سؤال بخصوص ادوات استخدمها في التكشر مع الماكس او المايا

[doctor3d]

السلام عليكم
انا على ادي في الفوتوشوب ... انا اقوم بمحاولات لعمل خامة وجه من وجه حقيقي متصور صورتين وجه وجانب
وبالفعل ظبطت الصور وتمام انا اريد اداه مثل smudge بحيث اخد بعض الاجزاء واحركها بحرية ولكن مشكلة سمدج انه بيعمل blurr وبيضيع التفاصيل
فهل من حل ؟

[firearrow2]

السلام عليكم ورحمة الله وبركاته

جرب استخدام فلتر sharpen

وهو يقوم بجعل تفاصيل الصورة أكثر حدية ويزيل أي نغمشة أو إبهام من على الصورة

وهو عبارة عن عدة انواع في الفوتوشوب : sharpen - sharpen edges - sharpen more - smart sharpen
وأنصحك ان تستخدم smart sharpen لأنه يتيح لك تحكما أكثر في التفاصيل

كما يمكنك أستخدام أداة sharpen tool التي توجد أسفل أداة paint pucket tool
وتفيدك هذه الأداة إذا أردت ان تجعل جزء معين من الصورة حاد دون غيره من أجزاء الصورة

اتمنى أن أكون قد أفدتك اخي في هذه المشكلة وأتمنى لك التوفيق

[doctor3d]

شكرا اخي لكن انا مشكلتي انا لا اريد اضيع التفاصيل ثم احاول اظهارها فيما بعد بفلتر شاربن

المشكلة ان سمدج بتضيع التفاصيل خالص
انا عايز اداه تشبه سمدج في الاسلوب بحيث اعرف احرك بيها اجزاء الصورة لكن لا اريد في نفس الوقت التفاصيل تضيع لان عمرها ما بترجع تاني زي الاول وانا جربت

[Inass]

ممكن تجرب أداة clone stamp .. استعمل فرشاة دائرية بالحجم الذي تريده و غير في الhardness بقيمة 0 تحصل على نتيجة جيدة بالدمج

[::ابو عادل::]

كنترول +تى وبعدين كليك يمين واختار وارب اي خدعه

[vortexx]

السلام عليكم
انا على ادي في الفوتوشوب ... انا اقوم بمحاولات لعمل خامة وجه من وجه حقيقي متصور صورتين وجه وجانب
وبالفعل ظبطت الصور وتمام انا اريد اداه مثل smudge بحيث اخد بعض الاجزاء واحركها بحرية ولكن مشكلة سمدج انه بيعمل blurr وبيضيع التفاصيل
فهل من حل ؟

لو عايز حلول داخل فوتوشوب
ممكن تستخدم liquify tool من filer menu
او ممكن warp transform

أنصحك تستخدم mudbox مع فوتوشوب فى ال texturing.

[vortexx]

ملاحظه بسيطه لو عايز تحصل على texture جودتها كويسه والتفاصيل رائعه عن قرب بلاش تستخدم الطريقتين اللى ذكرتهم سوى على مناطق لونيه بدون تفاصيل زى الشعر او الندبات او المسام أو الحبوب لأن لازم هيكون فيه distortion ولو بسيط، لكن لو عايزتطلع شغل نضيف قص المنطقه كلها وانقلها بنفس ال scale والمنطقه اللى اتقصت الزق عليها جزء من منطقه اخرى لو حتى من صوره اخرى او لونها يدوى.

never mess with the scale even with little pixels

[doctor3d]

الله يبارك فيكم ..ايناس وهيثم وفورتكس .. على الطرق المتعددة
سؤال بسيط warp دي ممكن تتقسم اكتر من 9 اجزاء ؟

ملاحظه بسيطه لو عايز تحصل على texture جودتها كويسه والتفاصيل رائعه عن قرب بلاش تستخدم الطريقتين اللى ذكرتهم سوى على مناطق لونيه بدون تفاصيل زى الشعر او الندبات او المسام أو الحبوب لأن لازم هيكون فيه distortion ولو بسيط، لكن لو عايزتطلع شغل نضيف قص المنطقه كلها وانقلها بنفس ال scale والمنطقه اللى اتقصت الزق عليها جزء من منطقه اخرى لو حتى من صوره اخرى او لونها يدوى.

never mess with the scale even with little pixels

فعلا دي احسن طريقة فعلا .. انا هلون الحواف للمناطق الاساسية بالزيبرش علشان اظبط عليها وبعدين هشتغل عليها بالقص واللزق عشان تطلع مظبوطة
شكرا اخي فورتكس

شكرا يا اخوة ويا اخوات وان شاء الله الكركتر المنيل ده يخلص ده طول اوي ولما اي حاجة بتطول كده ممكن تقع مني اصلا مكملهاش
يارب يخلص

[::ابو عادل::]

بالعكس لما تطول تظهرلك افكار اكتر وتتعلم فيه حجات كتير

فكر بإيجابية