موضوع: مصرى يشعل النار فى نفسه امام مجلس الشعب

ردود: 12 | زيارات: 1173
  1. #1
    Quality Manager
    صور رمزية medo3d
    تاريخ التسجيل
    Nov 2007
    المنطقة
    بلاد الاسلام
    العمر
    34
    ردود
    4,720

    مصرى يشعل النار فى نفسه امام مجلس الشعب

    القاهرة :على طريقة الشاب التونسى محمد بوعزيزى الذى أشعل النار فى نفسه وتسبب فى إشعال ثورة شعبية أسقطت نظام الرئيس المخلوع زين العابدين بن على، قام مواطن مصرى يدعى عبده عبد المنعم جعفر بإشعال النار في نفسه صباح الاثنين أمام مجلس الشعب بشارع القصر العيني وسط القاهرة ، وهو يردد هتافات معادية للسلطات المصرية

    .


    فاكر الشعب هيعمل معاه زى تونس
    يابنى انت فى مصر ابقى قابلنى


  2. #2
    عضو متميز
    تاريخ التسجيل
    Jun 2009
    العمر
    25
    ردود
    1,678
    هي بقت موضه ولا أيه ..
    أدينا مستنيين ايه اللي هيحصل ..

  3. #3
    Quality Manager
    صور رمزية medo3d
    تاريخ التسجيل
    Nov 2007
    المنطقة
    بلاد الاسلام
    العمر
    34
    ردود
    4,720
    اقتباس الموضوع الأصلي كتب بواسطة fla5hy معاينة الرد
    هي بقت موضه ولا أيه ..
    أدينا مستنيين ايه اللي هيحصل ..
    ولا حاجه
    البلد هتعمله كشك سجاير علشان يامن مستقبله

  4. #4
    اقتباس الموضوع الأصلي كتب بواسطة medo3d معاينة الرد
    ولا حاجه
    البلد هتعمله كشك سجاير علشان يامن مستقبله
    ولا دي اخي البلد مش بتعمل حاجة مهما حصل
    كده مش هياخد غير ذنوب
    كن نقيا تصفو لك الحياة

  5. #5
    تامر: شفت تونس؟
    وائل: شفت
    تامر: ايه رأيك
    وائل: ناس جامدة
    تامر: انت عارف ابتدت ازاي؟
    ......وائل: شاب عنده 26 سنة أخدوا عربية الخضار بتاعته, اتخنق وولع في نفسه, راحت الناس كلها سخنت
    تامر: طب ما تيجي نفكر ازاي نعمل الموضوع ده هنا
    وائل: أنا شغال, بس عايزين حاجة كده زي الولد بتاع عربية الخضار ده برضه


    تامر: انت ممكن تولع في نفسك عشان مصر؟
    وائل: لأ طبعا, وأصلا حتي لو عملتها مش هفرق مع حد غير أهلي
    تامر: طب ممكن نولع في مين؟
    وائل: ايه رأيك أولع في أمي يوم عيد الأم؟
    تامر: في واحد الريدي قتل أمه وهي بتصلي قبل كده عشان 50 جنيه, الناس مش هتتأثر قوي, عايزين حاجة قريبة من الناس


    وائل: طيب ايه رأيك نولع في كشري التحرير
    تامر: اتعملت قبل كده, لازم حاجة تأثر علي الناس المفكرين


    وائل: تيجي نولع في الاوبرا؟
    تامر: قديم قوي انت يا مان, ولعت قبل كده, عايزين حاجة ليها معني سياسي


    وائل: خلاص لقيتها, نولع في مجلس الشوري
    تامر: يابني انت فاقد الذاكرة؟ ما النواب ولعوا فيه من كام سنة, عايزين حاجة برة القاهرة, وتوصل وتسمع مع الناس المثقفين


    وائل: بص بقي هي دي, احنا نولع في قصر الثقافة
    تامر: يابني ارحم أمي بقي, ما ولع في بني سويف قبل كده, فكر في حاجة توحد طوائف الشعب


    وائل: لقيتها
    تامر: قول
    وائل: احنا نولع في كنيسة
    تامر: ايه التقليد ده, ما دي بيعملوها كل سنة الريدي, بقت أنيوال ايفينت خلاص, وهيقولوا اللي عملها متخلف عقليا, عايزين حاجة جديدة


    وائل: طيب ايه رأيك حد فينا ينتحر في ميدان عام؟
    تامر: أ*ة بقي ما تجمع شوية, ما لسة واحد دماغه نضيفة سبقنا وراح منتحر من كام شهر عشان معهوش فلوس يتجوز البنت اللي بيحبها, ومفيش بني أدم اتحرك, الحاجات دي أخرها الاخوان المسلمين يعملوا بيها فيديو مع كمانجة حزينة ويحطوه علي يوتيوب
    عايزين حاجة الناس بتتأثر بيها كل يوم


    وائل: بس خلاص, استني استني
    تامر: قول يا زفت
    وائل: تيجي نولع في قطر؟
    تامر: دولة قطر؟
    وائل: لأ قطر, قطار يعني من بتاع الركاب
    تامر: انت طلعت عين أمي, ما لسة قطر العياط مولع, ده من كتر القطورات اللي بتولع الناس بقت بتستني علي شريط القطر عشان يعملوا باربيكيو
    وائل: طب يا مان ما كل حاجة كدة الريدي ولعت
    تامر: مش عارف, تفتكر ايه ممكن يولع عشان الناس تسخن؟
    وائل: مش عارف, سيبني أفكر, انت هتعمل ايه دلوقتي؟
    تامر: ها أعدي علي دينا نروح نتعشي وبعد كده سينما, بس فاضي باليل, انت هتعمل ايه؟
    وائل: هاروح موبينيل أدفع الفاتورة, وأبص علي أي فون 4, وهاروح لا بوديجا مع سارة
    تامر: طب كلمني لما تخلص نروح نلعب طاولة

    وائل: خلاص قشطة, وكلمني بكرة بقي عشان نكمل موضوع الثورة ده

    منقوله
    على رأي اللي قال ... فاكر نفسه في تونس!

  6. #6
    هههههههههههههههههههههه الحوار بتاع تامر و وائل ده مسخره خالص و عجبتني قوي الحتة دي ( ده من كتر القطورات اللي بتولع الناس بقت بتستني علي شريط القطر عشان يعملوا باربيكيو ) دماغ خالص اللي كتب الحوار ده .

    أما عن الناس اللي بتحرق نفسها دي فأكيد انها عارفه ان دا كفر
    ومش همها الا انها تحصل علي شهرة وبس.

  7. #7
    مشرف منبر اطراف الحديث
    صور رمزية ALSWEEDY
    تاريخ التسجيل
    Dec 2004
    المنطقة
    بين أجاء وسلمى
    ردود
    7,075
    الموديل المصري لن ينجح لان ظروف البلد تختلف عن تونس وعن بلدان اخرى

    ... مثلا لو احرق 100 شخص بانفسهم في العراق فلن يستقيل المالكي

    ولو احرق شخص بنفسه في الخليج لخرجوا المشائخ والعلماء وعنفوا هذا الفعل ... وقالوا هذا سفيه مجنون دايركت

    الى جهنم وبئس المصير .

  8. #8
    Quality Manager
    صور رمزية medo3d
    تاريخ التسجيل
    Nov 2007
    المنطقة
    بلاد الاسلام
    العمر
    34
    ردود
    4,720
    اقتباس الموضوع الأصلي كتب بواسطة omar saad معاينة الرد
    هههههههههههههههههههههه الحوار بتاع تامر و وائل ده مسخره خالص و عجبتني قوي الحتة دي ( ده من كتر القطورات اللي بتولع الناس بقت بتستني علي شريط القطر عشان يعملوا باربيكيو ) دماغ خالص اللي كتب الحوار ده .

    أما عن الناس اللي بتحرق نفسها دي فأكيد انها عارفه ان دا كفر
    ومش همها الا انها تحصل علي شهرة وبس.
    فعلا الحوار جامد
    بس انا عاوز اقول ان احنا الايام دى احسن مية مره من الايام اللى انتصرنا فيها فى 73
    دول كانوا حبة خنافس والبنات كانوا اخر مسخرة

    حاجه كمان المنتحر مش كافر ياجماعه
    والانتحار فى حد ذاته ليس كفرا
    اه اسباب الانتحار ممكن تخلية كفر لكن الانتحار فى حد ذاته ليس كفرا

    بقولك ايه ياعمر
    ماتيجى نولع فى الاهرامات !!

  9. #9
    عضو متميز
    صور رمزية HX6
    تاريخ التسجيل
    May 2009
    المنطقة
    سوريا\حلب
    العمر
    30
    ردود
    2,375
    ما تيجو نولع البوتجاز و نعمل بيض مقلي أصل انا جعان قوي مش فطران و لا متغدي و على لحم بطني من الصبح.

  10. #10
    عضو نشيط
    تاريخ التسجيل
    Jul 2009
    المنطقة
    • من الأرض
    ردود
    899
    اقتباس الموضوع الأصلي كتب بواسطة medo3d معاينة الرد
    بقولك ايه ياعمر
    ماتيجى نولع فى الاهرامات !!
    خدوني معاكم نولع في الاهرامات !! ^_^ ياحبي لك يا ميدو أحبك فالله
    سبحان الله و بحمده . سبحان الله العظيم

  11. #11
    Quality Manager
    صور رمزية medo3d
    تاريخ التسجيل
    Nov 2007
    المنطقة
    بلاد الاسلام
    العمر
    34
    ردود
    4,720
    اقتباس الموضوع الأصلي كتب بواسطة ZAIZOOM معاينة الرد
    خدوني معاكم نولع في الاهرامات !! ^_^ ياحبي لك يا ميدو أحبك فى الله
    تعالى ياعم
    وابقى هات ولاعه معاك اصلى مش بدخن
    احبك الذى احببتنى فيه

  12. #12
    مشرف منبر Web Design
    صور رمزية dlb
    تاريخ التسجيل
    Mar 2008
    المنطقة
    .:M:.
    العمر
    21
    ردود
    4,813
    لا حول ولا قوة الا بالله
    والله خلينا مسترين احسن
    w w w . MAXFORUMS . n e t

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل