الشئ لا يعطيه

    أنا منتظر مثلك رد الناس ^_^


    لكن لو أنا خريج تجارة .. هحاول أحصل على شهادة توفل دولية أولا ثم CMA
    http://ar.wikipedia.org/wiki/%D8%B3%...A5%D9%8A%D9%87

    و هشتغل فى أى شركة محاسب بأى مرتب لغاية ما اخلص الشهادات ديه .. لإن التوفل و الـ cma ممكن ياخدوا سنتين على الاقل ..
    و يكون معاايا شهادة توفل دولية و محاسب إدارى دولى معتمد و خبرة سنيتن على الأقل .. ساعتها هتلاقى وظيفة بمرتب كبير فى مصر أو خارج مصر ..
    و ممكن تتطور و تاخد mba ماجستير إدارة أعمال دولية .. عشان تبقى مدير بمرتب ضخم جدا ..

  6. #6
    اقتباس الموضوع الأصلي كتب بواسطة aktoom معاينة الرد
    والله يا أخي الكريم من المزعج جدا قراءة موضوع لإنسان متعلم ويبحث عن العلم بلهجة محلية ...

    ليتك كتبت بالفصحى حتى نشاركك همومك ... المعذرة لم أستطع إكمال الفقرات الأولى .

    وأيضا كتابة المصطلحات العلمية هكذا



    وفقك الله
    عذرا اخي الفاضل اعتقدت ان اللهجة المصريه كل العرب يفهمونها بطلاقة ولكن جزاك الله خيرا علي اهتمامك


    اقتباس الموضوع الأصلي كتب بواسطة alrahhal معاينة الرد
    أسأل الله لك السداد والتوفيق أخي
    وأتمنى أن تلقى النصح من أهل الاختصاص وأهل البلد هم أدرى بالوضع
    جزاك الله خيرا وانا اتمني ان اجد النصح فعلا


  7. #7
    اقتباس الموضوع الأصلي كتب بواسطة mohamad-gu معاينة الرد
    أخي الكريم أنا طالب تقنيات حاسوي ومعي شهاده صناعيه بهندسه الحاسوبات شوف ....
    أولاً الفرع ماكثير بيفرق معك وبصراحه قصوا عم أحكيها ﻷنه الكومبيوتر بودي كله على كله بس مشان موضوع الرواتب الراتب أنت بتحدده كيف يعني ... انت من الممكن أن تخرج عن نطاع العادي والأبداع وتصير تشتغل بالخيال فمثلاً هل تعلم إن برمجه صفحات الأنترنت نزلت تقنيه جديده وهي 3d والتي تخلي واجهاتها كلها 3d وكما أن الشبكات مجالها واسع فوق ما تتخيل واسع جداً جداً وأضن أن الشبكات أوسع من علم الفلك فلأنها علم يربط التقنيات الحديثه بالتقنيات القديمه أخي الأن بمجال الشبكات في تقنيات جديده لو تابعتها وكنت من أول منفذيها والمتعلمين عليها بصير حق شغلك ذهب في تقنيه بالشبكات و من مخابر mit و مات لاب برعايه شركه أبل وهي شحن الموبايل عبر طريق مكوجات اللاسلكيه wifi والكثير الكثير الكثير من التقنيات الجديده فلا تجعل كم أختصاص هم حياتك حاول أن توسع نفسك بنفسك وتتابع كل جديد وتتعلم كل جديد وأي مساعده بهل موضوع أنا جاهز راسلني وحجاوبك فالحمد لله أنا عندي الخبره بكثير من مجالات الحاسوب من برمجه أكثر من 6 لغات برمجه وتصميم فوتشوب وبلندر وثريدي ماكس سابقاً وكوريل و أليستريتر ..... والشبكات ( كنت أعمل بسلسله مجمعات(مولات) ماجد كريم السوريه كمدير ودعم فني ) ومجال الدارات الرقميه والكهرباء وبرمجه مايكروا كونترولرز ومتحكمات آلية ووووووووووو.... إلى آخ ...


    نصيحه لا تعقد نفسك شوف شو الفرع البتميل له أنت وتابع كل جديد بجديد وحتأبدع بذن الله

    ومشان موضوع الروتين فهو موجود بكل وظيفه ولاكن يمكنء إزالتها بنفسك بمتابعه كل جديد و تطوير من مهارتك و جعل العمل باب للترفيه مثل ما أفعل أنا ..
    كلامك جميل يا اخي ومحمس لاقصي درجة وانا استفدت جدا من مشاركتك جزاك الله خيرا


  8. #8
    اقتباس الموضوع الأصلي كتب بواسطة إبن يس معاينة الرد
    بتفكرنى بنفسى ..
    كإنى أنا إللى كاتب الموضوع بالظبط

    صراحة .. مش هعرف أجاوب
    بيقولوا فاقد الشئ لا يعطيه

    أنا منتظر مثلك رد الناس ^_^


    لكن لو أنا خريج تجارة .. هحاول أحصل على شهادة توفل دولية أولا ثم cma
    http://ar.wikipedia.org/wiki/%d8%b3%...a5%d9%8a%d9%87

    و هشتغل فى أى شركة محاسب بأى مرتب لغاية ما اخلص الشهادات ديه .. لإن التوفل و الـ cma ممكن ياخدوا سنتين على الاقل ..
    و يكون معاايا شهادة توفل دولية و محاسب إدارى دولى معتمد و خبرة سنيتن على الأقل .. ساعتها هتلاقى وظيفة بمرتب كبير فى مصر أو خارج مصر ..
    و ممكن تتطور و تاخد mba ماجستير إدارة أعمال دولية .. عشان تبقى مدير بمرتب ضخم جدا ..
    تصدق انا مستغرب لاني تقريبا ف معظم مواضيع المانبر كنت بلاقي مشاركاتك واللي فكرني بيك الصوره الجميله الخاصة بيك ف انا فوجئت انك لسه بتبحث عن مجال تتخصص فيه وانا عاوز اقولك حاجه بالنسبه للمحاسبه وكده انا ف الموضوع كاتب اني بكره المحاسبه لاقصي درجه ونجحت ف الكليه دي بالعافية وبعد معاناه


  9. #9
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    اقتباس الموضوع الأصلي كتب بواسطة mohaworld معاينة الرد
    تصدق انا مستغرب لاني تقريبا ف معظم مواضيع المانبر كنت بلاقي مشاركاتك واللي فكرني بيك الصوره الجميله الخاصة بيك ف انا فوجئت انك لسه بتبحث عن مجال تتخصص فيه وانا عاوز اقولك حاجه بالنسبه للمحاسبه وكده انا ف الموضوع كاتب اني بكره المحاسبه لاقصي درجه ونجحت ف الكليه دي بالعافية وبعد معاناه
    أنا بطلت بحث نسبيا ^_^

    و الشغل غير الدراسة تمامااااااااا

    أنا حاليا بدرس آداب إنجليزى و متخصص فى اللغة الإنجليزية و ناوى أتخصص فى الترجمة ..
    لكن أعمل مصمم جرافك - فوتوشوب و إليستراتور أحيانا - فقط بجوار الدراسة .. يعنى لا أرغب فى أن أكون محترف عالى المستوى .. لكن لا مانع عندى من الإستزادة فى الفوتوشوب حتى أجد فرص عمل أكثر .. لكن الأساس عندى هو الترجمة و اللغة الإنجليزية و الألمانية أيضا ..
    أحاول ألا يطغى هذا على ذاك .. كما حدث فى الماضى ..


    حاول تشتغل محاسب فى شركة .. أنت دلوقتى المفروض إنك تكون شغال و بتجيب فلوس .. بعد كده نقى مجال تشتغل فيه بجوار الشغل الأساسى ..
    لو معاك فلوس كويسة هتتعلم بسرعة .. و بالذات لما تكون الفلوس ديه بتاعتك أنت .. مش بتاخدها من حد و تقعد تحاول تقنع الأهل إن الكورس ده هيفيدك و الكلام ده ..
    لما تكون الفلوس فلوسك .. هتعرف تجازف بيها فى أى حاجة
    ساعات المجازفة بتفتح أفق النجاح لأبعد حد ..

    فأنت ببساطة كده ..
    أبدأ أتعلم إنجليزى .. لإن ده رسمى رسمى رسمى نظمى هتتعلمه فرده و لو دراع .. - و تعرف تاخد توفل -
    عايز تتعلم جرافك .. محتاج إنجليزى كويس .. قراءة و إستماع .. و الإستماع مهم جدا فى تعلم الجرافك ..
    لو هتتعلم برمجة .. برضوه محتاج تكون شاطر و أستاذ فى الإنجليزى .. فهتتمكن بسرعة و هتتعلم بسرعة ..
    المصادر الإنجليزية أكثر و أحدث من العربية .. ستجد علماء يابانيين فى البرمجة و كتبهم مكتوبة بالإنجليزية قبل اليابانية .. فعلوم الحاسب كلها أكثر إنتشارا بالإنجليزية ..

    حصولك على توفل و إى سى دى إل مع شهادة التجارة .. هتلاقى شغل إن شاء الله بسرعة ..
    و الحياة العملية هتعلمك كتييييييييير جداااا ..

    فى فترة الشغل أتعلم الحاجة إللى أنت عايزها أو فى الغالب أنت هتعرف نفسك فى الشغل ..
    فى الغالب أنت هتميل لشغل الداتابايز و الأوراكل .. و شغلك فى سوق العمل إن شاء الله هيعرفك إللى أنت محتاجه و إللى هتعرف تنفع فيه بسرعة بالظبط ..

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل