اعلان شركة باتلكو البحرينية إخراج إحترافي

[MDKX]

اعلان شركة باتلكو البحرينية وطريقة تصويره.اخراج وتصوير على طريقة افلام هوليوود الامريكية شغل خطير جدا

الإعلان
http://www.youtube.com/watch?v=qvl7k...layer_embedded

خلف الكواليس
http://www.youtube.com/watch?v=DEluA...layer_embedded

تحياتي

[dyf]

http://www.maxforums.net/showthread.php?t=189072
http://www.maxforums.net/showthread.php?t=187394

[::ابو عادل::]

اولا الف مبروك على الشركه لكن لما تفرجت قلت معقوله العرب وصلوا للمرحله دى

لكن لما شفت الميكنج اوف قلت
صح كده شركه امريكيه هي الى عامله الاعلان , مش عرب يعنى هما الى عامليين الشغل

طبعا اكيد الشركة دافعه مبلغ رهيب للشركة المنفذه
والله مأساه بجد والواحد بيقول مش لاقي شغل ليه في البلاد العربيه ,علشان مفيش اعتماد على كوادر عربيه في تنفيذ الاعمال

مفيش ثقه اصلا للشباب العرب ولا تشجيع

والله يا اخوانى انى لا اجد اهتمام للشباب العرب الذين يهتمون بالجرافيك الا هنا في المنابر

اما خارج المنتدى فلا احد يعلم يعنى ايه جرافيك او ثريدي اصلا

والله الواحد احبط بجد من البلاد العربيه واولهم بلدي

انا فكرت افتح مركز جرفيك في مدينتى التى اقيم فيها (الفيوم) : تدريب, تصميم , تبنى الشباب
لكن اصحابي قلولي اوعى تفكر حتى في الموضوع ده و لو عاوز الموضوع ينجح جيب حلة فول مدمس تحت المركز ووزع فول مدمس مجانى و مع كل ساندوتش بروشور بيتكلم عن الجرافيك علشان تعرف الناس المركز بيعمل ايه وبعد كام سنه هتلاقي الناس بتيجي تسأل يعنى ايه جرافيك


الغريبه ان الشركات بتاعت الجرافيك عاوزه يكون فى الديمو رييل بتاعك شغل زي ده ولو سئلتهم المرتب بتاعهم كام يقلك 3000 جنيه طيب تيجي كيف هو انا اصلا اشتغلت لسه علشان اعمل شغل زي ده وحتى لو قبلتونى واشتغلت معاكم هل تعتقدوا ب 3000 جنيه هيكون فيه حاجه في الديمو ريل بتاعى قويه

الديموا رييل بتاعى نتيجه مجهودات فرديه اما شوف الشغل الى شوفتوه في الاعلان ده كام واحد عامله دا غير الناس الى مظهرتش خلف جهاز الكمبيوتر هتتوقعوا ازاي نعمل حاجه زى دى لوحدى وحتى ولو عملت جروب زى كريزي تييم والله شباب زي الورد لكن فيين المقابل المادى الدافع الحقيقي
تقول انا بحب المجال وبتعلم يقلك انتا لسه هتتعلم تقلهم انا اعرف اشتغل على المايا يقلك لازم ماكس تقلهم انا اعرف ماكس وده شغلي يقلك لازم خبره طيب هاتيجي منين الخبره من غير ماتشغلونى شغلونى شهر وشوفوا ييجي منى ولا وبعد كده اطردونى لو منفعتش يقلك لا شكرا احنا عاوزييين خبره 3 سنوات

حسبي الله ونعم الوكيل

لكن لو ليا معارف وعلاقات او سارق حاجه اجنبيه جامده ولازقها فى الديموا رييل زي ما الواحد ما بيشوف كده فى القنوات الفضائيه كان زمانى شغال

الشباب عاوزه تعمل حاجه لحبهم للمجال لكن للاسف الشباب لوحدهم دون دعم

وفي الاخر بنلوم الشباب انهم متعرفيين على اصدقاء سوء او مدمنين او عامليين علاقات مع بنات
انتوا عملتوا ايه للشباب انتوا ضيعتوا اكبر طاقه عندكوا هباءً

والله اعرف واحد مطلوب منه يعمل 4 عماير وكافتريا ومطعميين وحديقه بينهم ثريدي تخيل بكام 750 جنيه

والغريبه انوا عامله الرسم المقطعى الافقى ببلاش كمان علشان الزبون ميضعش منه

حسبي الله ونعم الوكيل

المجتمع عاوز الشاب الفهلوي (الحرامى ) مش عاوز الشاب الذكي الطموح الى عاوز يتعلم .

حسبي الله ونعم الوكيل

[إبن يس]

إجراااااااااااام

اولا الف مبروك على الشركه لكن لما تفرجت قلت معقوله العرب وصلوا للمرحله دى

لكن لما شفت الميكنج اوف قلت
صح كده شركه امريكيه هي الى عامله الاعلان , مش عرب يعنى هما الى عامليين الشغل

طبعا اكيد الشركة دافعه مبلغ رهيب للشركة ....

هنعمل أيه بقه .. هى جت عالجرافك .... ما كل حاجة خربانة

[MDKX]

سوري على تكرار الموضوع ... ما أنتبهت لوجود الموضوع مسبقاً
تحياتي

[omarzonex]

والله كلامك يا أبو عادل هو ده عين الصواب


لازم نعمل تجمعات جماهيرية شتى بقاع ارض العرب


عشان نفهمهم ايه يعني جرافيك وايه يعنى هواية وبعدين أحتراف

الناس الأيام دول نايمين بسابع نومة ولا يصحى من غفلته ......

الأ اذا احنا أصلاً عملنا دعايات يومية للشعب العربي ككل

كل يوم 2 او 3 أشخاص بتابعوا الدعايات ديه بأستمرار وبعدين يقولوا لأصحاب أصحابهم أنه توجد مهنة حلوة اوي تكسب من وراءها ذهب والماس ..........

اكيد بعد الدعايات ديه حيفكروا انهم يشتغلوا صح في برامج الجرافيك ديه

ولكن أهم شئ بدنا ناس مسؤولة عن توزيع اجهزة الكمبيوتر ببلاش عشان ما يطفشوا من الدفع

وبالسنة الواحدة بس تلاقي أمامك 100000 شخص موهوبين بالجرافيك والديزاين مع التعليم بأستمرار دون ملل ....

[M.Show2y]

عايز تفهمنى انك سافرت امريكا تتعلم وفى الاخر مش لاقى شغل

[::ابو عادل::]

اه مش لا قي

[::ابو عادل::]

اخر شركة عملت فيها مقابله كانت شركة طارق راشد الى بيقولوا عليها بتهتم بالكوادر رحت اعمل مقابله وريته الشور يل قلى جميل جدا قلت اشطه اشتغلت قلى نعملك بقا امتحان قلت ومالوا راح فاتحلى الماكس وانا كنت لسه معرفش فيه الا اسمه
المهم صقت بمتياز مع مرتبة القرف وقلتله بص انا شغال مايا انتا مقرتش السيفي ولا ايه راح عض على شفايفه وقلي مايا قلتله بس نتعلم الماكس عادى قلي قدامك اسبوع ورحت بعد اسبوع بس سقت بردوا بجداره اسبوع مكنش كفاية ليا
المهم انا فاكر وهو قاعد بيتفرج عاليا وانا بصقت تانى جاله واحد شغال عندة اظاهر انه بيشتغل زي برش فابيقله انا لقيتلك حتة بلج بيشغل الماكس مع الزي برش ايه حلاوه وجه يقول اسمه نسي اسمه وقعد يغلط فى الاسم فقلتلوا جو زي كل الى في القوضه بصولى بصه (احتكار ) زي الفل وانا ماشي قلتله انا عارف انى سقطت بس انا محتاج شهر انا عارف التكنيك من المايا بس هى الادوات عاوزه تمرين بصلى كده وعمل حركه براسه كده معناها لا (كان الامتحان ريندر)
وانا مع نفسي حبيت اثبت لنفسي انى كنت صادق معاه وده شغلى في الماكس بعد شهر http://www.maxforums.net/showthread.php?t=189579

[M.Show2y]

ربنا يستر علينا شكلنا هنعمل زى تونس والجزاير
ربنا يوفقك ان شاء الله وتلاقى شغل
على فكرة فى مجلة اسمها الوسيط شركات الجرافيك بتحط فيها اعلانات عن شغل

[benaissadz]

::ابو عادل:

كفيت ووفيت و ما خليت شيئ نتكلم عليه صحيح جهد جبار في الفيديو و لا اضن انه صعب على المصممين العرب لو بيكون فيه فريق كبير و صبووور انا حسب خبرتي القليلة في هاذ المجال الى انني اقول ان المشكل في العرب اننا دائما لا يعطونا وقت لكي نقدم الافضل ياتيك زبون يقولك تصميم دعاية او انترو مثلا فيه 1 دقيقه سواء ثريدي او 2 في اسبوع او اسبوعين مين راح تجيب الافكار و كيف تجهز وقتك و تحافظ عليه و كيف تخطط للفكرة و من يساعدك و حسب ضني لو يكون فيه فريق مثلا
كل شخص لديه مجاله واحد ثريدي مودلينج و الاخر يعمل اضائة لانه اختصاصه و الثالث بيعمل تكسترينج و بعدها فيه شخص اخر للكومبزيتينج و المؤثرات مش شخص على الاقل شخصين لان مثل برنامج الافتر محال تتقن كل ما فيه يجب ان يساعدك شخص اخر في اوامر البرمجة او اوامر اخرى مثلا التراكينج كنترول و تصحيح الالوان و فيه اشخاص اخرون مصورون و مونتيرات مونتاج فيديو

و يكون الراتب كافي لملئ الجهد المبذول لهاذ الناس لهاذ البشر المصممين ........

اضن ستكون اعمالهم قويا و اعمالهم غاليه جدا جدا جدا و لا تنسى ايضا راحة المصمم و متطلباته من اجهزة و برامج

و مكاتب سيكون الامر ممتع لهم و لا يحسون بضغط كبيييير سيبدعون في العمل و في نفس الوقت مرتاحين من ناحية العمل

و الصحة و الراتب يجب حتى الكرسي الي يقعد فيه يكون يريح لانه انسان مفيد ..........................

انا فقط قلت كلمتي سلام .....................

[benaissadz]

ربنا يستر علينا شكلنا هنعمل زى تونس والجزاير
ربنا يوفقك ان شاء الله وتلاقى شغل
على فكرة فى مجلة اسمها الوسيط شركات الجرافيك بتحط فيها اعلانات عن شغل

عملنا ذالك في الجزائر ليس على شأن المعيشه الغاليه فلا أضن بنسبة 80 /100 بل عملنا ذالك لأن الدوله فاشله كل الشباب لا يعملون و بلدنا غني يزيدون في اشياء اساسية مثل الزيت و السكر و بلدنا غني عندنا البترول و الغاز و الذهب عندنا اموال كثييرا كلها تذهب اختلاس يوميا تسمع مدير دائرة الاسم الفلاني قام باختلاس اموال الدوله 12 مليار سنتيم يارب استرنا فيه ناس ليس لديها سكن و بعدها بعد شهر او شهرين تسمع مدير الدائرة الاسم الفلاني خرج من السجن يا رب استر .........و الشباب بدون عمل و لا مال و لا مستقبل 90/100 من الشباب بدون مستقبل في الجزائر رغما اننا نحب بلدنا و نموت على بلدنا الغالي لكن لا نحب من فيها ...........

[benaissadz]

معليش سؤال من الاخوة في رايكم كم سيكون مبلغ هاذ الفيديو الاحترافي ......................ارجو الاجابة