فرص عظيمة للعمل بمجال الجرافيك ولكن

[hnd]

خييير
ربنا يوفقكم
انا رحت اسئل امبارح.. بس ملحقتش السكرتيرة
كانت مشيت

[shevshenko]

Happy1@
معلومات جميله جدا
وشكرا جدا
بس هل الحجز ف اى وقت ولا ايه ؟

[Kaya]

الدراسات الحرة غير معترف بها فى التعيين
و لكن هناك شركات خاصة تتغاضى عن المؤهل اذا كان مستواك متميز و لكن تبقى المشكلة و هى صعوبة ان الترقية و ان يكون لك منصب ادارى
و تدير ناس مؤهلين اكاديميا
كما اشار البعض سيظل دورك فنى فقط

[germacran]

شكرا على المعلومات الهامة اخت Happy1@
بقى سؤال صغير اين مكان الكلية وهل يمكن الحجز فى وقت ام انها من بداية السنة الدراسية اى اننا ننتظر العام القادم ان شاء الله
ام انه ممكن فى اثناء العام الدراسى مثلا هذه الايام وشكرا لكل الاخوة الذين ساهموا فى جمع اى معلومات للعلم والله يبارك فيكم
شكرا

[losevar21]

أنا رحت يا جماعة وسائلت عن الدراسة الحرة
ألاوراق المطلوبة:صورة البطاقة بس
وهيا بمبلغ 500 جنيه ومفتوحة لكل أقسام الجامعة ال14
ولاً: قسم التصميمات الصناعية: ويتضمن الشعب الآتية: 1. المعادن.
2. الحديد.
3. الأجهزة والمعدات.
4. الخزف.
5. الزجاج.
ثانياً: قسم التصميم الداخلي:
ويتضمن الشعب الآتية:
1. التصميم الداخلي والأثاث.
2. الزخرفة التطبيقية.
3. النحت التطبيقي.
ثالثاً: قسم المنسوجات:
ويتضمن الشعب الآتية:
1. الغزل والنسيج والتريكو.
2. طباعة المنسوجات والصباغة والتجهيز.
رابعاً: التصوير الضوئي والطباعة:
ويتضمن الشعب الآتية:
1. التصوير الفوتوغرافي والسينمائي والتليفزيون.
2. التصوير الميكانيكي والطباعة.
3. اإعلان.
-----------------------------------------------كل ده حلو بس----------------------------------
ألنظام هناك أنك تدرس كأنك بتاخد كورس
يوم في الاسبوع لمدة ثلاث أشهر مدة الكورس 72ساعة

والكورس ده منغير شهادة يعنى بعد ما بتخلص مالكش حاجة عندهم
---------------------------------------------------------------------------------------------------
فيه حاجة تانيا عندهم أسمها مشروع شباب الخريجين
الاوراق المطلوبة :صورة البطاقة-صورة المؤهل-صورة شهادة الميلاد

من غير فلوس أنتا بتاخد منهم 100 جنيه فى الشهر
التدريب ده لمدة 3شهور بس هوا لازم تكون متفرغ لانه كل يوم من 10ص ل2ظ
وده بيدوك فأخره شهادة أنك تدربت عندهم
بس لما سئلتهم الشهادة دى تنفع فى الشغل ما أدتنيش عقاد نافع.
--------------------------------------------------------------------------------------------
دى كل المعلومات ألى أتحصلت عليها
وأنا مش عرفة أنا أفدتكو ولا عقدتكو

انا مش شايف حاجة عن الجرافيك خالص مع انه قسم لوحده ..... ومليان تفاصيل

[HAPPY1]

ياجماعة الحجز شغال اليومين دول
للدراسة الحرة والمشروع شباب الخيريجين والحجز كل يوم من 10ص ال2ظ
اما مكان الكلية فأنا هقلكو أنا رحتها أزاى
انا ركبت مترو الانفاق أتجاه الجيزة ونزلت محطة جامعة القاهرة
على يمين المحطة فى كوبرى للمشاه عديتو لقيت نفسى قدام باب دار علوم
خرجة ومشيت مع صور الجامعة وحودة معاه وفضلت ماشية لحد باب تجارة
وبعدين عديت الناحية التانية لقيت نفسى قدام التعليم المفتوح
سئلت هناك قالولى كلية فنون تطبيقية على نفس الصف بس قدام شوية
مشيت شوية لقيت بداية الصور بتاعهة وبعدين البوابة الرئيسية
--------------------------------------------------------------------------------------------
انا معرفش العنوان علشان كده وصفتيلكو
-------------------------------------------------------------
يا جماعة اللى يروح يحجز يقول حجز ايه وليه
ok
وانا هفضل متابعة الموضوع برده

[doctor3d]

التعليم في مصر مضروب بالنار
هو الكلية الفنية في مصر ميزتها بتديك حس فني يعني .. ومبادئ جيدة بالرسم والنسب والظل والنور حجات زي كده وبيبهدلوا الطلبة بين ازاز ونحاس وخشب ونحت ورسم وقماش .. الخ الخ الخ بيمرمطوهم في حجات معظمها ميأكلش عيش اصلا ومين بيبيع فن في البلد دي ؟

معظمه تعليم في الفاضي لكن يعلموا ديجيتال ارت فضلا عن برامج متخصصة ..مفيش وحتى لو في هتلاقوها حاجة تحت المبتدأين بشويتين

welcome to egypt

[shevshenko]

يجماعه انا بفكر احجز ف قسم التصوير السينمائى
لانى من فتره بدور على كورسات اخراج
هل فيه حد مؤيد الكليه دى
او حد يعرف اماكن تانيه ؟؟؟
وجزاكم الله خيرا

[HAPPY1]

يجماعه انا بفكر احجز ف قسم التصوير السينمائى
لانى من فتره بدور على كورسات اخراج
هل فيه حد مؤيد الكليه دى
او حد يعرف اماكن تانيه ؟؟؟
وجزاكم الله خيرا

أنا متهيئلى أن فنون تطبيقية كويسة بس موضوع الشهاده مش هيعملك مشكلة

[shevshenko]

لأ مش مهم الشهاده انا عاوز اتعلم فقط
فهل فيه حد درس ف الكليه دى قبل كدا ويعرف مستوى التدريس فيها كويس ولا نظرى بس ؟

[hnd]

التعليم في مصر مضروب بالنار
هو الكلية الفنية في مصر ميزتها بتديك حس فني يعني .. ومبادئ جيدة بالرسم والنسب والظل والنور حجات زي كده وبيبهدلوا الطلبة بين ازاز ونحاس وخشب ونحت ورسم وقماش .. الخ الخ الخ بيمرمطوهم في حجات معظمها ميأكلش عيش اصلا ومين بيبيع فن في البلد دي ؟

معظمه تعليم في الفاضي لكن يعلموا ديجيتال ارت فضلا عن برامج متخصصة ..مفيش وحتى لو في هتلاقوها حاجة تحت المبتدأين بشويتين

welcome to egypt

الكلام ده مية مية بصراحة هههههه

[germacran]

ما شاء الله على المعلومات القيمة واتوجه بالشكر لكل من ساهم معنا فى الموضوع والمناقشة وبمن توجه للكلية وسال عن الدراسة
بقى لى سؤال صغير هل هناك مجالات للعمل فى الموديلنج لا تحتاج لدراسة مثل الاجهزة الطبية او الرياضية و السيارات و بعض المعدات و كل ما يحتاج لعمل مودلنج حتى ام انه لا مفر من الدراسة

بمناسبة ذكر الموضوع اريد اريكم بعض اعمالى هى بعض تصميمات لاجنحة معارض

http://www.flickr.com/photos/40564739@N08/