موضوع: Animation film ::Need Job:: funny video

ردود: 11 | زيارات: 1192
  1. #1

    Animation film ::Need Job:: funny video

    السلام عليكم ورحمة الله وبركاته

    أحضرت لكم اليوم آخر أعمالي

    فيلم أنيميشن أسمه "أريد وظيفة" بعد الفيلم السابق "صنع في الصين"






    البرامج المستخدمة:

    3ds max 2010
    Zbrush
    Adobe After effects
    Adobe Photoshop

    فكرته سريعاً هو أن سوق العمل وخاصة الجرافيك أصبح لا يمكن فهمه

    نسعى للحصول على فرصة عمل أو حتى تدريب في شركات الجرافيك ولكن لا تجد من يعطيك هذه الفرصة

    وإذا حصلت عليها لا تجد أدنى فرصة للتقدم بسبب زملاء العمل

    وتستمر هذه الظروف حتى يصاب المجتهد بإحباط ويكره المجال



    عذراً لأن الحوار تم كتابته بالإنجليزية لعدم دعم الأفتر إفكت للغة العربية

    الرندر بالـ default scan line

    الجهاز ميقدرش على المنتل راي وطبعاً الفي راي








    http://vimeo.com/17209427


    الفكرة : قوات إنقاذ "منتدى المنابر" تحاول أن تساعد من يريد إختراق هذا المجال قبل أن يتم تدميره من قبل سوق العمل


    نهاية الفيلم مفتوحة ومتروكة لكم

    هل سيتم إنقاذه أم يتم تدميره

    أيمن سليمان


  2. #2
    عضو متميز
    صور رمزية مهندس ماكس
    تاريخ التسجيل
    May 2009
    المنطقة
    السعودية
    ردود
    2,008
    ههههههههههههه جميل ^_^ إلى الأماام والأفضل
    ((رحلة الأف ميل تبدأ بخطوة))
    ______________________________

    " النت هو المنابر "
    أخوكم:فارس الفايز

  3. #3
    شكراً ليك يا باشمهندس

    أرجو من الأخوة ترك رد

    فهذا الموضوع تم وضعه لكي أرى ردود ونقد

    ليس لكي يشاهده أكثر من 30 عضواً حتى الآن دون أدنى رد إلا من مهندس ماكس

  4. #4
    بص يا ايمن العمل فيه عيوب كتير جدا ولو فعلا انت بتدور علي شغل لازم تطور نفسك اكتر من كده
    وانا شايف انك واخد قوانين السوق كشماعه ليك
    طور نفسك بحيث تقدر تنافس المواهب اللي موجوده في السوق وبعد كده ابقي العن الظروف لو هي فعلا واقفه في طريقك
    متزعلش مني بس هي دي الحقيقه انت محتاج تطور نفسك كتييييييييييييير

  5. #5
    Creative Director
    صور رمزية SENSE
    تاريخ التسجيل
    May 2010
    المنطقة
    Mansoura - EGYPT
    العمر
    31
    ردود
    2,387
    اقتباس الموضوع الأصلي كتب بواسطة ah_elsisi معاينة الرد
    بص يا ايمن العمل فيه عيوب كتير جدا ولو فعلا انت بتدور علي شغل لازم تطور نفسك اكتر من كده
    وانا شايف انك واخد قوانين السوق كشماعه ليك
    طور نفسك بحيث تقدر تنافس المواهب اللي موجوده في السوق وبعد كده ابقي العن الظروف لو هي فعلا واقفه في طريقك
    متزعلش مني بس هي دي الحقيقه انت محتاج تطور نفسك كتييييييييييييير
    متفق معاك وقولت الكلام دا قبل كدا قالى انت وحش وانت وانت
    اللى بيقولك رد زى دا بيبقى عايز مصلحتك ياايمن
    مش مهم انك تعمل فيديو وخلاص
    المهم انك تتقن اللى انت بتعمله
    من حيث ( الفكرة + التنفيذ او الاخراج )
    شوف فيديوهات احترافية كتير واحنا معاك لو احتجت اى مساعدة
    واعرف ان اى حد بيقولك نقد زى دا يبقى بيحبك والله وعايز مصلحتك
    ربنا يوفقك ويوفقنا ان شاء الله
    MOSTAFA MAHMOUD
    ................................

    PORTFOLIO

    Facebook Page
    Facbook Profile


  6. #6
    اقتباس الموضوع الأصلي كتب بواسطة ah_elsisi معاينة الرد
    بص يا ايمن العمل فيه عيوب كتير جدا ولو فعلا انت بتدور علي شغل لازم تطور نفسك اكتر من كده
    وانا شايف انك واخد قوانين السوق كشماعه ليك
    طور نفسك بحيث تقدر تنافس المواهب اللي موجوده في السوق وبعد كده ابقي العن الظروف لو هي فعلا واقفه في طريقك
    متزعلش مني بس هي دي الحقيقه انت محتاج تطور نفسك كتييييييييييييير
    بالنسبة لإحتياجي لتطوير نفسي فا أنا متفق معاك جداً يا ah_elsisi

    موضوع المواهب اللي حضرتك بتقول عليه إنها في السوق دي أنا مش متفق معاك نهائي فيها
    وده لأني نزلت تدريب في شركة كبرى من قبل وإكتشفت طريقة عملهم لكن قبل ما أقول إيه اللي إكتشفته أنا هاقولك ظروف نزولي التدريب ده واللي لقيته من الموجودين في المجال وبعدين تقول هل أنا بعلق على شماعة قوانين السوق ولا السوق فعلاً أكثر حقارة مما أشرت إليه

    أنا نزلت تدريب في شركة كبيرة إلى حد ما وكان بدون مقابل مادي ووافقت سريعاً وذهبت وكان قسم الجرافيك فيها يتم تطويره

    مدير قسم الجرافيك فيها هو أحد الذين عملوا في أكبر شركة جرافيك في مصر والوطن العربي "أروما"

    وقد قام بإستقدام أحد زملائه الأصغر سناً والأقل خبرة وكان قدعمل بأروما أيضاً لمدة قصيرة جداً

    إلى جانب شخص آخر يعمل على الأفتر إفكت وذلك ليقوم بأعمال الكومبوزيتينج

    طلب مني هذا الشخص "مدير الجرافيك" أن أقوم بنمذجة بعض الصور لمنازل وغيرها وقد إعتقد أنني لن أستطيع إنجازها لكن سأستفيد من محاولة القيام بها وأيضاً نصحني بمشاهدتهم جميعاً للتعلم وبالفعل بدأت فيها بحماس وأتممتها في وقت قياسي "على حد تعبيره" وبجودة رائعة "ده كان رأيه" وحتى لا تعتقد أنه كان يجاملني لكي أطور من نفسي أقول لك أن هذه الأعمال تم وضعها في مسلسل الجماعة في رمضان الماضي.

    ولأنني تعلمت الجرافيك بمفردي فإنني أحبه جداً لذلك كنت أطلب منه أن يقول لي ما هي عيوب ما أقوم به لكي أطور من نفسي وبدأت أحضر معي دورات تعليمية من النت لكي أعطيها لهم وذلك لأنني أحب أن أقدم كل ما قد أحصل عليه لكي يستفيد الآخرين.

    لم يكن يمر يوم إلا وسمعت منهما أن أروما شركة حقيرة وزملائهم بعضهم خائنين وسمعت قصص عن أن منهم من يمكنهم مسح ملفات أعمال الآخرين قبل موعد التسليم من على الأجهزة

    وأنهم هم من يعطوا صاحب الشركة الفرصة لمعاملتهم بطريقة سيئة وإستعبادهم لأن منهم من يعتبر عميل وسطهم وقصص بالفعل جعلتني أكره أروما ولا أتمنى أن أعمل بها مهما كان المقابل

    وفي نفس الوقت كنت أشعر بالفرح لأن مديري يكره تلك الطرق الملتوية في العمل وهو ما أشعرني بأنني سأتفرغ للتعلم والإبداع دون الخوف من تلك الأشياء التي قد تفسد العمل

    وبعد فترة بسيطة طلب منا عمل إعلان نوع من الشامبو والصابون
    ولأن الإعلان لم يكن قد أتفق عليه بعد فقد قال لي أن أقوم بمحاولة نمذجة زجاجة الشامبو بدقة في اليوم التالي وطلب من زميلي أن يقوم هو بنمذجة الصابونه لأنهم كانو مشغولين بإكمال مقاطع مسلسل الجماعة

    وقمت بالفعل بنمذجتها بدقة كبيرة في نفس اليوم ولم يكن مدير قسم الجرافيك موجود في تلك اللحظة فطلبت من زميلي الآخر أن يرى ويقيم عملي لأنه بكل تأكيد أكثر خبرة مني وحتى لو أقل خبرة فأنا أحترم الجميع ولكن رأيت أن ردة فعله غريبة

    حيث قال لي بإستنكار متى قمت بها وهذه لم تكن إجابة سؤالي

    ومن بعدها شعرت أنه شعر بالخطر لمجرد أنني أتقن بعض الأشياء البسيطة

    ثم بدأت الطرق الغيبة ي التعامل من ناحيته

    توقف يقلل حديثه معي وبدأ يدير شاشة كمبيوتره بطريقة صبيانية

    وقد كنت مستغرباً جداً

    قمت بعدها بعمل أشياء أخرى تم وضعها بأعمال كفيلم الثلاثة يشتغلونها ولوجو أنيميشن رمضاني لقناة أبو ظبي الأولى

    وفي يوم تواجدت أنا ومدير الجرافيك وحدنا فناداني وجلست بجانبه وقال لي أن هناك من يشتكي مني لأنني أنظر لشاشته

    قلت له وأنا لا أنكر أنني أنظر إلى شاشته وهو يعمل وأنت نفسك قلت لي أن أنظر إليكم وأتعلم

    وحتى لو أنني قمت بهذا ما كان عليه أن يتجنبني بل كان يمكنه أن يطلب مني ألا أفعل ذلك حتى بأن يقول لي أن ذا يشغله عن عمله مثلاً دون الرجوع إليك

    إلى جانب أنك ترى كيف أعامله وأحترمه بل وعندما سمعته يسأل عن دروس بعينها عن الفي راي ووجدتها موجودة عندي قمت ثاني يوم بإحضارها له

    قال لي فعلاً لكنه معذور لأن سوق الجرافيك كله "نفسنه" وحقد وكره ولا يحب أي أحد أن يفيد الآخر

    فصعقت لأنه قال عذر أقبح من ذنب

    فإذا كان سوق الجرافيك به هذه الصفات فكيف يبررها له ويقول أنه معذور

    ولكن لم أقل له هذا بل قلت له أنني لن أقوم بالنظر لشاشته مرة أخرى ولكن سأستمر بمعاملته بطريقة جيدة ومحترمة دون إشعاره بأنك نقلت لي شكوته حتى لا يشعر بالإحراج

    لكن كل هذا لم يمنعه عندما بدأت في عمل shading من فصل جهازه من على الشبكة حتى لا أصل للخامات الموجودة على جهازه رغم أن البارتشن ليس به أي شئ يخصه

    ولكن كالعادة إستمريت في معاملته بطريقة محترمة ولم أفعل مثله بل كنت أشعر بأنه يملك عقل طفل

    ولكن بعد ذلك وبعد إنصرافي كنت أعود في اليوم الثاني لأجد أن جهازي تم نقل بعض ملفاته لذلك قررت أن أترك ذه الشركة وقد أخبرته بأن العيب ليس في أروما

    لأننا لسنا في أروما ومازالت تحدث الأشياء التي إنتقدت بسببها أروما

    ده ردي على موضوع إني بعلق على شماعة السوق

    والفيديو اللي فوق ده رأيي سواء عجبتك الفكرة أم لا

    لكن أنا متفق معك في أنن أحتاج لمزيد من التطوير

    اقتباس الموضوع الأصلي كتب بواسطة seNse معاينة الرد
    متفق معاك وقولت الكلام دا قبل كدا قالى انت وحش وانت وانت
    اللى بيقولك رد زى دا بيبقى عايز مصلحتك ياايمن
    مش مهم انك تعمل فيديو وخلاص
    المهم انك تتقن اللى انت بتعمله
    من حيث ( الفكرة + التنفيذ او الاخراج )
    شوف فيديوهات احترافية كتير واحنا معاك لو احتجت اى مساعدة
    واعرف ان اى حد بيقولك نقد زى دا يبقى بيحبك والله وعايز مصلحتك
    ربنا يوفقك ويوفقنا ان شاء الله
    أولاً أنا مقلتش قبل كده إنك وحش وإنت وإنت

    ثانياً أنا هاعيد لك ردي قبل كده "ميهمنيش رأي واحد زيك مشرف المنابر نفسه قاللي لا تعيره إنتباهاً لأن هذه طريقته في معاملة الآخرين وربنا يهديك"

  7. #7
    بص يا ايمن كل اللي انت قلته ده مش حاجه غريبه لا حاجه طبيعيه جدا في مصر وفي كل حته في الدنيا وفي اي مجال مش مجال الجرافيك اينعم هو زياده شويه في مصر وبين المصريين بس طبيعه النفس البشريه كده وكل واحد بيحب يخلي نفسه الاحسن سؤاء بطرق مشروعه او غير مشروعه او حتي اساليب في قمه السفاله
    انت لو فهمت كده وابتديت تتعامل مع الناس من المنطلق ده هتستريح جدا جدا
    وانا نصيحتي ليك بص قدامك وملكش دعوه بحد وطور من نفسك ومتحاولش فيوم من الايام تقول اني كده مفيش زيي لا حاول تحسس نفسك انك لسه موصلتش لاي حاجه لان ده هيديك دافع لانك تتعلم اكتر واكتر ومستواك يعلي
    ومتياسش وعلي فكره اي مكان هتشتغل فيه هتلاقي نفس الكلام اللي انت قلته فكبر دماغك وعيش وتعايش مع الوضع وحاول بقدر الامكان تمسك اعصابك ومتضربش حد ههههههههههههههه
    بالتوفيق ليك ولينا جميعا

