Ahmed Yousry Texture and Lighting Reel

[نوري]

اعمال جميلة ترفع الراس
ماشاء الله ومرحبا بك مع اخوانك في المنابر تفيد وتستفيد ان شاء الله .

[doctor3d]

اووووووف
ده عايز يتشاف مرة واثنين وتلاته وعشره

بجد تحفه ميتقالش عليها غير اووووووووووووووف
وبسم الله ما شاء الله بجد

[ayousry]

شكرا يا zahzahtoon و نوري وmohaworld و ابوهناء و .abd alla.

طيب يا باشا ... ما دام كده ... اتفضل

* ازاي وصلت للشغل في Hydraulx ؟؟ ... قدمت هناك، همه طلبوك ؟؟ ... لو تحكيلنا عن الانترفيو ؟؟
* كنت بتعاني من المعيشة في الولايات المتحدة ... في مضايقات أمنية أو ما شابه ؟؟ .. وقعدت قد إيه هناك ؟؟
* كنت شغال هناك موديلينج وتيكستشرينج برضه ؟؟ ... بس ولا حاجات تانية ؟؟
* بيئة العمل هناك ... مريحة نفسيا ؟؟ ... ولا كرجل شرقي مسلم كان في حاجات بتضايقك ؟؟
* دورك في 2012 / wolverine / F&F ؟؟ ... ع السريع يعني لو ده مش هيعطلك
* رأيك في سوق الجرافيك في مصر ؟؟ ... في أمل، ولا لسه قصادنا كتير ؟؟


شكرا مقدما يا جميل

ازاي أشتغلت هناك ؟ واحد صاحبي هو اللي قدم شغلي وفوجئت لقيتة بيثولي عندك interview بعد كده روحت قابلت ال HR manager و CG supervisor سألني عملت داه ازاي كل مشهد تقريبا وطلب reference ياعني ناس اشتغلت معايا قبل كده تكلمه ودي عادة موجودة هناك لازم حد يكون يعرفك ويقول ان انت شخص كويس و مش بتاع مشاكل, عملت كده وبعد كده ابتديت معاهم . موضوع يتعاني من المعيشة ولا لأ داه بيختلف من شخص لأخر أنا ماكنش عندي مشكلة خاصة وأن كان في واحد صاحبي جدا ساعدني وكان دايما معايا. موضوع مضايقات أمنية ده صراحة انا محستش . والناس اللي كانوا شغالين معايا كانوا كويسين جدا ومحترمين اوي . و أنا قعد في امريكا حوالي 6 أشهر تقريبا . وبيئة العمل يعني مش مريحة اوي صراحة. شغل كتير أوي ومرهق جدا وفي وقت قليل- أنا بتكلم علي المكان اللي اشتغلت فيه - بالنسبة ليا ماكنش فيه مشكلة بس أكيد لو حد متزوج و أولاد وكده ممكن الموضوع يختلف . وموضوع رجل شرقي مسلم ده برضه نسبي . . يعني الناس أكيد مختلفة لبسهم وطريقتهم . . كل حاجة بس هم حيحترموا شخصيتك و عاداتك طلما مش بتقصر عليهم يعني مثلا وأحنا بنأكل حد ممكن يقولي خلي بالك دا خنزير مثلا لو انت مش بتأكله بس هو موجود طبعا, ممكن حد يضايق من الجو داه وممكن واجد تاني لا . طبعا قيس علي داه حاجات تانيه كتير .
بالنسبة لدوري . . فالأول أنا أتعلمت الpipeline علشان في حاجات معينة خاصة بطريقة الشغل . واتعلمت شوية Linux commands td في f&f عملت lighting لعربيات كانت موجودة في background . التصوير كان بليل ومكانش في عربيات في الشوارع فتقريبا العربيات كلها كانت CG وكان عندهم light rig مخصوص للفيلم كنت بستخدمه في معظم المشاهد , wolverine عملت textures للجنود في أول الفيلم اللي كانوا بيجروا وحد تاني عمل crowd simulation وعملت lighting and shader development لشوت black hawk Helicopter . بس علي فكرة الطيارة دي برضه طلعت في شغل rising sun دي شركة تانية اشتغلت في نفس الفيلم. انا عملتلها lighting في المشاهد اللي كانت مع شركتي . في 2012 اشتغلت اكتر جزء في مشاهد supermarket اثناء بداية الزلازل . ساعدت في textures وكنت بعمل lighting للمشاهد دي عشان تشابه اللي متصور حقيقي فتقريبا كنت ممكن تبقي بتشوف shot live واللي بعديه علاطول full frame CG فاكانت صعبة من ناحية انك لازم تاخد بالك من كل حاجة تبقي زي اللي قبلها بالظبط مثلا specular علي السلك في live لازم يبقي بالظبط زيه في 3D غير كده بقي اشتغلت في مشاهد كتير ما بين camera projection for matte painting سعات modeling سعات texturing . كان وقتها ال 3 افلام مع بعض غير الاعلانات فاكان شغل كتير اوي .
اما بالنسبة لسوق الجرافيكس في مصر فانا حاسس ان فيه شغل كتير ممكن يطلع شكله كويس يعني ناس كتير بيطلوا شغل بجودة عالية بس طبعا في مشكلة في الادارة علي مستوي معظم الشركات وعلي مستوي ادارة الافراد للprojects وطريقة شغلهم. عاوز اقولك ان بره ممنوع ترد علي التليفون في الشغل والمواعيد مظبوطة وحاجات كتير بقي ليها علاقة بالنظام واحترام الشغل والمديرين . وموضوع لسا قدمنا كتير داه . مش عارف احنا ممكن يبقي عندنا ناس شاطرين زي الناس اللي هناك بس ناس تشتغل مع بعض او teamwork او مديرين زي اللي هناك لأ للأسف مش موجودين وده اللي بيطلع الشغل الكبير . فالموضوع صعب لو كلمت ناس حيقولولك الشركات مش كويسة والمديرين مش كويسين ولو كلمت الشركات مديرنها واصحابها حيقولك الناس مش ملتزمين ومش بيجوا في مواعدهم الخ . طيب وبعدين .
يا رب اكون عرفت اجاوبك علي أسئلتك

وان شاء الله حاجاوب علي اسئلة mohaworld

[hnd]

ما شاء الله لا قوة الا بالله
شغل جميل جدا
ربنا يوفقك
ومنتظرة اجابات حضرتك على اسئلة mohaworld بالتفصيل
وجزاكم الله خيرا لسعةةةة صدرك

[ayousry]

اول سؤال

الgrass إلى إستخدمته فى إعلان lactel عاجبنى جدا ...

وكمان إعلان mobinil

هو ده اتعمل إزاى وهل خد وقت كبير فى الrender ??

لأنى بحاول أعمل grass لملعب كرة قدم وتوصلت لبعض النتائج لكن من عجبانى ..

lactel grass كنت عملته علي 3 مستويات . اول مستوي قدام الكاميرا density كتير والمستوي التاني اقل وهاكذا و موبينيل كان امام الكاميرا بس . عادة انا باستخدم Hair_TK عشان اعمل render ل fur او grass دي shader من مجموعة p-shaders ودي بتخليك تقدر تتطلع passes للfur بشكل احسن واسرع مين مايا .
http://www.puppet.tfdv.com/download/shaders_p_e.shtml

واعتقد انه ماكنش بياخد وقت طويل lactel ال project كله اخد يوم واحد تنفيذ بالرندر

واتأكد انك بتستخدم rasterizer as your primary renderer in render global seetings
ده حيسرع الرندر جدا

[Ecleposs]

بجد تسلم ءايدك ..رائع الديمو و أروع مسار حياتك العملية
انا بفرح جدا و بأفتخر لما بلاقى حد عربى و بالأخص مصرى ناجح زيك كده
ما شاء الله و الله أكبر عليك لحسن تتحسد ولا حاجة

[Mr_Evil]

الى التقييم بسرعه 5 نجوم لانك تستاهل
اعمال جميله و رائعه
بالتوفيق ان شاء الله

[A. General]

يا سلام شغل عظيم وحسب قول الاخوة باين عليك من رواد هذه المواضيع

[MOHAMAD-GU]

ما شاء الله عليك أخي والعمل إبداع خالص وما عليه أي حكي يعني معقول ننقد عمل مثل هاد هاد العمل عمل مبدعين والله مش مصممين بس طلب صغير إذا أمكن أن تجاوبني عليه أنت إزاي بديت تتعلم تكسشرنغ وليتنغ من أنوا موقع ولا من أنوا دروس وكيف كانت بدايتك فأنا أحب أن أصل لمستواك وبكل صراحه أنت قوي جداً بهذه المجالات فياريت تفيدني بهل موضوع بكون من الممنونين لك

[ahmed_shal]

ممتاز حقيقي انا مستغربتش لان من يوم ما رحت اروما وانا اسمع عنك انت وحازم صبري من الناس هناك وفعلا شغلك جميل وممتاز تسلم ايدك بجد
انا كان نفسي اعرف بما انك اشتغلت ف برودكشن زي ده ايه هي اهميه ال riggers and tool developers هناك ؟ ولا لعمليه ف الافلام ديه معتمده علي ال vfx وال post production اكتر والباقي كله مو شن كابتشر ؟ هل اغلب الناس اللي شغاله هناك generalists او حتي لازم بيعرفو حاجات كتير؟ ولا فيه تخصص بشكل كويس؟هل يفرق انه بيستخدم ماكس او مايا او سوفت اميج؟
دي بعض الاسئله اللي بتدور في ذهني ومش عاوز اسال كل حاجه مره واحده عشان مضايقاكش
متشكر جدا لوقتك واهتمامك
احمد شلبي

[BraveHe2rT]

أهلا وسهلاً بيك يا أستاذ أحمد شغلك لا يعلى عليه والله قمة في الروعة وكله أبداع الله ينور عليك تسلم
وفي الحقيقة أنا نفسي اشتغل في شركة أروما بس كنت عايز أعرف ايه متطلبات الشغل في الشركة يريت لو تفيدنا

[sika1991]

شوريل جاامد جدا بسم الله ما شاء الله
ممكن تكلما عن حياتك (للمبتدئين)
يعنى انت خرريج كليه ايه ابتديت الcg امتى وكان ايه البرنامج اللى ابتديت بيه؟ اشتغلت ف كام شركه ايه الدروس اللى اتعلمتها علشان توصل للمستوى ده ويارب مكونشى تقلت عليك

[omarzonex]

فعلاً أحمد عبقري من عباقرة المخضرمين القدماء

الذين عاشوا قديماً في هذا الفن الراقي

بارك الله يداك يا أخ أحمد يسرى

[ابومعاذ]

مرحبا اخونا احمد ماشاء الله شغل ولا اروع اتشرفنا بيك اخى

[maxspider]

متشكر يا احمد ... معلومات مفيدة، ربنا يباركلك

هبقى آجي أسأل تاني بعدين ... بس لما تشوف أسئلة الناس الأول لو انت فاضي ... عشان منتقلش عليك