تويت
السلام عليكم ورحمة الله وبركاتة
بدئنا الشغل فى أول مشروع
وهنا كل المعلومات والتعليمات والقوانين والشروط وتوزيع الشغل الكتبها عمر منصور الليدر بتعنا
أى حد مشترك لازم يقرأ الكلام ده كويس
.................................................................................................... .......................
كتب بواسطة عمرو منصور الليدر تيم
صباح الخير
إزيكم يا شباب .... طبعا إنتم أكيد عارفين المشروع الإحنا كنا بنحضرلة بقلنا فترة ... وأنا مبسوط جدا إن إحنا بنعمل المشروع ده مع بعض .
أنا عايز بس أقولكم على حاجة .. إحنا إخترانا المشروع ده لأسباب كتير أهمها إن الوقت بتاعة قصير مش هيعملنا مشاكل كتير ... فكرة المشروع سهلة ومش هتتعبنا أوى .
ليه مثلا مقولناش هنعمل حاجة واقعية متعملتش قبل كده فى السوق ؟!!!
خلينا نكون صرحى مع بعض مفيش حد فى الشرق الأوسط عندة تجربة شغل أفلام cg كاملة لأن إحنا معندناش خبرة كبيرة أوى فى الموضوع وكمان فى ناس لسة مستواها مش عالى .. نصعب على نفسنا فى التفكير المظبوط .. إن إحنا نعمل كذا مشروع صغير مع بعض مستوى المهارة يعلى وناخد الثقة وإن شاء الله نكمل المشروع ده على خير وكلنا نستفيد منة إن شاء الله .
طبعاً الفات ده كلمات تشجيع .. ندخل بقى على المشروع
أسم المشروع : المكروباص
فكرة المشروع : فكرة البروجكت بدور حولين تعب مواطن مصرى فى ركوب المكروباص علشان يروح بيتة .
إحنا معانا كراكتر واحد أساسى البدور حولية الأحداث وخمس شخصيات فرعيين (support and cpmpars) الموضوع سهل ومفهوش مشاكل .
أنا كنت عملت رسم للشخصيات وللـقصة المصورة ( storyboard ) وعملت رسمة للبيئة بصو عليهم هما هادين جدا .
وده إن شاء الله أسماء الناس الأساسية الشغالين فى المشروع :-
character modeller :- بلال سعيد
rigger :- أحمد عادل . على حجاج . أم مأمون
enviroment artist :- محمد محسن
model sheet :- شريف ناجى
lighting artist :- كريم مدحت
animator :- محمد مهران . أم مأمون
art director and microbus modeller :- علاء محمد
طبعا البيئة ده هتكون زى العشوائيات الموجودة فى مصر زى مثلا منطقة القلعة وطبعا يا محمد محسن لازم تصمم زيادات على الرسمة وبالنسبة لتصميم الشخصيات يا بلال فى فيلم أسمة trio de bellville ياريت تحملة وتبص على الكراكتر عامل إزاى لو إحنا أربنا للشكل ده ناحية التشكيل أو التشريح يبقى كويس بسفى نفس الوقت نحافظ على شكل الكارتون.
وبالنسبة لكريم الأضائة عايزين نقرب من shading and lighting بتاع شخصية فيلم dispicable me علشنا تقريباً نفس الجو بتعنا لما الدنيا بتبقى ظهر والشمس طالعة .
طبعا أحمد عادل وعلى حجاج وام مأمون الــ rigging يكون فيه controllers وسهل على الأنميتور .
والأنميتور أهم حاجة الــ التوقيت والوزن (timing and weight) ومش شرط تلتزمو اوى بالقصة المصورة (storyboard) لو لقيتو حاجة مضحكة أعملوها بس أهم حاجة نحس بوزن الكراكتر .
علاء عايزين نعمل مكروباص زى بتاع الهرم ده بس نعملة بشكل كارتونى هحاول أجبلك حاجة وأرسملك مرجع (refrenc)
قواعد لتحويل المهام :-
1. الرجاء التمسك بالجدول الزمنى .
2. تسليم الشغل الخاص بك فى الوقت المحدد .
3. إعطى تعليقات بنائة للشغل .(مش تخدل مثلا وتقول مش عاجبنى وتسكت إنت كده مفتهوش بحاجة)
4. الأبداع فى عملك .
نصائح مهمة لسير العمل جيد :-
1- topology and uv نظيف .
2- تسمية أعمالك .
3- تسمية lights and shaders وكذلك ملفات texture تكون مرتبة .
4- إلى محمد محسن ..خليك إبداعى فى شغلك متستناش إن حد يقولك على حاجا وتعملها خد أنت البدايا وجيب مراجع أقعد أشتغل وأعمل شغل حلو مش لازم حد يديك تعليمات خليك إبداعى وفنان .
5- riggers الرجاء إعطاء الــ animators شغل ممتاز .
6-animators يصورو مرجع لنفسهم بيمثلو المشهد .
7-الوقت فى مفاتيح توقيت التحريك يبقى مظبوط عشان يورى وزن لكل شخصيا وكمان يبقى مضحك
8-لــ كريم مدحت يحاول يعمل جو فى المشهد يبقى فى ألوان بتديك إحساس بالمشهد يعنى لو فى حاجة رخمة يزرق الألوان شويا ولو فى حاجة أكشن يحمر الدنيا وهكذا يعنى تلعب بالألوان .
9-شريف ناجى .. لازم التبولجى بتاع الميكروباص يكون نظيفة على الأخر مربعتا كلها .
10-لكل من يريد أن يشترك فى أى جزء فى العمل يكلم المسئول عنة وهو يقولة يعمل إيه .
11-عدم إرسال أى ملف للعمل لأى حد غير المسؤال عنة أو لى .
12-مراعاة إن إحنا شغالين بأكتر من برنامج فيكون صيغة الملف المروفوع obj لتشتغل على كل البرامج .
وللجميع الرجاء مشاهدة هذا الفيلم
http://www.youtube.com/watch?v=Npro9kjyaJk
طبعا مفهوش الإبهار والجودة بتاعة pixar المرعبة بس الفيلم ده قصتة حلوى وفيه إحساس عالى .
شكرا
عمر منصور
تعليق