  8. #8
    اقتباس الموضوع الأصلي كتب بواسطة ah_elsisi معاينة الرد
    بص يا ايمن كل اللي انت قلته ده مش حاجه غريبه لا حاجه طبيعيه جدا في مصر وفي كل حته في الدنيا وفي اي مجال مش مجال الجرافيك اينعم هو زياده شويه في مصر وبين المصريين بس طبيعه النفس البشريه كده وكل واحد بيحب يخلي نفسه الاحسن سؤاء بطرق مشروعه او غير مشروعه او حتي اساليب في قمه السفاله
    انت لو فهمت كده وابتديت تتعامل مع الناس من المنطلق ده هتستريح جدا جدا
    وانا نصيحتي ليك بص قدامك وملكش دعوه بحد وطور من نفسك ومتحاولش فيوم من الايام تقول اني كده مفيش زيي لا حاول تحسس نفسك انك لسه موصلتش لاي حاجه لان ده هيديك دافع لانك تتعلم اكتر واكتر ومستواك يعلي
    ومتياسش وعلي فكره اي مكان هتشتغل فيه هتلاقي نفس الكلام اللي انت قلته فكبر دماغك وعيش وتعايش مع الوضع وحاول بقدر الامكان تمسك اعصابك ومتضربش حد ههههههههههههههه
    بالتوفيق ليك ولينا جميعا
    يبقى كده إتفقنا وإن سوق العمل زي ماقلت أنا بالظبط ويمكن أكتر على كلامك ويبقى أنا مش بعلق على شماعة

    أنا مع إنتقادي لسوق الجرافيك بأعترف بإني لسه قدامي كتير

    لكن أكيد لازم أحتك بالسوق علشان أتعلم السوق محتاج إيه وأتعلمه

    علشان كده أنا مازلت مصر على دخوله حتى ولو على سبيل التدريب

    اقتباس الموضوع الأصلي كتب بواسطة ah_elsisi معاينة الرد
    انت لو فهمت كده وابتديت تتعامل مع الناس من المنطلق ده هتستريح جدا جدا
    مش موافقك على الجملة دي لأن رغم إني بعامل الناس من المنطلق ده لكن مش ممكن هستريح

    لأني مستحيل أعمل زيهم مهما عملوا هما

    واللي يقابل الطرق الملتوية دي بالصبر عمره ما هيستريح لأنه بيتم إيذائه ولا يجد في هذا مبرر لرد هذه الإساءات بالمثل

  9. #9
    Creative Director
    صور رمزية SENSE
    تاريخ التسجيل
    May 2010
    المنطقة
    Mansoura - EGYPT
    العمر
    31
    ردود
    2,387
    ربنا يكرمك ياايمن

    وخلى بالك من الكلام اللى قولتهولك

    وبرغم اللى قولته انا برحب بيك دايما فى مواضيعى

    أخر تعديل بواسطة SENSE في 27 / 11 / 2010 الساعة 10:42 PM
    MOSTAFA MAHMOUD
    ................................

    PORTFOLIO

    Facebook Page
    Facbook Profile


  10. #10
    عضو نشيط
    صور رمزية سنـدبـاد
    تاريخ التسجيل
    Jul 2008
    المنطقة
    ارض الرافدين و ارض الحرمين
    العمر
    32
    ردود
    463
    الفلم جميل لاكن فيه عيوب شوي

    الشخصية اليد كبيره جدا

    بعض اللقطات مثل النار وغيرها غير متوازنه مع الحركة

    فقط نقاط لازم تنتبه لها بس فكره وعمل جميل اخي

    بالتوفيق
    www.ali-m.com
    my web


  11. #11
    اقتباس الموضوع الأصلي كتب بواسطة سنـدبـاد معاينة الرد
    الفلم جميل لاكن فيه عيوب شوي

    الشخصية اليد كبيره جدا

    بعض اللقطات مثل النار وغيرها غير متوازنه مع الحركة

    فقط نقاط لازم تنتبه لها بس فكره وعمل جميل اخي

    بالتوفيق
    شكراً ليك جداً

    بالنسبة ليد الشخصية أنا كنت عاملها كبيرة لمحاولة جعلها شخصية أقرب للكرتونية

    فعلاً حركة النار والدخان بها بعض الإهتزاز وذلك لأنني قمت بوضعها في الأفتر إفكت بطريقة الـ tracking لأن الجهاز عندي ما يستحملش أي particals على الماكس

    هو فعلاً فيه عيوب وعلشان كده عملته علشان أقابل مشاكل أحلها وأسمع منكم نقد ورأي فأستفيد

    شكراً ليك مرة أخرى
    مواقع ومنتديات الجرافيك المفضلة

    المنابر
    http://www.maxforums.net/index.php

    موقع دروس ماكس تعليمية للمبتدئين
    http://maxtutrs.blogspot.com/

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل