سؤال جديد , يسلام لو طلع الي بسئل عليه في الماكس هحترمه بجد

[doctor3d]

انا ارى الان بعد ان فهمت الماكس ان الماكس عباره عن مجموعه مقابس متركبه فى برنامج

عليك نور ... لعلمك هي ميزة وفي نفس الوقت عيب
ميزة الماكس انه بيلم اشهر بلجنات مفيدة وبيحطههالك جوة البرنامج وبتبا معموله صح ..وده بيدي ميزة نسبيه
لكن العيب في الماكس انه البجنات دي بتقل الماكس نسخة بعد نسخة وده اللي مخلي الماكس بيفتح ابطئ وعمال يتقل

وهم عامة بيظبطوا بقالهم سنتين بيئة برمجية جديدة للماكس عشان يظبطوا ثبات وسرعة البرنامج وكانت المفروض تنزل 2011 بس اتأخرت ربنا يسهل وتنزل 2012


انا نفسي يخدوا شوية من افكار السوفت ايميج بس ويظبطوه اكتر وهيكون خرافه

بخصوص الريج في الماكس في بيبيد وفي كات ... الكات ده نظام عبقري جاي من سوفت ايميج في النسخة 2011 .. بجد خرافة .. انا بتكلم عن ريج جوة البرنامج جاهز .. وفي شركات شغالة بالكات لعلمك

انت لما هتعرف البيبيد والكات هتعرف سوق الكارتون عندنا شغال ماكس ليه
جرب بس وبعد كده احكم

ووالمايا ابن ناس مقدرش اتكلم ..والا مكنتش انا متبهدل دلوقتي مع مايا اصلا

[::ابو عادل::]

ربنا يعينك انا عتبي على السوق عندنا في مصر
بصراحه كل الشغل في مصر مبيعجبنيش بحس انه شغل مبنى على مبدأ واحد بس وهو
اقلب الزبون
مفيش ضمير في الانتاج مش عارف ليه كده همهم الفلوس بس مش النتائج

[doctor3d]

الله ينور عليك ... ربنا يصبرنا وخلاص

[::ابو عادل::]

ههههههههههههههههههههههه
بس الى متعرفوش ان السكوت علامة الرضا هههههههه
لو انا مكانك كنت عملت فيه زي ما بيعمل الواد الي بيتحدى الملل الى في مولدى افلام
هههههههههه
بتفكرنى بواحدصحبي وكان من الجيران في نفس الوقت قالي الكمبيوتر بيطلع صوت عالي فقلتله المروحه فيها مشكله فالمهم رحتله البيت وقعدت اصلحله الكمبيوتر فقلتله انتا قافل المروحه ليه الدنيا حر تخيل قال لي ايه . قالي مش انت قلت المروحه فيها مشكله فقفلت المروحه و قاعد بقالي ساعه في الحر لغاية ما انت جيت .
الواد ده انا عملت فيه زي ما بيعمل الواد الي بيتحدى الملل في مولدى افلام

فسبحان الله انا الى اعرفه انه فيه فعلا حاجه اسمها ذكاء وفيه حاجه اسمها غباء بس اتضح ليا من تجارب الحياه انو في حاجه اسمها تخلف كمان ودى بقا متوفره في السوق المصري بغزاره

[doctor3d]

هههههههههههههه
سيبك يا عم ربنا يصبرنا وخلاص
انا لغيت كلامي بس عشان الاخوة الاعداء منتشرين في كل مكان

بس ياما شفت في كل حته .. ههههههههههه

[ah_elsisi]

حلو قوي اللي انتوا عماليت تقولوه ده
ههههههههههههه
عمالين تغنوا وتردوا علي نفسكوا
سبحان الله هو في حد لسه بيقارن بين المكس والمايا اللي عايز يطلع شغل عدل ولا بتفرق معاه البرامج
المشكله في الامخاخ مش البرامج
وعلي فكره 90 في الميه من الشغل العدل الي بشوفه بيبق مكس
نادر قوي لما اشوف شغل عدل بالمايا

[omarzonex]

الماكس أقوى لمن فقط يستوعبوه صح وينتجوا اعمال احترافية صح

مش فلافل وبندورة وكوسا وخيار زي المايا الأفندي .........

[elmansy]

انا ارى الان بعد ان فهمت الماكس ان الماكس عباره عن مجموعه مقابس متركبه فى برنامج

الى قال كده احب اقله ( عليه النعمه انت راجل بتفهم ) انت جبت الفرق بينهم من الأخر ولا مقارنات ولا بتاع رغم انه عيب بالنسبه للماكس وانا مكساوى وبتضايق من الموضوع ده لكن متأكد انهم هيحلو المشكله دى يوما ما وساعتها الماكس هياكل السوق كله وبكره نشوف :d

[::ابو عادل::]

حلو قوي اللي انتوا عماليت تقولوه ده
ههههههههههههه
عمالين تغنوا وتردوا علي نفسكوا
سبحان الله هو في حد لسه بيقارن بين المكس والمايا اللي عايز يطلع شغل عدل ولا بتفرق معاه البرامج
المشكله في الامخاخ مش البرامج
وعلي فكره 90 في الميه من الشغل العدل الي بشوفه بيبق مكس
نادر قوي لما اشوف شغل عدل بالمايا

مين الى قال كده احنا مش بنغنى ليه بقا لان الغناء حرام الجاجه
التانية احنا مش بنقارن وخلاص ونقول ده وجش وده حلو احنا بنشوف هل الامكانية دى موجوده في المايا ولا هل الامكانية دى موجوده في الماكس ولا ولو كانت موجوده بتعمل ايه يعنى بنذاكر البرنامجين بصوت عالي

حبي لبرنامج لا يجعل البرنامج هو الافضل انا بشوف البرنامج ولما بتعجبنى حاجه بقلها هذه وجه نظري فقط وبتكلم بحريه ولا انتوا عاوزين تاخدوا حريتنا في التعبير عن الرئي حتى مع البرامج
طيب انا كنت وسط الامريكان وكانوا هما بيقولوا ان الافتر مش حلو زي النيوك والتوكسيك لنفس السبب وهو طريقة عمل البرنامج مش نود زي النيوك والتوكسيك
هل هذا معناه ان امكانيتهم تعبانه ومش عارفيين يطلعوا قدرات البرنامج ولا ايه دول عالم بتفهم وبسبب المقارنات دى يا حبيبي بنفهم البرنامجين اكتر

الغريبه لما بتروح تشتري عربيه بتقعد تقارن بين العربيات مع انهم برضوا بيعملو نفس الحاجه بيوصلوك لنفس المكان طيب لية المقارنه في الحاله دى مسموح

طبعا احنا المفروض منقرنش علشان احنا سرقيين البرامج دى لكن صدقنى لو هتيجي تشتري البرامج دى هتقعد تقارن لما تشبع , بس فيه مثل بيقول لما تيجي تسرق اسرق جمل وانتا بتصرف وقت قدام البرامج دى وقت غير عادى فمن حق الناس الى لسه هتشتغل على البرامج دى تعرف البرنامج

هل تعرف ان سبب دخول الماكس الى مصر المهندسيين وليس الفنانيين علشان كده خلاص بقا شيء مفروض على المجتمع ياعمى انا قلت انت مش محتاج منقله ومسطره انت محتاج فرشه الا لو انت مهندس بقا ومفيش عندك القدره على التحكم في الفرشاه

طيب سؤال يثبت لك ان احنا مش بنقارن وخلاص وانما احنا بندرس البرنامج , ليه اضافوا في الماكس التحكم بالخامات عن طريق النود مع العلم ان هذه الطريقه هى الطريقه الى بيستخدمها المايا في التعامل مع كل شيء ؟؟
طيب سؤال تانى ليه شركة اتوديسك حجم تطويرها للمايا ليس بحجم تطويرها للمكس ؟؟؟
طيب سؤال ثالث ليه شركة اتوديسك اشترت المايا اصلا؟؟
هو المفروض انك علشان اتعلمت برنامج بالعفيه خلاص تغمض عنيك عن كل البرامج التانية وتبقى مش عارف الا هو
انا اشتغلت على البرنامجيين وتقدر تشوف شغلي على البرنامجين ,,, الحمد الله احسب نفسي انى بتطور في الماكس والمايا ودى حاجه صعبه جدا على فكره
لو عندك اي اضافه منطقيه او استفسار او معلومه تجدها مثيره في المكس او في المايا شاركنا بيها وندرسها مع بعض لان ده هو الى احنا بعمله مش بقارن و اقول ده حلو وده وحش او حتى بنغنى

اتفرج على فيلم افتار وانتا تعرف ميين الي بيطلع شغل عدل وكمان اليس في بلاد العجائب وعلى فكره هما بيستخدموا احيانا برنامجين يعنى احيانا بيستخدموا الماكس والمايا في نفس الشغل وده بيفسر الى احنا بنتكلم فيه

[::ابو عادل::]

الماكس أقوى لمن فقط يستوعبوه صح وينتجوا اعمال احترافية صح

مش فلافل وبندورة وكوسا وخيار زي المايا الأفندي .........

يعنى افهم من كلامك ان المايا بعمل خيار و وكوسه زي افتار كده


هو ده نموذج عن المقارنه والتعصب العرقي لبرنامج واحد وخلاص وده مش الى احنا بنعمله يا اخ ah_elsisi

[::ابو عادل::]

انا ارى الان بعد ان فهمت الماكس ان الماكس عباره عن مجموعه مقابس متركبه فى برنامج

الى قال كده احب اقله ( عليه النعمه انت راجل بتفهم ) انت جبت الفرق بينهم من الأخر ولا مقارنات ولا بتاع رغم انه عيب بالنسبه للماكس وانا مكساوى وبتضايق من الموضوع ده لكن متأكد انهم هيحلو المشكله دى يوما ما وساعتها الماكس هياكل السوق كله وبكره نشوف :d

شكرا حبيبي

[ah_elsisi]

اولا انا مش عارف انت معصب نفسك قوي كده ليه وبعدين يا اخي ايه هي حكايه الامريكان اللي انت ماسكهلنا دي ماش ي يا سيدي هما جامدين علي عينا وعلي راسنا بس بردوا احنا ربنا مدينا عقل نفكر بيه ونقدر نفرق بين الاسهل لينا والاصعب وكل واحد في النهايه هو وقدراته وده مش عيب
ربنا خلقنا مختلفين عن بعض
يعني مثلا ربنا خلق ناس فهمها علي قدها وعايزه حاجه سهله وعايزه اقصر طريق يوصلها للي هي عايزاه وفي ناس ربنا مديها عقل كويس وبتحاول توصل للهدف باي طريقه وبتسلك في الصعب قبل السهل
نيجي للمكس والمايا اولا واخيرا الفرق بينهم مش في البرنامجين لا الفرق بينهم في اللي بيستخدموا البرنامج واللي انت شايفه سهل بالنسبالك انا شايفه صعب واللي انت شايفه صعب انا شايفه سهل
انت لو حسبتها كده هتريح دماغك وهتبطل تضيع وقت في المقارنات وتركز في انك تطلع شغل حلو بغض النظر عن البرنامج
انت شايف ان المايا احسن ماشي يا عم المايا احسن ها فين شغلك بالمايا بقي
بص انا هقولك علي حاجه كويسه قوي هتنجز الموضوع ده
هات شغل اي حد مبتدا في المايا وقارنه بشغل حد مبتدا في المكس عشان تشوف مين الاسهل وبلاش حكايه الافلام دي عشان لو فضلت اعد الافلام اللي اتعملت بالمكس مش هنخلص
واقولك علي حاجه بقي مش هتقدر ترد عليها تقدر تنكر ان 99 في الميه من الشغل المعماري علي مستوي العالم بيتعمل بالمكس
مش هتقدر طبعا
طب المكس مقتصر علي المجال ده طبعا لا يعني المكس بينافس في كل المجالات وممكن يكون الاول فيها ومحتكر مجال امعماري كله
بزمتك بقي كل الناس اللي شغاله بيه دي حمير وبيروحو للحاجه الصعبه ولا انت اللي غلط
فكر كده وسيبك بقي من المقارنات دي وخلينا نركز في شغلنا احسن

[doctor3d]

صلوا على النبي في قلبكو يا جدعان

الماكس ليه مميزات والمايا ليه مميزات وانا وهيثم دخلنا في الاثنين فبسأله ويسألني .. وسعات بنهزر بس مع بعضنا مش اكتر
التقطيع في البرامج ده وتشويه سمعتها مجرد هزار

[doctor3d]

انت مش محتاج منقله ومسطره انت محتاج فرشه

الكلمة دي بتاعة y@sser ههههههههههه
فينك يا ياسر والله واحشني الخناقات معاك في المواضيع دي

[losevar21]

مايا مايا مايا .......... برنس واستاذ برامج الثرى دى حاولت كتير على مدى سنتين فى بداية تعلمى للثرى دى انه اكمل فى المايا ولم يكن الموضوع سهلا فقلت المايا صعب وعقيم والماكس اقوى واحسن نظرا لاحساسى وبالاثبات انه اعرف انتج بالماكس حاجات كتير قوية وهعرف اتخيل بجد واخلق بالماكس وفضلت على كدة فترة واتطورت اكتر والحمد لله فى الثرى دى ولما وصلت لحالة الحب المحمومة لل Dynamics & Effects وهنا اكتشفت الحقيقة المرة بقوة انه المايا برنامج مريض باداوات الابداع والبيئة البرمجية الممتازة وليس له مثيل ...... ولكن برضو من حبى للماكس انا بحس بالغربة جوا المايا أنما جوا الماكس بحس انه انا فى غرفتى او بعبث فى درج مكتبى حاسس انه انا فى وطنى .... ده الماكس بالنسبة لى وبجد هو كل سنة بيتطور وبيزيد بقوة وبيضيف لنفسه انا منتظر معاكم الماكس 2015 (ربنا يدينا طوال العمر ودوام الصحة) هيكون المايا والماكس على خطين متوازيين وده مجرد توقع خاصة انه الماكس طالع لفوق بخطوات ثابتة ....... اتمنى اسمع أرائكم فى كلامى .......

ملحوظة : لما عرفت ابعاد امكانيات Dynamics جوا المايا وبالذات Particles & Effects متخنقتش من الماكس ودورت جوا الماكس عن البدائل والتى تساعد على تنفيذ اى خدعة او افيكت تختص بال Dynamics ..... ببساطة فى Dynamics System فى الماكس من قبل الريأكتور قوى وليه مميزات وفيه تطوير بس بسيط ويكفى انه يختلف عن الريأكتور فى Substep Solver ابسط واقوى وتقريبا بتحتاجه قليل ومع طبعا وجود (Hair , Cloth)
ودول بيتربطوا مع اى Dynamics System جوا الماكس وغيره وغيره فاعتبرت ده من اسرار الماكس انه ممكن تربط حاجات كتير ببعض ده صحيح عيب مش ميزة بس برضو بيخليه زى اى برنامج وليه مميزاته وليه اساليبه ..... ومن اهم الاساليب واقواها Gizmo من خانة Modifier-Based فى Space Warps واساليب ربطهم معروفة سواء كان بالAnimation او Dynamics غير انه Modifiers الموجودة فى الخانة دى من اقوى ادوات دينامكس ومع ربطها سواء بالParticle Flow او بغيره بتظهر فيها امكانيات الماكس اللى بابسط الادوات لما بتربطها ببعض بتلاقى اقوى ادوات البرامج الاخرى .......... أسف اذا كنت طولت بس بقول رأى ليا بقالى سنتين نفسى اقوله لاى حد ..... وياريت لو المحترفين الجامدين بتوعنا يزودوا على كلامى اللى ممكن يضاف عشان كلنا نزيد من معلومتنا او توضيح كلامى نظرا لتلافى الفهم الخاطئ ....... وشكرا