استفسارات بخصوص العمل في مجال الـ3d

[hytham.224]

السلام عليكم...
بدأت تعلم برنامج 3d max منذ فترة عن طريق الدروس التي اجدها علي النت..و وصلت الي مرحلة أري انها معقولة و الحمد لله بالنسبة لمبتدئ..و أطمح في ان اتقدم ان شاء الله...
ولكن عندي سؤال ارجو ان اجد اجابته هنا...انا حاليا ادرس في كلية التجارة.اي انه مجال بعيد تماما عن الجرافيك..و لا اظن انني سأحصل علي كورسات او ما شابه نظرا لظروف خاصة...فهل يمكنني العمل بدون شهادات او كورسات؟؟
و سمعت ان وصولي للعمل بال3d صعب و الاسهل و الاكثر انتشارا هو الفوتوشوب و الويب و ما الي ذلك فهل هذا صحيح؟؟
شكرا لكم...و في انتظار الردود

[blackvirus]

مجالات الماكس كثيره بس الى انا عرفه هو المعمارى شعله كويس و مطلوب لو كنت على درجه كبيره من الخبره مش مبتدء وممكن تعرض لينا صور علشان نقيم مستواك
اسمى عبدلله و انا كليه تربيه عين شمس و ممكن نتعرف اكتر علشان نزيد بعضنا خبره

[hytham.224]

اشكرك اخي عبد الله علي ردك
و بالنسبة للمعماري فلا اعتقد انه مناسب في حالتي"متهيألي محتاج حد خريج هندسة"...اما اعمالي فسأقوم برفعها هنا ان شاء الله..و هي بالمناسبة اعمال قليلة و متواضعة حتي الان....اذن ماذا عنك؟...هل تدرس الجرافيك عن طريق كورسات؟

[blackvirus]

لالالالالالا يا اخى انه لا يحتاج ابدا الى هندسه الان اعمل حاليا فى هذا المجال و انا فى كليه تربيه بعيد عن هندسه
بل هو يحتاج الى درجه معينه تؤهلك من اخراج صوره بشكل واقعى و على فكره مجال العماره اسهل مجالات الماكس

[tarek3d]

لالالالالالا يا اخى انه لا يحتاج ابدا الى هندسه الان اعمل حاليا فى هذا المجال و انا فى كليه تربيه بعيد عن هندسه
بل هو يحتاج الى درجه معينه تؤهلك من اخراج صوره بشكل واقعى و على فكره مجال العماره اسهل مجالات الماكس

اعتقد انه يقصد هندسه
يعني انك انت اللى هتخطط شكل المبنى عامل ازاى
انا برده محتار فى الموضوع ده
هو انت اللى هتخطط شكل المبنى عامل ازاى وتعمل له مخططات؟
ولا حد تانى بيعمل له مخططات وانت مهمتك تطلعه على هيئة ثريدي؟
+
بالنسبة للسن ايه اخباره؟

[hytham.224]

اعتقد انه يقصد هندسه
يعني انك انت اللى هتخطط شكل المبنى عامل ازاى
انا برده محتار فى الموضوع ده
هو انت اللى هتخطط شكل المبنى عامل ازاى وتعمل له مخططات؟
ولا حد تانى بيعمل له مخططات وانت مهمتك تطلعه على هيئة ثريدي؟

بالضبط هذا ما أقصده..اعتقد ان تصميم مبني محتاج دراسة هندسة...لكن ان كان المبني مرسوما و ما عليّ الا التنفيذ بالماكس فهذا ممكن...و لكن ماذا عن باقي التخصصات؟..مثل الاعلان..الكارتون؟؟...بصاراحة انا اجد ان مجال الكارتون اكثر متعة..و ان كنت لا املك محاولة كاملة في تحريك الشخصيات....

[::ابو عادل::]

طيب انا كلية علوم بعيد خالص عن الجرافيك امتى بقا يعملوا كليات جرافيك في مصر

[tarek3d]

بالضبط هذا ما أقصده..اعتقد ان تصميم مبني محتاج دراسة هندسة...لكن ان كان المبني مرسوما و ما عليّ الا التنفيذ بالماكس فهذا ممكن...و لكن ماذا عن باقي التخصصات؟..مثل الاعلان..الكارتون؟؟...بصاراحة انا اجد ان مجال الكارتون اكثر متعة..و ان كنت لا املك محاولة كاملة في تحريك الشخصيات....

توقعت كده
بس مقولتليش
بالنسبة للسن
فى شروط معينة؟
يعني انا 15 سنة دلوقتي وعاوز اشتغل فى المجال ده
هتواجهني مشاكل بسبب السن؟

[ah_elsisi]

طيب انا كلية علوم بعيد خالص عن الجرافيك امتى بقا يعملوا كليات جرافيك في مصر

امال كليه فنون تطبيقيه بتعمل ايه يا فنان
بيقشروا بطاطس هناك ولا ايه بالظبط
هههههههههههههههههههههههههههههه

[hytham.224]

توقعت كده
بس مقولتليش
بالنسبة للسن
فى شروط معينة؟
يعني انا 15 سنة دلوقتي وعاوز اشتغل فى المجال ده
هتواجهني مشاكل بسبب السن؟

علي فكرة انا كنت باقول "اعتقد" ان تصميم مبني يحتاج الي دراسة الهندسة"...يعني انا مش متأكد..انا برضو توقعت كدة :d...بالنسبة لسنك انا شايف انك لو ركزت من دلوقتي انك تتقن الماكس "لو ماكنتش بتتقنه فعلا" هيكون كويس..انا مثلا اعرف الماكس من حوالي 5 سنين..و عندي دلوقتي 23 سنة..و عارف حاجة من كل حاجة عن الماكس !!...يعني لسة مش متقن"المودلينج-الخامات-الريندر-الانيميشن"...بس اعرف عنهم حاجات يعني:d
انت عايز تتحصص في ايه في الماكس؟؟

[tarek3d]

علي فكرة انا كنت باقول "اعتقد" ان تصميم مبني يحتاج الي دراسة الهندسة"...يعني انا مش متأكد..انا برضو توقعت كدة :d...بالنسبة لسنك انا شايف انك لو ركزت من دلوقتي انك تتقن الماكس "لو ماكنتش بتتقنه فعلا" هيكون كويس..انا مثلا اعرف الماكس من حوالي 5 سنين..و عندي دلوقتي 23 سنة..و عارف حاجة من كل حاجة عن الماكس !!...يعني لسة مش متقن"المودلينج-الخامات-الريندر-الانيميشن"...بس اعرف عنهم حاجات يعني:d
انت عايز تتحصص في ايه في الماكس؟؟

انا دلوقتي الحمدلله متقن الموديلنج والاضاءة والاخراج
لكن التكتشرينج اللى معصلجه معايا شوية
بس انا شغال بتعلم فيها دلوقتي
بس انا عاوز اشتغل السنة الجايه

[hytham.224]

انا دلوقتي الحمدلله متقن الموديلنج والاضاءة والاخراج
لكن التكتشرينج اللى معصلجه معايا شوية
بس انا شغال بتعلم فيها دلوقتي
بس انا عاوز اشتغل السنة الجايه

ياراجل؟...طب و الله كويس..ده انا كدة اللي المفروض اتعلم منك......ربنا يوفقك وتشتغل السنة الجاية ان شاء الله
انا برضو مليش في texturing...تقريبا ماشفتلوش دروس..بس ربنا يسهل...

[blackvirus]

بلنسبه للسن ده مش مشكله من حيث لو تعرف شخص معمارى الان احنا الماكسويه بنفذ كلام المعماريين فى تصميم المبانى اما لو عايز تشتعل فى شركه لازم تكون مخلص جيش يا باشا لو سمحنوا ممكن كل واحد يقول اسمه و ساكن فين ممكن نكون قريبين من بعض و نفيد بعضنا

[tarek3d]

بلنسبه للسن ده مش مشكله من حيث لو تعرف شخص معمارى الان احنا الماكسويه بنفذ كلام المعماريين فى تصميم المبانى اما لو عايز تشتعل فى شركه لازم تكون مخلص جيش يا باشا لو سمحنوا ممكن كل واحد يقول اسمه و ساكن فين ممكن نكون قريبين من بعض و نفيد بعضنا

حاسس ان كلام حضرتك داخل فى بعضه
مش فاهم اوي
يعني السن مش مشكلة؟؟
امال ازاى لو عاوز اشتغل فى شركه لازم اكون مخلص جيش؟
عموما انا طارق وساكن فى المعادي

[mimo_mimo]

محمد من امبابه
ايه رايكوا نحاول نتجمع مع بعضينا لو فيه لابتوبات
ونحاول نفيد بعض

[blackvirus]

بص يا اخى طارق يعنى انا عندى ابن عمى مهندس معمارى فاتح مكتب وبيشتعل بيرسم المبانى على الاتوكاد و هوه محتاج حد بيرسم على الماكس علىشان يعمل له مناظير علشان كده هو بيجب لي شعل اما لو عايز تشتعل على الماكس فى شركات ده مش ينفع ليك علشان بيطلبوا شهاده الاعفاه بتاع الجيش و وقت محدد للعمل انا رحت لشركه و حدث مع تلك المشاكل لانى انا فى جامعه و لسه بدرس . لو انت عايز تشتعل لازم يكون لك معارف من المهدسين المعمارين او اذهب الى المكاتب العماره و اعرض لهم شعلك

[maxspider]

شغال في المجال بقالي أكتر من خمس سنين ... ومفيش حد طلب مني أبدا أي شهادة
شغلك هو شهادتك ... لو عامل شغل عالي ونضيف ... حتى لو دبلوم، هيعينوك

بالمناسبة ... أنا خريج آداب - قسم وثائق ومكتبات ... تفتكر في علاقة ؟؟

[hytham.224]

شغال في المجال بقالي أكتر من خمس سنين ... ومفيش حد طلب مني أبدا أي شهادة
شغلك هو شهادتك ... لو عامل شغل عالي ونضيف ... حتى لو دبلوم، هيعينوك

بالمناسبة ... أنا خريج آداب - قسم وثائق ومكتبات ... تفتكر في علاقة ؟؟

كلامك اداني امل في الحياة ...بس ماقولتش..انت شغال معماري ولا حاجة تانية؟؟

[smartac]

صديقى العزيز... قصتى مع الماكس كالتالى..
أنا خريج كلية الآداب جامعة القهرة قسم تاريخ وبحضر ماجستير فى التاريخ.....
وعلى الرغم من كده أنا شغلى ومصدر رزقى من العمل فى مجال الماكس والجرافيك.....
أنا عارف الناس حتقول إيه... برده بنت خالتى قالت كده...
إيه العلاقة بين الثرى دى والتاريخ....

المهم إن تعلمى للماكس مكانش بعد التخرج..
كان قبل التخرج....
يعنى من سنة ثانية كلية وأنا بتعلم الماكس...
ولم تكن متابعتى للماكس منتظمة
حبة دراسة وحبة ماكس...
ولهذا نصيحتى لك
اهتم بالماكس من دلوقتى...
واعرض شغلك فى المنتديات من دلوقتى..
نصايح الناس ليك حتوجهك..
وهى اللى حتكسبك خبرة هايلة...
والمثل بيقول...
اللى مايتعلمش من أبوه وامه... الدنيا تعلمه...
وعلشان كده...
اتعلم من دلوقتى... قبل ما الدنيا هى اللى تعلمك
وأهم حاجة فى الموضوع ده... الصبر
لأن الخبرة مش حتيجى بالساهل...
حبة صبر...
مع حبه مجهود...
حتلاقى فيه نجاح إن شاء الله

[__DR_DC__]

كويس قوي
يا جماعة انا نفسي اشتغل في الماكس في الأجازة نظرا لأني بدرس طب ولازم تفرغ
السؤال بقا هل في شغلانة ماكس تناسبني? وهل ممكن اعمل اعلانات وابيعها عن طريق النت?
ياريت الناس تقولنا
وكمان اية رأيكم نعمل جروب مع بعض نعلم بعض ونساعد بعض علي الأقل ميبقاش في انعزال مع الماكس الي بيجيب الملل دا ??
مستني الرد
ياسر